#رشة_عطر

بارت7

#رشة_عطر
بقلم :  فاطمة الهادي
الحلقة (7)

  كنت قلقانة  من رد  فعل الولد لما يشوفني خصوصاً أنو اتقابلنا  قبل كده ، كنت متدعية الهدؤ واللامبالة عشان مازن ما يغير رأيو
وصلنا للمكان القاعد فيهو
سلمنا عليه وبقيت الف وأدور حول الموضوع
الولد  قام على حيلو  وضرب الطربيزه
_ من الصباح شغالة تلفي وتدوري صاحبتك أنا ما غصبتا وكل شي حصل بينا كان برضاها وموافقتا وبراها بتجيني في البيت عشان ما تجي تعملي لي موضوع ، عرس ما حأعرسها عشان كده شوفي ليك شغلة غيري  وأنت يا مازن  ما تحشر أنفك في الما بخصك يكون أحسن ليك يلا مع السلامة نورتو
مازن وقف على حيلو وعاين لي بحرقة من غير ما ينطق  طلعنا من البيت  يد ورا ويد قدام 
_ عاجباك المهانة دي ياريم !؟
خلاص كده إرتحتي الراجل ما باقي ليهو إلا يضربنا
_ مازن كفاية ياخ الحصل حصل حبال الأمال العندي كلها اتقطعت  ،  وما بيدي  شي غير أركز في  قرايتي  وسنة ثالثه
نجلاء  كنت بتصل عليها  احيانا عشان أعرف أخبارها ، وفاء مخيف من ناحيتي لنجلاء
وزولها  الخبر الوصلني قالو سافر  لبلد أجنبية بالسمبك

(الشهادة والعمل الطيب )

إمتحانات الشهادة دقت الأبواب وإمتحنت و كان  جواي  خوف عميق   لأنو   مرحلة الثانوي  حتنتهي بعد أعرف نتيجتي   والشخص كل ما يكبر .  المسؤوليات   بتزيد وبتكبر  معاهو   و مفترض أحدد سكتي والتخصص العاوزاهو  بس  أنا تايهة وما عارفة نفسي ماشه  وين ...
في  يوم   مازن  أتصل علي و طلب يقابلني  فرحت   وقلت خلاص أخيراً
عاوز  يبوح بمشاعرو  لي  واساساً هو بكون  منتظرني أخلص تالتة
وكمية من الأحلام  الوردية  الكنت راسماها
_  ياريم  أنا الليله  عندي ليك خبر  حلو    شديد وعارفك حتفرحي لي    طبعا زي ما عارفة  إنتِ أختي الصغيرة عشان كده مفترض اني كان اقوليك  حسيت بالصدمة حتكون قوية
" أنا خطبت  فريدة "   وان شاءالله زواجنا قريب 
والله  اتحطمت عدييل وحسيت نفسي حأبقى وحييدة حاسه بأنو  وهم الحب الانا خاتاهو من ناحيتو بدأ  يتساقط   كيف حصل؟ ولشنو يخطب !؟ وكيف قلبو يسمح ليهو بوحده غيري   
قال لي مالك  متعجبه ومندهشة كده
انا خطبت فريدة يا ريم  
كنت متمنية يكون ده حلم
ما عارفه الحصل علي شنو
كل  الخصال حقت الطيبه  العندي دي  بقت مطموسه بالحقد والكراهيه لدرجة اني قررت  امشي لفريده  دي  وادمر حياتها  عارفه ده تصرف  غلط بس  الحقد بعمي البصر و البصيره  قلت ليهو بإنكسار وحزن الله يسعدك  ومشيت   على كده  وما عارفه شيطان نفسي  بزين لي  في شنوو
مرت  اسابيع  وأنا بجمع معلومات عن فريدة ولسة  ما خاته خطوات واضحة ناحيتها  بس اي كان الخطوات دي حتكون شريرة
كل يوم كنت بحاول برقمي الجديد في تلفون أمي بس يا خسارة ما كان بترد   ما عارفاها مالها   على الاقل صوتها كان  ممكن يشيل عني هموم  كتير
من  الصباح جات مكالمة لهبه من الصادق ولد زياد
قال لينا  والدتكم  جاها تسمم  وهي مرقده في مستشفى (الزيتونة)
على طول مشينا للمستشفي
لقينا زياد بره  ونظراتو  لينا مستفزه وتصرفاتو وافعالو  كأنو طاردنا واكتر  حاجة غضبتني لما قال
لينا انتو الجابكم هنا  شنو  !! 
كأنو  المخلوقه دي ما والدتنا     قلت ليها لو انت زوجها نحنا أولادها وبعدين دا ما بيتك
أكتر زول رحب بوجودنا  ولدو  الصادق  كان بحاول يطمنا عليها   .
لمن لاقيت امي  سلمنا  عليها  قلبي  قرب يتشق من الشوق بس  اتظاهرت بالبرود  واللامباله  وانو
جيتنا دي  اداء  واجب ليس  الا ..
حسيت  بنفسي قاسية  لكن ببساطه اتجاهلت الشعور   ده 
  اليوم    مر   علي   خير  والحمدلله  الوالدة بقت  بخير  وقت  كنا  راجعين البيت   لمحت  فريدة خطيبه مازن وقررت  أني  لازم  ابعدها من مازن وما اخليها تتهنى

#يتبع