ليلى_ام_أيمن2
بارت 15 والاخير
.............................
دكتوره: اطمأني حميده مو خبيثه
هنا اني اهتز جسمي من فرحة كلبي ودموعي وحمدت ربي وشكرته وبوست الدكتوره من الفرحه واخذت اوراقي ورحت لدكتورتي
وانطتني علاجات وتحاليل اضافيه وترفع الغده من صدري وحددنا العمليه
وطلعت امشي بسرعه وفرحانه راح اعيش لجتالي مااتركه واكمل حياتي وياه راح اعيش لجتالي اي راح اعيش واكمل باقي عمري اله
اخذتني رجلي للمطعم لجتالي دخلت شفته يباوعلي
حمزه: ليلى شبيج
ركضت وحضنته وكمت ابجي وناس تباوع اول مره ابجي بضعف كدام جتالي وغركانه بدموعي
حمزه: شكو ليلى شبيج احجي
اني: حمزه مااموت راح ابقى وياك
حمزه: هههه منو كلج راح تموتين شبيج ولج
اني: طلعت حميده
حمزه: 😲 شنو هذا الحميده
وسولفتله عن المرض وخوفي وتحاليلي ونقهر
تخبل واخذني للبيت وخايف واخذ تحاليلي ويسال عليهن
وايام وغصبني نكرر التحاليل ونتاكد وبس اني وياه نعرف بلموضوع على مرضي مابلغنا احد
وسويت العمليه وكمت بسلامه واخذ علاجاتي
حمزه ماتركني ولا لحظه ويبجي عليه مثل الطفل رغم مابيه شي
ونفسيته تعبت على مرضي وكبر الموضوع وتعلقت بي اكثر من قبل وابد مايزعلني
كان صديق و اب واخ وسند الي مو بس زوجي وحبيبي وابو ابني
وعدت ايام وشهور وسنين واني بخير
وحمزه كل فتره يسويلي تحاليل مايقبل ينسى الموضوع خايف عليه
وكبر ايمن وصار رجال وحياتنا مستقره بسوريا وسهام كبرت وهاله صارت مدبدبه ومثل امي
واولادنا كبروا وبطولنا صاروا
وبس جتالي نفس بكلته وماتغير بعده شباب وحلو
***
ب2003 سقوط بغداد
حمزه: بغداد سقطت تعالو شوفوا
ركضنا للتلفزيون نباوع على بغداد وسقوطها والهوسه
مطر: عرفناها بسرعه تسقط بغداد
هاله: يارب خير ع العراق يارب مايتاذه احد
مطر: محد يتاذه سلموها
سهام: ليلى بغداد سقطت
حمزه يباوعلي واني واكفه اباوع
هاله: يعني شنو
مطر: سقط نظام السابق والي متغرب والشارد اكيد يرجع للعراق
هاله: لا بشرفك يعني شوكت نرجع احنه
مطر: باجر لمي جويلاتج ونرجع
سهام: هههههههههه فهمها ليش تضحك عليها
مطر: هاله تفهم العراق كله
هاله: اروح فده للبندقه صلعته تخبل
عمار: ههههههههه ابوي ماينلام من يقلد عليج
ايمن: يمه شبيج ساكته
حمزه: محد يفهم ليلى بكدي ومن ماتعرف توصف شعورها تبقى ساكته
كمت ورحت لغرفتي
اجه ايمن وراي
ايمن: يمه
اني: تعال ايمن
ايمن: شبيج ليش ضجتي وانتي جنتي تتمنين ترجعين وشوفي ماكطعتي الامل يوميه دكليلي راجعين للعراق وهسه راح نرجع
اني: جنت اتمنى ارجع للعراق بس مو بهيج ظروف بلحرب والكتل والذبح
ايمن: خلصنا من الشر وراح يبده العراق من جديد وتزهي بغداد ومحافظاتها
ليلى: العراق مادبرها ويه واحد يدبروها ويه الوحوش ياخوفك ياايمن العراق للاسوء مو للاحسن
ايمن: لا انؤ عندي امل ومتفائل بلخير وبس انطيهم مجال 6سنوات وشوفي خير العراق والله تصير جنن
اني: الله كريم ان شاء الله مثل ماتحجي
ايمن: اروح فدوه لامي الوطنيه
اني: ايمن راح نرجع للعراق واول شي تسوي ندور على امك وتروح تتعرف عليها
ايمن: هههههههه امي انتي وبشرى مجرد بطن ولدتني لاتعبت عليه مثلج ولا ربتني ولا كبرتني يمه انتي روحي وامي وماعندي غيرج وانسي سالفة بشرى
اني: سوالف ابوك لاتاثر بعقلك
ايمن: ههههههه لا والله يايمه مو سوالف ابوي
حمزه: اي ليلتي وشبي ابو
ايمن: حجي تهمك امي بقصة بشرى
حمزه: اهووووو هم رجعنا لبشرى
اني: ها ايمن ودكلي مو ابوي
ايمن: جاغير يسكت حميزه ابو بكله جتال ليلى فضحتنا ارتاحيت
اني: هههههههههههههه
حمزه: ليلى علخير علينا راح نرجع العراق
اني: من تنفتح الحدود على العراق نرجع اول وجبه
ايمن: لا يمه صبرنا اهواي وخلينا نصبر بعد
حمزه: اكيد تعدي فتره ياله نرجع
بقيت افكر بكلامهم ومامقتنعه ونتابع اخبار العراق للاسوء
وسمعت الناس كامت ترجع وب2004 بعد ماتحمل اله ارجع للعراق
وغصبتهم نرجع للعراق وبعنا املاكنا بسوريا وغراضنا ولمينا ملابسنا ورجعنا
وكلهم ماراضين عليه
واني راضيه على نفسي راح ارجع للعراق ولتربتك ياوطني ولارضك راح اموت واندفن بلنجف يم ابو الحسن راح اشوف بيت ابوي بيت طفولتي وشبابي وحياتي
راح ارجع اشم عطر ابوي وزرعه والكوره واشوف دشداشته وشماغه اخ يابويه شكد مشتاقه لحضنك ولبيتك
راح اجي لكبرك واشبع شوف من ترابك انت وامي نحرمت منكم سنين وعمر
وصلنا للعراق ودخلنا للديوانيه ب5العصر ورحنا لبيت ابوي بابا مقفوله
مااعرف ليش من شفته روحي راحت عليه ورجلي وكعت ونزلت ابوس كاع العراق وبيت ابوي
الحمد لله عشت هذه اللحظه ورجعت لبيتي وناسي
وهاله وسهام مثلي يبجون
وبقينا فتره بيت ابونا واني وهاله بغرفتنا نمنا
ورحت لكبر ابوي وامي وزرتهم
وبدينا ندور على بشرى وعنوانها الى ان كدرنا نوصل الها وايمن شاف امه وتعرف عليها رغم هيه مارحبت بي اهواي ولا ايمن هم وبقى بينهم مسافه ومايقبل ايمن يتقرب ولا هيه رغم حاولت بينهم
اما استاذ علي مااعرف اخباره تمنيت اعرف وين صار
واخواتي بخير وسلامه كولهن اله محمود محد يعرف اخباره حتى زوجته وبناته
ومافكرت ولا حاولت اتقرب منهم رغم اساعدهم بس بقيت بعيده عن بنات محمود
نرجع لذاكرة ليلى 2006
حمزه: ليلى شناويه على راضي
اني: اهلا ابو ايمن
حمزه: شبيج صافنه
اني: جنت اذكر حياتنا اني وياك وبسوريا وشلون تعذبنا
حمزه: اخ من هذيج الايام
عمار: خاله بعد اكو شي
اني: روح حبيبي لشغلك
حمزه: شنو فهميني
اني: علمود راضي عمار يشوفله شغله
حمزه: لا بربج وتسامحي على اعماله بينا مستحيل انتي ليلى
اني: الله يسامح احنه منسامح
حمزه: اخ ليلى شكد متغيره
اني: من زمان طيبه واحب الناس
مطر: ها عصافير بعدكم
اني: تعال مطر اريدك تراقب عمار علمود راضي
مطر: ااااخ راضي وفاضل وجاسم
هاله: جاسم يستاهل الي هوه بي ولده دكاتره ومهندسين وهوه ضال بلزبل والضيم والقهر والفكر كاتله
ليلى: الله يسامحه المهم الله عاقبه وسهام الله نصرها بولدها رفعوا راسها واملاكها بحضنها
مطر: وراضي مثل الجلب اجه يطلب مساعده اوووف من هلدنيا
هاله: لو بس ليلى ماتسامحه
ليلى: راضي اسامحه بس فاضل بعدني مامرتاحه واتمنى اخذ حقي منا
حمزه: شتاخذين وهوه 3اطفال معاقين ومتبهذل بعيشتهم وعلاجهم
هاله: حرمج من الخلفه الله عذبه ب3اطفال مو صاحين وماعنده طفل الي يفرح بي وصاحي
اني: هذا مو انتصار على فاضل باطفاله ومااتشمت بلمرض هم شنو ذنبهم
مطر: ذنبهم ابوهم حقير
اني: اخ فاضل
حمزه: المهم احنه اجينا نحجي ويه مطر وهاله على ايمن وفاطمه مو نحجي على فاضل وجاسم وراضي
هاله: شبيهم تزوجوهم
حمزه: ههههههههههههههه
ليلى: ماتكعد مثل الناس وتخلينا نخطبها
مطر: هذا حظي ويه هاله ملكوفه
هاله: شنهي فرخين واحد يحب الثاني ومبينه مايحتاج رسميات
اني: بصراحه حجي هاله صحيح واحد يحب الثاني واريد افرح ايمن وازوجه فاطمه
مطر: فاطمه جامعه وخليها تتخرج
ليلى: هاله تزوجت وتدرس فاطمه اذكى واحسن من امها واشطر وادبرها
هاله: يا صدك هيج تحجين عليه عود انتي خيتي الي تحميني العمر كله
اني: احبج اي بس نحجي الحقيقه كيكاتج المحتركه وكسولي وماكملتي دراستج بلكوه
مطر: وحمزه كاعد والاحمر فاشله بي
ليلى: خلصت عمرها بس تحجي بي ومالابسته
هاله: ههههه اكلك ابو صلعه مصقوله اذا اخليك ابالي تبجي
حمزه: لاتحجون على ام عمار مااقبل
هاله: ابو بكله دومه يدافعلي
ليلى: ههههههههههههههههههههههه لحد هسه تذكرين البكله
هاله: اي شلون مااذكر ايامي اني وياج وجتال ليلى
حمزه: ليلى بعدني جتال
ليلى: لاخر نفس جتالي
وبقينا نسولف ونضحك ونذكر ايامنا الحلوه
ومرت ايام واشهر وزوجنا ايمن لفاطمه وفرحنا بيهم
وصار عنديه ايمن وفاطمه اولادي
الله رزقني باحلى ابناء
واني وحمزه بقينا على حبنا وجتالي للممات
