"دَق قلبي لحربك المشتعلة... النار تحرقني وكفاي بين كفيك دافئة"
٢٠١٩/١٠/٥
صوت ضجيج الطلاب يعم المكان كل مجموعة يتناقشون بشي معين وبصوت عالي
بالجهة الثانية اياد كان لازم كتابة يحاول يفهم التعقيد الي كدامة منتظر صديقة حتى يفطرون سوا
لمح جسد صديقة الضخم يتقدم نحوة ب ابتسامة عريضة مثل كل مرة" اياد ميت ميت جوع عوف كتبك وخلينا ناكل حتى اگولك على شغلة" نطق احمد وهو مكمل مشي لكافتيريا الجامعة
"الناس تگول صباح الخير ترا" گالها اياد ب امتعاض من سلوك احمد الي شافة همجي نوعا ما
"ايودي اني شوفتي وحدها ميحتاج اگولك" تكلم احمد وهو يگعد بصف اياد على كراسي الكافتيريا بعد ما طلبو شي يسدون بي جوعهم
"اي الخير الي الله يحرمنا منة" گالهة اياد ب استهزاء واضح
تنهد احمد بالمقابل على نفسية صديقة ويا
"هسة دسمع يا عيني مو اريد من يمك شغلة صغيرونة"
" صغيرونة يعني مصيبة واني من دون شي لعبانة نفسي منك ومن مصايبك" استطرق اياد بصوت هادي وهو ياكل من لفتة الي وصلت من ثواني
" اني مو صديقك حبيبك والي تريدني اتفوق وانجح؟؟"گالها احمد وهو يمد بكلامة عسى ان تنفع هاي الطريقة وي اياد
" أحمد اني گتلك هذا الشي ما راح اسوي مامستعد اخسر مستقبلي علمود حضرتك متعرف تدرسلك ساعتين على بعض" تأفف أياد وهو يوضح لصديقة اسباب رفضة لطلبة
"ايودي انت شاطر بهاي المواضيع وما راح يكشفوك ترا بسيطة تدخل لمكتب دكتور ايهاب الكريه تفتح الباسوورد بعقلك الحلو هذا تجيب الاسألة وانجح وخلصنا" شرح احمد خطتة كأنها اسهل شي بالحياة
" وشنو ممكن احصل اذا سويت هيج" اعتلى الخبث ملامح اياد وهو ينظر لصديقة ب ابتسامة كبيرة نادرا ما تظهر
" اعرفك مصلحجي الله ياخذك انت وإيهاب الطويل"زفر احمد ب انزعاج وكمل"تتذكر اللابتوب الحلو الي شفتة عندي وگتلگ لو تبيض ما انطي الك؟؟ راح تاخذة وفوگة بوسة"
همهم اياد بموافقة وهو يردف" خلي البوسة الك"
____________
"انت تدري لو آخيل شافك وانت تلعب بدل ماتسوي الأوامر شنو حيسووي بيك صح؟؟ "تكلم الشخص الي كان ذو مظهر جميل وبدن رياضي للي كان واقف گدامة متعرق وكأنة طالع من معركة عظيمة
" آخيل ماراح يدري اذا ما انت گتلة لأن مثل متعرف الجثث ماتگدر تفتن" تلفظ صاحب الشعر الطويل نسبيا والي ملامحة متلطخة بقطرات دم وهو يأشر على الجسم المطعون اكثر من طعنة بالغرفة الي ترك بابهة مفتوح
______________
اياد يراقب الدكتور ايهاب الي كان تقريبا مقارب لعمرهم وذو مضهر شبابي بس اسلوب حاد وعدائي نوعا ما... الكل كان عندة رهبة منة لذلك اياد الي كان جريء بكلشي متردد يدخل مكتبة ويقتحم معلوماتة
"اي كافي دروح رحمة لأهلك" همس وهو واقف برا المكتب بطريقة حاول بيها مايثير ريبة الموجودين
بعد تقريبا ١٢ دقيقة خرج الدكتور ايهاب وهو حامل مفاتيح سيارتة وقافل باب المكتب ورا
اياد انتظر يفرغ المكان حتى يفتح الباب ب سيم صغير دخلة بمكان القفل وفعلا دقايق قليلة ونجح اياد بدخولة للغرفة وبنفس الوقت لعالم ثاني ماتوقع بيوم يدخلة
_______________________________________
انتهى
هاييييي
ادري قصييير بس guys اني طالبة سادس😔
وماردت الأحداث تكون هيج سريعة وبدون شرح بس جد افكاري متشتتة بالدراسة ومثل مگلتلكم هاي اول تجربة الية بالعامية ويعني ابدا ابدا ما واثقة من سردي😭
وبس شسمة وعد البارت الجاي حيكون طويل واحداثة تجنن وهواي أشياء راح تتوضح بس لازم تلحون على بنانا حتى تلح علية واكتب🙂بالمناسبة موجودة بنفس الحساب هيي
ها بالمناسبة( آخيل هو اسم شخصية مقاتل اغريقي عريق) يعني مو اسم الشخصية الحقيقية انما مجرد لقب🙃
كونو بخير🤍
أنت تقرأ
ٲقحوان دموي
General Fiction"اندفعت نحوي كعاصفة هوجاء ف اخذت السلام مني ووضعت غشاوة حبك الاعمى على قلبي"~ "احمد اني الي شفتة ممكن يودينا ورا الشمس" "لاتخاف نگطعلك شكم اصبع انت مو بعازتهن بس حيكون درس الك حتى تعرف ماتدخل بشي انت مو گدة" "ماراح تاخذ مني لاحق ولا باطل لا انت ولا...
