مابينَ حُبي وحبكَ فَناء || فناء الروح

بارت 1

#مابينَ_حُبي_وحبكَ_فناء

#للكاتبه_النعيميه

#النعيميه

Alnaimi_oo

الغَرض من الكلام أحياناً ليسَ الفِهم، بل الرَغبه في التخلص مِنه

البارت 1

____________________________

كعدت الصبح مثل كل يوم ع صياح ماما عليه وعلى نجمة حتى نتريك ونروح للدوام

اني روان الأخت الجبيره عايشة اني واختي وامي... ابويه متوفي ونصرف من الراتب التقاعدي مالته حالتنه ماديه مقبوله لان احنه منصرف هواي وماما كلشش انسانه تعرف أدبر بالصرف وابد متخلينه نحتاج الأحد واحنه هم بدورنه اني واختي ابد منبذر بس ع الأشياء ضروريه والحمدلله عايشين بيت ملك مال بابا الله يرحمه مو إيجار وهذا شي كلشش فرق عدنه لو كاعدين إيجار جان هسه احنه متبهذلين عمامي وعماتي منشوفهم ولا يشوفونه وره موت بابا بس بالأعياد ومناسبات وقليل هم عدي خاله وحده هي عبير اموت عليها وخالي واحد حسن وحبابين اثنينهم بس هم كل واحد ملتهي بحياته وعده عائله مو بحالنه واحنه هم مو بحال احد سادين بابنا علينه وعايشين....

اني ادرس مرحله ثانيه انكليزي مستوايه وسط بالدراسه لا شاطره كلش ولا كسلانه كلش عكس اختي نجمه كلشش شاطره وذكيه وتلكفها بسرعة

شكلي طبيعي مو فائقه الجمال لا عاديه شعري لحد ركبتي اكرهه الشعر طويل لان مابيه امشط وافكك الشعر وره السبح....
هيج مرتاحه وهو قصير
طولي وسط وجسمي متناسق
وعيوني لا كبار ولا صغار بس حلوات
الي يميزني عدي شامات ع ركبتي يخبلن بس محد يشوفهن لان محجبه اني

كعدت بالكوه اكرهه كعدت الصبح كلش
شفت نجمه جاي تراجع امتحانها

روان: صباح الخير

نجمه:صباح النور

كمت غسلت ورحت للمطبخ

احلام الام. صح النوم عيني روان الخط حيجيج يحظي لج شوكت تتحملين مسوليه هسه هاي اختج مو تكعد من وحدها

نجمة: خطيه ماما الليل كله تقرأ روان لذلك تكعد شويه متأخر

الام: خوب انتي نجمه موضفيج محامي
لروان خانم

روان. يمه يا صباح يا عليم يا فتاح يا كريم
شعليها كعدت صبح بالمسؤولية اني نومي ثكيل شوية... مهم ماما خلتريك واركض ابدل ما الحك بعد

الام. الله يسهللكم

بدلت واجه الخط عليه ونجمه راحت مشي للمدرسه لان قريبه علينه

نجمه

اني نجمه اخت روان الاصغر طالبه سادس إعدادي عمري 18 سنه شاطر واحب دراسه اريد اصير دكتوره حته بالمستقبل اساعد امي واحسن من وضعنه المادي ف خاله عقلي بالدراسه كلش وقافله ع طب خاصتا هل سنه اريد أشد حيلي واضمن الطب شكلي حلو بيضة عيوني كبار وشعري طويل وطولي وسط بس مو مرتبه مثل روان
روان حيل انيقه وتهتم بنفسها عكسي