غرور رجل و عناد امراه

البارت الرابع

مرحبا..

طولت الغياب تراني بفرگتك حسره
اتانيك وانتظر واحب واشتاك
والبگلبي مايعلمه غير الله

غلا :رجعت للبيت شفت ماما كاعده وحدها بالمطبخ اتخابر بخالتي يسرى سلمت عليها وصعدت للغرفه غيرت ملابسي ونزلت اتوضيت وصليت اجه بابا
ابو غلا :السلام عليكم
غلا وام غلا :وعليكم السلام
ابو غلا :شلونج بابا
غلا :زينه الحمد لله
ابو غلا :شبيج بابا ضايجه
غلا :بابا ليش الصبح ماوصلتني انته
ابو غلا :ليش صاير شي
غلا :لا بس هذا فهد كلش مزعج
ابو غلا :لج بابا خطيه الولد گال اني اوصلها بطريقي وراد يسوي زين
غلا :عادي بس تره بعد ما اروح ويا
ابو غلا :نحنو اسفون يا اميرتي
غلا :ههههههههه قبلت اسفك ياحظرة الوالد
ام غلا :هههه تعالو اتغدو
رحنه اتغدينه وسويت جاي وغسلت المواعين ورحت نمت
كعدت الساعه اربعه ونص اتوضيت وصليت ومشطت شعري سويته ضفيره صفح و رفعت كذلتي بف و نزلت جوه لگيتهم گاعدين ياكلون كيك وجاي
غلا :مساء الخير ياقوم
الكل :مساء النور
سيف :ولج ليش اتصيحين
باوعتله صفح ورحت كعدت بصف بابا وبابا وعسل ميتين ضحك عسل كالت
عسل :غلاوي الله عليج تذوقي كيكتي
غلا :يروحي بدون ما اكلها اكيد طيبه
عسل :شكرا حبيبتي
سيف :والله يالله وحده اتجذب ع الثانيه
غلا :انجب اصلا هاي عسوله منو مثلها بس انته اتغار
كلت هيج وهذا كمز من مكانه صاح بي بابا
بابا :اكعد يول عيب عليك
سيف :يابه الله عليك خلي اكتلها
بابا :ارجع بمكانك يول
سيف :بسيطه غلا والله الا اگصلج السانج
غلا :هوه انته نفس ذاك فهيد متعرفون بس اتصيحون وتخبلون بروحكم
سيف :انجبي يولي فهد يسواج ياجلبه
غلا :والله والله هذا فهد هوه خبلك
صاحت ماما :- كافي غلا تره فهد ابن خالتج وماكو منه وخوش ولد
غلا :اي والله ماكو منه ابد بحيث الصبح كلكم ايدتو وخليتوني ابدل واني يوميه اطلع هيج واليوم يالله انتبهتو من كللكم فهد
ام غلا :هوه لانو خايف عليج كالج بدلي
غلا :اني عندي اب هوه يخاف عليه محد اله دخل
صاح بابا بعلو صوته :كافي اسكتو كل واحد بمكانه
الكل سكت وسيف رجع كعد بمكانه والله خبلوني فهد فهد وين ماروح بكلشي حاط نفسه شكد غثيث ويجيب المغثه والمشكله ماما وسيف يتخبلون اذا احجي عليه كمت جبت كوب جاي ورجعت صدك الكيكه طيبه
غلا :واااو عسوله الكيكه اتجنن
عسل :بالعافيه
وسيف يباوع صفح بابا كال لسيف :سيف اليوم لازم اتروح وياي للمحلات لانو ذوله العمال خابصين الدنيا
سيف :ليش احمد وين
بابا :يمعود هذا احمد اخذ اجازه وراح امه مسويه عمليه والعمال ياهو اليجي يسجل وخابصينها خبص
سيف :يالله اليوم ماعندي شي مهم اروح وياك
بابا :يالله اني رايح
الكل :الله وياك
راحو بابا وسيف للسوبر ماركت وماما راحت على جدو لانو شويه مريض وصاعد السكر
وعسل راحت تقره واني هم صعدت اقره
لليل الكل انجمع واتعشينه اني مادري ليش بالعشره نعست ونمت
كعدت ثاني يوم على صوت ماما بالسبعه غسلت وصليت الفجر وشربت جاي وصعدت بدلت ورحت لشهد دكيت الباب ماكو احد فتحت الباب وفتت للصاله شفت بيبي وخاله يسرى وفهد وشهد بس الصدمه هوه سيف الكاعد بصف فهد وماخذ راحته شنو ذوله مسويها يوميه على واحد
غلا :صباح الخير
الكل :صباح النور
بيبي :هلا بنيتي
رحت بستها من راسها غلا :شلونج بيبي
بيبي :على الله ،تعاي جده اكلي ويانه
غلا :لا بيبي لازم اروح للمدرسه بس اتخلص شهد
شهد :انتظريني بس البس حذائي واجي
غلا :كملي ريوك عادي انتظرج
شهد :لاخلصت
راحت شهد تلبس حذائها التفت على سيف
غلا :انته شسوي هنا
سيف :وانتي شعليج
غلا :ننن (اعيب عليه يعني)
شهد :يالله غلا
غلا :يالله گود باي
الكل :الله وياج
رحنه اني وشهد وطلعو سيف وفهد حتى يروحون للكليه
فهد :تعالو اصعدو انوصلكم
رادت شهد اتروح لزمت ايدها وكفت كتلهم
غلا :لا شكرا انحب نمشي
سيف :وين تمشين تعاي ويانه يالله
غلا :لا يعني لا
سيف :وجعا تعالو اصعدو بسرعه يالله
غلا :اوووي شكد مزعج راح اصعد وياكم
بس حتى تسكتون
فهد : يالله عاد مبقه وكت
صعدو همه كدام واحنه وره وسيف يسوق مع انو هيه سيارة فهد بس ياربي شكد حجو صدك دوخونه اخر شي صحت بيهم
غلا :هيي ترى احنه البنات مو انتو كافي تحجون من الصبح
فهد :وجع
سيف :ولج سم اي والله ليش تصيحين
غلا :وجع وسم بگلبكم كافي لتحجون
سيف :انتي شلون بيج وبلسانج
غلا :والله محد كاللكم تاخذونه وياكم
فهد :ساعة السوده
غلا :ساعة السوده هيه الساعه الشفتك بيها
سيف :غلااا
سكتت عنهم لانو ادري بيهم مخابيل والله وهاي شهد بس ساكته وتباوع اكيد بيها شي
لانو هيه متسكت لحالها اكيد هذا سيوف
يالله نوصل ونشوف شكو فجأه حجه سيف
سيف :والله عندي فكره كلش حلوه
فهد :كول
سيف :بما انو طريقنه سوه وبنفس الوقت ليش مانوصل البنات ويانه
شهد :مستحييل
من صاحت شهد مستحيل كلنه باوعنالها وهيه ارتبكت
شهد :يعني اقصد مو ضروري يعني راح تتعبون لا لا مو هيج ،تنفست براحه وكالت، اقصد بكيفكم
فهد :خير شهد بيج شي
شهد :اني لا ابد
سيف :هسه شكلتو
فهد :فكره حلوه
غلا :اني ماعندي مانع
فهد :ها شهد شكلتي
شهد :اني مادري بكيفكم
وصلنه للمدرسه احنه نزلنه وهمه راحو
غلا :شهد شبيج
شهد :مابيه شي
غلا :احجي شهد احجي
شهد :عود بالمدرسه
غلا : براحتج
دخلنه للمدرسه سلمنه ع البنات وطلعنه للساحه
غلا :اي احجي شهد شبيج وليش ارتبكتي من كالو الولد نوصلكم
شهد :اوووف
غلا :خير شكو اكيد سيف مو
شهد :اي ،سيف عرف اني اجذب عليه
غلا :بشنو مجذبه
شهد :سيف رايح لبيت خالو وشايف هيثم هناك وسامعه يخابر بحبيبته ويعبالي يضحك عليه ومسجله فديو وشوفنيا اليوم الصبح وكال شوفي هذا حبيبج الخاين
كتله جذذب
كال اي هاي اني سويته حتى اخرب علاقتكم
كتله لا سيف انته مفتهم غلط اني ماحب هيثم بس من حركت گلبي كتلك هوه حبيبي
اشو هذا نزل بيه غلط وصياح
گال :لج انتي خبله لج والله حتى الليل مانامه من وراج والله روحي طلعت من كتيلي لج انتي لأيمته تبقين جاهله ومتفتهمين لج افهمي اني احببج اي لتباوعين هيج والله احبج حراام عليج هيج اتسوين بيه .
شهد :سيف بس اني

سيف :اسكتي شهد اعرف شراح اتكولين ادري متحبيني بس صدكي راح اخليج اتحبيني اكثر من روحج بس انطيني فرصه.
غلا :والله عرفته يحبج بس انتي شنو كلتي
شهد :غلا اني كل عمري مافكرت بسيف
کحبيب من گالي هيج ردت اطلع لانو ماعرفت شكول وهوه يدري اني ماحبه بس هوه لزم ايدي وكال شهد انسي الكلام الكلته بس اتذكري راح ابقه انتظر حبج.
سحبت ايدي منه وطلعت وهاي كل السالفه
غلا : مثل ماكالج انسي الموضوع هسه انتبهي على دراستج .
شهد :مو بهاي السهوله هوه شوش عقلي ويكول انسي والله صعبه
غلا :الله كريم كومي هسه دك الجرس بس صدك هاي ايمته هلحجي
شهد :البارحه بليل اجه علينه بالعشره وماراح لل12
غلا :اها البارحه اني نمت من وكت مادري
شهد :اي
دخلنه للدرس وانتهى الدوام وجنت كلش تعبانه حتى ماكو فرصه بس وحده
رجعت للبيت وياريت بذاك اليوم ماراجع للبيت جنه نمشي اني وشهد وشفت الدنيه مكلوبه سيارات وناس كومه فكرت بجدو اتوفه متت خوف اجه علي يمشي علينه واني اضغط على ايد شهد بس لا لبالي يكون صح وصلنه علي حالته حاله وعيونه حمر
غلا :شكو علي
شهد :علي شكو الله عليك احجي
علي بدموع : غلا البقيه بحياتج ابوج اتوفه.
غلا :بالبدايه ماستوعبت بعدين اتخربطت وماحسيت بشي بعد ...

في امان الله