#ام البنات
#للكاتبه baraaAli
#البارت 23 💕💕💕💕
أستقبلونا ذااك الاستقبال وگعدنه .. بده السيده يعقدلنه . وتم كلشي
صارت الساعه ب 6 ونص أمي گالت لازم يشوفهاا وتشوفه
دخلت شفتها بس بالي وعقلي كله يم سمر مو هالگد باوعتلهاا
زهراء : مدري ليش گلبي ماأرتاح الهااي القسمه وبقيت مدنگه بس شسوي صرت أمام الامر الواقع بعد مابيهاا كل مجال بلكي تطلع صدگ خوش قسمه والولد يطلع حباب ويعيشني بسعاده بس ضايجه شلون راح أفارگ أمي وأخوتي ماجد ويزن وأيضاا مزرعتنه
بعد ماعقدلنه السيد دخل عمار يلبسني الذهب بس أحسه مافرحاان وجنه أثنيناتنه مدلغمين ههههههه
بدت الهوسه والهلاهل حبهاا ولك حبهاا لا تخاف من أمهاا
باسني من راسي وانوب قطعنه الكيكه وشربنه العصير
دگ موبايل عمار من رخصتكم الوووو ها يابعد الروح اااخ ولج تمنيت انتي بمكانهاا
سمر : تناشغ وتبجي 😭😭😭😭
عمار : هااي گاعد تبجين ... ليش تخليني هسه ابطل وأعوفهم واجيج البغداد
سمر : لا لا حبيبي خلاص ... بس گلي حلوه لو لا
عمار : ليش هوه أني شفتهاا أصلاا مادامني گاعد بس صورتج گبالي
سمر : احبك والله احبك 😭😭 شوكت ترجعون
عمار : هسه راح نرجع ولم اوصل للبيت اخابرج ولا تبچين ولا تضوجين الروح يمج بس الجسد هناا
سمر : الله يحفظك اليه حبيبي يله اخذ راحتك مع السلامه
عمار : مع السلامه خليت ورجعت دخلت جوه
زهراء : دخل عماار بس ابد ابد ماكو بوجهه كل فرحه عبالك مجبور بقوو شويه وراحوو حته ما حاجاني او سئلني _ المهم اني بعد ما فرغ البيت نزعت ملابسي ولبست دشداشتي واجيت أساعد امي بتنظيف البيت
ام ماجد : لازم نطلع نجهزج لان همه مستعجلين
زهراء : اني بداخلي مامتحمسه ذاك الحماس _ صدك يمه ممكن طلب
ام ماجد : اطلبي
زهراء : يمه ماتعزمينه عله غده اريد أحجي وياا الصراحه ماشفته فرحان وما حجه ويااي
ام ماجد : يمه ماعدنه هاي السوالف الرجال يشوف حلاله بيوم الزواج ويجوز الولد مرتبك شفتي امه واخواته شلون فرحانات
زهراء : يجوز الله أعلم
ثاني يوم
ليلى : گعدت الصبح متكسره اتكسر من هوسه البارحه بدلت ورحت للكليه دخلت حاضرات واني بالمحاضره أجتني رساله من رقم غريب مكتوب بيهاا
صباح الخير ياحلوه
بقيت صافنه غلست بقيت منتبهه للاستاذ
بعد ما خلص وقت المحاضره طلعت گعدت بره ولازمه بيدي لفه وعصير گاعده اكل نفس الرقم رجع راسلني
_مو گلنه صباح الخير ياحلوه
رجعت دزيتله رساله منو حظرتك
_معجب بحظرتج
ارجوك اخي بعد لاتراسلني وامسح رقمي
_الظاهر عندج واحد وماتقبلين حبي
اي عندي وهذه الشي ميعنيلك افتهمت صدگ ناس ماتستحي گمت انطيت للرقم حظر
فرح : اهلاا ليلى صباح الخير شو گاعده وحدج ماأجيتيني
ليلى : اهلا فرح فرح اترجاج ابتعدي من عندي والله خطيبي ميقبل اصادق فرجاءا بدون مطرود ماأريدج تلاحگيني
فرح : اوك براحتج _ قابل شنو راح ناكلج هذه خطيبج من هسه يتحكم بيج 😏😏😏
ليلى : لا تضوجين مني فرصه سعيده عفتهاا ورحت عنهاا
