(زوج اختي حبيبي )

(زوج اختي حبيبي) 14

(زوج اختي حبيبي)  14

بدت مرام وامها يطلعو يجهزو للعرس وطبعا كل حد من خوتها وخلاتها هدولها حاجه. الي الصاله والي العشي و و.

مزال اسبوع ع العرس
ماما: يابنتي مش قلتي بانطلع ناخد ساعه وكندره
ملاك:  لالا اطلعي انتي جيبي
ماما:لالا نجيب حاجه وماتعجبكش وماتلبسيهاش نوضي هو محل بانشوفو ونروحو
ملاك:  طول 3 شهور وقلبها ناغزها حاسه ان بايصير شي. وهيا تقول يمكن لان مرام بااتتزوج هدا اعلاش. هكي
مرام:  شفتي سماعاتي مش عارفه ووين حطيتها
ماما:  قامت راسها شوفها ف 😳 هدا شني مدايرتي في خليقتك
مرام:  روب ونشاء. 😅
ماما:  تي بالك يديرلك حاجه لي وجهك مزالك اسبوع بس ع عرسك
مرام: مش هايصيرلي شي

فات اسبوع وكانت مرام لاهيه في وجها من خلطه لا خلطه واقنعه

يوم السهريه.  👯‍♂️👯‍♀️
كانت الدار زحمه ضيوف
ملاك:  مسره ووين الدربوكه البرتقاليه
مسره:  ^^
ملاك:  مسره
مسره:  ^^
ملاك: مسرررررره
مسره:  تي خير دعوتك تخلعي
ملاك:  ليا ساعه نكلم فيك وحضرتك سارحه
مسره:  لالا مش سارحه شن تبي
ملاك:  الدربوكه ويين
مسره:  فوق في الدار
ملاك:  باه ومشت
خلي نشبعو مسره ليش ساارحه

فلااش بااك 🌟
مسره: بعد هادي عندنا رياضه ولا
روان:  اي.
رن الجرس 🛎️🛎️
وجي الاستاذ وطلعهم رياضه
كانو يتمشو ويضحكو مع بعض الاربعه
روان ومسره وفاطمه وامنه
وامنه تشبح لي مسره نضرات غريبه
مسره:  تي خيرها هادي
امنه: فاطمه مش قلتي بانجيب كتابي بانراجع في التاريخ
فاطمه: حيي حق نسيته تعالي خشي معاي نجيبه
امنه:  باهي
تم الدوام وروحت للحوش
فتحت شنطي بانطلع نقره
شبحت وورقه من فووق شديتها وتنصدمت ونرعش ودموعي ينزلو
الكاتبه سروش:  يلي تقول مفرخ وصغار شن عرفهم في الدوه هادي نقولك ان الحب لا يعرف كبير لا صغير وقت يجي وقصة مسره حقيقيه 100% 
نرجعو للرواية.
الورقه كان مكتوب فها
( مسره معاش نبيك تكلميني ولا تشبحيلي وشوفي حد غيري اني معاش نبيك) 
كانت صدمه بانسبه لي مسره قلبها ينبض بالقوه
في الحاضر.⭐
جابو الدربوكه وبدو يدربكو
ميسم بنت خالتهم:  هدا حد القسم💃💃💃 معاكم نوار الحوش اعطيناكم💃💃
متاب اختها: احني وادينا وادي💃💃 حنه ياسعد الي ياخد منا💃💃
جميله بنت خالتهم:  احني وادينا وادي فل 💃💃ياسعد الي في نزل

ملاك:  لابسه تنوره(قونه) ازرق كحلي مع صدريه بيضاء ودجاكه نفس لون القونه

مسره بنطلون اسود جلد مع صدريه حمره

يوم الحمام طبعا زي اي يوم ناضت العروسه من الصبح وخوتها قالو ممنوع تمشي للحمام. مشت لي حوش خالها ولا يخلى من الدربوكه والاغاني. ولبست مرام البودري وكانت توووووهبل.
تاني يوم
يوم القفه جت القفه
ملاك:  مش عارفه خيرني اني افف توا هادي مش تقوول اخته اففف استغفر الله وخلاص طلعو مرام ودارو العادات والتقاليد وقعدو يشتو اعلها
جابها النصيب وجتكم 💃💃💃ديروها زي ووخيتكم 💃💃
متاب:  لوووووووولي
كان الجو حلو هلباا اما ملاك يلي كانت حالتها حاله هيا ومسره 24 هما سرحانين ويحاولو يديرو روحهم عاددين

خوات العريس يغنوو
اخته ياسعدود الي باتجينا 💃
ماغير الراحه والزينه 💃💃

انشاء الله تطلع بنت اجواد 💃💃 تلم العيلة ع البراد 💃💃

انشااء الله تطلع  كيفه هو 💃💃
لاترفع لا تجيب الدوه 💃💃

ياجعنك عرصه ماطيحي 💃💃
وين تميح عزوزك ميحي 💃💃

فرقو اعليهم العبمبر واللزاطه والعشي وقعدو شويه وروحو.

تاني يوم المنتضر
مرام خدت حجاتها ومشت للمزين من الصبح ومشت معها بنت خالتها

ملاك ومسره يوتو في روحهم وحويجهم وحوايج خوتهم.

ملاك:  ماما كلمتي المزينه
ماما:  اي كملتها غير ماتعطلوش بانمشو بكري
مسره:  باهي

مسره باتلبس. قفطان لونه عنابي من فوق ومن لووطه ضيق والسير متعه غليض واكيد مكياج بناتي ترابي واكسسورات

ملاك قفطان اسود ماشي ع الجسم ومكياج واكسسورات

جت المزينه للحوش
ومشو للصاله بعد نص ساعه جت العروسه وكانت ملكه تهبل  ودرجها احمد وبسام.
وبعدين جي العريس واهني كانت الصدمه
ملاك:  كنت في الحمام سمعت قالو الي متحجبه تلبس طلعت خديت عبايتي ووشاحي ولبستهم وبانخاد تاليفوني من مسره بش نصورهم وطلعت كنت مطبسه راسي لين وصلت للطاوله وخديت تاليفوني تلفتت بانصورهم اعيووني توسعو وقلبي يدق طاحت دمعه من عيني
ملاك: لا ياربي لا انشاء الله نكون نحلم لا ياربي اعطيت تاليفوني  لي بنت خالتها ومشت لي حمام الصاله وقعدت تبكي باهي اعلاش اختي يعني هوا يبي ينتقم
كان يزن مقعمز باجنب مرام ولما شاف ملاك ابتسم بانتصار
فلاش بااك 🌟
يزن:  غالطه ولا قالت نقيم تاليفون نتائسف ولا اعتدرت لاكن باهي باهي ياملاك توا نعرف شن نديرلك
يسين:  شن في عقلك
يزن:  اعطيني حاجه انديرها انت افكارك مش عاديه
يسين:  قعد يفكر شويه بعدي. عندها خوات هيا
يزن:  خوات قعد يفكر. اي اي عندها وحده اعلاش
يسين:  تزوجها
يزن:  لا انت اكيد تبصر صح
يسين:  واللهي هكي تحرقلها قلبها
يزن:  قعد يفكر باهي شن دنبها اختها
يسين: مع السنين توا تحبها
يزين:  قعد يفكر في كلامه
فاتو ايمات ويسين يقنع في لين اقتنع ومشي خطب مرام
في الحاضر ⭐
ميسم:  خيرك ملاك هدا كله تحبي مرام
ملاك:  اي
ميسم:  حست ان ماتبيش تتكلم مشت وخلتها
ملاك:  يارب شن ذنبها اختي باه معقوله ينتقم مني هكي اه اه شن مصيرها ووخيتي
تم العرس وملاك منهاره
فات اسبوع ع العرس ومشو للسبوع وكانت مرام وضح من وجها انها مرتاحه
ملاك:  لما شافتها هكي فررحت وقعدت تسئل فها شن امروه معاك وقعدت تشكر في
وملاك تغير جوها للافضل

يتبع ...............