#مابينَ_حُبي_وحبكَ_فناء
#النعيميه
#Alnaimi_oo
نساني اللي سكن قلبي اسير الروح يا يابه
شسولف اني شرد احجي شفت الويل بغيابه
ابوس ايدك تعال ارجع حزينة العين بس تدمع
اسئلك يا بعد عمري هجرك شنهو اسبابه
اضل ابجي عليك و ادمع و كولن اوف يا يابه
البارت 44 والأخير
____________________________________
لمحت ميثم من بين العالم ومن بين
المزيقه الي ادك والناس الي تركص بالشارع
اجتي عيني بعينه جان لابس اسود
من فوك ليجوه ولحيته طولانه بيضه
وشعره ابيض ولازم جكاره بايده
متغير حيل... احسسس دخت
وخفت وكمت ارجف هذا شجابه
يربي يريد يخرب عليه عرسي
اوف يربي خلصني... كوه لزمت
دموعي ما اريد انزلها وما اريد
احد ينتبهه عليه
يوسف جرته امه من ايده
وكامت تركص ويا
بالشارع ومزيقه دك حولينا واني
بغير عالم خايفه حيل اجتي عليه روان
نجمه هاي شبيج وجهج اصفر كركم
_روان موجود هذا
شبيج نجمه شدتحجين منو الي موجود
_ميثم هنا
عزااااا صدك وين شفتي
_ باعي داخل السياره السودة العاليه المظلله الي ع يسره
.. احجي وارجف
ايا طايح الحظ هذا صدك سكط وماعده اخلاق شكو جاي بعرسج لو يريد يسوي مشاكل حروح اكول لسراج عليه حته يطيح حظه
لزمتها من ايدها وكلت
_روان شبيج تريدين تسوين عركه بالعرس
خلي نجاهله بالكت يعدي اليوم ع خير
ومتصير مشاكل
نجمه لازم نوكفه عند حده تره زودها حيل
شنو ماكو رجال يوكف عند حده
_روان الله عليج سكتي
ماشي حياتي حسوي الي تردي بس
هدئي شويه كافي ترجفين
... راحت روان واجه يوسف عليه لزمني من
ايدي... صعدوني بالسياره وصارت الزفه
شفت ماما وخالتي صعدو بساره سراج
ويركصون ومطلعين أسد من جامه يركص
بس صدمه شفت السياره الي ركب بيها
ميثم هم من ضمن زفه... اني هنا روحي
ساحت كلت هاهيه حتصير عركه
طول طريق اقره إيات قرانيه
ويوسف كاعد بصفي يسوق ومشغل اغاني
ويركض وكل شويه سيارة واحد من أصدقائه
توكف يمنا ويسولفون ويضحكون واني
اله شويه ابجي
لحد ما وصلنا للفندق اني مشاهده
صعدت فوك للغرفة اني وامي وخالتي وأمه
وروان وطول طريق احمد ربي واشكره لان
عداها ع خير
أنت تقرأ
مابينَ حُبي وحبكَ فَناء || فناء الروح
Romansaما بين كل ألم في روحي انت صانعهُ ومابين كل دمع سقط من عينيٍ انت سببهُ ومابين كل اه وجع نطق بها لساني انت فاعلهُ فَ في النهايهِ اريدُ أَن اقول لك انَ #مابينَ_حُبي_وحبكَ_فناء لا تحكم ع القصه من مجرد اسم او غلاف ادخل بين طيات وثنايا قصتي لتعرف مابها من...
