غرور رجل و عناد امراه

البارت الثاني

مرحبا ...
طبعا اعتذر عن التأخير بس الله شاهد عندي ضروف بهاي الفتره واليوم ضغطت على نفسي كلش يالله كدرت اكتب بارت
----
ورد جوري مفتح بشفتك
وگلبي نبضلك من اول مره شفتك
حلاة الدنيا بعيونك وشفتك
" بقلمي"
----
رحت اخذت تلفوني من المطبخ وردت اطلع صار بوجهي فهد وخرت عن اتجاهه اشو هذا وكف گدامي وسد الطريق بوجهي
غلا : فهد ممكن اتبعد اريد افوت
فهد : شعندج ويه علي وشراد منج هوه
الصراحه انصدمت بسؤاله واصلا ليش يسأل جاوبته
غلا : وانته شكو
فهد : شنو راد منج علي (يحجي بعصبيه)
غلا : عنده شغله وياي انته ليش گاعد تسال ومعصب هلگد
فهد : شنو هاي الشغله احجي شبيج
غلا : شبيك لاتصيح ترى مو بس انته تعرف اتصيح كلنه نعرف انصيح
فهد : لترفعين صوتج بوجهي وكولي شراد منج علي
غلا : اهووو ترى لحيت كلش
فهد : غلا والله اذا ماحجيتي اطيح حضج
غلا : دروح
كلت هيج وردت اطلع سبقني هوه وسد الباب قبلي
ابتعدت خطوتين لوره وكتله
غلا : هاي شبيك فهد وخرر
فهد : والله العظيم ماعوفج الاتحجين شعندج ويه علي
غلا: هههه والله انته مو ناصح
فهد : غلااا احترمي نفسج احسنلج
غلا : اكول ترى انته طولتها وهيه گصيره
فهد : اي احجي واني اعوفج
غلا : علي يحب غزل وطلب مني حتى يحجي وياها ها هسه ارتاحيت يالله وخر وبعد لاتعيدها
فهد : بعد تعاي اخذيلج راشدي
غلا: والله عاد تستاهل
فهد : لسانج وصخ بس تدرين انتي كلش صريحه
غلا : نننن ،وخر وخر خلي اطلع
فهد : ولي
والله هذا مو ناصح شكد مكروه بس يحب ينرفزني ويعاركني وجه الطاوه بس بسيطه الك
طلعت كعدت يم شهد شويه وجتي عسل اتوزع ابتسامات وكعدت يمنه
غلا : ها عسوله انفكت العقده مالتج
عسل : صدك وين راح المي
شهد: هههههه اتكبه
غلا : ههه شربه علي
عسل : ياحقيرات والله عرفت الجن ايد بالسالفه
شهد : احجي حبي احجي شراد علوش
عسل : شسمه يعني هوه علي اعترفلي بحبه
شهد : شنووو
غلا : اي والله عرفته راح يسويها
شهد : وانتي؟
عسل : شبيه اني؟
شهد : اتحبينه؟
عسل : مادري
غلا : لعد ليش مبتسمه وفرحانه
عسل : اي احبه يالله ارتاحن
شهد : اووي فدوه للخجوله
غلا : يمه فديت الخدود الصارن حمر ههه
عسل : وجع يولي والله اكوملج
غلا : اصيح لعلوش
عسل : ههه ها بلشنه
غلا وشهد : هههه
ابو غلا : يالله بابا اروح للبيت
فهد وعلي "بصوت واحد"لا بعد وكت
الكل يباوع عليهم ويضحك وهمه واحد صافن بوجه اللاخ
بيبي : ههه كله خير
ابو غلا : ههههه الله يخليكم بس ما بقه وكت
شهد : والله يمكن اخوي واگع ههه (بصوت ناصي)
غلا : شنو يعني
شهد : ههه
غلا : مافھ.. باوعتلها واني مصدومه كتلها وجع بگلبج
شهد : ههه
باوعت لفهد يباوعلي نزلت عيوني ورحت رتبت شكلي ولبست حذائي طلعنه سويه نتمشه اني وعسل وسيف وماما وبابا والجو كلش حلو
ماما وبابا يسولفون بينهم واحنه صامتين
وصلنه البيت كل واحد راح لغرفته واني وعسل رحنه لغرفتنه
اني رحت غيرت ملابسي ونزلت جوه يم ماما سوينه عشى اني وعسل وتعشينه اني صبيت جاي وعسل غسلت المواعين وكعدنه نتعلل كلنه بالصاله
ب11 ونص كلمن راح لغرفته واني رحت فرشت اسناني وغسلت وجهي ورحت العب بالتلفون للوحده نعست جان اخلي التلفون ع شحن وانام
كعدت الصبح الساعه 9 نزلت شفت ماما وسيف كاعدين بالمطبخ صبحت عليهم ورحت غسلت وجهي واتريكت وكعدت ادرس لان باجر احد يعني دوام
كعد بابا وكعدت عسل اتريكو وعسل راحت تقره وسيف طلع اكييد راح لفهد وماما وبابا بالصاله كاعدين يسولفون خلصت قرايه الساعه 11:30 الظهر صاحتلي ماما
ماما: غلا غلا
غلا : ها ماما شكو
ماما : تعاي ساعدي اخيتج بالغده
غلا : اي ماما صار..
رحت يم عسل شفتها مخلصه كلشي وكاعد تثرم زلاطه كعدت على ميز يمها
غلا : اكلج اشو سيف ماكو
عسل : اكيد يم فهد او بالاصح يم شهد
غلا : هههههه
عسل : ههههه والله صدك ليش كايم يبقى هناك
غلا : احتمال يريد يتاكد من قصة حبها هههه
عسل : هههه والله مخابيل كلهم
غلا : حتى علاوي
عسل : وجع شكو اتغامزين اشايفتني ولج
غلا : هههههه شايفتج عاشقه ولهانه
عسل : ننن نجبي لج
ماما : ولجن خلصن لا تحجن
غلا : اي ماما من عيوني
ماما : يالله بسرعه
غلا : اي
ماما: وجعي
عسل :حيل اوف بيج
غلا : انتي معليج ياصخله
عسل : انجبي غلا اني اكبر منج ياحقيره
غلا : دطيري
عفتها ورحت وبقت ادردم ورايه دائما احنه هيج بنهاية كل حديث نتعارك بدون سبب وبسرعه نتراضه بس ماذكر ايمته نتراضه ههههه رحت كعدت على التلفون راسلت شهد
غلا : هلو
شهد : اهلا وسهلا
غلا : شلونج
شهد : الحمدلله وانتي شلونج
غلا : بخير الحمد لله
شهد : دوووم
غلا : اكلج شهد سيف يمكم ؟؟
شهد : اي كاعدين بالصاله هوه وسيف واصلا راح يتغده يمنه
غلا : اها صاير بيها غده ههه
شهد : هههه تدرين واكفلي على زله من الصبح لحد هسه اربع مرات اتعاركنه بدون شي
غلا : اثنينكم مخابيل هههه