غرور رجل و عناد امراه

البارت الاول

مرحبا ... اليوم راح نبدي باول بارت وبخصوص النشر ان شاء الله بكل وكت فراغ انشرلكم احتمال ايكون كل يوم واحتمال انشر باليوم اكثر من بارت واحتمال كل اسبوع يعني ماكو وقت محدد ودعمكم يشجعني وطبعا استقبل جميع التعليقات...
يلا نبدي...
ام  غلا : يالله غلا گومي الساعه بثمانيه.
غلا : گمت ماما گمت.
ام غلا : يالله بسرعه راح اگعد سيف وارجع اشوفج گايمه
غلا : اي ماما گمت
راحت ماما واني كمت غسلت بالحمام الفوك ولميت شعري ونزلت شفت سيف وعسل وماما وبابا گاعد يتريگون بالصاله
غلا : صباحووو
الكل :صباح النور
رحت جبت كوبي المفضل وجيت گعدت يم بابا
غلا :ماما الله عليج صبيلي جاي
ماما : جيبي الكوب
اخذت الكوب صبتلي جاي وكعدت اتريك قانون بالبيت ممنوع الكلام على الاكل المهم كملنه ريوك بابا راح لشغله لان بابا عنده سوبر ماركت وسيف گاعد على التلفون بالصاله واني اغسل مواعين الريوك وعسل اتنضف البيت وماما تعصر طماطم للشته ههه اي ماما تعصر الطماطمه وتضمها بالمجمده وبالشته اتطلعها خلصت المواعين اخذت تلفوني وكعدت يم سيف بالصاله راسلت شهد
غلا :هلو حبي
شهد : هلا بيج حياتي
غلا : شلونج
شهد :طايح حظي بالشغل ماما مسويه ثواب لبابا وكالت اعزميهم كلهم
غلا :الله يعينج حبيبتي نجي اني وعسل نساعدج
شهد :لا والله خطيه اتعبكم بس كولي لاهلج معزومين يمنه
غلا : اوكي عيني تدللين
شهد : تسلم عيونج غلاوي
غلا : اخذي راحتج حبي
شهد :بيباي حب
غلا :الله وياج
رحت كلت لماما كالت اي شويه واروح كلنه وانتي روحي بدلي رحت كلت لعسل اتحظرنه وماما هم لبست عباتها وطلعنه اني جنت لابسه فستان بينصل لون بنفسجي غامق وشال بيجي وحذاء رياضي لون بيجي ومرطب ومسكاره وعسل فستان ماروني وشال وحذاء لون اسود رحنه شفنه فهد وسيف بالباب هذا سيف گايم يخلص يومه يم فهد بيت جدو  مادري شنو سالفته المهم اجه فهد سلم على ماما وعسل واني ماسلم عليه عاد اني ولااهتميت گبل فتت جوه والله وجه الطاوه شكد مكروه شفت شهد عطت
غلا : شهوده حياتي انتي
شهد :غلا يروحي
سيف : وجع ولج غلا شنو هل صوت (بصياح)
غلا باوعت شفتهم واكفين ورانه هوه وفهد وماما وعسل عفته ورحت باوست شهد وهاي بس اتعيط
جان يصيح بيها فهد بعصبيه
فهد : ولج شهد كافي لو نفس ماسمعلج
شهد : اوكي (ببرود)
عفناهم وصعدنه فوك وطگينه ايد بايد
شهد،غلا:هههههههههههههه

اني وشهد نفس الخبال عدنه كعدنه ضلينه نگص بسيف وفهد بالنص ساعه جان اتكول شهد
ش

هد : گومي غلا اروح اشوف ماما هسه يجون بيت خالو

غلا: امشي
نزلنه لگينه الكل بالاستقبال
غلا وشهد : السلام وعليكم
الكل : وعليكم السلام
فاتن (زوجة خالو داوود) : شلونجن بنياتي
شهد وغلا : هلا بيج خاله
باوسناها وسلمنه على خالو
خالو : شلونجن امهات لسان 
شهد وغلا : زينات الحمد لله
خالو : هههه خوش
غلا وشهد :هههه
انس : شلونجن بنات عمتي
غلا وشهد : زينين
علي : شلونكم بنات
غلا وشهد : الحمد لله تمام
كعدنه اني يم سيف وبصفي شهد همه يحجون واحنه بس نسمع
كال بابا : عسل بنيتي اريد مي
عسل : اي بابا
راحت عسل وراها كام علي اني وشهد افتهمنه راح وره عسل كمنه نضحك كالو شكو
غلا : ماكو شي
شويه واجه علي كعد واجت عسل بس عبالك باجيه اتفاجات باوعت لشهد افتهمتني عسل انطت مي وراحت رحنه وراها اني وشهد شفناها گاعده بغرفة شهد وتبجي
غلا : شبيج عسل ليش تبجين
عسل : حظنت اختها وكالت والله تعبت وزادت بالبجي
شهد : شكو عسل احجي
غلا : شبيج حبيبتي
عسل : راح اموت والله بعد ماتحمل راح اموووت ..
كسرت گلبي اول مره اشوف عسل تبجي نايمه بحظني واني اقره آيات القرآن الحافظتها
ضلينه اني وشهد گاعدين باوعتلها شفتها نامت اشرت لشهد وطلعنه
شهد : كسرت خاطري خطيه
غلا : اي والله طبعا هذا علي هيج خلاها تبجي
شهد : زين هوه شسوالها حتى اتكوم تبجي
غلا : والله مادري خلي تكعد و نسألها
شهد : امشي امشي
نزلنه جوه سأل بابا عن عسل كتله نايمه سال عنها كتله يمكن مصخنه شوي اباوع على علي لونه انخطف وبعيونه نظرة حزن  بعدين صبينه غده وكعدنه ناكل سمعت خالو صاح بعلي
خالو : لك علي ميصير تلعب بالاكل هيج
علي : ها اي يابه ان شاء الله
خالو : اكل بابا اكل
خلصنه اكل شلنه المواعين للمطبخ وبدينه نغسلهن اني وشهد نغسل ونحجي  خلصنه المواعين رحنه شفنه الكل نايم بس سيف وفهد على تلفزيون گاعدين على التلفزيون كالت شهد
شهد : غلا تعالي نكعد يمهم
غلا : هههه انتي خبله لو مخبله
شهد : شبيج يولي امشي خلي انروح نكعد يمهم والله ضوجه وهذا الفلم من ذاك الاسبوع اني انتظره
غلا : تمام
رحنه كعدنه يمهم گال سيف : خير ان شاء الله
شهد : هوه اليشوفك يشوف خير
هاي خبله شلون حجت هيج وياه هذا خبل ميتفاهم
گبل صاح بيها
سيف : ادبسز اكوم اگص لسانج والله
شهد:اي مواني تايهتلك اصلا انتھ.قاطعها فهد بهدوء
فهد : كافي شهد اسكتي
شهد: اي والله طبعا هذا سيوف اتسكت العشيره علموده واني ولا عبالك اختك .
صاح بيها فهد : كومي ولي منا لج والله اكوملج
سيف : شبيك يمعود عوفها
شهد : بعد بعد اتمسكن سوي روحك فقير ومؤدب
راد يحجي سيف بس فهد صاح بشهد
فهد : شهددد
شهد كامت تبجي وراحت فوك اني طول هل عركه ساكته ماحجيت شي بس احس شهد محمله على اخويه اجه علي من بره شايل جكارته عاد اني رحت وره شهد فوك لكيتها مغطيه ونايمه هيه جذب گاعد تبجي باوعت بالجهه اللخ عسل هم نفس الشي
غلا : هههههههه معقوله هذا الحب هيج يسوي ..
حجيت هيج هنه اثنينهن رفعن الغطه وباوعلي بعيون مدمعه بعدين وحده باوعت بوجه اللخ
وباوعن عليه وكالن بنفس الوقت
شهد وعسل : اكيد لا
غلا وشهد وعسل : ههههههههههههه
غلا : كومن غسلن وتعالن احجن شصاير وياجن
شهد وعسل : تمام
راحن غسلن واجن كعدن يمي كلت
غلا : اي تفضلي انسه عسل احجي
عسل : خلي شهد تحجي اول
غلا :لا انتي احجي شنو السبب خلاج تبجين
عسل : علي هوه السبب
شهد : مثل ماتوقعنه
غلا : شسوالج حتى تبجين
عسل : اوووف من اجو همه جنت احجي ويه خاله فاتن وهوه سلم اني ما منتبهه لا خاله كالت بنيتي ترى علي سلم عليج وما رديتي التفتت حتى اسلم عليه شفته واكف يحجي ويه سيف عفته اجه انس سلمت عليه وكعد انس ينكت مثل ماتعرفونه انتو راحت السالفه كعدنه نسولف من اجيتو سلمتو بابا دزني على مي رحت اجيب مي گاعد اخلي مي من الثلاجه سمعته يحجي وراي التفت شفته واكف يم الباب ويحجي
علي : بالله ليش مارديتي السلام
عسل : مسمعتك
علي : وانس
عسل : شبي انس سلم علي ورديت السلام
علي : يعني انس سمعتي واني ماسمعتيني ليش لانو انس صوته مميز ومفضل بالنسبه الج
عسل : هاي شبيك انته خبل شهل حجي گاعد اكلك ماسمعتك
علي : وجعي منو خبل اني مو بسيطه الج
عسل : العالم البخيلك اركبه
ردت اطلع سد الطريق
عسل : اذا ممكن اريد اروح
علي : شوفي هلمره راح اعديها الج بس والله مرت الثانيه اذا تحجين هيج ما تلومين الا نفسج
عسل : والله انته خبل ومو
بعدني مكملت حسيت بحرارة الكف على وجهي
علي : گاعد اكلج لتحجين هيج وترجعين تحجين نفس الكلام انتي شنو
عسل : انته واحد حقير وطول عمرك راح اتضل حقير ومعقد ...كلت هيج دفعته وطلعت
غلا : هذا خبل شلون يضربج ليش مرجعتيله الكف
شهد : غلا شبيج خبله شلون تضرب رجال
عسل : خلي يولي هوه دائما يدخل بلبسي وبتصرفاتي الا اوكفه عد حده بسيطه
شهد : لج بابا هذا كلش عصبي عوفي يمعوده
عسل : الله كريم
غلا : والله اني اكول علي ايحبج وگاعد يتصرف هيج
عسل : خاب دولي ياحب هذا من طاح حظ هيج حب شهد : اني هم اكول علي ايحبج
غلا : واني اكول سيف هم يحبج
شهد : حبته حيه ام سبع روس
عسل وغلا : هههه ولج هذا اخونه
شهد : اي والله صدك ليش هوه ميشبهجن
غلا : بس كليلي ليش متحبينه
شهد : مكروه ومغرور وشايف روحه
غلا : والله اظن هذا اخوج مو اخويه
شهد : همه نفس الشي
عسل : اي بس علي يختلف عنهم
احنه عفنه الحجي وصفنه بوجه عسل وهيه هم صفنت علينه بعدين ضحكت وكالت
عسل : هههه لا مو نفس تفكيرجن بس اقصد هوه هادئ
غلا : وصلت الفكره ،، كملي شهد
شهد : وبكلشي مدخل اتوقعو ذاك اليوم لانو اجه وشافني كاعد يم هيثم ابن خالو داوود جان يشرحلي ايكول شعندج كاعده وياه وبعد جان كعدتي بحظنه وليش الا هوه يدرسح ومن هلحجي بس اني كتله كتله يعني كتله
غلا : شبيج احجي شگلتيله
شهد: احم كتله لانو اني احبه
غلا : شهكت عزا بعينج
عسل: ولج شمسويه انتي
شهد : اهئ اهئ والله هوه ضوجني بكلشي مدخل نفسه..
شفتها كامت تبجي صدك انقهرت عليها
عسل : زين هوه شنو گال شنو سوه
شهد : ضرب الباب و گال اشوف شلون راح اخليج اتحبينه يانذله ردت احجي عافني وراح
غلا : والله اخويه واگع ومحد مسمي عليه
عسل : واليوم شصاير
شهد : هوه من هذاك اليوم كام ميروح من يمنه ليل نهار سيف هنا وميحجي وياي وبس يعارك بيه ومن احجي فهد ايحط روحه ويسكتني وكتلني القهر
غلا : حبيبتي كل هذا صاير بيج ومتحجين
شهد : اووووف اووووف
عسل : اي بس غلا ماعدها مشكله
غلا : عوذه من عيونج يا حسوده خلي احل مشاكلكم اول شي
شهد : بنات كافي نكد ومشاكل امشن خلي ننزل
غلا : اي والله دوختني
عسل : وهوه منو الاجه ايدور سوالف حب وعشك ام كفشه
غلا : اسكتي يا خبله
شهد : ههه جهال والله
غلا : هاي ايمته كبرتي شو ماعرفتج
الكل : هههههه
نزلنه جوه گاعدين بالصاله كلهم رحنه كعدنه اباوع اكو نضرات حقد ونضرات حب ونضرات ازعاج الى اخره واني ومستمتعه بالمنظر حسيت احد واكف بصفي رفعت راسي شفته علي اشرلي للمطبخ وراح كمت رحت وراه كال
علي : غلا بدون لف ودوران اريد احجي ويه عسل
غلا : من عيوني بس ليش
علي : بعدين تعرفين اني اخوج وكاعد اطلب منج لاترفضيني
غلا : من عيوني بس مو تاذيها
علي : معليج انتي
غلا : اغير رئيي ترى
علي : ول دروحي عاد
غلا : ههه اوكي
رحت واجه وراي علي كعدت يم شهد وحجيت وياها اتفقنه ناخذها بالحديقه
غلا : عسل امشي اروح بالحديقه اني وياج وشهد
شهد : اي والله
عسل : يالله امشو
رحنه بالحديقه دزيت شهد على مي طولت اشوي كلت
غلا: راح اروح اشوف شهد وين وارجع
رحت شفت علي اشرتله بايدي هوه افتهم ثواني وطلع رحت كعدت يم شهد هاي بس تصفن
غلا : راح اروح اجيب تلفوني بالمطبخ وارجع
شهد : اوكي
رحت جبت تلفوني من المطبخ من ردت اطلع صار بوجهي فهد وخرت عن اتجاهه اشو هذا وكف كدامي وسد الطريق بوجهي
غلا : فهد ممكن اتبعد اريد افوت
فهد : شعندج ويه علي وشراد منج هوه

لهنا يكون خلص البارت الاول ... ولا تنسون التصويت راح يشجعني علنشر اكثر

في امان الله