غرور رجل و عناد امراه

البارت الثالث

مرحبا....

وداعت عيونك البيهن ادووخ
غلاتك بگلبي غلات شيووخ
ومن اگلك شلونك يعني احبك طووخ
"بقلمي"

ابو غلا: ولج غلا والله انتي صايره بلا اخلاق مو كاعد يحجون وياج.
غلا: بابا انتو كل عقلكم تحجون وبعدين
هاي مو اول مره اني اطلع هيج.
ابو غلا: يالله بنيتي اصعدي بدلي واني اوصلج
بالسياره.
غلا: راح اصعد اغير ملابسي بس لانو عندي امتحان راح اروح مو لخاطر احد .
وعفتهم وصعدت بسرعه غيرت الصدريه ونزلت بس كلش ضايجه من فهد وسيف
غلا: يالله بابا
صحت لبابا وطلعت ركبت بالسياره اتاخر بابا اشويه بعدين اجه فتح الباب عبالي بابا بس انصدمت من حجه بأمر
فهد : انزلي وروحي اركبي بسيارتي
باوعتله بغضب وكتله غلا: انته تدري هسه راح اسوي بيك جريمه
حجه فهد برود : يالله بعد خمس دقايق بس
غلا : انته مخبل ومغرور وشايف نفسك وابد ماتنطاق
جنت احجي باشمئزاز واعدد عله اصابعي
فجئه فتح الباب وسحبني من ايدي بقوه
والله احس ايدي انخلعت حاولت اسحبها 
بس ياريت اگدر لان جان اقوه مني بهواي
فتح الباب الگدام ودفعني بقوه من ايدي
صرخت بدون وعي من الوجع ااااااخ
باوعلي وسد الباب وراح صعد هوه وحرك
السياره بس والله حسيت على دقيقه ننگلب ونموت من السرعه خفت وفكرت راح انموت
غلا : انته شبيك اتخبلت خفف اشويه تره هيه مو خبال وانتھ..
صاح بيه فهد : اسكتي اسكتي والله العظيم بس تحجين كلمه اگص السانج ترى
غلا : اي مو انے... رادت تحجي
صاح بيه مره ثانيه فهد : ولج كافي انتي شلون بيج اني الج ،انتظري اذا ماربيتج
وگصيت السانج اادبسز ...
زيد السرعه واني متت بدمي ساعة السوده الشفتك بيها بس لو ادري اهلي شبيهم وشلون قبلو هوه يوصلني والله هذا غاسل عقلهم بس سهله اني اله والله والله ثم والله اذا ماخليته يتوب مني وميدخل بيه فلا اطلع اسمي غلا
وصلني للمدرسه ونزلت واني ضايجه وهوه شخط السياره وراح
دخلت للمدرسه وكلش ضوجه اليوم حته شهد ماكو البارحه بليل گالت ماداوم باجر اني مريضه وعلمود اخذلها اجازه الدرس الاول امتحنت وجانت اسئله سهله رحت للاداره اخذت اجازه مرضيه لشهد ورجعت للصف مالي خلگ اطلع خلص الدوام ورجعت للبيت
———————
فهد : كعدت على منبه التلفون الساعه سته ونص لانو لازم اوصل الاوراق لسيف قبل ليروح للكليه لانو اليوم اني ماراح اداوم
عندي هواي شغل نزلت الكل نايم بس امي كاعده
فهد : صباح الخير
ام فهد : صباح النور
فهد : شلونج اليوم
ام فهد : الحمد لله ،شنو طالع
فهد :اي والله اريد الحك بسيف انطيه الاوراق قبل ليروح للكليه
ام فهد :خلي اسوي الك ريوك بسرعه
فهد : لا يمه والله مستعجل ، يالله مع السلامه
ام فهد : الله وياك وليدي
طلعت مستعجل اخذت السياره ورحت دكيت الباب فتحه عمو نبيل
فهد : اشلونك عمي
ابو غلا :هلا فهد شلونك
فهد : الحمدلله
ابو غلا :فوت ابني لاتبقه بره ،اتفضل
فهد : الله يسلمك عمي
فتت شفت خالتي وسيف وعسل كاعدين يتريگون
فهد :السلام عليكم
الكل :وعليكم السلام
فهد :شلونج خاله
ام غلا :الحمد لله انته شلونك
فهد :الله يسلمج خاله الحمدلله
سيف : ها فهد شعندك جاي من الصبح
فهد : انجب لك بكيفي
عسل : حيل تستاهل
سيف :انجبي يولي
الكل : هههههههههه
ام غلا :تعال فهودي اكعد اتريك ويانه
فهد :لاخاله شكرا مامشتهي
سيف : يعني مامتريك والله الا تكعد
فهد :ههههههه لخاطر خالتي بس
سيف :مو مال احترام
فهد :اكلك سيف هاي الاوراق تنطيها لكرار حتى يوزعها ع الطلاب لانو ست نور يوم الاحد عدها اوف.
سيف : ان شاء الله
فهد :ديربالك عليهن تره والله ست نور تنعل بليسي
سيف :اي والله عبالك مو مدرسه عبالك دلاله
فهد :انجب يول بكد امك
سيف :هالله هالله منين اجتك الاداب
ام غلا :كافي عاد اكلو
بلشنه ناكل ونزلت غلا ام لسان
دنكت على حذائها وكالت صباح الخير
ردينه عليها بس من رفعت راسها صدك انصدمت هاي بس لاراح تطلع هيج الصدريه ضيكه حيل وردانه مصعدتهن ومطلعه اديها سلمت ورادت تطلع لان مره سمعت شهد كالت غلا متتريك اذا تكعد من الصبح ،صحت وراها فهد :غلا دقيقه
غلا :خيرك
من كالت هيج والله ردت اكوملها لو موعيب من اهلها
حجه ابوها وكتلهم غلا ميصير تطلع هيج وسيف هم ايدني اشو هاي عافتنه وطلعت صاح بيها عمي وكفها وخلاها تصعد اتبدل ملابسها بس انصدمت منها من كالت بهدوء
غلا :راح اصعد اغير ملابسي بس لانو عندي امتحان راح اروح مو لخاطر احد..
اتوقعت راح تبجي لانو عمي صاح عليها
نزلت مغيره بس الصدريه يعني تضحك علينه صدك عصبت يمكن اذا الزمها اذبحها والله
غلا :يالله بابا
كالت هيج وطلعت راد ابوها يكوم كتله
فهد :عمي اني راح اطلع اكدر اوصلها بطريقي
ابو غلا :خاف زحمه عليك
فهد :لا عمي عادي اصلا مدرستها بطريقي ،يالله اودعناكم
الكل :الله وياك
طلعت واني متحلفلها على طولت السانها
شفتها صاعده بسيارة ابوها فتحت الباب
وكتلها
فهد :انزلي وروحي اركبي بسيارتي
غلا :انته تدري هسه راح اسوي بيك جريمه
فهد :يالله بعد خمس دقايق بس
غلا :انته مخبل ومغرور وشايف نفسك وابد متنطاق
جانت تحجي باشمئزاز وتعد على اصابعها
عرفتها مو مال عيني واغاتي جريتها من ايدها وصعدتها بالسياره صاحت ااااخ قهرتني بس اوووف من لسانها صعدتها وركبت اسوق بكل سرعه ردت اخوفها
غلا :انته شبيك اتخبلت خفف شويه تره هيه مو خبال
صحت بيها رادت تحجي ماخليتها وزيدت السرعه لان مبينه اتخاف من السرعه ادبسز ولاعبالك واحد يحجي وياها راسها يابس ولسانها طويل بس اني اعلمها اذا ما ادبتها من جديد نزلتها ورحت اكمل شغلي ...

طبعا كلش اسفه ع التأخير وهسه راح نرجع انكمل احداث القصه

في امان الله