رواية زوج اختي حبيبي 11
#ملاك
نضت تاني يوم نزلت رتبت الحوش ووتيت الفطور وقعمزت
ماما : صباح الخير
اني : صباح النور
وناضو كلهم وفطرو
طبعا ملاك بدت منكديه ومعاش تهدرز هلباا
ماما : شني يابنتي
ملاك : نعم ياامي
ماما :نكلم في مرام
مرام : نعم
ماما : والله عيله مشاء الله اعليهم
مرام : بعتي واحد من الاولاد يسئل اعليه
ماما : قالو ولد مشاء الله اعليه
ملاك : هيي ولد شني وعيله مني وشن تقولو انتم اني زي الاطرش في الزفه
ماما : في ناس متقدمين لي اختك
ملاك : مشاء الله والله واني اخر من يعلم شني معزومه ع العرس ولا لا
ماما : تي تمسكتي وانتي لك لك ماتسكتيش بكل
مرام : كله كله الموضوع صار امس
ملاك : باهي باهي تمام وناضت وقلبها ناغسها
طبعا سئلو ع العيله والولد وبعد اسبوع البيان التلبيسه
ملاك :بنطلع بناخد قفطتن ماخاطريش نطلع
مرام : خيرك هكي قصدي لا طلعتي معاي لا شريتي معاي
ماما : تقول اعلها عندها مية اخت اطلعي شوفي معها رايين خير من راي
ملاك : تي اني قفطان ليا ومخاطريش نطلع ناخده بنطلع معها هي
مرام : مبردك باهي سيورك تحتاجيني
ماما :خلاص يامرام خلها ع راحتها
طبعا كل يوم مرام تطلع هي وامي واني مقعمزه في الحوش نفسيتي تاعبه
طق طق
ملاك : مني جاي
وفتحت الباب
خوله : اهلين ملوكه كيف حالك
ملاك : اهلين بيك حبيبتي تفضلي
خوله : وين عمتي
ملاك : طلعو مرام تكمل في حاجاتها
خوله :خيرك ماطلعتيش معهم
ملاك : والله ماعندي نيه شني انتي خديتي قفطان
خوله : لالا عندي متع بياني قاعد
ملاك : اعلاش انتي عروسه اعلاش ماتاخديش
خوله : حتى هدا جديد خديته عساس بنلبسه في البيان مالبستاش
ملاك : ع راحتك
خوله : وانتي شني خديتي
ملاك : مزال في قفطان عجبني ع النت بنمشي ناخده وبنروح
وقعدو يهدرزو
عند عليا ووسام
عليا : امتى بنطلع ناخد قفطان
ووسام : امتى ماتبي
عليا : شني امتى مانبي واني كل مانقولك نبي نطلع تقوليي مشش فاضي
ووسام : نقصي صوتك
عليا : ماهو انت تخلي فيا نولع
ووسام : يارب صبرك باهي نوضي وتي روحك
عليا : باهي خشت للدار النوم مايمشيش غير بالعين الحمره وبدلت حوايجها هي اني واتيه
مشو للمحلات
ووسام : شوفي هدا محلاه
عليا : اني نلبس هدا
وسام : خيره والله حلو
عليا : لالا مش موديلي هدا
المهم لادت لادت
عليا : حيي
وسام : خيرك شن في
عليا : شوف هدا محلاه
وسام : توا تعيطي وتقولي حيي نحسابك اشبح شن شبحتي
عليا : والله شن بنديرلك كان انت مرعوش
وسام : صبر ياربي صبر
وسام : متأكده هدا الي بتاخدي
عليا : اي حلز عاجبني
وسام : لامنضر لا شكل
عليا : خير من القفطان الي ورتهولي ع الاقل
وسام : اه ياربي غير هي بسرعه
خدوه وخلصو وكان با 900 ومش حلو روحو للحوش
طبعا كله الايمات طلعو بس وجي يوم البيان
مرام : طلعت من الصبح للمزين
وملاك : كانت تنضم في الصاله لان مدايرينه في الحوش
بدو الناس يجو الاقارب وصحبات مرام ومرام وصاحبتها في المزين
جي الليل وجت مرام كانت لابسه قفطان طويل لونه ازرق ملكي ومدايره تسريحه كان حلوه
وملاك : لابسه قونه ( تنوره ) ومعها بلوزه فوشيه وقايمه شعرها ومنزله خصلات ومكياج ترابي يلي نحبه
وخوله :لابسه قفطان كبير سماوي في الوردي ومكياج
ووعليا : لابسه قفطان احمر كبير لاكن مش حلو هلباا وتسريحه وميك اب قوي لاكن مش حلوه
نجوى : الوو شني بتخش
الولد : مش عارفه يما بنسئل خوتها
نجوى :باهي كلمني
مرام : ملاك تعالي شويه
ملاك : نعم
يتبع ..........
😍😘🤩
أنت تقرأ
(زوج اختي حبيبي )
General Fictionرواية زوج اختي حبيبي باللهجه الليبيه تحكي علي النصيب قصه حلوه ومن افكاري انشاء تحكي ع زوز خوات ومتعلقين في بعض وشني حيصير هاتعرفو في الروايه انشاء الله تعجبكم 😘😍😍
