مابينَ حُبي وحبكَ فَناء || فناء الروح

مشهد

#مابينَ_حُبي_وحبكَ_فناء

#للكاتبه_النعيميه

#النعيميه

Alnaimi_oo

__________________

يرى الانسان نفسهُ عجوز حينما ينضرُ لأشخاص مِن نفس عمره يتراكضون في ربيع الحياة يملأهم الشغف، وهو منطفىء ، منطفىء جداً .💔

مشهد من قصه

بديت افتح بعيوني داشوف شنو حوليه وراسي  موتني من الوجع ودايخه كلشش
بديت اركز اني بغرفه ظلمه بس اكو ضوء خفيف من جوه الباب كعدت اتذكر اني شجابني هنا اخر شي اذكر اني خلصت محاضرات ودارجع للبيت واحد صاحني من وره التفتت عليه خله شي ع حلكي وبس
بعد ما اذكر شنو الي صار  بعده...

كعدت ابجي واعيط واصرخ وآدك ع باب اريد احد يجي عليه ماكو ماعرف بيش ساعه ولا اني وين ولا منو الي جابني وشيريد مني
اني ماعدي عداوة ويه احد ولا بعمري
اذيت احد...

كعدت افكر وابجي واشهك ع حظي هسه امي واختي بيا حال من حيشوفوني مراجعه للبيت سوده عليه ماما هسه تتخبل عليه يربي فدوه اني شسويت وهيج تعاقبني...

ضليت اعيط عسى ولعله احد يجي يشوفني
اشوف خطفوني ومحد اجه عليه كال هاي شبيها تعيط... نوب من غبائي همه خاطفيني ع اساس يهتمون بشنو احس صدك غبيه اني

ماعرف شكد مر وقت واني هنا حته تعبت من البجي وماعرف شلون غفيت مره لخ كعدت ع حركه ع بنطروني

ما احس اله مردان بكد اصبعي يمشي عليه كعدت اعيط بكل علو صوتي بحيث نبح صوتي وابجي وانفض بهدومي حسيت راحن فكمت وحشرت نفسي بزاويه وره شويه نفتح باب الغرفه ودخل رجال طويل القامه بس ممبين اي شي من شكلة لان ضوه صاير بظهره ف هو يشوفني اني ما اشوف بس خياله..

وكفت جان يتقدم بتجاهي اني كمت ارجف
جان يلزم ركبتي ويخنكني ويكول شوفي الي كلتي عليه عار شحسوي بيج يا ساقطه

..... يتبع

في مكان آخر

جنت دامشي بالسيارة وطاكه روحي وضايج
اول مرة هيج تشغل بالي بنية نوب زعطوطه وشايفه نفسها ومتكبره مادري هي طبيعيه واني لان كل بنات يركضن وراي وهي لا حسيتها هيج اخ ام خشم يابس
شبيه لهدرجه افكر بيها فد شخصيه اني الف وحده تتمناني وتتمنى رضاتي وخرت الأفكار عن راسي وركزت خرب اني شجابني ل منطقتها جني بالمسلسلات وكبل اجتي ع بالي اغنيه

يم داركم صدفه واخذني الشوك من يم داركم
والتمت بروحي المحنه واشتهيت اخباركم

وكفت قريب ع بيت وافكر وصافن ع بيتها اوف هسه شدسوي نايمة لو كاعده و وره شويه شفت امها طلعت من بيتهم راحت للجيران ودخلت الهم ونست باب البيت مفتوح..

هنا عبالك عرس صار عدي كبل نزلت من السياره بدون تفكير ولا حسبت حساب امها ولا حسبت حساب اذا احد شافني شيصير و يجوز امها ترجع بسرعة بس شسوي اريد اشوفها خبلتني من دون البنات
دخلت وسديت باب الشارع اخاف امها ترجع وجان اشوف ........

......... يتبع

#مابينَ_حُبي_وحبكَ_فناء