جنون شاب وعناد فتاة [ قيد التعديل ]

الفصل الثالث ✓

جنون شاب وعناد فتاة

الفصل الثالث| ندوب الماضي

جاهزين ؟

3
2
1

استمتعوا ♡

•

- ليه فى إيه ؟

- من غير ليه نفذ إللى بقولك عليه فوراً.

- مش قبل ماتفهمني ايه اللى جرا بينك وبينها عشان توصل لدرجة انك تجري وراءها فى الشركة بالمنظر ده ولا كأنها سرقت منك حاجة ؟

أجابه حمزة وهو يسحق على أسنانه غضباً لا يرى أمامه غير مافعلته به على مدار مرتين متتاليتين

-فاكر البت بتاعة الفرح ؟

-اه مالها؟

-اهى الزفتة دى هى نفسها السكرتيرة اللى سيادتك شغلتها.

سيطرت الدهشة على ملامح أسر وقال بعدم تصديق

-يانهار أزرق سلمى هى نفسها البت دي طب ازاى ؟ ده مفيش أى تشابه بين أسلوبها وأسلوب اللى انت حكيتلي عنه خالص انت متأكد أنهم نفس الشخص.

صاح حمزة به بحدة

- إيه يا أسر انت هتشككني فى نفسي طبعاً متأكد أنها هي.

- طيب اهدي بس كده واحكيلي إيه اللى حصل بينكم ؟ اصلا من شكلك والعصبية اللى انت فيها دى بيان انكم اتخانقتوا تاني.

سرد حمزة لأسر ماحدث بينهما باختصار، وكالعادة لم يستطع أسر كتم ضحكاته على ماحدث لصديقه على يد سلمى، فحادثه له وهو يضحك

-ههههه يا عيني عليك ياحمزة ده انت اتمرمط خالص على ايديها مع أنه مايبينش عليها انها تقدر تعمل كل ده.

- أسر مش ناقصك هي ولا ناقصة ظرفتك انا فيا اللى مكفينى، وأصلا انت السبب لو ماكنتش قبلت توظفها ماكنش أي حاجة من دى حصلت.

_ وانا مالى ياعم هعرف منين يعنى انها هى، إيه بشم على ضهرى ايدي.

- خلاص كفاياك رغي اتفضل سيادتك جبلي الزفت ال CV بتاعها يالا أتحرك.

- خلاص ياعم هجيبه متذوقش بس.

☆☆☆☆☆☆☆☆☆☆☆ by/Solymohammed842

علقت بزحمة السير بعد هروبها وإبتعادها عن الشركة، لتتحادث نفسها ولكن بصوت مسموع معبرة عن كم هى نادمة على اللحظة التى عادت بها لمصر.

- كان يوم مطلعش ليه شمس يوم ماسمعت كلامك يا ماما ورجعت مانا كنت مرتاحة هناك والله كنت مرتاحة كل منك يا ماما انتي وهنا، عايزين ننزل مصر يا سلمى..انا زهقت من القعدة هنا...عايزة ارجع بيتي وبلدي يا سلمى، هما الاتنين فضلوا زن زن على دماغي عشان ارجع وادينى اتزفت ماخدتش من رجوعي غير التعب والمشاكل مع الحيوان اللى كل شوية بيطلعلي من حتة شكل، بس انا اتساهل عشان سمعت كلامهم ياريتني كنت سمعت كلام سمر واونكل اسماعيل وفضلت هناك وتمسكت برأيي بس هقول ايه مانا غببة....صاحت بسخط وهى تضرب بكلتا يديها مقود السيارة حينما مر أمامها مشهد قربه منها وحديثه معها : ااااه والحيوان ده كمان قربلي بطريقة مستفزة شبهه وقال ايه يخربيت جمال عينيكي، الله يخربيتك انت يا شيخ ويخربيت اليوم اللى شوفتك فيه كان يوم منيل من أوله.