ليلى_والفصلية_اختي
بارت 7+8+9+10+11+12
الجزء 7
اني: شنهي تسودنتي
سهام: اي تسودنت جا اخليج ترحين فصليه
اني: نشرد ونجيب العار لابونا مااسويها
سهام: اسويها ابوي مايموت ينقهر بس مايموت وحتى اذا مات ابوي شاف وعاف وعاش حياته انتن هسه حياتجن بدت وتزوجن الي تريدنه وتكملين دراستج
هاله: خيه وين نشرد وهيه الديوانيه شصغرها
سهام: لبغداد تشردن
اني: سدي الموضوع سهام ومانشرد ونرضى بقسمتنا واني اتحمل وهاله تزوج محسن يداريها ويحبها
هاله: منو كلج اريد محسن
اني: اسكتي محسن يسعدج ويداريج وانتي بت عمه ويخاف عليج
هاله: جا بكيفج اني اتزوج وارتاح وانتي عايشه بلعذاب
اني: اني سبعه اكدر اعيش وياهم
هاله: جا وحمزه وحبج اله ودراستج
اني: الله ماكاتبلي وامن بقدري
سهام: جا اني مو بعينجن كاعده يمجن ووحدجن تقسمن وتحجن
هاله: وين تشردينا اني اسمعج
سهام : اليوم بليل تشردن من السطح من بيت ام مهدي لسطح بيت ام عادل وام عادل تفتحلجن الباب ودخلجن والصبح ياخذجن عادل لبغداد ويتلكوجن خالتي و رجل خالتي ابو سعد وياخذوجن لبيت اخو ابو سعد ابو محمد ومرته وابنهم مزوج وبنات اثنين عدهم ممزوجات وتكعدن وياهم شهر شهري الى ان تستقر الامور واني اكمل اوراقج وتقديمج ليلى وداومين بلكليه وتكملين دراستج وتوكفين لهاله نخليها تكمل دراستها وليلى غصب عنج تكملين وليلى تساعدج وخالتي تروح وتجي عليجن واني الملجن كم فلس من تخلص فلوسجن ادزلجن وتقتصدن بفليساتجن والى ان الله راد نشوف شنسوي بعدها واني حتى اجار انطي لبيت ام محمد غرفه الجن تكعدن بيها واني مااكدر اشوفجن ولااوصللجن مااعرف سنه اكثر او للابد بس اخابرجن من تصيرلي فرصه
اني: سهام تسودنتي كل هذا مخططه اله واحنه ماندري ومنو كلج نسويها اني مااروح وياج انسي مانفضح ابوي احنه بنات بنيه بنات جبار الكل يحلف براسنه وبراس ابوي نجي تالي وكتنا نطمس راس ابوي بلطين اني مااشرد ومااروح ومااجي وياخيتي لاتزعلين مني اخذي ذهباتج واطلعي
هاله كامت تبجي وتلطم
اني: شمالج هاله
هاله: خلينا نشرد ونعيش حياتنا
اني: اني مااشرد لاتسودنين هاله اني ماشارده
هاله تبجي
هاله: وين حبج لحمزه تحبيني خلينا نشرد
اني: ولج وابونا نفضحه
هاله: مانفضحه ابونا يقدر وضعنا ويحبنا ولوبايده يشردنا
اني: مامرتاحتلج احس مو هاله
سهام: ليلى من غصبن عليج توافقين والله وروح امي اذبح نفسي كدامج واخليج العمر كله تبجين عليه وتنشديني
اني طلعت من الغرفه وعفتهن اختنكت
اسمع ابوي وحمديه يحجون بلغرفه
ابوي: اني انطي دمي الهم باجر واوكع عليهم خلي راسي يطمس بس اطلع بناتي من الورطه هذي
حمديه: ياع صدك تحجي جبار تموت واحنه اني وبناتك وابنك
ابوي: مااخلي ليلى تروح فصليه مااكدر اشوف زينة بناتي فصليه
يمه متت من سمعت ابوي خطيه يفكر بينا واخواتي يفكرن نشرد ورجعت لغرفتي واشوف هاله وسهام يلمن بهدومنا واوراقنا وذهباتنا وبقجات اثنين مسويات وسهام تبجي وكل ساعه تحضن ب هاله
اني: هاي شنهي
سهام: نلم ملابسجن الضروريه الضروريه
اني: تسودنتن مااروحن مااروحن لااني ولا هاله لاتخلني اصيح وافضحجن
سهام :اسكتي ولج لاتفضحينا والله وروح امي اكتل نفسي شوفي
طلعت سجينه وتهددني
اني: شمالج تخبلتي ولج ابويه خطيه واذبحي نفسج وموتي ولا هذا العار
سهام: لاتخبليني
هاله: ليلى الله يخليج وافقي
سهام طلعت السجينه وجرحت نفسها
اني: يمه مخبله
وكمت اصيح اني وهاله واريد اوخرها مااكدر
سهام : اكتل نفسي واموت ومااشوفجن فصليه حضري نفسج والله اذبحها لروحي كدامج ومااهتم
هاله: وافقي ليلى
اني: سهام تكتلين نفسج وتعوفين بزرج وتغضبين ربج
سهام: مااهتم لروحي المهم انتن
اني استسلمت لامري وسايرتهن وحضرنه غراضنا وبقجنا وانتظرنه الكل ينام وسهام عايفه باب السطح مفتوح واجتنا ب1 وصعدتنا على كيف واني ماودعت بيتنا لان ارجعله بس هاله بجت عليه وودعته وبوست سهام وباوعت على ابوي شلون نايم ودخلت لمطبخنا وتبجي وصعدت للسطع واني منتظرتهن مامهتمه
سهام: خايفه منج مامرتاحتلج ليلى
اني: بعد راح نشرد صعبه نرجع
هاله: يمه خيتي خليني اشمج
وتبجي وتبوس سهام ومتأثره الغبره صدكت نشرد
واني هم بوست سهام وحضنتها وبحضنها نزلت دمعتي على اختي وحبها النا والام ماسوي مثلها
وطلعنا لسطح وطفرنا من بيتنا لبيت ام مهدي وسهام ساعدتنا وريد نطفر لبيت ام عادل وطلعتلنا ام عادل وابنها وطفرونا ومن بعيد ودعنا سهام وسهام تبجي علينا بلحظتها هاله شبعت بواجي وحاضنتني
هاله: اريد اهلي ليلى شلون بينا
ام عادل: تعاي يمه تعاي
ودخلونا ونزلنا لبيتهم واخذونا بسياره تفاجأة
اني: وين غير نبات هنا
ام عادل: لا نبات بيت اختي امن
اني تسودنت عاااااا جا شلون اشرد وارجع لبيتنا
وصعدنا لسياره ابن اختها لام عادل يسوق وغسان ابن ام عادل ويانا واني وهاله صعدنا ورحنا لبيتهم واستقبلتنا المره وفارشتلنا وسلمت علينا وطلعت وام عادل هم رجعت حتى اهلي مايشكون بينا وبقينا نسولف اني وهاله ونبجي وب4 اجتنا اخت ام عادل كعدت يمنا وسمعت قصتنا زين وتبجي ويانا وتصبرنا وبقينا نسولف ل6 الصبح وتحجيلنا على بغداد وجمالها والدراسه ووحياة قبل واني وهاله نسمع منها وذيج المره الطيبه وطلعت سوت ريوك للكل وطلعوا لشغلهم واجتنا
ام حسين: هايمه تتريكن
اني: لاخاله تسلمين
ام حسين: نامن شويه واني طالعه لسوك ماعندي شي ل9 نكعد وب12 يجون ياخذوجن نامن وراجن طريق وتعب وانتن مانايمات اليل كله من تكعدن نتريك
طلعت المره وبقينا اني وهاله وفكرت بس تطلع انوم هاله واشرد
بقيت متمدده واقره برسالة حمزه وابجي
هاله: هسه ترجعيله وتصيرين قريبه عليه وتزوجينه
اني: نامي هاله
هاله: مقهوره على ابوي
اني ساكته مااحجي
هاله كامت وحضنتني واني هم حضنتها حسيت اخر مره اشوفها واشتمها وشبعت منها شم وبجينا اني وياها ومااكدر اوصيها على اهلي ساكته ورجعنا نمنا وسويت نفسي نايمه حتى هاله تنام واني اطفر ارجع لاهلي واروح لعمي ب12 ياخذوني فصليه لبيت الوادم وبقيت مغمضى عيوني
..................
شوي واباوع نامت همزين وبستها بخدها على كيفي وكتبتلها رساله بورقة حمزه بظهرها وكمت ودموعي تجري ودعتها واعرف نهايتي اني وياها والله يعلم شوكت اشوفها وكمت وعفت كل غراضي وطلعت واباوع مااعرف امشي عمري ماطالعه بلشارع وحدي بس الديوانيه صغير وبيتنا من اصعد سياره يوصلني للباب مانتيه وامشي واقره ايات والله صدك لكيتلي سايق ابن حلال وعرف ابوي وكلتله بته ومتيها واخذني ووصلني لبيتنا
اني: عمي هنا يمك
سايق: اي بويه
اني: هاك عمي كروتك
سايق: لابويه رجعيها ابو محمود افضاله اهواي عليه موش زلمه اخذ من بنته كروه
ونزلت ودموعي تجري وفرحانه مانشرد و راح ارفع راس ابوي ومااطمس راسه ودخلت للبيت لكيته مكلوب كلاب وصياح وبجي
دخلت سهام تباوعلي وعيونها شراره
حمديه : يمه هاي اجتي ليلى مدري هاله
اني: يمه ليلى
ابوي: وينج انتي واختج
اني: بويه هاله اختنكت وماتقبل تودعني وطلعنا الفجر صعدنا لسطح وشفنا ام عادل تخبز ورحنا يمها تعلعلنا واكلنا وشربنا وعفتها نايمه يمها واجيت مااكدر اودعها
ابوي: رحنالهم ودكينا الباب عليهم وماطلعلي ابو عادل وكال مو عدنا
اني: بويه مايدري بينا وهسه كعدت شافني تفاجيء موجوده
سهام : هاله وين ليلى
اني: روحي جيبيها من بيت خالتي من اطلع
واخواتي يبجن عليه وسهام عصبيه عليه بس ماتقربتلها اخاف منها
وبوست ابوي ايده ورجله وراسه وحضنته ويبجي عليه
اني: بويه ديربالك على اختي
ابوي: يابويه يابنيتي جنت اتمنالك زينة الزلم
اني ابجي من كلامه وودعت حمديه وهيبت وامل وسميره وسهام تلطم وتخرمش بوجها ودفعتني ماقبلت تسلم عليه واني بلكوه بستها
سهام: الله لايوفقج ليلى هيج سويتي ولج خايبه ضيعتي شبابج وحياتج
واني اباوعلها وابجي
واباوع لمحسن فرحان خطيه يريد يزو
وعمي اخذني
عمي: يله بويه امشينا
اني التفتت على ابوي
اني: بويه تعيف بنتك تروح وحدها ماتمشي وياي
