#ام البنات
#للكاتبه baraaAli
#البارت 24 💕💕
زهراء : دار ظهره واني درت ظهري ونمنه محسيت اله عله صوت الموبايل حرك الجو حرك
عمار : الوو
سمر:ها حبيبي شصار طمني
عمار:كلشي ما صار جنت نايم هستوني كعدت..أشبيج شو صوتج ماعاجبني
سمر:صارلي يومين مخنوكه وبس ابجي واليوم كعدت حته مابيه حيل دايخه ولعبانه نفسي
عمار:اجيج هسه
سمر:لاحبيبي وين تجي فشله من الناس..بس شوي التفكير تعبني
زهراء: اني عفته يحجي وفتت للحمام غسلت..🤨🤨شنو هذه عينك عينك يحجي وياهه بلا خجل ولا مستحه بدلت وخليت الامور طبيعيه لان ماأحب انهزم أو أضعف
الي يريدني هلابي والمايريدني الله وياا.. بس راح يبقى هذه جرح بالكلب هواي نساء تكابر عله جروحها نشوفهاا نكول هنيالها تضحك وتسولف وهيه بداخلها هم يهز جبال بس عدها عزة نفس
المهم خليت ونزلت جوه البيت ابو وهوه بقى يحجي بالموبايل وياهه شفت البنات مجمعات شافوني ظلو يهلهلون خليت وكعدت
عمار:زهرررراء وينج هااي وين راحت خليت وطلعت من الغرفه شفت امي هستوهاا صعدت هايمه شفتي زهراء
اميره: اي يمه جوه -ليش ماتدري؟؟
عمار: اتعصب😡😡نزلت بدون ماتكلي شنو اني هنا طرطور
اميره: عله كيفك يمه يجوز ماتعرف بعدها تتعلم شوي -بشر اخذتهاا لا
عمار:لا بعدني--خليت ونزلت جوه شفتها كاعده وبس اهلها موجودين -هسه هاي شلون اصيحهاا
غزلان:هاخويه عمار خيرك هنا واكف
عمار:روحي صيحيلي زهراء
غزلان:اي عيني ميتحمل ههههه زهوره عمار ايريدج
زهراء:شيريد😏😏 خليت ورحت ها خيرك
عمار: هااي اول واخر مره تنزلين وماتكليلي وثاني شي خاف يسئلونج كليلهم خلصت الشغله مفهوم
زهراء:ماشي رايد شي بعد لو اروح
عمار:تعجبت شفتهاا ابد مامهتمه لا ما رايد شي روحي
زهراء:بداخلي متكطعه تكطع بس مابينت ابد رجعت اضحك وي البنات اشوي وامي وكرايبنه رادن يرحن سلمن عليه
حظنت امي وبقيت ابجي وبعدهاا راحوو
بقيت يم ناس مااعرف اطباعهم بله زوجي خوش استقبال استقبلني بس عيالي شلون شفت البنات ينظفن رحت وياهن
غزلان:هاي شتردين اتسوين ههههه ولج انتي عروس ميصير روحي اكعدي
زهراء: خلني وياجن عله الواهس
الشيخه نهضه: يمه زهوره تعالي
زهراء: اي خالتي جايه
الشيخه نهضه: هايمه تعالي نسولف شلونه عموري البارحه وياج؟؟
زهراء : لا ارادي دنكت بقيت ابجي
الشيخه نهضه : انصدمت .. تعالي وياي للغرفه ..راحن للغرفه وقفلت الباب سولفيلي شبيج
زهراء : خاله البارحه عمار كالي احبلي وحده ويكول اهلي جبروني عليج واليوم الصبح كدامي يخابرهاا
الشيخه نهضه : ياشماله تخبل ... يمه زهوره لا تضوجين اتركي الموضوع عليه اريدج تهتمين بنفسج وانتي حلوه لبسي وبدلي حته لو تشوفينه ما يباوعلج او مامهتم لا تضوجين او تملين مارسي حياتج صدكيني تخلي يتندم
زهراء : خاله زين تعرفونها هاي البنيه
الشيخه نهضه : اي يمه نعرفهاا وراد يزوجهاا بس محد موافق بيهاا .. لاتخليهاا ابالج كلنه وياج المهم اريدج تهتمين بنفسج وبغرفتج ملابسه هم اكلته لا تنطينه عذر ابد
زهراء: ماشي خاله
