مابينَ حُبي وحبكَ فَناء || فناء الروح

بارت 26

#فناء_الروح

#النعيميه

#للكاتبه_النعيميه

@Alnaimi_oo

يخيعونچ لگيتي الما ينام
الليل كُله لخاطر عيونچ .

البارت 26

____________________________________

كعدت من النوم ماعرف شكد نمت واحس روحي دايخه
من باوعت ع ساعه طلعت ب 12 ظهر
... معقولة نمت كل هل وقت!! واني محاسه
بعدين كمت ادور عليه بعيوني بالغرفه ماكو
هو ولا سمعت صوت مي بالحمام.....
كمت طبيت سبحت وغيرت ملابسي وخليت عطر ...

نزلت للمطبخ لكيت ام وسام موجوده

صباح خير

_هلا بنتي صباح نور

شوكت جيتي خاله

من 8 حبيبيتي

هااا زين

خاله مشفتي سراج

_يي كعد من صبح اتريك وطلع
وكال خلي روان تحضر نفسها  ب5 حته ياخذج للطبيب

يي خاله شكرا

_بنتي جوعانه اسويلج رويك
لو اسوي الغده ع سريع لخاطرج

بكيفج

_بنتي انتي شعاجبج اني اسوي

سويلي ريوك خاله لعد بس اريدج تاكلين وياي
لان اضوج اكل وحدي

_من عيوني بنتي ولو ماكله اني
بس مرح اردج

تريكنه عادي ومشه يوم طبيعي
ام وسام راحت لبيتهم ب 4
وره ما خلصت تنظيف وطبخ وسوت اكل
خلته الي بالثلاجة كالت خاف تجوعين
بالليل  وماكو اكل طلعي احمي واكلي

.....
واني رجعت سبحت وبديت احضر نفسي
لطلعه الطبيب

وصدك اجه سراج ب 5 العصر
لا اني حجيت ويا
ولا هو طول طريق ساكتين
والهدوء سيد الموقف
وكل شويه اباوع عليه واركز بملامح
اريد اركز بي واشبع من شوفته
خاف انحرم منه

كلشي بي يعجبني كشكل
عيونه خشمه لحيته كلهن احبهن
كل الي يسوي بيه والي سوى
بس كلبي ميريد يكرهه
يحبه ويطي أعذار
لتصرفاته الغلط حته هجرة الي
وخياناته المستمرة والنسوان
وطريقه الاعوج والشرب
كلبي يطي عذر
ويكول لان مجانت عده اسره دافيه تحتوي
طلع انسان بهل مواصفات القاسيه
واني اقنع بنفسي بهل كلام !

وصلنه للدكتوره
نزلني وراح حجز النه
ضلينه ننتظر دورنه
لحد مصاحت اسمي ودخلت اني وهو مقبلو يدخلو
وياي بس ماعرف شنو راح حجه وياهم ودخلوا

ضلت دكتوره تسئلني واني اجاوب ورها
نومتني ع سديه وطلعت بطني وخلت سونار
وسراج بس يباوع عليه اكلني بعيونه
بس احس قلق وخوف بعيونه
اكيد ع طفل مو عليه لان هذا هو
الي يهمه