#البارت الخامس
#قصة وعسى أن تسكن نار الانتقام
#الكاتبة مريم السعدي
ﺻﺒﺎﺡ ﺍﻟﺒﺮﺩ
ﺻﺒﺎﺣﻜﻢ ﺗﺤﺮﻳﺮ
ﺻﺒﺎﺣﻜﻢ ﻏﻴﺮﻩ ﻋﺮﺍﻗﻴﻪ
ﻣﻦ ﻗﻠﺐ ﺍﻟﺘﺤﺮﻳﺮ ﺍﺭﺳﻞ ﻟﻜﻢ ﺍﺟﻤﻞ ﺗﺤﻴﻪ ﻭﺳﻼﻡ ﻣﻦ ﺍﺭﺽ ﻓﺎﺭﻗﻬﺎ ﻣﻌﻨﻰ ﺍﻟﺴﻼﻡ
ﺑﺎﺭﺕ٥
ﻧﺰﻟﻮ ﻣﻠﺜﻤﻴﻦ ﺷﻬﻜﺖ ﻛﻠﺒﻲ ﻋﻦ ﺍﻟﻨﺒﺾ ﻳﻤﻜﻦ ﻭﻛﻒ ﻋﻘﻠﻲ ﺑﺬﻳﺞ ﺍﻟﻠﺤﻀﻪ ﺗﺼﻮﺭ ﺩﺍﺧﻞ ﺗﺼﻮﻳﺮ ﻓﻠﻢ ﻣﻮ ﻭﺍﻗﻊ ﺣﺒﻴﺒﻲ ﻧﺎﺯﻝ ﻳﻔﺘﺢ ﺍﻟﺒﺎﺏ ﻭﻣﻨﺼﻲ ﻋﺎﻟﺴﺮﻛﻲ ﻭﺍﻟﺘﻔﺖ ﺭﺍﻓﻊ ﺗﻚ ﺣﺎﺟﺐ ﻟﺼﻮﺕ ﺷﺨﻄﻪ ﺍﻟﺴﻴﺎﺭﻩ ﻭﻋﻴﺖ ﺑﻠﺤﻀﻪ ﺑﻠﺤﻀﻪ ﺻﺮﺧﺖ
ﻓﻬﺪ ﻻﺍﺍﺍ ﻭﺍﺑﻮ ﺍﻟﺨﻂ ﻭﻛﻒ ﺍﻟﺴﻴﺎﺭﻩ ﺻﺎﺡ
ﺍﺧﻮﺝ ﺭﺍﺡ ﺍﺧﻮﺝ ﺭﺍﺡ ---------
ﻭﺧﺮﻃﻮ ﻣﻦ ﻓﻮﻙ ﻟﻴﺠﻮﻩ ﻭﻃﻠﻌﻮ ﺭﻛﺾ ﺭﺩﺕ ﺍﻃﻠﻊ ﻣﻦ ﺷﺒﺎﺏ ﺍﻟﺴﻴﺎﺭﻩ ﻧﺴﻴﺖ ﺍﻟﺒﺎﺏ ﺗﻔﺘﺢ ﻧﺴﻴﺖ ﺣﺘﻰ ﺍﻟﻬﻮﺍ ﺷﻮﻥ ﻭﺍﺣﺪ ﻳﺘﻨﻔﺴﻪ ﻭﻧﺴﻴﺖ ﺍﻋﻴﺶ ﺩﻭﻧﻪ ﺷﻮﻥ
ﺣﺎﻳﻂ ﻛﺪﺍﻣﻲ ﻭﻭﻛﻊ ﻭﺍﻟﺪﻧﻴﺎ ﻛﻠﻬﺎ ﻭﻛﻌﺖ ﻭﻳﺎﻩ
ﻓﻬﺪ ﺭﺍﺡ ﺻﺪﻙ ﺗﺮﻛﻨﻲ
ﻳﻌﻨﻲ ﻣﻦ ﺻﺪﻙ ﻣﺮﺍﺡ ﻳﺮﺟﻊ ﺑﻌﺪ
ﺻﺪﻙ ﻣﻦ ﺍﻧﻐﺚ ﻣﺮﺍﺡ ﺍﺣﺠﻴﻠﻪ ﻭﻻ ﺭﺍﺡ ﻳﺤﺲ ﻣﻦ ﻋﻴﻨﻲ ﻭﻳﺴﺎﻟﻨﻲ ﺷﺒﻴﺞ ﻭﺍﻛﻮﻟﻪ ﻣﺒﻴﻪ ﺷﻲ ﻭﻳﻀﻞ ﻳﻠﺢ
ﺻﺪﻙ ﻳﻌﻨﻲ . ---
ﺓﻟﺤﻀﺎﺕ ﺗﻤﻨﻴﺖ ﺑﻴﻬﺎ ﺍﻟﻤﻮﺕ ﻣﻦ ﺻﺪﻙ ﻟﺤﻀﺎﺕ ﻛﻠﺸﻲ ﻛﻠﻠﻠﺸﻲ ﻃﻔﺎ ﺑﻴﻨﻲ ﻭﺍﺳﺘﺮﺧﺼﺘﻪ
ﺣﺘﻰ ﺍﻃﻔﺎﻟﻲ
ﺍﻟﻔﺎﺗﺤﻪ ﻛﺎﻧﺖ ﻣﻦ ﺍﻭﺳﻊ ﻣﺎﻳﻜﻮﻥ ﻣﻨﻮ ﺩﻳﻮﺯﻉ ﺑﻨﺎﺕ ﻣﻮ ﻣﻦ ﻋﺪﻧﺎ ﻣﺎﺍﻋﺮﻑ
ﻣﻨﻮ ﺍﻟﻘﺎﻡ ﺑﻴﻬﺎ ﻭﺩﻓﻨﻪ ﻣﺎﺍﻋﺮﻑ ﻛﻼﻡ ﺑﻴﺖ ﺧﺎﻟﺘﻲ ﺑﺎﺧﺮ ﻳﻮﻡ ﻛﻤﺖ ﻧﻮﻋﺎ ﻣﺎ ﺍﻓﺮﺯﻧﻪ
ﻣﺤﻤﺪ ﺗﻤﺮﺽ ﻭﺍﻧﻲ ﺑﻐﻴﺮ ﻋﺎﻟﻢ ﺍﻟﻨﺎﺱ ﺗﻠﻄﻢ ﻭﺗﻌﺰﻱ ﻭﺍﻧﻲ ﻓﺎﺗﺤﻪ ﺑﻌﻴﻨﻲ ﺑﺲ ﺿﻼﻡ ﻭﺑﺲ ﺻﻮﺭﺗﻪ ﻭﺻﻮﺗﻪ ﻣﻦ ﻳﺮﺩﺩ ﻟﺮﻧﺪ
ﺍﻧﻪ ﺩﺍﻳﻤﺎﺝ ﺿﻬﺮ ﺑﺲ ﺧﺎﻑ ﺍﺭﻭﺡ ﺻﻴﺮﻱ ﻭﻱ ﻛﻞ ﺍﻟﺜﻌﺎﻟﺐ ﺫﻳﺒﻪ . ﻛﻼﻡ ﺍﻗﺘﺒﺴﻪ ﻣﻦ ﻣﻦ ﺷﺎﻋﺮ ﻗﺪﻳﻢ ﻭﺑﻘﻪ ﻳﺮﺩﺩﻩ . ﺍﻟﻬﺎ ﻭﻫﻲ ﺗﺠﺎﻭﺑﻪ . ﺑﻤﻔﻬﻮﻣﻴﻪ ﺍﻱ ﺧﺎﻟﻮ
ﺭﻧﺪ ﺍﻟﻠﻲ ﻃﻔﺖ ﺍﻟﻄﻔﻮﻟﻪ ﺑﻌﻴﻨﻬﺎ ﺩﻣﻌﻪ ﻣﺬﺑﺖ ﻋﻜﺲ ﺳﻨﺪ ﺍﻟﻠﻲ ﺍﺳﻤﻊ ﺻﺮﺧﺎﺗﻬﺎ ﺑﻠﻴﻞ ﻭﺑﻨﺎﺕ ﺧﺎﻟﺘﻲ ﻳﺴﻜﺘﻮﻫﺎ
ﻣﺤﻤﺪ ﺍﻟﻠﻲ ﻣﻮﻛﻒ ﻭﻥ . ﺭﻏﻢ ﺻﻐﺮﻩ ﻛﺤﺘﻪ ﺍﺧﺘﻨﺎﻛﻪ ﻭﺍﻧﻲ ﻣﺠﻴﺖ ﻳﻤﻪ ﻋﺰﻟﺖ ﺭﻭﺣﻲ ﺑﻐﺮﻓﻪ ﻓﻬﺪ ﻭﻗﻔﻠﺖ ﺍﻟﺒﺎﺏ . ﺳﺎﻋﺎﺕ ﺍﺣﻠﻢ ﺍﻧﻲ ﺑﺒﻴﺘﻨﺎ ﺍﻟﺠﺪﻳﺪ ﺑﻤﻨﻄﻘﻪ ﺍﻝ --- ﺑﻴﺖ ﺑﻤﻴﻪ ﻭﺧﻤﺴﻴﻦ ﻣﺘﺮ ﺑﻔﺼﺎﻝ ﺍﻧﻲ ﺭﺳﻤﺘﻪ ﻭﻫﻮ ﻳﻨﻔﺬ ﺑﻴﺖ ﻛﻤﺖ ﺍﺷﻮﻓﻪ ﺑﻌﻴﻮﻧﻪ
ﻏﺎﺩﻩ ﻭﻳﻦ ﺍﺧﻠﻲ ﺷﺒﺎﻙ ﺍﻟﻄﺒﺎﺥ
ﺣﺒﻴﺒﻲ ﺍﺭﻳﺪﻩ ﻛﺒﺎﻝ ﺍﻟﺤﺪﻳﻘﻪ
ﺯﻳﻦ ﺍﺳﻮﻱ ﺣﺎﺭ ﻭﺑﺎﺭﺩ
ﺍﻱ ﺑﺎﺏ ﺍﺭﻳﺪﻩ ﻋﺎﻟﻬﻮﻝ
ﺧﻮﺵ ﺣﺠﻲ --
ﺟﺎﻥ ﻳﺴﺠﻞ ﺍﺑﺴﻂ ﺗﻔﺼﻴﻞ ﻛﻤﺖ ﺍﺷﻮﻑ ﺍﻟﺒﻴﺖ ﺑﺤﻴﺎﻟﻲ ﻭﻻ ﻣﺮﻩ ﻣﻮﺩﻳﻨﻲ ﺭﻏﻢ ﺟﻨﻨﺎ ﻳﻮﻣﻴﻪ ﻧﻜﻮﻝ
ﻳﺮﺍﺩ ﻧﺴﻮﻱ ﻣﺮﻩ ﻭﺍﺷﻮﻓﺞ ﻟﻴﻮﻳﻦ ﻭﺻﻞ
ﺭﻏﻢ ﻛﻞ ﻓﺘﺮﻩ ﻳﺠﻴﺐ ﺗﺼﻮﻳﺮ ﻟﻠﺒﻴﺖ ﺑﺎﻟﻔﻮﻥ ﺭﻏﻢ ﻫﻮ ﻃﺎﺑﻮﻙ ﻭﺟﺺ ﻭﺑﻌﺪﻩ ﻣﻤﺒﻴﺾ ﺑﺲ ﺟﻨﺖ ﺍﺷﻮﻓﻪ ﺍﺭﻗﻰ ﺑﻴﺖ
ﺧﻠﺼﺖ ﺍﻟﻔﺎﺗﺤﻪ ﻭﺍﻟﻨﺎﺱ ﺭﺍﺣﻮ ﻭﺍﺻﻴﻞ ﻣﺘﺮﻛﻨﺎ ﻭﻻ ﻣﺮﺕ ﻋﻤﻲ ﺣﺘﻰ ﺣﻤﻮﺍﺗﻲ ﺑﺠﻮ ﻟﺒﺠﺎﻳﻪ . ﺣﺘﻰ ﺷﻤﺎﺗﻲ ﺗﺎﺫﻭ ﻟﺤﺎﻟﺘﻲ ﻭﻭ
ﺍﺭﻳﺎﻡ ----
ﺍﺭﻳﺎﻡ ﻣﻦ ﻃﻠﻊ ﺳﺒﻮﻉ ﻓﻬﺪ ﻃﻠﻌﻮﻫﺎ ﻣﻦ ﺍﻟﻤﺴﺘﺸﻔﻰ ﺑﻀﻤﺎﻥ ﺍﺑﻮﻫﺎ
ﺍﺭﻳﺎﻡ ﺍﺳﻮﺀ ﻣﻨﻲ ﻭﻣﻦ ﺍﻣﻲ ﻛﻠﺒﻬﺎ ﻭﻛﻒ ﺭﻏﻢ ﻣﺸﺎﻓﺖ ﺍﻱ ﺷﻲ ﻳﺎﺫﻱ ﻧﻔﺲ ﻣﺸﺎﻓﺖ ﻋﻴﻮﻧﻲ
ﺍﺧﺮ ﻣﻮﻗﻒ ﺭﻛﻀﺖ ﻋﻠﻴﻪ ﺑﻠﻬﻔﻪ ﺟﺎﻥ ﻭﺍﻛﻊ ﻋﺎﻟﺒﺎﺏ ﻣﺮﺗﺠﻲ ﻭﻣﺪﻣﻪ ﻟﻔﻴﺘﻪ ﺑﺤﻀﻨﻲ ﺣﺘﻰ ﺍﻟﺼﻮﺕ ﺭﺍﺡ ﺣﻀﻨﺘﻪ ﻭﺍﻟﻮﻟﻲ ﺑﻴﻪ ﻣﺜﻞ ﻣﺎﻟﻮﻟﻲ ﻟﻤﺤﻤﺪ
ﺷﺎﻝ ﺍﻳﺪﻩ ﺗﻠﻤﺲ ﺧﺪﻱ ﺍﻧﺘﺒﻬﺖ ﻭﺷﻢ ﺑﺎﺻﺒﻊ ﺣﻠﻘﺘﻪ
ﺍﺭﻳﺎﻡ ﺑﺎﻻﻧﻜﻠﻴﺰﻱ ﺻﻐﻴﺮ ﻣﻦ ﻓﺮﻕ ﺍﺻﺎﺑﻌﻪ ﺑﻴﻴﻦ ﻣﻜﺪﺭﺕ ﺍﺻﺎﺑﻌﻪ ﺗﻮﺻﻞ ﺧﺪﻱ ﻭﻋﻴﻮﻧﻪ ﻣﻔﺘﻮﺣﻪ ﻛﻠﻬﺎ ﺣﻤﺮ ﻭﻛﻮﻩ ﻳﺸﻬﻚ ﺍﻟﻨﻔﺲ
ﺑﺎﻭﻋﻠﻲ ﻭﻟﺰﻡ ﺍﻳﺪﻱ ﺍﻟﻼﻓﺘﻪ ﺑﻴﻬﺎ ﻗﻮﻱ ﻭﻋﻴﻮﻧﻪ ﺑﻌﻴﻨﻲ ﻛﻮﻩ ﺗﺸﺎﻫﺪ ﻭﺍﻧﻲ ﻭﻳﺎﻩ ﺍﺗﺸﺎﻫﺪ ﻣﺎﺍﻋﺮﻑ ﻟﻴﺶ ﻭﺍﻫﺰ ﺭﺍﺳﻲ ﻣﻮﺍﻓﻘﻪ ﺧﻠﺺ ﺷﻬﺎﺩﺗﻪ ﻛﻮﻩ
ﻭﻭﺍﻧﺪﺍﺭﺕ ﻋﻴﻨﻪ ﻋﻨﻲ ﻟﻠﺴﻤﺎ ﻭﺍﻟﻠﻀﻐﻄﻪ ﻋﻠﻰ ﺍﻳﺪﻱ ﺯﺍﺩﺕ ﺍﻟﻨﺎﺱ ﻃﻠﻌﺖ ﻣﻦ ﺑﻴﻮﺗﻬﺎ ﻭﺑﻌﺪ ﻣﺤﺴﻴﺖ ﺑﺸﻲ ﺭﻏﻢ ﻣﻤﻐﻤﻰ ﻋﻠﻴﻪ ﺑﺲ ﻓﺎﺻﻠﻪ
ﻋﺸﺮ ﺍﻳﺎﻡ ﻣﺮﺕ
ﺍﺭﻳﺎﻡ ﻣﻜﺎﻣﺖ ﻣﻦ ﻓﺮﺍﺵ ﺍﻟﻤﺮﺽ ﻭﺍﻣﻲ ﺟﻠﻄﻪ ﺭﺑﺎﻋﻴﻪ ﻭﺍﺧﺬﻭﻫﺎ ﺑﻌﺪﻫﺎ ﺑﻴﺖ ﺧﺎﻟﻲ ﺑﻘﺖ ﻳﻤﻲ ﻓﻮﺯﻳﻪ ﻣﺘﺮﻛﺘﻨﻲ ﻭﺍﺻﻴﻞ ﻣﺴﻮﺍﻛﻪ ﻭﻣﺼﺮﻓﻪ ﻳﻨﻄﻲ ﺍﻟﻬﺎ ﻭﺍﻧﻲ ﻣﻮﺍﻋﻴﻪ ﺑﻌﺪﻧﻲ ﺣﺘﻰ ﺍﻻﻛﻞ ﻗﻄﻌﺘﻪ ﻭﻛﻼﻡ ﻓﻮﺯﻳﻪ
ﻟﺨﺎﻃﺮ ﺑﻨﺎﺗﺞ . ﻭﺍﺻﺮﺥ ﻣﺎﺭﻳﺪ ﺍﻋﻴﺶ ﻣﺎﺍﺍﺭﻳﺪ
ﻳﻮﻣﻴﻦ ﻭﺭﻩ ﻭﺭﻩ ﻗﺮﺍﻳﻪ ﺍﻟﺴﺒﻮﻉ ﻭﻣﺤﻤﺪ ﻓﺪ ﻣﺮﻩ ﺻﺎﺭ ﻭﺍﻧﻲ ﻣﺎﻟﻲ ﻋﻼﻗﻪ ﺑﻲ ﺍﺧﺬﻩ ﺍﺻﻴﻞ ﻟﻠﻤﺴﺘﺸﻔﻰ ﻭﺍﻧﻲ ﻣﻤﻬﺘﻤﻪ ﺑﺲ ﺭﻧﺪ ﺍﺳﻤﻊ ﺻﺪﻯ ﺻﻮﺗﻬﺎ
ﻣﺎﻣﺎﺍﺍ ﻣﺤﻤﺪ ﺣﻴﻤﻮﺗﺘﺖ ﺍﺻﺤﻲ ﺍﺭﺟﻌﻴﻠﻨﺎ ﺧﺎﻟﻮ ﻋﺎﻓﻨﺎ ﻣﺜﻞ ﺑﺎﺑﺎ ﻣﺤﺪ ﻳﺤﺒﻨﺎ . ﻣﺎﻣﺎﺍﺍﺍ ﺍﺻﺤﻴﻴﻲ ﻣﺎﻋﺪﻧﺎ ﻏﻴﺮﺝ ﻭﺻﺮﺍﺡ ﺳﻨﺪ ﺑﺒﺠﻴﻬﺎ ﻭﺍﻧﻲ ﻛﻠﻬﺎﻱ ﻣﻬﺎﻣﻨﻲ ﺍﺣﺪ ﺑﻌﺪ ﺍﻧﻬﺰﻣﺖ ﻭﺍﻧﻲ ﺍﺩﻓﻌﻬﺎ ﻭﺍﻃﻠﻌﻬﺎ ﻣﻦ ﻏﺮﻓﻪ ﻓﻬﺪ ﻭﺍﻗﻔﻞ ﺍﻟﺒﺎﺏ ﻋﻠﻴﻪ ﺍﺑﻘﻰ ﺑﻴﻬﺎ ﺭﻳﺤﺘﻪ ﺍﻟﻤﻔﺎﺭﻛﺖ ﺣﻴﻄﺎﻧﻬﺎ
ﺟﻨﺖ ﺑﺲ ﺍﻧﺎﻡ ﻳﻮﻣﻴﻦ ﻣﺤﻤﺪ ﺿﻞ ﻣﺴﺘﺸﻔﻰ ﻭﻓﺎﺟﻌﻪ ﻟﺦ ﻟﺤﻜﺘﻨﻲ
ﻣﺤﻤﺪ ﻣﺎﺕ ﻛﻠﺒﻪ ﺍﻟﺼﻐﻴﺮ ﻣﺘﺤﻤﻞ ﺍﻫﻤﺎﻝ ﺍﻟﻤﺮﺽ ﻭﻛﻒ ﻣﻬﺘﻤﻴﺖ ﻛﺪﻣﺎ ﺍﻫﺘﻤﻴﺖ ﻟﻮﻓﺎﻩ ﻓﻬﺪ ﺑﺲ ﻣﻦ ﺑﺪﻳﺖ ﺍﻭﻋﻰ ﻋﻠﻰ ﻧﻔﺴﻲ ﺗﺎﺫﻳﺖ ﺍﻛﺜﺮ ﻛﻤﺖ ﺑﺲ ﺍﻟﻄﻢ ﻭﺍﺑﺠﻲ ﻭﺑﻨﺎﺗﻲ ﺣﺎﺿﻨﻴﻨﻲ . ﺳﻨﺪ ﺑﺲ ﺗﺒﺠﻲ ﺑﺲ ﺭﻧﺪ ﻓﺎﻛﻪ ﻛﻞ ﻋﻴﻮﻧﻬﺎ ﻭﺻﺎﻓﻨﻪ ﺑﻐﻀﺐ
ﺻﺎﺭﺕ ﻋﺪﺍﺋﻴﻪ ﺑﺸﻜﻞ ﺑﺲ ﻓﻮﺯﻳﻪ ﺗﻜﺪﺭﻟﻬﺎ ﺣﺘﻰ ﻋﻤﻬﺎ ﻛﺮﻫﺘﻪ ﻣﺮ ﺳﺒﻮﻋﻴﻦ ﻋﻠﻰ ﻭﻓﺎﻩ ﻓﻬﺪ ﻭﺍﻣﻲ ﻣﺮﺟﻌﺖ ﻭﺍﺻﻴﻞ ﺍﻟﻠﻪ ﻳﺸﻬﺪ ﻣﺘﺮﻛﻨﻲ ﻓﺪ ﻣﺮﻩ ﺩﻳﺠﻴﺐ ﺍﻟﻤﺴﻮﺍﻙ ﻭﻃﻠﺐ ﻳﺸﻮﻓﻨﻲ
ﻭﻃﻠﻌﺖ ﺍﻟﻪ
ﻛﺎﻝ
ﺍﻟﺒﻘﺎﺀ ﺑﺤﻴﺎﺗﺞ ﺍﻟﻠﻪ ﻳﺨﻠﻴﺞ ﺧﻴﻤﻪ ﻟﺒﻨﺎﺗﺞ
ﺳﻜﺘﺖ ﻣﺎﺍﻋﺮﻑ ﺷﻜﻮﻝ ﻭﺍﻟﺪﻣﻮﻉ ﺗﺤﺠﻲ ﺑﻤﻜﺎﻧﻲ ﻛﺎﻝ
ﺧﻮﻳﻪ ﺍﺭﺟﻌﻲ ﻟﺒﻴﺖ ﺍﺳﻤﺎﻋﻴﻞ ﺍﺧﻮﻳﻪ ﺷﺎﻟﻮ ﺍﺭﺟﻌﻲ ﻭﺍﺧﻠﻴﺞ ﻋﻠﻰ ﺭﺍﺳﻲ ﻣﻨﻮ ﺍﻟﺞ ﺑﻌﺪ ﻫﻨﺎ ﻭﺍﻧﻲ ﺑﺎﻟﻲ ﻋﺎﻟﺒﻨﺎﺕ
ﻣﺠﺎﻭﺑﺖ ﺑﻘﻴﺖ ﺳﺎﻛﺘﻪ ﻭﺍﺑﺎﻭ ﻋﺎﻟﻄﺮﻣﻪ ﺍﻟﻠﻲ ﻣﻄﻠﻌﺘﻬﺎ ﻣﻦ ﻭﻓﺎﻩ ﻓﻬﺪ ﻭﺍﺗﺬﻛﺮ ﻛﻌﺪﺍﺗﻨﻪ ﺍﻟﻌﺼﺮ ﻭﺍﻟﻜﻬﻮﻩ ﻣﻦ ﻳﺴﻮﻳﻬﺎ ﻭﻳﻠﻒ ﺍﻳﺪﻩ ﺗﻚ ﻋﻠﻴﻪ ﻭﺗﻚ ﻋﻠﻰ ﺍﺭﻳﺎﻡ ﻭﻧﻮﺑﺎﺕ ﺑﻴﺤﻀﻦ ﺍﻣﻲ ﻭﺭﻧﺪ ﻭﻣﺤﻤﺪ ﺑﺤﻀﻨﻪ ﺗﻠﻔﻮﻧﻪ ﺩﻙ ﻛﺎﻝ
ﻫﺎﻱ ﺗﻠﻔﻮﻥ ﻋﻠﻴﺞ
ﺑﻘﻴﺖ ﺍﺑﺎﻭﻋﻠﻪ ﻧﺼﻪ ﺭﺍﺳﻪ ﺑﺨﺠﻞ ﺍﺧﺬﺗﻪ ﻣﺴﺘﻐﺮﺑﻪ ﻣﺤﺠﻴﺖ ﺧﻠﻴﺘﻪ ﻋﻠﻰ ﺍﺫﻧﻲ ﺍﺟﻪ ﺻﻮﺗﻪ ﺑﺎﺫﻧﻲ ﻓﺰﺯ ﺷﻜﻮ ﺟﺮﻭﺡ ﺣﺎﻭﻝ ﻓﻬﺪ ﻳﻠﻤﻬﺎ ﺣﺴﻴﺘﻪ ﺷﺎﻣﺖ ﺭﻏﻢ ﺻﻮﺕ ﺍﻟﺒﺠﻲ ﺍﻟﺪﻳﺒﺠﻲ
ﻛﺎﻝ
ﺍﻟﻮ ﻏﺎﺩﻩ
ﺑﻠﻌﺖ ﺭﻳﻜﻲ ﺑﺎﻟﻢ ﺑﺎﻭﻋﺖ ﻻﺻﻴﻞ ﻫﺰ ﺭﺍﺳﻪ ﺑﻤﻮﺍﻓﻘﻪ ﻭﺧﺠﻞ ﻭﺍﻟﻢ ﻋﻘﻴﻞ ﺣﺠﻪ ﻭﻛﺎﻝ
ﻏﺎﺩﻩ ﺳﺎﻣﺤﻴﻨﻲ ﻣﺪﺍﺍﻛﺪﺭ ﺍﺭﺟﻊ ﺗﻤﻨﻴﺖ ﺍﻛﻮﻥ ﻭﻳﺎﺝ
ﻣﺮﺩﻳﺖ ﻋﻠﻲ ﻛﻠﺸﻲ ﻋﺎﺩﻱ ﻋﺪﻱ ﺻﺎﺭ ﻛﺎﻝ
ﻏﺎﺩﻩ ﺍﺩﺭﻱ ﺑﻴﺞ ﻣﺘﺎﺫﺍﻳﻪ ﺑﺲ ﺻﺎﺭﺕ ﻭﻣﺎﻋﺪﻱ ﻋﺬﺭ
ﻫﻤﺴﺖ ﻛﻮﻩ ﺑﺼﻮﺕ ﻣﻜﻄﻊ
ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﺑﻴﻚ ﻭﻭﺧﺮﺕ ﺍﻟﺘﻠﻔﻮﻥ ﻣﻦ ﺍﺫﻧﻲ ﻭﻛﻊ ﺑﺎﻟﻜﻊ ﺍﻳﺪﻱ ﺭﺧﺖ ﻭﺟﺴﻤﻲ ﻛﻠﻪ ﺭﺧﻪ ﻟﺰﻣﺘﻨﻲ ﻓﻮﺯﻳﻪ ﻭﺗﺼﺤﻲ ﺑﻴﻪ ﺑﻴﻮﻣﻬﺎ ﺍﻛﺜﺮ ﻳﻮﻡ ﺑﺠﻴﺖ ﻭﻻﺯﻣﻪ ﺳﻠﺴﻠﺘﻪ ﺑﻴﺪﻱ ﻭﺍﺗﺬﻛﺮ ﻛﻼﻡ
ﻟﺞ ﺍﻧﺘﻲ ﺍﺧﺘﺘﺘﺖ ﻓﻬﺪﺩﺩﺩﺩ ﻟﺘﺬﻟﻴﻦ ﺭﻭﺣﺞ ﻣﺬﻟﻪ ﻟﺘﺬﻟﻴﻦ ﻧﻔﻔﺴﺞ
ﻭﺍﺑﺠﻲ ﺑﻘﻬﺮ ﻟﻠﻔﺠﺮ ﻟﻼﺫﺍﻥ ﺍﻧﻲ ﻣﻨﻤﺖ ﺍﻟﺼﺒﺢ ﻓﻮﺯﻳﻪ ﻛﻌﺪﺗﻨﻲ ﻋﻠﻰ ﺧﺒﺮ ﺍﺫﻩ ﻛﻠﺒﻲ ﺍﻛﺜﺮ ﻛﺎﻟﺖ
ﺗﺮﻩ ﺍﺭﻳﺎﻡ ﺩﺧﻠﺖ ﻏﻴﺒﻮﺑﻪ ﺍﻟﺒﺎﺭﺣﻪ ﺍﺩﻋﻴﻠﻬﺎ
ﺑﻘﻴﺖ ﺳﺎﻛﺘﻪ
ﻛﺎﻟﺖ
ﻏﺎﺩﻩ ﻓﺪﻭﻩ ﻟﻌﻴﻨﺞ ﻟﺨﺎﻃﺮ ﺑﻨﺎﺗﺞ ﺍﺻﺤﻲ ﺭﻧﺪ ﺗﺨﻮﻑ ﺣﺎﻟﺘﻬﺎ ﺑﺲ ﺻﺎﻓﻨﻪ ﻭﺳﻨﺪ ﺑﺲ ﺗﺒﺠﻲ
ﻃﺒﻬﻦ ﻃﻮﺏ ﻭﺍﻧﻲ ﻭﻳﺎﻫﻢ ﺍﻟﻤﻦ ﺍﻋﻴﺶ ﺑﻌﺪ
ﻟﺞ ﻟﺨﺎﻃﺮ ﻓﻬﺪ . ﻋﻴﺸﻲ
ﻓﻬﺪ ﺭﺍﺡ
ﺭﺍﺡ ﻭﺧﻼﺝ ﻋﺰﻳﺰﻩ ﻋﻠﻤﺞ ﻣﺘﺬﻟﻴﻦ ﺭﻭﺣﺞ ﺍﺻﺤﻲ ﻟﻨﻔﺴﺞ ﺍﻋﻲ ﺩﺍﻭﻣﻲ ﻋﻴﺸﻲ ﺑﻨﺎﺗﺞ
ﺳﻜﺘﺖ ﻭﻛﻤﺖ ﺍﺳﻤﻊ ﻛﻼﻣﻬﺎ ﺍﻣﺸﻲ ﺑﺎﻟﻜﻮﻩ ﺻﺪﻓﻪ ﺑﺎﻭﻋﺖ ﺭﻭﺣﻲ ﺑﺎﻟﻤﺮﺍﻳﻪ ﻭﺍﻓﺰ ﻣﻦ ﻣﻨﻀﺮﻱ ﺷﺠﺮﻩ ﻳﺎﺑﺴﻪ ﺍﻧﻜﻄﻊ ﻋﻦ ﺍﻟﻤﻲ ﻭﻧﺸﻔﺖ ﺟﺬﻭﺭﻫﺎ ﻭﺍﻭﺭﺍﻗﻬﺎ
ﻛﻤﺖ ﺑﻬﻤﻴﻪ ﻣﻔﺎﺟﺌﻪ ﺣﻀﺮﺕ ﻫﺪﻭﻣﻲ ﻭﻫﺪﻭﻡ ﺑﻨﺎﺗﻲ ﻭﻧﺴﻴﺖ ﻭﺣﻀﺮﺕ ﺑﺪﻟﻪ ﻓﻬﺪ ﻭﻫﺪﻭﻡ ﻣﺤﻤﺪ ﻭﺭﺟﻌﺖ ﺍﺑﺠﻲ ﺭﻧﺪ ﺟﺘﻲ ﺳﺎﻋﺪﺗﻨﻲ ﻫﻲ ﻭﺳﻨﺪ ﻭﻓﻮﺯﻳﻪ ﻭﺑﺪﺕ ﺣﻴﺎﺗﻲ ﺍﻟﺠﺪﻳﺪﻩ
ﻭﺣﺪﺩﺩﻱ -- ﻭﺣﺪﻱ -
ﻣﻜﺎﻧﻪ ﻓﺎﺭﻍ ﺻﻮﺗﻪ ﺍﻭﻝ ﻣﺎﺍﻭﺻﻞ
ﻏﺎﺩﻩ ﻭﺻﻠﺘﻲ ﻟﻠﺸﺮﻛﻪ ﻭﻣﻦ ﺍﺭﺟﻊ
ﻃﺒﻴﺘﻲ ﻟﻠﺒﻴﺖ
ﺷﻤﺮﻛﺒﻪ ﺍﻟﻴﻮﻡ ﺑﺎﻟﺨﻮﻩ ﺗﺬﻛﺮﻳﻨﻲ ﺭﺍﺡ ﺍﻛﻞ ﻓﻼﻓﻞ
ﻣﺎﻛﻮ ﺑﻌﺪ ﺻﻮﺗﻪ ﻣﺎﻛﻮ ﻃﺒﺘﻪ ﻣﺤﻤﻞ ﺑﺎﻟﺠﻴﺎﺱ ﻣﺎﻛﻮ ﺻﺮﺧﻪ ﺭﻧﺪ ﻣﻦ ﻳﻄﺐ
ﺍﺟﻪ ﻓﻬﻮﻭﺩﻱ
ﻭﻻﺍﻛﻮ ﻫﻤﺴﺎﺕ ﻋﺸﻘﻪ ﺑﻠﻴﻞ ﻭﻱ ﺣﺒﻴﺒﻪ ﻛﻠﺒﻪ
ﺷﻮﻛﺖ ﺍﺣﻀﻨﺞ ﻭﺍﻧﺎﻡ ﻣﺮﺗﺎﺡ
ﻛﻠﺸﻲ ﺣﻠﻮ ﻃﻔﻪ ﺑﻌﻴﻨﻲ ﻭﺍﻧﻄﻔﺖ ﺳﻨﻴﻨﻲ ﻭﻳﺎﻩ
ﺩﺍﻭﻣﺖ ﺑﻠﺒﺲ ﺍﺳﻮﺩ ﻭﻗﺮﺭﺕ ﻣﺎﺫﺑﻪ ﺑﻌﺪ ﻭﻋﺰﻭﻧﻲ ﺑﻮﺿﻴﻔﺘﻲ . ﻭﻧﻀﺮﺍﺗﻬﻢ ﻣﻴﺘﻪ ﻗﻬﺮ ﻋﻠﻴﻪ ﻫﻮﺍﻱ ﻏﻴﺮ ﻓﻮﺯﻳﻪ ﺷﺎﻟﻮ ﻋﻨﻲ ﺷﻐﻞ . ﻳﻜﻠﻮﻟﻲ ﺍﺭﺗﺎﺣﻲ ﻫﺎﻟﻔﺘﺮﻩ
ﺭﻏﻢ ﻣﺎ ﻛﺒﺎﺭ ﺑﺎﻟﻌﻤﺮ ﺑﺲ ﻛﻞ . ﺍﻟﺤﻨﻴﻪ ﺑﻴﻬﻢ
ﺍﺑﻮ ﺍﻟﺨﻂ ﻣﻜﺎﻡ ﻳﻘﺒﻞ ﻳﺎﺧﺬ ﺍﺟﺮﻩ ﺍﻟﺨﻂ ﻣﺎﻝ ﺑﻨﺎﺕ ﻭﻟﺤﺪ ﺍﻻﻥ ﺍﻧﺴﻰ ﻭﺍﻧﺰﻝ ﻟﻠﺤﻀﺎﻧﻪ ﺩﺍﺭﻳﺪ ﺍﺧﺬ ﻣﺤﻤﺪ ﻭﻟﺤﺪ ﺍﻻﻥ ﻣﻦ ﺍﻃﻠﻊ ﺍﻃﻠﻊ ﺑﻠﻬﻔﻪ ﺧﺎﻑ ﺍﻟﻴﻮﻡ ﻳﻨﺰﻝ ﻓﻬﺪ ﻭﻣﺎﻟﺤﻚ ﺍﻛﻤﺦ ﺍﻟﺘﻤﻦ ﻻﻥ ﻳﺤﺒﻪ ﻣﺘﻜﻤﺦ ﺯﻳﻦ
ﺷﻬﺮ ﻣﺮ ﺍﻟﻢ ﺑﺎﻟﻢ ﻣﺮﺗﻴﻦ ﺍﺭﻭﺡ ﻟﻠﻨﺠﻒ ﻣﺎﺍﻟﻜﻪ ﻏﻴﺮ ﻣﺮﻣﺮﻩ ﻭﻛﺒﺮﻩ ﻭﺍﺳﻤﻪ ﻋﻠﻴﻬﺎ ﻭﺭﻧﺪ ﺗﺼﺮﺥ
ﻣﻦ ﺻﺪﻙ ﻣﺎﺕ ﻣﻌﺎﻓﻨﻪ ﻣﺜﻞ ﺑﺎﺑﺎ ﺧﺎﻟﻮ ﻭﻓﻲ
ﻣﺤﻤﺪ ﺩﻓﻨﻮ ﺑﻤﻘﺒﺮﻩ ﺑﻴﺖ ﻋﻤﻲ ﻭﻓﻬﺪ ﻭﺣﺪﻩ ﺑﻤﻘﺒﺮﻩ ﺣﺘﻰ ﻣﺎﻋﺮﻑ ﻛﺎﻉ ﻣﻨﻮ ﺻﻮﺭﺗﻪ ﺟﺒﻴﺮﻩ ﻣﺤﻄﻮﻃﻪ ﻣﺠﺮﺟﺒﻪ ﻭﻣﺠﻮﻣﻪ ﺑﺼﻒ ﺍﻟﻘﺒﺮ ﻭﻣﺴﻴﺠﻪ ﺍﻟﻤﻘﺒﺮﻩ ﻣﺮﻩ ﻣﻦ ﺍﻟﻤﺮﺍﺕ ﻣﻦ ﺭﺣﺖ ﻟﻜﻴﺖ ﺷﺒﺎﺏ ٢ ﻭﺍﻛﻔﻴﻦ ﻳﻤﻬﺎ ﻻﺑﺴﻴﻦ ﺍﺳﻮﺩ ﻭﻗﻮﻁ ﻭﻧﻀﺎﺭﺍﺕ ﺳﻮﺩﻩ ﻣﺎﺍﻋﺮﻓﻬﻢ ﺍﺑﺘﻌﺪﻭ ﺑﺲ ﻛﺒﻠﺖ ﻋﺎﻟﻤﻘﺒﺮﻩ ﻭﺻﻌﺪﻭ ﻭﺭﺍﺣﻮ ﺑﺴﻴﺎﺭﺍﺗﻬﻢ
ﻣﺸﻔﺘﻬﻢ ﻭﻻﺷﺎﻓﻮﺗﻲ ﻭﺟﻪ ﻟﻮﺟﻪ .
ﻣﻦ . ﺍﺩﻓﻨﻪ ﻭﻣﻨﻮ ﺍﻟﺼﺮﻑ ﻣﺎﺍﻋﺮﻑ ﺍﻟﻠﻲ ﺳﻤﻌﺘﻪ ﻣﻦ ﺑﻨﺎﺕ ﺧﺎﻟﻲ ﻭﺧﺎﻟﺘﻲ
ﺟﻤﺎﻋﺘﻪ ﺷﺎﻟﻮ ﺍﻟﻌﺰﻩ ﻭﺍﻟﻔﺎﺗﺤﻪ ﺑﻬﻴﺒﻪ
ﺍﺧﻮﻳﻪ ﺭﺍﺡ ﺷﺎﻟﻔﺎﻳﺪﻩ ﺣﻴﺮﺟﻊ ﻭﺭﻩ ﻫﺎﻟﺴﻮﺍﻟﻒ
ﺷﻬﺮ ﻟﺦ ﻣﺮ ﻭﻓﻮﺯﻳﻪ ﺭﺟﻌﺖ ﺑﻴﺖ ﺍﻫﻠﻬﺎ ﺑﻤﻨﻄﻘﺘﻬﺎ ﻭﺍﻧﻲ ﺑﻘﻴﺖ ﺑﺒﻴﺘﻲ ﻭﺣﺪﻱ ﻻﺍﻣﻲ ﻳﻤﻲ ﻭﻻﻓﻬﺪﻱ
ﻭﻓﺠﺎﻩ ﺍﺟﻪ ﺧﺎﻟﻲ ﻛﺎﻝ
ﺧﺎﻟﻮ ﺍﻟﺒﻴﺖ ﺣﻨﺎﺟﺮﻩ ﺍﻣﺞ ﻣﺪﺗﻜﺪﺭ ﺗﻮﺻﻞ ﺑﻌﺪ ﺗﻜﻮﻝ ﺭﻭﺣﻪ ﺑﻲ ﻣﺪﺍﺍﺗﺤﻤﻞ ﺍﻋﻴﺶ ﺍﺭﺟﻌﻲ ﻟﺒﻴﺖ ﻋﻴﺎﻟﺞ ﺍﻧﺘﻲ ﻭﺑﻨﺎﺗﺞ
ﺑﻴﻮﻣﻬﺎ ﺍﻛﺜﺮ ﺷﻲ ﺗﺎﺫﻳﺖ ﻣﻮ ﻻﻥ ﺣﺮﺟﻊ ﻻ
ﺑﺲ ﻻﻥ ﺣﺘﺮﻙ ﻣﻜﺎﻥ ﻓﻬﺪ ﻭﻏﺮﻓﺘﻪ
ﺍﻣﻲ ﻫﻲ ﻫﺎﻱ ﻣﻦ ﺍﻭﻝ ﺍﻋﺮﻓﻬﺎ ﻛﺎﺭﻫﺘﻨﻲ ﻣﻦ ﻭﺭﻩ ﺟﻬﺎﻟﻲ ﻭﺳﻮﺍﻳﻪ ﻋﻘﻴﻞ ﻣﺮﺣﻤﺘﻨﻲ ﻭﺭﻩ ﺍﺧﻮﻳﻪ
ﻭﺍﺟﻪ ﺍﺻﻴﻞ ﺟﺎﻥ ﻣﻬﻴﺎ ﻛﻠﺸﻲ ﻻﻥ ﺍﻟﻀﺎﻫﺮ ﺧﻮﺍﻟﻲ ﻣﺘﻮﺍﺻﻠﻴﻦ ﻭﻳﺎﻩ ﻭﻣﺒﻠﻐﻲ ﻗﺒﻞ ﻟﻴﺒﻠﻐﻮﻧﻲ
ﺍﻭﻝ ﻣﻄﺐ ﻛﺎﻝ
ﺟﻬﺰﺗﻠﺞ ﺍﻟﺒﻴﺖ ﻣﺎﻝ ﺳﻤﺎﻋﻴﻞ ﺍﺧﻮﻳﻪ ﻭﺗﻜﻌﺪﻳﻦ ﻣﻌﺰﺯﻩ ﻣﻜﺮﻣﻪ ﻭﺑﻨﺎﺗﺞ ﻧﻘﻠﺘﻬﻢ ﺍﻟﺒﺎﺭﺣﻪ ﺳﺤﺒﺖ ﻓﺎﻳﻼﺗﻬﻢ ﻣﻦ ﻣﺪﺭﺳﺘﻬﻢ ﻫﺎﻱ
ﺷﻜﻮﻝ ﺑﻌﺪ ﻭﻣﺎﻟﻲ ﺣﺠﺎﻳﻪ ﻭﺍﻋﺪﻧﻲ ﻣﺤﺪ ﻳﺘﺪﻧﺎﻟﻲ ﻻﺍﻟﻲ ﻭﻻ ﻟﻠﺒﻨﺎﺕ ﻭﺍﺧﺬﻧﻲ ﺑﺴﻴﺎﺭﺗﻪ ﻭﺍﻧﻲ ﻣﻴﺘﻪ ﻣﻦ ﺗﺤﺮﻛﺖ ﺍﻟﺴﻴﺎﺭﻩ ﻣﻦ ﺍﻟﺒﻴﺖ ﺍﺧﺮ ﺫﻛﺮﻯ ﺍﻧﺨﺰﻧﺖ ﺑﺒﺎﺏ ﺍﻟﺒﻴﺖ ﻟﻤﻦ ﺗﻔﺎﺭﻛﺖ ﺍﺭﻭﺍﺣﻨﺎ ﻓﻬﺪ ﺻﺪﻙ ﻳﻌﻨﻲ ﻋﻔﺘﻨﻲ ﺑﺎﻭﻋﻨﻲ ﻭﻳﻦ ﺭﺍﻳﺤﻪ ﺑﺎﻭﻉ ﺷﻮﻑ
ﺩﺍﺍﺭﺟﻊ ﻟﻠﺬﻝ ﻻﻥ ﻣﺎﻟﻲ ﻏﻴﺮ ﻣﻜﺎﻥ ﺷﻮﻑ ﻫﺎﻟﻤﺮﻩ ﻣﻮ ﺍﻧﻲ ﺍﻟﺪﺍﺫﻝ ﺭﻭﺣﻲ ﺍﻧﺖ ﺍﻟﻌﻔﺘﻨﻲ ﻟﻠﺬﻟﻪ
ﻃﺒﻴﺖ ﻟﺒﻴﺖ ﺍﺳﻤﺎﻋﻴﻞ ﺣﻤﺎﻳﻪ ﻛﺎﻥ ﻭﻋﺪ ﺍﺻﻴﻞ ﺑﻤﺤﻠﻪ ﻣﺤﻀﺮﻩ ﻭﻣﺮﺗﺒﻪ ﺭﻏﻢ ﻣﺎﺧﺬﻳﻦ ﻏﺮﻓﻪ ﻣﻨﻪ ﺍﻟﻠﻲ ﺑﺼﻒ ﺑﻴﺖ ﻋﻤﻲ ﻣﺨﻠﻴﻬﺎ ﻟﻠﺨﺪﺍﻣﻪ ﻣﺎﻝ ﻋﻤﺘﻲ ﺑﺲ ﺑﻲ ﺑﻌﺪ ﻫﻮﻝ ﻭﻏﺮﻓﻪ ﺍﻟﺒﻴﺖ ﻛﺎﻥ ﺑﺒﻄﻦ ﺑﻴﺖ ﻋﻤﻲ ﺑﺎﻟﺤﺪﻳﻘﻪ ﺑﺎﻧﻲ
ﺑﺎﺏ ﻏﺮﻓﻪ ﺍﻟﺨﺪﺍﻣﻪ ﺭﺑﻂ ﺑﻴﻨﻲ ﻭﺑﻴﻦ ﺑﻴﺖ ﻋﻤﻲ ﻟﺪﺍﺧﻞ ﺑﻴﺘﻬﻢ ﺍﻓﺘﺤﻬﺎ ﺍﻃﺐ ﻟﺼﺎﻟﺘﻬﻢ
ﺟﺎﻧﺖ ﺍﻟﺨﺪﺍﻣﻪ ﺑﻠﻴﻞ ﺗﻘﻔﻞ ﺍﻟﺒﺎﺏ ﻣﺎﻝ ﻏﺮﻓﺘﻬﺎ ﺑﺎﻣﺮ ﻣﻦ ﺯﻳﻨﺐ ﺍﻛﻴﺪ ﺑﺤﻴﺚ ﻣﺎﺍﻛﺪﺭ ﺍﻃﺐ ﻟﺒﻴﺖ ﻋﻤﻲ ﺑﻠﻴﻞ ﻻﻥ ﺗﻘﻔﻠﻬﺎ ﺯﻳﻨﺐ ﻛﺎﻧﺖ ﺗﺨﺎﻑ ﺍﻧﻔﺮﺩ ﺑﺎﻣﻬﺎ ﻋﻠﻰ ﻃﻮﻝ ﻋﺪﻧﺎ ﺗﺨﺎﻑ ﻻﺗﻨﻄﻴﻨﻲ ﺷﻲ
ﺟﻤﺎﻟﻲ
ﻭﺻﻐﺮ ﺳﻨﻲ ﺧﻠﺖ ﺍﻧﺼﺎﺭ ﺣﻤﻮﻳﻨﻲ ﻋﻠﻴﻪ ﺑﺎﻟﻄﺒﻪ ﻭﺍﻟﻄﻠﻌﻪ ﻭﺣﺘﻰ ﻭﻟﺪ ﺣﻤﻮﻳﻨﻲ ﻻﻥ ﺑﻴﻬﻢ ﻛﺪﻱ ﺑﺎﻟﻌﻤﺮ ﻻﻥ ﻋﻤﻬﻢ ﻋﻘﻴﻞ ﺍﻟﺼﻐﻴﺮ
ﺍﻳﺎﻡ ﺍﺳﺎﻝ ﻧﻔﺴﻲ ﺑﻜﻞ ﻟﻴﻠﻪ ﺍﻧﻲ ﺷﻌﺪﻱ ﻫﻨﺎ ﻭﺍﺭﺟﻊ ﺍﺗﺬﻛﺮ ﺑﻨﺎﺗﻬﻢ ﻧﻔﺲ ﺍﻟﺪﻥ ﻳﻤﺸﻲ ﺑﻴﻬﻢ ﻓﻮﺯﻳﻪ ﺟﺎﻧﺖ ﺗﻨﻄﻴﻨﻲ ﻗﻮﻩ ﻛﻮﻩ ﺍﺗﺸﺒﺚ ﺑﻴﻬﺎ ﻭﻧﻮﺑﺎﺕ ﺍﺿﻌﻒ ﺍﺿﻌﻒ ﺣﻴﻞ ﻭﺍﺿﻞ ﺳﺎﻋﺎﺕ ﺍﺑﺠﻲ ﻛﺬﺍﺏ ﺍﻟﻜﺎﻝ ﺍﻟﺒﺠﻲ ﻳﺮﻳﺢ ﻳﺸﻌﻞ ﻧﺎﺭ ﻟﻠﻤﺸﺘﺎﻙ ﻳﺸﻌﻞ ﻧﺎﺭ ﻟﻠﻴﺪﻭﺭ ﺣﻀﻦ . ﻋﺎﻓﻪ . ﺑﺎﺭﺩ ﺟﻨﺖ ﻣﻦ ﺍﺷﻮﻑ ﺍﺭﻳﺎﻡ ﺍﺣﺴﺪﻫﺎ ﺍﻛﻮﻝ ﺍﻛﻴﺪ ﻋﺎﻳﺸﻪ ﻭﻳﺎﻩ ﺑﻐﻴﺒﻮﺑﺘﻬﺎ .
ﺍﻟﺴﻠﺴﺎﻝ ﺍﻟﺒﺮﻛﺒﺘﻬﺎ ﻧﻔﺴﻪ ﺑﺮﻛﺒﺘﻲ ﻭﻣﺨﻠﻴﻪ ﻭﻳﺎﻩ ﻣﺤﺒﺲ ﻓﻬﺪ ﺍﻟﻔﻴﺮﻭﺯ ﻭﺣﻠﻘﺘﻪ ﻭﺭﻩ ﻭﻓﺎﺗﻪ ﺍﺭﻳﺎﻡ ﺿﻠﺖ ﺟﻠﺪ ﻭﻋﻀﻢ ﻭﺍﺑﻮﻫﺎ ﻣﻴﻌﺮﻑ ﺷﻴﺴﻮﻱ ﺗﻌﺐ ﺗﻌﺐ ﺣﻴﻞ
ﺳﻜﻨﺖ ﺑﻴﺖ ﻋﻤﻲ ﻏﺼﺐ ﻋﻨﻲ ﻭﻣﻦ ﺍﻟﻴﻮﻡ
ﻭﺑﺪﺕ ﺭﺣﻠﻪ ﻣﻌﺎﻧﺎﺗﻲ
ﺭﻧﺪ -
ﻣﻦ ﺍﻟﻴﻮﻡ ﻫﻲ ﺻﺎﺣﺒﻪ ﺍﻟﻤﻮﻗﻒ . ﻫﻮﺍﻱ ﻣﻮﺍﻗﻒ ﺑﻴﻨﺖ ﻣﻮ ﺻﻐﻴﺮﻩ ﻭﺍﻧﻬﺎ ﺭﺑﺎﻳﻪ ﻓﻬﺪ . ﺍﻟﺬﻳﺒﻪ ﻣﺤﺪ ﻛﺪﺭ ﻳﺘﺪﻧﺎﻟﻬﺎ ﻭﺣﻘﻬﺎ ﺗﺎﺧﺬﻩ ﺑﻴﺪﻫﺎ . ﻭﺑﺎﺳﻠﻮﺑﻬﺎ
ﻣﻦ ﺍﻟﻴﻮﻡ ﺭﺍﺡ ﻧﺪﺧﻞ ﺗﻔﺎﺻﻴﻞ ﻭﺍﺣﺴﺎﺱ ﺭﻧﺪ . ﺭﺍﺡ ﻧﻌﻴﺶ ﺟﻮﺍﺭﺣﻬﺎ . ﻭﺗﻔﻜﻴﺮﻫﺎ ﺭﺍﺡ ﻧﺼﻮﺭ ﻛﻞ ﻣﺨﻄﻄﺎﺗﻬﺎ
ﺍﻟﻴﻮﻡ ﺭﺍﺡ ﻧﺎﺧﺬ ﻛﺎﻣﺮﺗﻨﺎ ﺍﻟﻤﺘﻌﻮﺩﻳﻦ ﻋﻠﻴﻬﺎ ﺑﻘﺼﺼﻲ .
ﻭﻧﻔﺘﺮ ﺑﻴﻬﺎ ﺑﻴﻦ ﺻﺪﻳﻘﺎﺕ ﺭﻧﺪ
ﺟﻬﻴﻨﻪ
ﻫﺒﻪ
ﺳﺮﻯ
ﻭﻭﺳﻦ
ﻭﺑﻴﻦ ﺣﻴﺎﻩ ﺳﻨﺪ
ﻭﺑﻴﻦ ﻟﻬﻮﻩ ﻏﺎﺩﻩ ﺑﺎﻟﻌﻤﻞ ﻻﺟﻞ ﺑﻨﺎﺗﻬﺎ
ﻭﻣﻨﻨﺴﻰ ﻃﺒﻌﺎ
ﺯﻳﻨﺒﺒﺐ ﻭﺣﺒﻬﺎ ﻟﻠﻤﺎﺩﻩ ﻭﺍﻟﺠﺸﻊ
ﺍﻟﻠﻲ ﺧﻠﻪ ﺯﻳﻨﺐ ﺗﻨﺤﺮﻑ ﻋﻦ ﻣﺴﺎﺭﻫﺎ ﺍﻟﻠﻲ ﺭﺑﺎﻫﺎ ﻋﻠﻴﻪ ﺍﺧﻮﻫﺎ
ﺗﺎﺑﻌﻮﻧﻲ
ﺑﺎﺣﺪﺍﺙ ﺷﻴﻘﻪ ﺑﺎﻟﺤﻠﻘﻪ ﺍﻟﻘﺎﺩﻣﻪ ﻣﻦ
ﻋﺴﻞ ﺍﻻﻧﺘﻘﺎﻡ
ﻣﺮﻳﻢ ﺍﻟﺴﻌﺪﻱ
