#ام البناااات
#للكاتبه baraaAli
#البارت الاخيييير 💕💕
خيريه : گعدنه بره والشيخ والشيخه راحووو يفترون اني گاعده والاطفال يمي مااسمع بس صوت يصيح بأسمي .. اباوع ثاري امي .. گمتلهاا حظنتهااا
ام تحسين : يايمه ياخيريه عساس جايتج .
خيريه : شلونج يمه ابويه اخوتي شلونهم
ام تحسين : الحمد لله يايمه .... بس يايمه مثل ماگلتي الحوبه تسحگ گعدنه الصبح ولگينه الزرع كله محترگ .. وعله أثرهاا ابو سميه صارت عنده جلطه وهسه مجلوط بفراشه .. وأخوها ميثم أجته سياره وسحگته وهسه متكسر اتكسر والسلف كله حزنان عليهم
خيريه : دم المظلوم هذه ماتروح حوبته .. بس بقت يمه اريد أسألج سؤال بس اجاوبيني بكل صراحه
ام تحسين : گولي يايمه
خيريه : منو الي خبركم بوجود سميه عدنه
ام تحسين : يمه شاب اجه للسلف وخبر عنهاا وگال اني من البصره بعد ماراحوله گالهم راحت وانطاهم العنوان
خيريه : مؤمل 😱😱
ام تحسين : منو هذه مؤمل
خيريه : الشاب الي جانت عدهم سميه . وسميه سولفتلي عنهم ومدحتهم ليش هيج سوه ..
الشيخ مزعل : ياهلا ام تحسين شلونج
ام تحسين : هلا بيك شيخ . شلونك شخبارك
الشيخ مزعل : الحمدلله
الشيخه نهضه : شلونج ام تحسين
ام تحسين : هلا بيج يمه ...... يله اني اترخص
الشيخ : وين رايحه انتي واعدتينه تجين بياته
ام تحسين : رحمه الله والديك بس منتظريني الجماعه بره جايه حمله دار . ان شاء الله غير يوم .... يله يمه خيريه مع السلامه ... مع السلامه
خيريه : بقيت صافنه
الشيخه نهضه : ها خيرج صافنه
خيريه : مزعل تعرف منو الي مخبر عله سميه .. مؤمل البيت الي جانت بي سميه بالبصره
الشيخ مزعل : معقووله . بس امبينين خوش نااس
خيريه : مزعل بس طلب اطلبه واعتبره اخر مره
الشيخ مزعل : گولي
خيريه : اريدك تاخذني للبصره الهم
الشيخ مزعل : أنتي صدك تحجين
خيريه : 😭😭😭فدوه أخذني اريد بس احجي وياهن وأرتاح .. وصدگني بعد سيره سميه ماأجيبهاا بلساني
الشيخ مزعل : صارر
*اريد اعرف السبب ليش هيج سوه . وهيه جانت ناخيتهم .. معقوله ماكو امان . ماكو انسانيه . وره أسبوع رحنه للبصره .... الشيخ يندلهم گبل نزلنه يمهم دگينه الباب طلعتلنه مريه .
خيريه : السلام عليكم خاله ام مؤمل
ام مؤمل : اي خاله اني ام مؤمل
خيريه : ممكن نتفضل ونحجي
ام مؤمل : اهلا وسهلا تفضلوو تفضلوو
خيريه : رحمه الله والديج خاله .. ممكن تصيحيلي مؤمل
ام مؤمل : ماشي رايحه اصيحه ...... مؤمل جان نايم ... مؤمل يمه اكعد أجوي عليك
مؤمل : منووو
ام مؤمل : يمه مااعرف رجال ومره
مؤمل : گعدت غسلت وجهي . ورحت السلام عليكم
خيريه : بنفسسي أكله لان مع الاسف نخته وخان بيهاا
مؤمل : عمي اعتقد شايفك ملتقين قبل بساع
الشيخ مزعل : نعم عمي ملتقين .. هسه اذكرك .. مره اجيتكم اخذ سميه من عدكم
مؤمل : بقه يبلعم .... سميه
خيريه : ليش هيج سويت أمنت بيك وثقت تروح ادليهم المكان ليش
والله يرحمها حته مدحتكم . بس ماتدري انتو سبب موتها
مؤمل : موتهاااا .. يعني سميه ماتت
خيريه : أبوها ذبحهاا . ليش رحت خبرت عنها فهمني
مؤمل : راح أسولفلكم ... لم اجتي سميه وسولفت وشلون شارده من أهلهااا وخوفتني بالزايد بيوم گالتلي احنه عشائر .. گلت معناهه اذا لزموني اني وياهه يكتلونه حسبالهم شارده وياي ... كلش خفت .. مثل ماتعرفون اني وامي محد النه ... خليت ورحت للعماره .. بقيت أسأل لحد ما وصلت .... شفت رجال گاعد بالتكان ( المحل ) سألته عن أهل سميه ... رأسااا هوه وگف گال شرايد منهم ...... گتله اجيت من طرف سميه ....
الرجال : سميه ... تعاااال وصلت ... أني ابن عمهاا
اخذني البيت أهلهااا ...... أجه ابوهاا واخوانها ... ولد عمهااا كلهم .. سولفتلهم شلون شفتهاا ... وجبتهاا البيتنه لان طفلهاا نايم ... ثاني يوم سولفتلي ... ولم سولفتلي الصراحه اني خليت وأجيتكم هسه
رد عليه رجال .. گال خليهاا اليوم .. وباجر احنه رايحين انطيهاا الامان
خليت ورجعت .... الصبح اجه الشيخ مزعل اخذهااا بنفس اليوم الي رادوو يجون ياخذون سميه بي ....... امي عرفت اني رحتلهم وخبرت عنهاا لعبت بيه لعب .. وگالتلي اتبره منك ليوم الدين ...... گبل اخذتني وطلعت ... وصلنه مسافه وشفنه سياراتهم حاوطو البيت ..
ام مؤمل : امشي ابد لا تلتفت
مؤمل : خلينه ورحنه البيت اجدادي ... بقينه هناك 15 يوم والامتحانات مالتي بعدلهاا أسبوع . رحت البيتنه حته اجيب ملابس اليه وحتياجات .. دخلت للبيت حظرت الملابس وطلعت ومااشوف اله الاسلحه صارت گدامي ....... گمت انطيتهم العنوان مالتكم .
ام مؤمل : يمه وهسه سميه انكتلت
خيريه : هوه يحجي واني دموعي تجري 😭😭😭😭😭
الشيخ مزعل : يله خيريه خلينه نروح ..
خيريه : خلينه وطلعنه .. بس دموعي ماتوقفت ... ماأشوف اله نفسي بالمقبره 😱😱 هااي شنو
الشيخ مزعل : تعالي خلي ازورج قبرهاا .
خيريه : نزلنه وصلنه يم القبر .. ذبيت نفسي وبقيت ابجي تقريباا ربع ساعه .. انوب رحنه الامير المؤمنين زرنه وندعينالكم ... ورجعنه البغداد
*الايااام تمررر..... الشيخه نهضه بقت لازمه غزلان وكرار ادرسهم وايضاا ليلى .. وهم حبلت وجبت بنيه سميتها كوثر .. وعله راس كوثر أجتي تبارك وعله راس تبارك جبت فردوس
وبناااتي يكبرن گدااامي .. والشعور احلى شعور يسموني #أم البنااات
💕💕💕💕
والشيخ مزعل والشيخه نهضه طايرين فرحه بيهن .... أمااا عماار كل اسبوع الشيخ يروحله يوديله ال الله قاسمه ما عافه ابد ..
وكرار بده ياخذه الشيخ وياا للمضايف
هنااا صار دخوول الامريكان للعراق سنه ٢٠٠٣
اني لهنااااا خلصت قصتي خيريه 💕💕💕💕اذا تحبون تكمله وحياه البناات وشلون عاشن ومصير عمار وكرار اني اكون خادمه . وراح اتابع التعليقات اذا طلبتو التكمله راح اكمل لذلك اني توقفت لهناا گلت ايجوز ماتحبون تستمر القصه اله بوجود خيريه .
#واني اشكركم من كل گلبي لان حبيتوني واني هم احبكم
واني هم أحبكم كاتبتكم #baraaAli💕💕💕💕💕💕
