زوج اختي حبيبي ١٠
عند عليا & وسام
عليا : صباح الخير حبيبي
وسام : صباح النور
عليا : اسمع نبي نمشي لي حوش اماليه مش كل يوم تقولي غدوه غدوه
وسام :🤨 وخيرك تعيطي اعليا تعالي تعالي اعطيني كف
عليا : مش هكي حبيبي بس
وسام : لا بس لا شي مش اسلوب هدا
عليا : باهي اسفه 😔
وسام : لما تكملي كلميني بش نرفعك
عليا: شكر حبيبي
عند محمد & خوله
محمد : حبيبي
خوله : عيونها
محمد : بتمشي لي حوش اماليك اليوم
خوله : والله كان ماعندك شي
محمد : لالا ماعندي شي
خوله : تمام
محمد :اني نازل سويعه (ساعه ) تانيه ونجيك
خوله : تمام
ونزل
محمد : اووو وسام
وسام :اهلين يازعيم شجو
محمد : بخير الحمدلله وين معاش نشبحو فيك
وسام : اهوو شاد الحوش وخلاص
محمد :باهي كويس
وسام : طالع شكلك
محمد : اي بنمشي بندير دوره وبعدين بنرفع المره لي حوش امالها وانت وانت
وسام : اي حتى اني بنرفع المراه لي حوش امالها
بسام &احمد : اسلام عليكم
محمد & وسام :وعليكم السلام شجو
بسام : احني الحمد الله كيف حالكم انتم
محمد : بخير الحمد لله قعدو شويه يهدرزو وكل واحد مشي لي مكان
طق طق
مرام : فتحت
المراه : اهلين
مرام :اهلين بيك
المراه : هدا حوش ####
مرام :اي تفضلي
المراه : يزيد فضلك انتي مرام
مرام : اي اني مرام
ماما : اهلين كيف حالك
المراه : اهلؤن بيك كيف حالك شن اخبارك
ماما : الحمد لله تقضلي قعمزي
المرا: قعمزت
طبعا ملاك فوق راقده
ماما :سامحين ماعرفتكش
المراه : اني نجوى من عيلة ###
ماما : اهلين بيك باجوده
انجوى : الصراحه اني ولدي شاف بنتك مرام والحق جيت نتعرفو عليكم ونعرف ان البنت مش مخطوبه
ماما :لالا مرام :مش مخطوبه
وقعدو يهدرزو موضوع بجرت موضوع وكله تعارف مواليد كم وين يخدم وووو
المراه : هي اسلام عليكم معرفة خير انشاء الله
ماما : وعليكم السلام انشاء الله تسلمي
ع سفرة العشاء
ملاك : الحمد لله سفره دايمه
ماما : خيرك يابنت معاش تاكلي .
ملاك : لا شبعت وناضت
ماما : خيره اختك يامرام
مرام مانندريش اعلها
ناضو كملو ماكله ومرام تغسل في الماعين
في دار النوم ماما وبابا
ماما : محمود
بابا :نعم
ماما : في ناس جو لي مرام
بابا :امتى اليوم
ماما : اي مبكري
بابا : شن يخدم
ماما : هو سنة ويتخرج وعنده حوش وسيارة ويخدم في شركه
بابا : باهي كويس من عألة مني
ماما : من عيلة ####
بابا : اي نسمع فيه اللقب توا غدوه نبعت الولاد كل واحد يسئل اعليه
ماما : باهي تمام
بابا : بالهي جيبيلي طاسة لبن
ماما :تمام
عند حوش نجوى
الولد : شن يام البنت
نجوى : مشاء الله اعلها الحق وعيلة تبارك الرحمان حتى امها تنبلع بلع
الولد :باهي الحمد لله شن قالولك
نجوى : والله بيتسئل بو البنت وبترد اعلياا
الولد : باهي انشاء خير
نجوى : انشاء الله يارب
يتبع ....
مني الولد الي جي يخطب وشني الي في راسه خلي نشوقكم لان قريب نكملها
بش نعرف مني الي مركز في الرواية كل واحد يكتب تعليق مني الي جي يخطب في مرام 😍😘🤗🤗
يابنات بالله ادعولي نرجعو لي حوشنا ليا سنه كامله مابتش في ارجوكم ادعولي قالو دوة 40 غريب مستجابه 😔😔😖
أنت تقرأ
(زوج اختي حبيبي )
General Fictionرواية زوج اختي حبيبي باللهجه الليبيه تحكي علي النصيب قصه حلوه ومن افكاري انشاء تحكي ع زوز خوات ومتعلقين في بعض وشني حيصير هاتعرفو في الروايه انشاء الله تعجبكم 😘😍😍
