زوج اختي حبيبي 15
بعد مرور شهور
احمد. رجع تلاقى مع البنت تاني ويخدمو الزوز مع بعضهم وتعرف اعلها وهيا عجبها
ووسام وعليا. كانو احلى اتنين متفاهمين في كل شي وربي مزال مارزقهمش باصغار
اما محمد وخوله. فكانت كل يوم تبي حاجه ومدايره روحه مافيش وحده حملت غيرها ومحمد يساير فها
مسره قعده تحت تأتير الصدمه وكل ماتدكر كيف كان يعامل فها وكيف بدي يعامل فها تقعد تبكي
ومن غير امنه يلي كل يوم تلقح اعلها
اما ملاك. الي لا نهارها نهار ولا ليلها لليل كل يوم تفكر ان مرات في وقت. يطلقها وزادت خوفها لما سمعت باها حامل
مرام :ملوكه تعالي عندي اليوم
ملاك: لااا لا مانقدرش اكيدا بوي بايقول لا
مرام: تي بوي بايقول توا نكلمه عادي
ملاك: 😵 اء. توا حتى خوتك بايقول شن ماشيه
مرام: تي عادي وبعدين اني حامل نبي حد يساعدني
قالت ملاك باهي بعد لما فشلت انها ترفض
بابا: توا كلمتني مرام قالت جيبلي ملاك نبها تعونني كلماتك
ملاك: اي كلمتني
بابا: خلاص اني توا شويه تانيه عندي مشوار بانديره وبانجي نرفعك
ملاك: ئ باه
عند احمد
يكلم فها شات
( اهلين كيف حالك)
رانيا
(اهلين بيك الحمد لله وانت)
احمد
(تمام شن مدايره)
رانيا
(اهو حال الخدمه)
احمد
(ربي يعاون)
رانيا
(انشاء الله)
احمد
(بانقولك في حد في حياتك)
رانيا
(كيف)
احمد
(يعني مخطوبه او مرتبطه)
رانيا
(اءء. لا لا)
احمد
(اني مانحبش اللف. والدوران اني حبيتك من اول يوم في خبطي فيا في ...... )
رانيا
(قصدك انت كنت مسافر ...&%%
)
احمد
(اي)
رانيا
مصدومه
احمد
(شن ردك)
رانيا
( ^^ شافت وماردتش
احمد
(الووو)
رانيا
شافت وماردت
احمد
(السكوت علامة الرضا)
رانيا
(ههههه 😂)
احمد
(نفهم انك موافق صح)
رانيا
(اي 🙈🤫🤭 )
وكملو يتعرفو ع بعض
اما عند ملاك مشت لي حوش اختها وهيا تدعي انشاء الله ماتقلقاشي في الحوش
مرام: ادير في بسبوسه
ملاك: حبي وين الزبادي
مرام: في التلاجه
ملاك: طلعت الزبادي
مرام: جيبيلي الكريمه الي طيبتها اني ايديا ملبزات
ملاك: كان طيبتها اني خير
مرام: 😒
كيف باتجيب الكريمه
طق طق طق
مرام: هدا لكيد يزن بري اتحي الباب يديا ملبزات
ملاك: 😶 باهي
فتحت الباب ولفت باتمشي
يزن: اووو ملاك عندنا
ملاك: شقلبت اعيونها ومشت للصاله
يزن خش للكوجينه حبيبتي الحلو شن ادير
مرام: فنصت في بامعنى ملاك هني
يزن: مش قلتلك معاش تمسي شي
ملاك: كان في الصاله لاكن تسمع فيهم دمعو اعيونها وطول خشت للدار بش ماتشبحاش اختها
مرام: ملاك ملوكه
ملاك: نعم
مرام: تعالي كان باتاكلي بسبوسة
ملاك: مابتش تحسس اختها باشي وطلعت قعمزت معاهم
مرام: تبي الي من فوقها جوز الهند ولا من غير يزن
ملاك: ماياكلش في جوز الهند
مرام: وانتي شن عرفك
ملاك: في سرها حي اعليا شن قلت اني
ويزن يشبحلها وبس
ملاك: ههه هوا امبكريقريب بكي لما شاف الجيها الي جوز الهند
يزن: 🤐🤐
مرام: ههه هيا خودي انتي
كليت باسرعه وخشيت للدار
مرام: في مني تتصلي
ملاك: في بوي بانقوله خبره عطل
مرام: لا ياعمري باتباتي معاي
ملاك: لاااا 😱😳 مانقدرش
مرام: اني كلمت بوي وقتله ملاك باتبات راهو
ملاك: اعلاش هكي مانبيش نبات
مرام: اعلاش
ملاك: تلبكت هكي مانحبش نبات برا الحوش
مرام بلا جو زايد
في الحوش
خوله وعليا
خوله: وين ملاك ياعمتي
جميله: في حوش مرام مشت باتساعدها
خوله: اءء
وسام: خوله ياخوله
خوله: نعم
وسام: نوضي طيبي العشي
خوله: شهقت ها اني حامل ومرزنه
مانقدرش نوقف توا اديره عليا
عليا: وجعتها اللقطه باهي توا نديره اني العشي
دار العشي وتعشو مع بعض
الساعه 4:00. الفجر
طبعا بعد ماقنعت مرام ملاك و خلتها تبات عندها
ملاك: افف عطشانه بانموت ناضت شافت ايمين ايسار مالقتش ميه رجعت اتكت ماجهاش النوم لانها عطشانه 🤗 ناضت خشت للكوجينه باتشرب ميه شاده الطاسه 🥛 في يدها
- ملوكه
ملاك: باخلع شن تبي
(طبعا يزن مارقدش يراجي شاد تاليفونه ولما سمع خطوات اعرف ان هيا ناضت ولحقها)
يزن: نادم
ملاك: خليني في حالي وجايه باتطلع حاصرها
ملاك: حول خير ماتنوض مرام
يزن: نحبك مستعد نسيب اختك ونتزوجك
ملاك: انت عبيط انت شن بازبط
خلاص انسى انت توا متزوج انساني
يزن: اني نحبك نحبك ياملاك افهمي
ملاك: فات الاوان يايزن هاجت في بعد شني بعد سيبتني وخليتني كل يوم نبكي ع خاطرك بعد بديت التاليفون مانحيش في من يدي نراجي فيك تتصل وانت ولا ع بالك 😥 تبكي. ولاااا واني قلبي يوجع فيا من اول ماجيت خطبت اختي وفي الاخير طلعت انت زوج اختي
يزن: سامحيني ياملاك اني درت هكي لان كنت نبي نعاقبك بس لاكن ماقدرتش ماقدرتش نتقبل اختك بديت نتخايل فها انتي ندمت اني استعجلت وخديتك واللهي
ملاك: توا خلاص زي سامحتك زي لا مافيش فرق خلاص انت توا متزوج اختي وقريب يجيكم بيبي واني انساني
يزن: وانتي بتقدري تنسيني
ملاك: نزلت دمعتها وطول بعداته ومشت للدار الي كانت راقده فها وقعدت تبكي. : شوقني الميه يارتني مانضت
اما هوا رجع للدار ورقد
يتبع ..........
تعليقاتكم 😔😔 والي تقول خيرك تنزلي باشويه. اول شي امتحناتي قريب وتاني شي اني ماعندييييش تغطييييه
أنت تقرأ
(زوج اختي حبيبي )
General Fictionرواية زوج اختي حبيبي باللهجه الليبيه تحكي علي النصيب قصه حلوه ومن افكاري انشاء تحكي ع زوز خوات ومتعلقين في بعض وشني حيصير هاتعرفو في الروايه انشاء الله تعجبكم 😘😍😍
