گره أب

البارت التالت

روايه گره أب ❤

البارت التالت 🌈

بقلم: medo el، "♡

وصلها للسياره وطلعو.... وصلت سالمه لي حوشها ومشي احمد لطريق حوشه قعد يكلم في محمد...

احمد:حمودي حلوه ماما سالمه ولا
محمد: مفيش رد؟
احمد:مسرع رقدت شكلك لعبت هلباا 😂
محمد:مفيش رد؟
تلفت احمد بيشوف لي محمد ولقاه مهناش 😳

احمد من الصدمه لين وقف السياره في نص الطريق وقعد يفكر

احمد:..وين نسيته وكيف نسيته كيف مجاش في بالي معقولا ننسى ولدي كيف هكي💔 ....الناس الى وراه يكلكصو ويعيطو

رجع احمد وين م كانو يدور على محمد لقي زوز عائلات

احمد:السلام عليكم ⁦
العزوز و بنتها :وعليكم السلام
احمد: لو سمحتو مشبحتوش ولد صغير هني رايح
البنت:لالا مشبحناش 🙄
احمد:به 😒..ومشي
العزوز: لا حول ولا قوه الا بالله انشاء الله يلقاه
بنتها: انشاء الله 🥺
مشي احمد للعائله التانيه ....السلام عليكم ⁦
الراجل : وعليكم السلام خوي ..تفضل
احمد: ..مشبحتوش ولد صغير هني رايح
ردت بنته :مبكري شفت ولد صغير جي للطاوله الفاضيه هادي قعد يدور شويا بعدين مشي جهت الالعاب ...لكن الولد صغير هلباا ممكن عمره 4 ولا 5 ره
احمد:اي اي هوا صحيتي بارك الله فيگ.. ومشي يجري جهت الالعاب ويدور ويضبح طلعله الراجل متع القهوه
احمد:بالله مشفتش ولد صغير هني رايح
الراجل:مبكري جاني ولد صغير قالي مشفتش بابا
احمد:به مشفتاش وين مشي 💔
الراجل :لا والله طلع يجري هوا مشبحتاش
احمد:به صحيت.. ومشي

قعد يدور احمد قريب عشره دقايق وملقاشي مشي جهت الالعاب سأل بنت صغيره
احمد:بنتي مشبحتيش ولد صغير هني رايح ولا يبكي
البنت: شبحت ولد يبكي ومشي جهت الشجر

احمد مشي طول جهت الشجر ويدور وفي الاخير لقاه راقد تحت شجره 🥺❤
احمد:حمودي حبيبي نوض هي بابا جي تعال نروحو
محمد يبكي.. بابا  نسحابگ مشيت وبتخليني زي ماما 😭
احمد:مستحيل نخليك ولدي.. وقامه ومشو خطم من جنب العائله
العزوز: الحمد لله انك لقيته سخفني لما قلت عمره 4 سنين قاعد صغير يناري 😔
احمد:اي الحمد لله
محمد:بابا المراه هادي مبكري عطتني شكلاته
احمد:بارك الله فيك يا حاجه
العزوز:فيك بارك الله .ومره تانيه رد بالك على ولدك 🙂
احمد: انشاء الله..  وروح

تاني يوم:
الساعه5لعشيه:

فاطمه:اي احكيلي يا ولدي شن جوها سالمه باهي ولا شني ⁦
احمد:مشاء الله عليها يام
خديجه:شن عجباتگ امالا🙂
احمد اسكتي انتي 😒
خديجه:بدل متقولي شكرا عرفتكم ع بعض تقولي اسكتي باهي يا احمد 😒

احمد:اسكتي قصدي خلي امي تكمل كلامها قبل بعدين تكلمي🙂
فاطمه:شني ياولدي امتى نخطبهالك
احمد:مزال يا امي غر ناخد رأيها هيا قبل
خديجه:موافقه ره نعرفها سالمه ادير في جو متحشمه ع اساس 😂
احمد:اشي
خديجه:به به خلاص سكتت🙄
فاطمه:خيرك تسكت فيها خلاص كملت كلامي اني خلاها تهدرز 😂
خديجه:اي.. شن درتو امس احكيلي وشن دار حمودي
احمد:. سرح.. حمودي
خديجه:اي حمودي خيرگ 🥺
احمد قاعد سارح ويفكر في امس كيف راح منه
خديجه: احمد احمد ..وين سارح ليا ساعه نكلم فيگ
احمد:لا غر كنت نفكر بس
خديجه:في شني تفكر
احمد:في امس
خديجه :خيره امس شن صار احكيلي
حكي احمد لامه واخته شن صار امس وكيف راح محمد وهكي
فاطمه:. نفعلت... مشاء الله مشاء الله طول خدتلك عقلك ونساتك في ولدك ..هادي من البدايه هكي امالا لما بتتجوزها كيف بدير فيك بتخليك تلزه من الحوش 💔
احمد:علاش يام تقولي هكي هيا مدخلهاش قتلي بنروح وصلتها لسيارتها وطلعت وراها مخطرش في بالي محمد بكل
خديجه:معقولا تخلي ولد عمره 4 سنين بروحه 🙁 مره تانيه معاش ترفعه معاك مدامك مش مهتم بيه خليه عندي اني
احمد:خيركم تقولو هكي.. مخطرش في بالي بكل اللحظه هديكا نسحاب روحي خليته عند خالد
كيف بترد عليه فاطمه الباب طق ..ناض احمد فتح خش خالد وسعاد
خالد: امي انتي هني ..كيف حالك
فاطمه:الحمد لله ولدي ..كيف حالك انت
خالد: الحمد لله
خديجه:وحتى اني هني ره 🙂
خالد: عارفك ..شن جوك يبارده 😂
خديجه: كويسه 😂...شن حالك سعاد
سعاد:الحمد لله وانتو... المهم سلمو وقعمزو يهدرزو
😂
خديجه:شفت خوك امس شن راد 🙂
خالد:خيره شن دار 😕
خديجه: حكتله...
خالد:😳 كيف نسيته وروحت
احمد:قتلكم منسيتاش منسيتاش قريب نبطلها الجوازه مره وحده ⁦
سعاد:غر خيركم.. معاه الحق احمد ره قصدي هوا طالع مع سالمه ولما روح قعد وراها بسياره يعني اكيده مخطرش ع باله محمد باله كله مع سالمه لان هوا طالع معاها 🤷🏻‍♀️
احمد: باهي ليافهمتيهم
فاطمه:فهمتنا ولا مفهمتناش غلط انك تنسى الولد بروحه وهوا صغير..معاش ترفعه معاگ كنهاده
احمد:حاضر خلاص معاش نرفعه