ساره القبيحه

3

Part 3

رنيم : زي ما تارا قالت....احنا لازم نبات مع بعض....طلاما كلنا مع بعض هي مش هتقدر تقربلنا

ضي : هنبات في بيت مين؟؟

رنيم : بيتي

فوجدت رنيم چيسيكا صامته...

رنيم : انتي كويسه؟؟

چيسيكا و هي تبكي : انا أسفه....كنت فاكره أن دي كدبه

تارا : الاسف مش هيفيد بحاجه....اللي حصل حصل خلاص... و احنا دلوقتي لازم نحل الموضوع ده قبل ما حد يِضَّر

ضي بقلق : عندك معلومات تانيه عنها؟؟

چيسيكا : معرفش حاجه تانيه

ضي بتوتر : طب هنعمل ايه دلوقتي؟؟

رنيم : هنروح بيتي و ننام و لما نصحى هنشوف هنعمل ايه

تارا : و يا ترى ساره دي هتسيبنا ننام و لا نرتاح حتى؟؟

رنيم : يعني انتوا عندكوا حل تاني؟؟

فأومأ الجميع سلباً..

رنيم : يبقى ده الحل الوحيد

ثم تحركت بالسياره... و عندما وصلوا..

رنيم : انا و تارا هنام في اوضة الضيوف و انتوا هتناموا في اوضتي

★★★★★★★★★★★★★★★★★★

في منتصف الليل..

الجميع كانوا نائمين...

ضي استيقظت فشعرت بالعطش...فذهبت إلى المطبخ لتشرب المياه....فشعرت بأن ساره خلفها...فنظرت خلفها فلم تجدها..فذهبت مسرعه نحو چيسيكا..

ضي بتوتر : چيسي....چيسيكا

چيسيكا و هي نائمه : اممم

ضي بتوتر : انا حاسه ان ساره هنا

چيسيكا : مفيش حاجه...سيبيني انام بقى

فجلست ضي بجانب چيسيكا ثم سمعت صوت لحن ما...

ساره و هي تعزف على الكمان و تغني : لاي لاي لاي لاي لاي لاي

ثم ضحكت بصوت عالٍ..

ضي بتوتر : چيسيكا

چيسيكا و هي نائمه : امممممم

ضي بتوتر : سمعتي اللي انا سمعته؟؟

چيسيكا : مسمعتش حاجه...دي تهيئات

ثم سمعت الصوت للمره الثانيه...

ضي بتوتر : اهو....اسمعي

چيسيكا : مفيش حاجه صدقيني.... سيبيني انام بقى..مش كفايه من نومة الأرض اللي تكسر الجسم دي

ضي : طب خلاص اطلعي انتي على السرير

چيسيكا : و انتي؟؟

ضي : هنام مكانك