ليلى_والفصلية_اختي
29+30
يمه هاي شتحجي تريدني لمطر وابوي تخبل
ابوي : فاجاتيني
ليلى دخلت للهول
ليلى: سلام عليكم شلونج خاله
وبوستها وسلمت عليها
ام حمزه : يمه شلون يفرقون بينجن عيوني غوشت
وضحكتنا
ام حمزه : شكلت ابو محمود
ابوي: والله ياام حمزه اعذريني
ليلى : بويه من رخصتك مطر تره مو اخو فاضل يصير ابن خالته بس ام فاضل مربيته لمطر وهوه من يخطب يجون عمامه اهل ابوه الاصليين واذا هاله موافقه ومطر سالنا عليه ابن ناس ليش لا
ام حمزه : صح ام فاضل الله يرحمها شريجتي بس ابنها مطر يختلف عنهم وعربية عمامه ومااخيره عن حمزه وهاله تشهد لمطر مااعتقد اذاها او جرحها
اني : امانه هوه ورجاء مااذوني واكثر شي هوه بوجوده ماانضرب بس خاله مطر
ليلى : لاتجاوبين هسه فكري وابوي يسأل وقرري
اباوع هاي ليلى يمعودين هاي شتحجي اشوفها موافقه على مطر المسودنه صايره اختي كلها الغاز
ابوي: مااردج على موضوع مطر وخلينا نسأل ونشوف
ام حمزه : لا اوكف وابني اهم من مطر عندي
ابوي: ليلى مخطوبه ومشيتها بعد يومين
ام حمزه : مستحيل
وتباوع على ليلى متفاجئه ونقهرت
وبعدها ترخصت ومقهوره وطلعنا وياها اني وليلى وحمديه وتباوع على ليلى وليلى تتلافاها
اني انسطرت واثوليت شنو ليلى مخطوبه منو هذا وشنو مطر يخطبني والله حالي حال الزمال صرت
دخلنا اسال احجي اكول ماتحجي ليلى هيه وابوي وبليل دزوا على سهام واخواتي واتجمعنا
ابوي : بنات بويه اني رجعت فلوس الفصل واشتريت حلال وسجلته باسم ليلى كلهن وليلى ماتاكلهن عليجن اثق بيها
سهام : زينة العقل بويه
امل: بويه شلون هجي تصرف
حمديه : وبناتك وابنك
ابوي: بناتي ليلى تنطيهن حقهن وابني ماتنطي حقه مايستاهل واخذ حقه الفلوس الي سافر بيهن
حمديه: وين الشرع وين القانون
ابوي: حمديه لاتعلمين بلشرع ابنج عاق واني انطيته حقه وماسجلت الاملاك باسم البنات لان اعرفهن محمود ياثر عليهن ويحولن اله فلوس ومحمود درهم واحد مايشوف مني بعد
