ليلى_والفصلية_اختي
بارت 13
هاله
طلعن اخواتي وياريتهن ماطلعن وياريتهن جبرني وسحبني واخذني وردت اكوم اروح وياهن وبلكوه صبرت نفسي وانقهرت على ليلى حجيتلها على حمزه كدامهم كلهم ماادري بنفسي تهسترت اووف يخيتي سامحيني
وفاضل اجه يمي يباوعلي واني ابجي وحاضنه مخدتي وابجي واصرخ
فاضل: هاله حمزه شدخله بلموضوع
يحجي وياي اول مره مو عصبي
اني مااجاوبه ماالي خلكه
فاضل: هاله احجي وياج من اسألج تردين على زلمتج
اني: شتريد
فاضل: ولج مو هحي تردين على زلمتج ابوجن مامعلمجن تحترمن اختج صلفه وانتي مثلها واني اربيج من جديد
اني : جبار مربينا وخيتي مش صلفه اختي زلمه سباعيه
فاضل: انتي وياها توأم
اني: اي
فاضل: حمزه المن يعشك انتي لو هيه
ماجاوبته وساكته
فاضل:وابجي
اني: روح لاخوك يرد
فاضل: تريدين تتأدبين ولج خاف عبالج اخاف من اخواتج هسه اضربج وادبج لاتشوفين نفسج عليه
اني تعبت من الضرب ومااكدر بعد انضرب كمت اصيح
اني: كافي ارحمني ماكو رحمه بكلبك حتى اذا جتالت امك هم مو هيج كافي لاتضربني الله يخليك جسمي انتهى ارحمني
دخل مطر ورجاء علينا ومطر جر فاضل وطلعه وفاضل يريد يضرب
فاضل: خليني ادبها تراددني
مطر: خاف عيب كدرتك على حرمه
ورجاء يمي كاعده
رجاء: مااخلي يضربج اني يمج لاتبجين
وطلع مطر وفاضل وبقت يمي رجاء ورغم الالم والحركه نمت وأون وابجي واني نايمه اشهك وابجي
ليلى
حجه مطر وياي ونصدمت بكلامه وسهام سحبتني وطلعنا نبجي
سهام: مين يعرفج
اني: واني شمدريني
سهام: ليلى تنكتلين بس يعرفون بقصة حمزه
اني: منو يعرف سهام اني بالي يم خيتنا
وابجي تسودنت على حمزه ويبجي عليه ومايدري اني ليلى واختي هاله الفصليه شلون اوصله وبالي يمه الطريق كله وابجي ونزلنا لبيتنا وبقيت واكفه بلباب
سهام: تعاي ادخلي
اني: لا روحي انتي اني هسه جايه اروح لميسون
ورحت لميسون ودكيت الباب عليهم وطلعلي ابوها ودخلت ودخلتني لبيتهم وامها يمنا كاعده وسالتني على هاله والمشكله واحجي وابجي واشكيلهم ونقهرت علينا وشوي وكامت فهمت اريد احجي ويه ميسون
ميسون: ها خيه كولي شبيج
اني: شلون اوصل لحمزه ميسون
ميسون: ماادري فوزي مو هنا واساعدج
اني: رقمه
ميسون: من يخابر فوزي علينا اكلج واخذ الرقم
اني: خيه لاتنسيني ومستعجله هوه الوحيد يساعدني
ميسون: عدنا عنوانه بغداد مره دز رساله لفوزي وقبل جم يوم قريتها لاجل شغل ومكتوب عنوانه تريدينه
اني: اي فدوه اروحلج
وفكرت بلكه اكدر استفاد من عنوانه لحمزه بس شلون ماادري وهوه بغداد يعني شلون اوصله ماادري
وجابتلي العنوان واخذته منها وطلعت رجعت للبيت وعمي وجاسم عدنا وعصبيين ويصيحون علينا وابوي كاعد مكسور مايحجي مو ابوي الراسه مرفوع وشامخ ومايهزه ريح قهرني
ودخل محسن وراي يباوعلي
عمي: اكسر رجلها التطلع وسهام كومي ويه رجلج واهلج ماتجيهم بعد
اني: عمي دخلنا عليهم لكينا هاله بلكاع ويضرب بيها شتحجي انته تريدنا نسكت ماندافع على اختنا
محسن: هيه الرادتها تتحمل
اني: محسن هاله تحبك وكلتلي بس رادت تحميني واحنه اخوات وحده تفكر بلثانيه خلينا اني وياك نخلصها هاي هاله هاله كل هلك وناسك
محسن مقهور ومدمع
محسن: هيه الرادتها ليلى وتزوجت الله يوفقها ويصلح زلمتها عليها
اني: محسن لاتكابر هاي هاله محسن
محسن عصب وكام يصيح
محسن: واني ليش ماكالت هذا محسن هذا الي يعشكني قبل ليله اكلها اتزوجج ثاني يوم تزوج غيري هاله اي هاله ليش مافكرت بيه هالة
وطلع وعافنا واني ابجي وعمي يصيح واخذوا سهام وطلعوا وابوي مدنك وكام دخل غرفته وحمديه ساكته واذن صلاة المغرب طلعت برا وفتحت ثوبي وطلعت صدري ودعيت من ربي يرحمنا ويوكف لخيتي وينطيني القوه والصبر واطلعها من مصيبتها
............
هاله
كعدت على صوت الاذان ودعيت من ربي الله يفرجها علينا اني وليلى والله يهدي فاضل لو يخلصني منه
ولكيت فاضل يمي نايم وداير وجها ولملمت نفسي وردت اكوم مااكدر متكسره واريد اروحن للحمام مااكدر اكوم ومااكدر اكعده يكومني ومايقبل ويضربني وزحفت زحف وابجي صرت ازحف وضعي يقهر وفتحت الباب وصحت رجاء على كيفي وهمزين سعاد شافتني واجتني كومتني ومااكدر اكوم وشاورتها اريد اغسل واخذتني ومقهوره عليه وساندتني شافني مطر
مطر: ليش طلعتي
سعاد: تغسل وارجعها اخ منك فاضل شمسويلج
مطر: اخذيها برا حتى ابوي مايشوفها وهم يصير الصياح
اني باوعتله وكرهته شنهي اني منبوذه محد يريدني
سعاد: الله يكسره على امه
شسالفه كلهم يدعون على جنديه ومحد زعلان على موتتها بس فاضل ورجلها جا شكد خبيثه اي اصدك جا غير ابنها مثلها
اني: مطر هم مثل فاضل
سعاد: مانشوفه مطر يجي يومين ويروح لعمامه يحب بنت عمه ويبقى يمهم لاجلها
اني تذكرت محسن
وغسلت وكملت وخطيه سعاد واكفتلي بلباب ورجعتني للغرفه وبلباب طلع فاضل ومطر واكف يم الدرج الغرفه بصف الدرج
فاضل: لا هاي هيه نخدم بنت جبار
سعاد: مااخدمها بس خويه ماشوفها ماتكدر تمشي
مطر: ولك انته ماتوب اسكت وألصم حلكك شويه
ودخلت ورجعت نمت ودخل وراي فاضل وكاعد يمي بلفراش بس مااهتميتله وهوه ساكت ويباوعلي كل ساعه
وشويه ورجاء دخلت بصينية اكل عشا
رجاء: جبتلكم عشا
فاضل: اتعشى برا وشكو جايبتلها
رجاء: فاضل البنيه مش جلبه ..كومي خيه كومي اكلي
اني:مااريدن
رجاء: لاتفتين كلبي سويت عشا لاجلج
كومتني وقربت الصينيه يمي ويم فاضل
رجاء: فاضل مريتك حلوه
فاضل باوعلي
فاضل: اي منو يصدك حرمتي فصليه
رجاء: يبوووو عليك يافاضل انته من يعحبك شي تعصب اعرفك انه حافظتك وهاله عاجبتك
اني اباوع وضايجه منها شيحب وشينعجب انعل ابو اني مصبرني عليه ابو فجوج وليلى
فاضل: دكومي كومي سوالفج طايحظها
وتعشه ومايباوعلي ومااباوعله اكلت قليل ووخرت بلكوه لكمتين اكلت
فاضل: دكومين من اكمل اني فاهمه
اني: فاهمه واني ماكمت بعدني كاعده بس شبعت
فاضل: شكد تراددين بنت جبار
اني: اني افرح من دكلي بنت جبار فخر الي
فاضل: طلعتي اضرب من اختج الصلفه
وهوه ياكل بس ماحجيت سكتت
فاضل: انتي من جماعة المدرسه
اني: لا اني مامكمله
فاضل: حمزه الي يحبها بلمدرسه هيه اختج يريدها لو انتي
اني: مااعرف شتحجي
فاضل: ادري حمزه يريد منكم مره وراد يخطب وصارت الطلابتنا وياكم
اني: مااعرفن بعد
فاضل: اي اي لاتعرفين بنات جبار تتمعشقن وهدلجن الحبل جبار ومدندنه وحده غريب ووحده ابن عمها ومستشرفات براسي ودكلي اختج اني زلمه بت زلمه وهيه مطمسه راس ابوها
اني: مااردن عليك بس ابونا زلمه ورافعات راسه وحمزه اخوك هوه يركض وره خيتي وابن عمي لا احبنه ولا اريدنه انه دريت يريدني هسه حالي من حالك واحنه رافعات راسه لابونا ومن ظهر زلمه يكفي اليوم خيتي دافعتلي وبمية رجال تحجي وياك
فاضل: لاتراددين وتخليني اضربج
اني: اضرب عادي كل ضربه تأذي نفسك ماتأذيني ولاتحجي على اهلي مااقبلك ومااسكتلك
وكمت من صينيته ورجعت لفراشي وشويه واجتي رجاء اخذت الصينيه وطلعت وهوه طلع وراها واني ابجي كلامه قهرني
وشوي ودخل فاضل للغرفه وسويت نفسي نايمه مابيه حيل اتعارك وياه
فاضل: هاله هاله
اني: ها
فاضل: الباجر تكعدين من الفجريه تشتغلين ماجايبيج عروسه هنا
اني: عوفني لاتضربني واني اكعد اشتغل من الفجريه والبيت كله انظفه مارايده منكم عرس وعروسه
فاضل : لاتراددين لا اركعج
نمت وعفته وهوه يصيح وشوي ودك الباب مطر ويحجي
مطر: تاليها وياك فاضل ارحمها وارحمنا وياها نريد انام
سكت فاضل واجه انطمر وعسى ماكعد من طمرته
ومنطيته ظهري ومنطيني ظهره وشوي ومااشوف اله رجليه على جلي يمه ردت اموت وتلعب نفسي منا وشويه ووخرت رجلي منا وهوه حس وشوي وتقربلي وصار فوكاي
فاضل: ليش وخرتي انتي حرمتي
اني: وراي كعد اشتغللكم من الفجر
فاضل: تكعدين الفجر وتسهرين بليل لزلمتج
اني ابجي
فاضل: هيج تحبينه اني كتلج لاتفكرين بي
ولزمني من شعري وضربني ونام وياي وهمجي وابجي وجسمي متكسر مااكدر ادفعه
وخلص وكام تفل عليه
فاضل: تف على هيج تربايه جابولي ساقطه فوك جتلتكم لامي
وطلع واني ابجي وشويه ورجع سابح وانطمر وتمنيت الطمره طمره وكعدني من الفجر اشتغل كمت امري لله واشتغل وسعاد ورجاء وياي وام سعد مسمومه العجيز الزركه
طبعا كل واحد طلعتله اسم
ابو حمزه المعفط اسمي
ام سعد الزريكه
سعد الدثو
غزوان ابو هميسه
فاضل اشكال اسمي كل شويه اسمي اسم المزنجر تمره معفنه لام يشبه التمره السوده المعفنه المخنفس ابو التنك
بس البقيه احبهم زينين وياي وحتى مطر
واسبوعين عدت واني دك شغل عليه ويطب ويطلع فاضل يغلط عليه كدام اهله ومطر يصيح عليه ويسكته بس مايحجي وياي مطر ولا كلمه والزريكه اشبها بام حمديه رغم ماشايفتها ام حمديه بس احس تشبها حساس وحدي احس اي كل ساغه تسمعني حجي وتغلط ورجاء دافعلي والمعفط ابوهم من يشوفني يكلهم وخروها من كدامي لا عباله اني ميته على خدوه الطايحات المجلفطات
وفاضل اغسل ملابسه احضرهن اله قبل مايحجي واصبله غده وعشا قبل مايطلب منا ومايتقربلي همزين تلعب روحي منا وهوه من غير احس بليل يريد يتقرب بس اني ابتعد واتغده وانام واكوم اشوخر حتى تلعب نفسه مني واسمعه
فاضل: هاي هم مره جايبيلياها
اني ازيد شخيري اله
فاضل: وطمه على هذا الشخير
واضحك عليه
وكل بالي يم اهلي مشتاقتلهم ومشتاقه لاهلي وليلى ولابوي روحي يمهم ومااعرف اخبار اهلي وماعدهم تلفون اخابر وابجي عليهم كل ساعه واسكت كلت من يجي حمزه اطلب منا يوديني الهم وعرفت 4 ايام ويجي
.............
ليلى
وبعد مادعيت دخلت غرفتي وابجي ودخلت هيبت عليه
هيبت: ليلى اني مقهوره مثلج واختي هاله بس لخاطر ابونا كافي خففي عليه ابوي احسه يطيح علينا على ساعه ونخسره وهوه شمعتنا خيتي اني راجعه لبيتي ومااوصيج على ابوي ومااتركج كل يومين اجيكم
وطلعت وكملت قرأت القرأن وشويه ودخل ابوي يمي
اني: هابويه محتاج شي
ابوي: ليلى بويه اكو كاع باسمج اريد اكتبها والجن انتي وهاله وسهام واعرفج تنطيهن حكهن
اني: بويه لا هيج تحجي
ابويه: لا ليلى بويه اريد شويه اصلح غلطي
اني: بويه حشاك من الغلط
ابويه: امج شجرتي جانت وانتن ثمراتي و بأيدي ذبلتجن انتي وسهام وهاله وماحافظت عليجن وبنات بنيه مامرتاحات بحياتهن وماحميتجن سامحني بويه
ويبجي ابوي علينا بجيت وياه وكمت بست ايده وراسه
وطلع وبقيت افكر بحمزه وهاله واباوع على خط حمزه لرسالته لفوزي ونايمه بفراش هاله مقهوره عليها ومقرره اله اساعدها واخلصها
ومرت ايام صعبه علينا وابوي ماياكل قليل واني اشتغل شغل هاله ومايقبلون اطلع وسهام تجينا وتروح وفاتحت ابوي على تقديمي وبغداد تريد اقدم
واني منتظره من اروح لبغداد اروح لحمزه والتقي بي واشوف وين بيته واحجي وياه ماعندي غيره
............
هاله
وعلى اساس يجي ابو فجوج بس مااجه وصار شهرين ومااجه وفاضل ماتغير يمشي ويكفخني ويضربني ومطر ماكو يضرب براحته وتعبني وتعب جسمي ومحد يدافعلي ويساعدني واهله نفس جهرته والاكثر من يتقربلي مثل الحيوانه وينام ومن يكمل يغلط ويكلي مخليج خدامه تخدميني وتشبعيني بس هجي اريدج واتقربلج اتخيلج بنت شارع جان شكد يجرحني ويبجيني ويقهرني ومااعرف شي عن اهلي وبعد شهرين رجع مطر النا وابو فجوج ماكو مايجي واملي بي
وبيوم رجع الظهر فاضل عصبي وجرني من شعري ومااعرف شبي ويغلط عليه
فاضل: جلبه وين جنتي
اني: اخ بويه فاضل وخر
فاضل: احجي وين شعنده هنا الجلب
مطر: فاضل تخبلت
ووخره ودفعه من عندي
رجاء: ماطلعت يمنا شبيك تسودنت ماصدكنا الله هداك ماتضرب
فاضل: شفت النذل واكف قريب على بيتنا ويباوع على بيتنا ومن اجيت مشى
مطر: منو
فاضل: ابن عم الحبيب ابن عمها
مطر: الشارع شارع الله مو الك شمدريك النا شلون نمنع العالم تمشي بلشارع
وفاضل يباوعلي ويغلط وعصبي واني ابجي ورجاء تسكتني وام سعد تصيح عليه
دخل للغرفه عصبي وصاحني بعلو صوته
سعاد: كومي شوفي لايضربج
اني: فدوه تعالي وياي رجاء يضربني والله
مطر: كومي شوفي مايضربج وهدئي زلمتج زلمه وحقه يغار على حرمته هاله اخوي لوما يحبج مايغار ويضربج
اول مره مطر يحجي وياي صدمني وكمت وام سعد صاحتني
الزريكه: هاله اضحكي عليه بكلمتين خايبه تقربي لزلمتج وحببي بيج
اني: شحبب منا
ابو تمر المعفنه وجها وجه تانكي ابو الدهن
ودخلت وراه
فاضل: سدي الباب
سديتها وارجف
فاضل : تعاي اكعدي
كعدت يمه وارجف ونازع هدومه
فاضل : شبيج خايفه الحرمه المامسويه شي ماتخاف من شي
اني: ماخايفه من شي خايفه من الضرب تعب جسمي من الضرب
فاضل: جري عدل ماتنضربين
اني: اني ماسويتلك شي وجاره عدل وياك
فاضل : تحبينه لاتجذبين عليه
اني؛ انته تغار عليه
باوعلي خزرني وجرني للفراش
فاضل: انتي حرمتي ومايصير تحبين غيري
صرت جواه وخايفه منا وارجف
اني: ماافكر بغيرك اني
فاضل: يعني تفكرين بيه وتحبيني
اني: لا ماافكر بيك ومااحبنك انته ماتنطيني مجال احبنك
فاضل : هسه راح انطيج مجال تحبيني وتحبين عشيرتي
فاضل: هاله اريد اضوكنج وانتي راضيه
اني استحيت من كلامه واول مره يحجي وياي بطريقه حلوه بس مااكدر اسامحه واسامح تصرفاته وضربه وقسوته
فاضل: شو سكتي
نزلت دمعتي اريد اعاتبه ونبدي صفحه جديده وشفت بي حنيه نطقت اسمه اشو عصب وسكتني
اني: فاضل
فاضل : ليش نزلت دمعتج تحبينه اله ادمرج واعذبج واذبحج واطم عارج تبجين عليه بحضني
اني: فاضل ماابجي عليه والله
وكام وجابلي حزامه وكام يضربني واريد اكله اريد ابدي وياك حياة وبعدني بديت اقتنع بي وهوه كام يضربني ودخل ابو ومطر وام سعد واخوته وخلصوني منا
وبقيت ابجي تعبت منا ومن اسلوبه وتصرفه وهمجيته
دخلت رجاء
اني: اريد اهلي كافي تعبت كافي مااكدر بعد اتحمل ضربه وهمجيته الي كافي ارحموني رجعوني لاهلي ياريت رجعت ويه اخواتي ياريت سويتها دموم ياريت خليت ليلى تزوجه وتأدبه اني مااكدرله يمه وينج ليش عايفتني وماتحميني يمه حميتي ليلى وماتحميني وتخلصيني منا ولج ليلى وينج تعاي ماتحسين بخيتج ليش عايفتني بويه عفت بتك وماتجي تاخذها شلون عايفيني شهرين ماتسألون عليه اني مش بتكم ماتحسون بيه وينكم
رجاء كامت تبجي عليه ومطر يسمع ويباوعلي وغريب الاطوار شكله ونظراته ورجاء تسكتني
اني: والله ماابجي عليه والله ماابجي عليه اني بلوتي ماتخليني افكر بأحد بس اريد ارضي واجفى شره
رجاء : كافي اسكتي
وطلعوا وبقيت نايمه مدد وماتغديت وهوه رجاء صبتله اسمعه راد يصيحني ومطر صيح عليه يعوفني وعافني
وتغده ودخل للغرفه وعصبي واجه نام بلفراش
مااعرف بوقتها اكره مااعرف مشاعر مخربطه بس محتاجه اهلي ومحتاجه اهلي وتعبت والتفتت عليه وباوعلي
فاضل : شكو تباوعين
هوه كاعد ومخلي مخدته على الحايط ومنتجي عليها يعني بين النايم والكاعد عليها
اني كمت ورفعت نفسي وخليت راسي على صدره وبحضنه صرت
فاضل تسودن وسكت
اني: امي قبل ماتموت جانت تجينا سهام تبجي وتشكي من رجلها وامي دكلها المره من تزوج شكد ماتفتر وتروح وتجي ماترتاح المره بعد زوجها غير حضن زلمتها حتى اذا يقسى عليها وشكد يكرها بس من الله المره من تزوج ماتلكه امان غير حضن زلمتها تخلي راسها بحضنه وترتاح وتنسى همومها حتى اذا هوه همها .. جنت اضحك على امي واكولن سهام مبسوطه من جاسم شلون تخلي راسها بحضينه صدك امي تقشمر سهام وهسه اني اعيش كل كلمه كلتها
فاضل: يعني كلام امج تقشمر
اني: لا كلام امي صدك واليوم فهمته شما الف وادور بعد انت قدري وماعندي غير حضنك اخلي راسي بي وعوفني نايمه بحضنك ولاتضربني ولاتطردني منا اني تعبت فاضل جسمي تملخ مااكدر اتحمل الضرب وماعايشه بأمان خليني ساعه وحده اعيش بلامان بحضنك وانام مرتاحه وبلا خوف والم وجروح وضرب
نزل جسمه على المخده وخله ايده جوه راسي ونمت بحضنه ودموعي تنزل على صدره واول مره انام وبسرعه غفيت وعلى صدره بقيت نايمه وماكعدنا للمغرب
رجاء: فاضل
اني فزيت لكيت رجلي على رجلي وحاضني بأيده اثنينهن ونايمه على صدره واثنينا غافين وكعدنا على صوت رجاء
فاضل: شكو
رجاء: دنيا مغرب وغرفتكم ضلمه مايصلح ونايمين لو كاعدين
فاضل: نايمين
رجاء: مطر يريدك
فاضل : جاي
اني بحضنه ماوخرت وهوه هم ماوخر عني ويحجي ويه رجاء
اني من سمعت يكلها جاي كمت منا
فاضل: وين
اني: غير تريد دكوم
فاضل: مااكوم بعدني نايم
اني: اكوم اساعدهم بلعشا
فاضل: مادكومين تعاي
وسحبني نومني بحضنه
اني: فاضل اخوك يريدك
فاضل: واني اريد انام
اني ضحكت
فاضل: اول مره تنامين وماتشوخرين يوميه تخبصيني
اني ضحكت ضحك مااكدر اسكت من الضحك والغرفه فارغه يطلع صوت صدا ضحكي
فاضل: صوتج نصي يسمعوج اخوتي برا كاعدين
اني سكتت واضحك على كيفي وهوه يباوعلي ومبتسم وياي يضحك على ضحكي جانت اول ضحكه النا
فاضل: كافي صار ساعه تضحكين
اني: سكتت
باوعتله وغمضت ردته يبوسني
ودكوا الباب علينا مطر بكل قوته خرعنا
فاضل: شكو
بصوت عالي صيح فاضل عليه
مطر: شسويت بلبنيه فاضل اطلع
فاضل: شسالفه مطمور ومطموره وياي لاتخاف عليها
اني ضجت منا نفس سوالفه مايتغير وراح مطر ورجع فاضل يباوعلي وكمت منا ضايجه
فاضل: وين
اني: كملت طمرتي
فاضل: ههههه ليش ضجتي يوميه احجيها الج
اني: بس اليوم غير
فاضل: ماكو شي يتغير بوضعنا لاعبالج هاي السوالف تغيرنا
اني : ادري
وكمت فاضل سكت وماحجه وياي وماصاحني يعرف غلط بحقي ويكابر مايتنازل كدامي وكمت بدلت وطلعت وشافوني وساكتين وعيوني موره وكعدت لكيت سعاد تخبز ورحت وياه اشنك ومقهوره وعصبيه
سعاد: 4ساعات جوه وهدوء شسوالج
اني: انطمرنا اني وياه
وتضحك سعاد عليه ودخلت وصينية النخاله وياي وندخل بلبداية للكندور ياله المطبخ وشافني يباوعلي ويحجي ويه اخوته واني مااباوعله وصاحني
فاضل: هاله اريد جاي
اني: راح نصب عشا
فاضل: من اطلب لاتجادليني
اني: هسه اصبلك
مايتغير ابو الدهن كوه خوما خوه عابتله ابو كصه مزرفه
وضحكت ويه نفسي على لقبي الجديد خوش لقبته هلمره واحجي ويه نفسي واضحك اكول لو يدري هجي القب عاااااااا يجتل حتى عشيرتي
رجاء؛ شبيت تضحكين ويه روحج
اني: مابيه شي
وبلباب واكف فاضل ويباوعلي واني سكتت بسرعه وهوه باوعلي وابتسم
عاااا بطران عباله اضحك ذكرت سالفتنا مايدري اضحك على القابه
فاضل: وين الجاي
اني: هاي راح اصب
رجاء: ضحكيني وياج شبيج
اني: مايصير اكلج
وفاضل فرحان بروحه وثبتله اضحك على سالفتنا من شاقاني بلغرفه واني اضحك عليه اخ فاضل لو تدري اني اضحك عليك وماضحك لان عبالك اضحك على سوالفك تستاهل ابو كصه مزرفه هههههههههه
فاضل: كافي تضحكين
اني: ماشي
ورجع كعد وجبتله الجاي ومبتسمه ويباوعلي خزرني يعني اسكتي
ورجعت لامطبخ وصبينا عشا وتعشينا وكملت تنظيف مطبخ ودخلت غرفتي قبله وبدلت هدومي ولبست دشداشه غيرها
ونمت بسرعه وسويت نفسي نايمه ودخل وراي شافني نايمه
فاضل: نايمه
اني: مطموره
فاضل : صدك مطموره وعساج
اني انقهرت وتغطيت ونمت
وتقرب راد بحضني ودنيت عنا ونمت وفهم زعلت عليه ومايتنازل ويصالح
وشويه واجه تقرب واجه دخل ايده جوه راسي ودار جسمي عليه
فاضل: ماتريدين نصيحة امج تنامين بحضن زلمتج
اني: ههههههههههه
ضحكني صدك
فاضل وبدون تفكير باوعلي وباسني كبل وبسته اول مره ابوسه وتسودن وبقى يبوسني مثل المسودن وحضني
ووووووووووووووووووووووووو
واول مره مايعاملني بحيوانيه جان حلو وياي ووكمل ونام بفراشه وسحبني بحضنه على صدره نومني ونام غفى
يتبع..
