#ام البنااات
#للكاتبه baraaAli
#البارت 12💕💕💕💕💕
غزلان : كلما أباوع الكرار أكو شي بداخلي يتحرك أتجاهه بس ماأگدر أحجي وأعبر عن حبي .
كرار : ليلى ملكتني وتصرفاتها بعفويه وياي أتمنى يجي اليوم ألي أعترف بحبي ألهاا
عمار : ثاني يوم رحت وي أبويه للمضيف وعلمني على هوااي شغلات تخص القانون العشائري ....... بقيت أسبووع
بويه أني باجر راجع للبصره ماأگدر اعوف أمي وحدهاا
الشيخ مزعل : بكيفك بويه بلي يعجبك وبيوتنه مفتوحه ألك
عمار : الله يحفظك ....... حظرت جنطتي ورجعت للبصره ... بعد ماوصلت للبيت سمعت صوت عالي وموسيقى دگيت الباب محد يسمع .... طفرت من السياااج دخلت ليجوه
شفت أمي ترگص وزوجهااا گاعد يشرب ....... (( يشرب بيبسي مو يروح بالكم بعيد 😜😜😜))
بدون مايحسون بيه .. ذبيت جنطتي وطلعت رحت يم الشط ضليت گااااعد ((ليش هيجي يمه سويتي بنفسج ومافكرتي بيه معقوله ما تگدرين بدون رجاال حته أستحي أگول أمي تزوجت 😥😥))
وليد : عماار هااخويه شو گاعد وحدك وصافن
عماار : أهلا وليد شلونك _ تعاال تعاال أگعد بصفي
وليد : ياالله _ هاخويه أحچيلي شبيك _ أشلونهاا بغداد
عمار : والله ياخويه بغداد جنه صدك ترتااح راحه نفسيه _ لو ما أمي جان بقيت هنااك
وليد : ما بقيت أمك مو تزوجت ؟
عمار : وليد أمي ماأگدر أفارگهاا ومتعلق بيهاا أبد ماأتخيل حياتي بدونهاا أسبوع غبت عنهاا أحس يوم أصعب من يوم _ المهم أنته شلونك ؟
وليد : يااخوي أبويه ذلني ذل أنوب حته المصرف بعد ماينطيني أيگلي أعتمد عله نفسك أخخ ياعمار من ماتت أمي حسيت بالذل محد يتفگدني ملابسي بيدي أغسلهن حته بالأكل لو أكل وياهم لو ماألگه
عمار : شبيهاا زوجه أبوك تخبلت
وليد : أهاا أنته گلت تخبلت وخاصه بعد ما صارو عدهاا أطفال ماشافتني بصراط المستقيم وأني متأكد هيه الي حجت براس أبويه حته يقطع عليه المصروف .. اووووووف
عمار : شو گوم خلي نتمشى الكأآبه فوووول صعدت
أميره : هاي شنووو 😨😨عماار چاي _ دفعت الباب ماكوو بالغرفه .. رحت أرگض للحديقه اباااوع ماكووو _ أبوو هادي عيني هم شفت عماار
ابو هادي : لاا منوو يگول رجع ؟
أميره : هاي جنطته ___ وليدي حبيبي 😭😭
غزلان: دخلت الغرفه كرار شفت يحتاجلهاا تنظيف گعدت أنظف بيهاا وأرتب ملابسه (اويلي عليك ) وأتنفسهن أوووف شگد أحبك
خيريه : هاااي أنتي هنااا يا مصگوعه وأني أدور عليج يله تعالي نضفي الحديقه ... هاي النبگه دمرتنه 😡😡😡
غزلان : مو أبويه شكم مره راد يشلعهاا وأنتي ماتقبلين
خيريه : يمه ماينطيني گلبي أشلعهااا 😭😭😭
غزلان : جا أسكتي بعد عليمن أتذمين النبگه 😕😕
خيريه : 😒😒😒يله كملي وتعالي شلون بنيه محظره الجوااب بلسانهاا
غزلان : ههههههه والله مصيبه ____ گاعده أسفط بالملابس وطاحت ورقه .. أجيت أفتحهاا .......
كرار : غزلاااااااان ____ شفت الورقه بيدهااا .... قريتيهااا
غزلان : 😨😨😨😨لا _ شبيك گمزتني
كرار : أنطيني الورقه
غزلان : هاك ____ امممممم نظفت الغرفه شنو رأيك بالترتيب
كرار : عااشت أيدج
غزلان : يله أني طالعه أريد أنظف الطارمه
كرار : مااشي ____ أووف الحمدلله والشكر ما قرت الرساله .. رجعت ضميتهاا جوه ملابسي
