#البارت التاسع
#قصة وعسى أن تسكن نار الانتقام
#الكاتبة مريم السعدي
ﻣﺎﻟﻠﺬﻱ ﺟﺮﻯ
ﺍﺭﻯ ﻋﺎﻟﻤﻲ ﻳﻘﻊ ﻭﺍﺳﺘﻌﻴﺪ ﻭﻗﻔﺘﻪ
ﺑﻤﻠﻲﺀ ﺟﺴﺪﻱ ﺍﻟﻜﻬﻞ ﺭﻏﻢ ﺷﺒﺎﺑﻲ
ﻣﺎﻋﺴﺎﻧﻲ ﺍﻓﻌﻞ ﻭﺍﻳﺎﻡ ﺳﻨﻲ ﻋﻤﺮﻱ ﺍﻟﺘﻔﺖ ﻛﺎﻟﺘﻔﺎﻑ ﺍﻻﻓﻌﻰ ﺣﻮﻟﻲ
ﻣﺎﻟﻠﺬﻱ ﺣﻞ ﺑﺰﻣﺎﻥ ﻻ ﻳﻨﻔﻊ ﻣﻌﻪ ﺍﻟﺼﺒﺮ ﻭﻻ ﺍﻟﺮﻭﻳﺪﻩ ﻭﻻﺍﻟﺪﻋﺎﺀ
ﺭﺑﺎﻩ . ﺍﻋﻨﻨﻲ ﻋﻠﻰ ﺗﺮﺑﻴﺘﻬﻢ ﻭﺧﺬﻧﻲ ﺑﻌﺪ ﺍﻥ ﺍﺗﻢ ﻋﻤﻠﻲ ﻓﺎﻧﻨﻲ ﻭﺍﻟﻠﻪ ﻗﺪ ﻫﺮﻣﺖ ﻣﺒﻜﺮﺍ ﺗﻌﺒﺖ ﻭﻭﻗﻔﺖ ﻭﺳﻘﻄﺖ ﻣﺠﺪﺩﺍ ﺍﻟﻰ ﺍﻗﺴﻰ ﻧﻘﺎﻁ ﻗﻌﺮ
ﺍﻟﺪﻧﻴﺎ
ﻫﻮﻳﺖ ﻣﻦ ﻣﻨﻌﻄﻒ ﺍﻟﻰ ﻣﻨﻌﻄﻒ
ﺧﺪﺍﻉ ﺯﻭﺟﻲ
ﻏﺪﺭ ﺯﻣﺎﻧﻲ ﺑﺴﻨﺪﻱ
ﻭﻫﺬﻩ ﺍﻟﺨﺎﺗﻤﻪ ﺍﻟﻜﺎﺗﻤﻪ
-----
ﻓﻮﺯﻳﻪ ﻭﻳﻦ ﺭﺍﻳﺤﻪ ﺩﺗﻌﺎﻱ ﻭﻳﺎﻳﻪ . ﺍﺻﺒﺮﻱ ﻣﻴﺘﻪ ﺑﺠﻲ ﺷﺒﻴﻴﺞ
ﺷﺒﻴﻴﺞ ﻣﺘﻔﻬﻤﻴﻦ ﺩﺍﻛﻮﻟﺞ ﻃﻮﻧﺎ ﺭﺍﺗﺐ ﻧﻬﺎﻳﻪ ﺧﺪﻣﻪ ﻭﺳﺮﺣﻮﻧﺎ ﻣﺜﻞ ﺍﻟﻐﻨﻢ ﻛﺎﻟﻮ ﺟﺒﻨﺎ ﻛﺎﺍﺍﺩﺭ ﺟﺪﻳﺪ ﻭﻛﻠﻬﺎ ﺷﺒﺎﺏ ﻭﺑﻨﺎﺕ ﻳﺨﺒﻠﻦ ﻋﺒﺎﻟﻚ ﺑﻴﺖ ﻣﺎﻝ --- ﻣﻜﻴﺎﺝ ﻭﻟﺒﺲ ﻣﺤﺼﺮ ﻭﺍﻟﺸﻌﺮ ﻭﺍﻟﻨﻔﺦ ﺭﻭﺣﻲ ﺭﻭﺣﻲ ﻓﻮﺗﻲ ﻫﺴﻪ ﻳﻨﻄﻮﺝ ﺭﺍﺗﺐ ﻭﻳﺴﺮﺣﻮﺝ
ﺯﻳﻦ ﻭﺩﻳﻨﻲ ﻳﻌﻨﻲ ﻣﻴﺎﺧﺬﻭ ﻣﻨﻲ
ﻭﺍﻟﻠﻪ ﻣﺎﺩﺭﻱ ﻣﺎﺩﺭﻱ ﻛﻠﺸﻲ ﻣﺎﺩﺭﻱ ﺧﺎﻳﺮﻩ ﺑﺎﺧﻮﻳﻪ ﺷﺮﺍﺡ ﺍﻛﻮﻟﻪ ﻣﻦ ﻳﻌﺮﻑ ﺑﻄﻠﻮﻧﻲ ﺍﻟﻠﻪ ﻳﻌﻴﻨﺞ ﻳﻐﺎﺩﻩ
ﺑﻘﻴﺖ ﺻﺎﻓﻨﻪ ﻋﺎﻓﺘﻨﻲ ﻭﺭﺍﺣﺖ ﻃﺒﻴﺖ ﻟﻠﺪﺍﺀﺋﺮﻩ ﺑﺜﻜﻞ ﻭﺍﻟﻤﻮﺿﻔﻴﻦ ﻳﺤﺠﻮﻥ ﻭﻳﺤﺴﺒﻮﻥ ﻭﻳﺼﻴﺤﻮﻥ ﻭﻭﺍﺣﺪ ﻳﺮﺩ ﻋﻠﻴﻬﻢ
ﻋﻤﻤﻤﻲ ﺣﺠﺠﺠﻲ ﺍﻧﻲ ﻣﻌﻠﻴﻪ ﺍﻧﻲ ﻋﺒﺒﺒﺪ ﻣﺎﻣﻮﻭﻭﺭ ﺍﻟﺸﺮﺍﻛﻪ ﺍﻧﻔﺼﺨﺖ ﻭﻫﺴﻪ ﺍﻟﻤﺪﻳﺮ ﻛﺎﻝ ﻓﺮﺭﺭﻍ ﺍﻟﺸﺮﻛﻪ ﻭﺟﺪﺩ ﺍﻟﻤﻮﺿﻔﻴﻦ ﻫﺎﺍﺍﻫﺎﺍ
ﺑﻘﻴﺖ ﺻﺎﻓﻨﻪ ﻟﺠﺒﺲ ﺷﺎﻓﻨﻲ ﺍﺳﺘﺎﺫ ﻳﺤﻴﻲ ﻛﺎﻝ
ﺗﻌﺎﻱ ﻏﺎﺩﻩ ﺗﻌﺎﻱ ﺍﻟﻤﻌﺎﻭﻥ ﺍﻟﺠﺪﻳﺪ ﻳﺮﻳﺪﺝ
ﺗﻘﺮﺑﺖ ﺑﺨﻮﻑ ﺑﺎﻭﻋﻠﻲ ﻣﻦ ﻓﻮﻙ ﻟﻴﺠﻮﻩ ﻛﺎﻝ
ﻫﺎﻱ ﺗﺸﺘﻐﻞ ﻫﻨﺎ ﻣﻮﺿﻔﻪ ﻋﺪﻛﻢ ﺟﺎﻧﺖ
ﻳﺤﻴﻲ - ﺍﻱ ﺍﺳﺘﺎﺫ ﻫﺎﻱ ﺍﻟﻠﻲ ﻣﺎﺧﺬﻩ ﻗﺮﺽ ﻋﻠﻰ ﺭﺍﺗﺒﻬﺎ
ﺷﻮ ﺻﻐﻴﺮﻩ ﺷﻌﺠﺐ ﺗﻔﻀﻠﻲ ﻭﺭﺍﻳﻪ
ﻏﺎﺩﻩ - ﺑﻠﻌﺖ ﺭﻳﻜﻲ ﺑﺨﻮﻑ ﻭﺭﺣﺖ ﻭﺭﺍﻩ ﺑﺬﻳﺞ ﺍﻟﻠﺤﻀﻪ ﻣﻜﺪﺭﺕ ﺍﺣﺠﻲ ﺑﻌﺪ . ﻭﺻﻠﺖ ﻟﻠﻐﺮﻓﻪ ﻓﺘﺖ ﻭﺍﺣﺪ ﺟﺎﻥ ﺩﻳﺴﻮﻱ ﺣﺴﺎﺏ ﻭﻣﻮﺿﻔﻴﻦ ﻋﺪﻧﺎ ﺩﻳﺴﺪﻭ . ﺑﺎﻭﻋﻠﻲ ﻛﺎﻝ
ﺗﻔﻀﻠﻲ ﻳﺎﺑﻪ
ﺟﺎﻭﺏ ﻋﻨﻲ ﺍﺳﺘﺎﺫ ﻳﺤﻴﻲ
ﺍﺳﺘﺎﺫﻱ ﻫﺎﻱ ﺍﻟﻠﻲ ﻣﺎﺧﺬﻩ ﻗﺮﺽ
ﺑﺎﻭﻋﻠﻲ ﻋﻜﺪ ﺣﺎﺟﺒﻪ ﻧﺘﺮ ﺑﺼﻴﺎﺡ ﻋﻠﻴﻪ ﻭﻋﺎﻻﺳﺘﺎﺫ ﻳﺤﻴﻲ
ﺍﺩﺭﻱ ﺗﺎﺧﺬﻳﻦ ﻗﺮﺭﺽ ﺏ٧ ﻣﻼﺍﺍﻳﻦ ﻭﺍﻧﺘﻲ ﺭﺍﺗﺒﺞ ٨٠٠ ﻭﺍﻧﺖ ﺷﻮﻧﻨﻦ ﺗﻨﻄﻴﻬﺎ ﻓﺎﻛﻴﻦ ﺻﻨﺪﻭﻕ ﺻﻨﺪﻗﺎﺕ
ﻧﺼﻴﺖ ﺭﺍﺳﻲ ﻓﺸﻼﻧﻪ ﺻﺎﺡ
ﻣﻨﻮ ﻣﻨﻮ ﻭﺿﻔﻔﺞ ﺩﺍﺍﻃﻴﺢ ﺣﻀﻪ ﺟﺎﻭﺏ ﺍﺳﺘﺎﺫ ﻳﺤﻴﻲ
ﺍﺳﺘﺎﺫ ﺍﻟﻌﻔﻮ ﺍﺧﻮﻫﺎ ﺍﻟﻤﺮﺟﻮﻡ ﻛﺎﻥ ﺻﺪﻳﻖ ﺍﺳﺘﺎﺫ ﺣﺴﻴﻦ
ﻭﺍﺳﺴﺴﺘﺎﺫ ﺣﺴﻴﻦ ﺑﻜﻴﻔﻪ ﻳﻮﻭﺿﻒ ﻣﻮﻭ ﺷﺮﻛﻪ ﺍﺑﻮ ﻫﺴﻪ ﺷﻮﻥ ﺗﺪﻓﻌﻴﻨﻦ ﺍﻟﻔﻠﻮﺱ ﺗﺘﺴﺪﺩ،
ﺑﻠﻌﺖ ﺭﻳﻚ ﺭﻓﻌﺖ ﺭﺍﺳﻲ ﻭﺟﻬﻪ ﺍﺣﻤﺮ ﻭﺍﻛﺮﻉ ﻭﻋﺼﺒﻲ ﻭﺍﻟﻤﻮﺿﻔﻴﻦ ﻛﻠﻬﻢ ﻳﺒﺎﻭﻋﻮﻟﻲ ﺑﺸﻔﻘﻪ ﻭﻳﺮﺩﺩﻭﻥ ﻻﺣﻮﻝ ﻭﻻﻗﻮﻩ ﺍﻻ ﺑﺎﻟﻠﻪ
ﺑﻠﺤﻀﺘﻬﺎ ﺍﻧﺒﻠﻊ ﻟﺴﺎﻧﻲ ﻛﺮﻫﺖ ﺭﻭﺣﻲ ﻭﻧﻔﺴﻲ ﻭﻛﺮﻫﺖ ﺍﻣﻲ ﺍﻟﺤﺎﺑﺘﻨﻲ ﻭﻣﻦ ﻛﻞ ﻛﻠﺒﻲ ﺍﺩﻋﻲ ﻋﻠﻰ ﻋﻴﺎﻟﻲ ﻭﻋﻘﻴﻞ
ﺻﺎﺡ
ﻣﻮﻭﻭﻳﺎﺝ ﺷﻮﻥ ﺣﺘﻮﻓﻴﻬﺎ
ﻫﻤﺴﺖ ﺍﺣﻤﻢ
ﻣﻦ ﺍﻟﺮﺍﺗﺐ
ﻭﻣﻨﻮﻭ ﻛﻠﺞ ﺣﺘﻀﻠﻴﻦ ﻫﻨﺎﺍﺍ ﺍﻧﺘﻲ ﺑﺎﺑﺎ ﺳﺮﺣﻨﺎ ﻛﻞ ﺍﻟﻤﻮﺿﻔﻴﻦ
ﺷﺴﻮﻱ ﻳﻌﻨﻲ
ﺷﺘﺴﻮﻳﻦ ﺷﻨﻮ ﺷﻮﻓﻲ ﺑﺎﺟﺮ ﺗﻌﺎﻱ ﺍﻟﺼﺒﺢ ﺍﻟﻤﺪﻳﺮ ﻳﻜﻮﻥ ﻫﻨﺎ ﺍﻧﻲ ﻣﻌﻠﻴﻪ ﺍﻧﺘﻲ ﻭﻳﺎﻩ ﺷﻮﻓﻲ ﺷﻮﻥ ﻳﺘﺼﺮﻑ ﺑﻌﺪ ﺑﻘﻴﺖ ﺑﺲ ﺍﻧﺘﻲ ﻋﻠﻴﺞ ﺩﻳﻦ
ﻫﺰﻳﺖ ﺭﺍﺳﻲ ﻣﻮﺍﻓﻘﻪ ﺻﺎﺡ
ﺗﻔﻀﻠﻲ ﺭﻭﺣﻲ ﻭﺗﺮﻩ ﻋﻨﻮﺍﻧﺞ ﻭﺍﺳﻤﺞ ﻣﺪﻭﻥ ﻫﻨﺎ ﻭﻫﻮﻳﺘﺞ ﻋﺪﻧﺎ
ﻫﺰﻳﺖ ﺭﺍﺳﻲ ﻋﺒﺎﻟﻪ ﺣﻨﻬﺰﻡ ﻃﻠﻌﺖ ﻣﻦ ﻳﻤﻪ ﻋﺪﻝ ﻟﻼﻣﺎﻡ ﺧﻨﻜﻪ ﺍﺧﺘﻨﻜﺖ ﻣﻦ ﺻﺎﺡ ﺑﻴﻪ ﻭﻓﻀﺤﻨﻲ ﺗﺤﺮﻙ ﺑﻜﻠﺒﻲ ﻭﻛﻔﺖ ﺣﺘﻰ ﺍﻟﺪﻡ ﺑﻲ ﻭﺻﻠﺖ ﻟﻼﻣﺎﻡ
ﻭﻃﺒﻴﺖ ﺫﺑﻴﺖ ﻛﻞ ﻗﻬﺮﻱ ﻭﺍﺩﻋﻲ ﻋﻠﻰ ﺭﻭﺣﻲ ﻭﺍﺑﺠﻴﻴﻲ ﻭﻣﺎﺍﻛﺪﺭ ﺍﺳﻴﻄﺮ ﻋﻠﻰ ﺭﻭﺣﻲ ﻣﺪﺍﺍﻛﺪﺭ ﺧﺪﻣﺎ ﺣﺴﻴﺖ ﺭﻭﺣﻲ ﺣﻴﻐﻤﻰ ﻋﻠﻴﻪ
ﻃﻠﻌﺖ ﻣﻦ ﺍﻻﻣﺎﻡ ﻭﺭﺟﻌﺖ ﻟﺒﻴﺘﻲ ﺍﻟﻄﺮﻳﻖ ﻛﻠﻪ ﻣﻨﺼﻴﻪ ﺭﺍﺳﻲ ﻭﺍﺑﺠﻲ ﻭﺻﻠﺖ ﺍﻟﺒﻨﺎﺕ ﻣﻮ ﺑﺎﻟﺒﻴﺖ ﺑﺎﻟﻤﺪﺭﺳﻪ ﺭﻛﺒﺖ ﻭﺩﻣﻮﻋﻲ ﻣﺎﻓﺎﺭﻛﺘﻨﻲ ﺷﻮﻱ ﻭﻃﺒﺖ ﻓﻮﺯﻳﻪ ﻛﻌﺪﺕ ﻳﻤﻬﺎ ﻭﺍﺣﺠﻴﻠﻬﺎ ﻭﺍﺑﺠﻲ ﺳﺎﻣﺘﻪ ﺑﺲ ﺗﻤﺴﺢ ﺑﺪﻣﻮﻋﻲ ﺣﻀﻨﺘﻨﻲ ﺗﻬﺪﻱ ﺑﻴﻪ ﻭﺍﻧﻲ ﻧﺎﺭ ﺑﻴﻪ ﺗﺴﻮﻱ ﺷﺴﻮﻱ ﺷﺴﻮﻱ ﻭﻳﻦ ﺍﺭﻭﺡ ﺷﻜﻮﻝ ﺑﺎﺟﺮ ﺧﺎﻑ ﻫﻢ ﻳﺬﻟﻨﻲ ﺍﻟﻤﺪﻳﺮ ﻭﺍﺻﻴﺮ ﺣﺠﺎﻳﻪ ﺟﻮﺯ ﺍﻧﺴﺠﻦ ﺟﻮﺯ ﻳﻮﺻﻞ ﺧﺒﺮ ﻟﻌﻴﺎﻟﻲ ﻭﻳﺎﺧﺬﻭﻥ ﺍﻟﺒﻨﺎﺕ ﻭﺍﻧﺴﺠﻦ ﻻﻥ ﻣﺎﺍﺍﻋﺪﻱ ﺍﺩﻓﻌﻊ
ﺍﻟﻰ ﻣﺘﻰ ﺍﺿﻞ ﺍﺻﻴﺢ ﻓﻬﺪ . ﻟﺘﻌﻮﻓﻨﻲ ﻣﻮﻛﺘﻠﻲ ﺍﻧﻲ ﻭﻳﺎﺝ ﻣﻌﺎﻳﻔﺞ ﻫﺎﻟﻠﺤﻀﻪ ﺻﺪﻙ ﺣﺴﻴﺖ ﻭﻭﺣﻲ ﻭﺣﺪﻱ ﺗﻌﺒﺖ ﻭﺗﻤﺪﺩﺕ ﺭﺍﺳﻲ ﺍﺣﺲ ﺣﻴﻄﻚ ﻏﻄﺘﻨﻲ ﻓﻮﺯﻳﻪ ﻭﺗﺮﻛﺘﻨﻲ ﺑﻘﻴﺖ ﻧﺎﻳﻤﻪ ﺣﺴﻴﺖ ﻫﻤﺴﺎﺕ ﺍﻟﺒﻨﺎﺕ ﻣﻦ ﻃﺒﻮ ﻣﺸﻴﻪ ﺳﻨﺪ ﺍﻟﺜﻜﻴﻠﻪ ﻻﻥ ﺭﺟﻠﻬﺎ ﺑﻴﻬﺎ ﺍﻟﻢ ﻣﻦ ﺗﺪﻭﺳﻬﺎ ﺭﻧﺪ ﻭﺗﻮﺭﻳﻘﻪ ﻛﺘﺒﻬﺎ ﺻﺒﻮ ﻭﺗﻐﺪﻭ ﺳﻤﻌﺖ ﺭﻧﺪ ﺳﺎﻟﺖ ﺳﻨﺪ
ﺟﺎﻭﺑﺘﻲ ﺑﺎﻻﻣﺘﺤﺎﻥ
ﺍﻱ ﻋﺪﻱ ﻏﻠﻄﻪ ﺑﺴﻴﻄﻪ ﺑﺲ ﻭﺍﻟﺒﺎﻗﻲ ﻛﻠﻪ ﺻﺢ ﻣﺸﻴﺖ ﻋﻠﻰ ﺧﻄﻮﺍﺗﺞ
ﺑﻴﺶ ﻋﺪﺝ ﻏﻠﻂ
ﺑﺎﻟﻜﺴﻮﺭ ﻻﺯﻡ ﺍﺧﺘﺼﺮ ﻣﺨﺘﺼﺮﺕ ﻣﻦ ﻃﻠﻌﺖ ﺗﺬﻛﺮﺕ
ﻟﺘﻐﻠﻄﻴﻦ ﺍﻣﺸﻲ ﻋﺎﻟﺨﻄﻮﺍﺕ ﺗﻀﻞ ﺑﺒﺎﻟﺞ ﺍﻋﺘﻤﺪﻱ ﻋﻠﻰ ﺭﻭﺣﺞ
ﺍﻭﻙ ﺷﻜﺮﺍ
ﻏﺎﺩﻩ - ﻟﻞ٨ ﺗﻘﺮﺑﺖ ﺳﻨﺪ ﻣﻨﻲ ﺗﻬﻤﺲ ﻭﺗﺘﻠﻤﺲ ﺑﻜﺼﺘﻲ
ﻣﺎﻣﺎ ﻣﺎﻣﺎ . ﺷﺒﻴﺞ ﺷﻮ ﻃﻮﻟﺖ ﻧﻮﻣﺘﺞ . ﺷﻨﻮ ﻣﺮﻳﻀﻪ
ﺟﺞ ﻣﺎﺑﻴﻪ ﻣﺎﻣﺎ ﻧﻌﺴﺎﻧﻪ ﺷﻮﻱ
ﺍﻭﻙ ﺑﺮﺍﺣﺘﺞ ﺑﺲ ﺗﻐﺪﻳﺘﻲ ﻟﻮ ﻻ
ﺍﻱ ﺗﻐﺪﻳﺖ
ﻋﺎﻓﺘﻨﻲ ﻭﺭﺍﺣﺖ ﻧﺎﻣﺖ ﻟﻠﻔﺠﺮ ﻣﻜﺪﺭﺕ ﺍﻧﺎﻡ ﻣﻐﻤﻀﻪ ﻭﻣﻨﺎﻳﻤﻪ ﺣﺴﻴﺖ ﺧﻄﻮﺍﺕ ﻳﻤﻲ ﻭﻧﻔﺲ ﻭﺭﻳﺤﻪ ﺭﻧﺪ ﺍﻟﻤﺘﻐﻴﺮﻫﺎ
ﺟﺎﺭﻟﻲ
ﺭﻏﻢ ﺭﺧﺼﻬﺎ ﺑﺲ ﺗﻤﻮﺕ ﻋﻠﻴﻬﺎ
ﺗﻠﻤﺴﺖ ﻛﺼﺘﻲ ﺑﻬﺪﻭﺀ ﺳﺎﻛﺘﻪ ﺧﻨﻜﺘﻨﻲ ﺍﻟﻌﺒﺮﻩ ﻭﺍﻧﻲ ﺍﻛﻮﻝ ﻋﻠﻴﻬﺎ ﻗﺎﺳﻴﻪ . ﺑﻘﺖ ﻛﺎﻋﺪﻩ ﻃﻮﻟﺖ ﻧﺺ ﺳﺎﻋﻪ ﺧﻔﺖ ﻻﺑﻴﻬﺎ ﺷﻲ
ﻣﺎﻣﺎ ﺭﻧﺪ ﺷﺒﻴﺞ
ﻣﺎﻣﺎ ﻛﺎﻋﺪﻩ
ﺍﻱ ﺷﺒﻴﺞ ﻣﺤﺘﺎﺟﻪ ﺷﻲ
ﻻ ﺑﺲ . -- ﺧﺎﻟﻮ ﺩﺯﻧﻲ ﻋﻠﻴﺞ ﻛﺎﻝ ﺷﻮﻓﻲ ﺍﻣﺞ ﺷﺒﻴﻬﺎ
ﺑﻘﻴﺖ ﻓﺎﻛﻪ ﺧﻠﻜﻲ ﻭﻣﻜﺪﺭﺕ ﺑﻌﺪ ﺑﺠﻴﺖ ﺑﻘﻬﺮ ﺑﺤﺮﻛﻪ ﺑﻘﺖ ﺻﺎﻓﻨﻪ ﻋﻠﻴﻪ ﺑﻴﻨﺖ ﻣﻼﻣﺢ ﺍﻟﻘﻠﻖ ﻋﻠﻴﻬﺎ
ﻣﺎﻣﺎ ﺷﺒﻴﺞ
ﺍﻫﺰ ﺑﺮﺍﺳﻲ ﺑﺎﻟﺮﻓﺾ ﻭﺍﺑﺠﻲ ﻋﻴﻮﻧﻬﺎ ﺣﺎﺭﺕ ﺑﻴﻪ ﺗﺎﻟﻲ ﻋﺎﻓﺘﻨﻲ ﻭﺭﺍﺣﺖ ﻭﺍﻧﻲ ﻫﺬﺍ ﺍﻟﺠﻨﺖ ﺍﺭﻳﺪﻩ ﺍﺑﻘﻰ ﻭﺣﺪﻱ ﺑﻌﺪﻫﺎ ﺗﺤﻠﻢ ﺑﺨﺎﻟﻬﺎ ﻭﺑﻌﺪﻩ ﻳﺤﺲ ﺑﻴﻪ ﻟﻌﺪ ﻟﻴﺶ ﺗﺎﺭﻛﻨﻲ ﻳﺎﺧﻮﻳﻪ ﻣﻨﻮ ﺍﻟﻲ
ﻃﻠﻌﺖ ﻟﻠﻄﺮﻣﻪ ﺍﻟﺼﻐﻴﺮﻩ ﺗﻜﻔﻲ ﻣﺎﻃﻮﺭ ﺑﺲ ﻛﻌﺪﺕ ﺟﻮﻩ ﺍﻟﺴﻤﺎ ﻭﺍﺑﺎﻭﻉ ﻟﻠﻨﺠﻮﻡ ﻃﻠﻊ ﺍﻟﻔﺠﺮ ﻭﺍﻧﻲ ﺻﻼﻩ ﻣﺎﻋﺪﻱ ﻛﻤﺖ ﺳﺒﺤﺖ ﺗﺤﻀﺮﺕ ﻭﺍﺭﺩﺩ ﻭﻱ ﺭﻭﺣﻲ ﺍﺣﺠﻴﻠﻪ ﻟﻠﻤﺪﻳﺮ ﺷﻴﺮﻳﺪ ﻳﺴﺮﻱ ﻗﺎﺑﻞ ﺍﺫﺍ ﺳﺠﻨﻨﻲ ﻳﺎﺧﺬ ﻗﻠﻮﺳﻪ ﻣﻨﻴﻠﻲ ﺍﻛﻮﻟﻪ ﻗﺮﺽ ﻋﺎﻟﺮﺍﺗﺐ ﻭﺍﻧﻲ ﻋﺪﻱ ﻋﻠﻢ ﺍﻟﻐﻴﺐ ﺍﻧﻪ ﺭﺍﺡ ﻳﺒﻄﻠﻮﻧﺎ ﻗﺎﺑﻞ
ﻃﻠﻌﻮ ﺍﻟﺒﻨﺎﺕ ﻭﻋﻴﻮﻥ ﺳﻨﺪ ﻋﻠﻴﻪ ﻭﺗﺪﻳﺮ ﻭﺟﻬﻪ ﺗﻤﺜﻞ ﻋﺪﻡ ﺍﻟﻤﻮﺑﺎﻻﻩ ﺍﺟﻪ ﺍﻟﺨﻂ ﻋﻠﻴﻬﺎ ﺻﺪﻳﻘﺘﻬﺎ ﺍﻟﺘﻔﺘﺖ ﻛﺎﻟﺖ
ﻣﺎﻣﺎ ﺍﻟﻴﻮﻡ ﺣﺘﺎﺧﺮ ﺍﺭﻭﺡ ﻟﺒﻴﺖ ﻫﺒﻪ ﻋﺪﻫﺎ ﺑﻨﺎﺕ ﻋﻤﻬﺎ ﺗﺮﻳﺪ ﺍﺩﺭﺳﻬﻢ ﻭﻳﺎﻫﺎ
ﻫﺰﻳﺖ ﺭﺍﺳﻲ ﺗﺒﺎﻭﻋﻠﻲ ﺑﺤﻴﺮﻩ ﻛﺎﻟﺖ
ﻻﺑﺴﻪ ﻣﺪﺍﻟﻴﺘﺞ
ﻋﻜﺪﺕ ﺣﺎﺣﺒﻲ ﻭﻓﻬﻤﺖ ﻗﺼﺪﻫﺎ ﻋﻠﻰ ﻣﺪﺍﻟﻴﻪ ﺧﺎﻟﻬﺎ
ﺍﻱ ﻻﺑﺴﺘﻬﺎ ﻫﻴﺎﻧﻬﺎ
ﺯﻳﻦ ﺩﻳﻠﻪ ﺑﺎﻱ
ﺍﻟﻠﻪ ﻭﻳﺎﺝ
ﻃﻠﻌﻮ ﻭﻃﻠﻌﺖ ﻭﺭﺍﻫﻢ ﻟﻌﻤﻠﻲ ﻭﺍﻟﻄﺮﻳﻖ ﻛﻠﻪ ﺍﺩﻋﻲ ﻣﺎﺍﺍﺗﻔﺸﻞ ﻭﻳﻔﻀﺤﻨﻲ ﻧﺨﻴﺖ ﺭﺳﻮﻝ ﺍﻟﻠﻪ ﻭﺍﻫﻞ ﺑﻴﺘﻪ ﺣﺪﻣﺎ ﻭﺻﻠﺖ ﻟﻜﻴﺖ ﻓﻮﺯﻳﻪ ﻭﺍﻛﻔﻪ ﺗﻨﺘﻀﺮﻧﻲ ﺍﺑﺘﺴﻤﺖ ﻛﺎﻟﺖ
ﺍﺩﺭﻱ ﺑﻨﻴﻪ ﻣﻦ ﺗﻨﻐﺚ ﺗﻜﻮﻡ ﺗﻀﻮﻱ ﺑﺎﻟﺰﺍﻳﺪ ﺍﻧﻌﻞ ﺍﺑﻮﺝ ﻻﺑﻮ
ﻫﻪ ﺷﺠﺎﺑﺞ ﺍﻧﺘﻲ
ﻟﻌﺪ ﺍﻋﻮﻓﺞ ﻭﺣﺪﺝ ﺍﻣﺸﻲ ﻳﻠﻪ ﻣﺎﻋﺪﻱ ﺷﻲ ﺍﺧﺴﺮﻩ
ﻃﺒﻴﻨﺎ ﻟﻜﻴﻨﺎﻫﻢ ﻣﻐﻴﺮﻳﻦ ﺍﻟﺸﺮﻛﻪ ﻛﻠﻬﺎ ﺍﻟﻠﻴﻞ ﻛﻠﻪ ﻳﺸﺘﻐﻠﻮﻥ ﻋﻤﺎﻟﻪ ﻣﻐﻠﻔﻴﻦ ﺍﻟﺤﻴﻄﺎﻥ ﺗﻐﻠﻴﻒ ﻳﺨﺒﻞ . ﻭﻣﻴﻮﺯﻩ ﺟﺪﻳﺪﻩ ﻭﻛﺮﺍﺳﻲ ﻭﺑﺮﺩﺍﺕ ﻭﻛﺎﺭﺑﺖ ﺭﺣﺖ ﻟﻼﺩﺍﺭﻩ ﻭﻛﻠﺒﻲ ﺍﻧﻌﺼﺮ ﻭﻛﻔﺖ ﺍﻟﺴﻜﺮﺗﻴﺮﻩ ﺟﺎﻧﺖ ﺍﻳﻪ ﻣﻦ ﺍﻟﺠﻤﺎﻝ ﻣﻮ ﺷﻜﻠﻬﺎ ﻻ ﻟﺒﺴﻬﺎ ﻭﺷﻌﺮﻫﺎ ﻭﺍﻟﻜﻌﺐ ﻭﺍﻟﺘﻨﻮﺭﻩ ﻭﺍﺻﻠﻪ ﻟﻠﺮﻛﺐ ﻭﺍﻟﺘﺎﺗﻮ ﺑﺮﺟﻠﻬﺎ ﺍﻧﺼﺪﻣﺖ ﻛﺘﻠﻬﺎ ﺍﻧﻲ ﻣﻮﺿﻔﻪ ﻗﺪﻳﻤﻪ ﻋﺪﻱ ﻗﺮﺽ ﻛﺎﻟﺖ
ﺍﻧﺘﻀﺮﻱ ﻫﻨﺎ ﺍﻛﻮ ﺍﺟﺘﻤﺎﻉ
ﻭﺍﺟﺘﻤﺎﻉ ﻭﺭﻩ ﺍﺟﺘﻤﺎﻉ ﻟﻞ١١ ﺑﺤﻴﺚ ﻓﻮﺯﻳﻪ ﻛﺎﻟﺖ ﺣﺮﻭﺡ ﻻﻥ ﻋﺪﻫﺎ ﺻﺎﻟﻮﻥ ﺗﺸﺘﻐﻞ ﻋﺎﻣﻠﻪ ﺑﻲ ﻭﺭﺍﺣﺖ ﺑﻘﻴﺖ ﺍﻧﺘﻀﺮ ﻟﻞ١١ ﺑﺎﻭﻋﺘﻠﻲ ﻛﺎﻟﺖ
ﺩﻗﺎﻳﻖ ﺍﻟﻤﻌﺎﻭﻥ ﻳﺠﻲ ﻭﺗﻔﻀﻠﻲ
ﺍﻭﻙ
ﻧﺼﻴﺖ ﺭﺍﺳﻲ ﻃﻠﻊ ﻭﺍﺣﺪ ﻣﻦ ﺍﻟﻐﺮﻓﻪ ﻳﻄﻠﻊ ﺑﺪﺍﻳﻪ ﺍﻻﺭﺑﻌﻴﻦ ﻃﻮﻳﻞ ﺑﻀﺨﺎﻣﻪ ﺷﻔﺎﻑ ﻣﺎﻋﺪﻩ ﻭﺧﺸﻤﻪ ﺑﻲ ﻛﺒﺮ ﻭﻋﻴﻮﻧﻪ ﺻﻐﺎﺭ ﻭﺣﺎﺟﺒﻪ ﻣﻐﻀﺐ ﻭﺟﻬﻪ ﻣﺪﻭﺭ ﻭﺷﻬﺮﻩ ﺟﻮﺯﻱ ﻭﻋﺪﻩ ﺩﻛﻪ ﺑﺤﻨﻜﻪ ﻭﺻﻞ ﺍﺳﺘﺎﺫ ﻣﺤﻤﻮﺩ ﺍﺑﻮ ﻣﺴﺘﺸﻔﻰ ﺍﻝ --- ﺍﻟﻠﻲ ﺟﻨﻨﺎ ﻧﺠﻬﺰﻩ ﺑﺎﺟﻬﺰﻩ ﻭﻛﻔﺖ ﺍﺳﻠﻢ ﻋﻠﻰ ﺍﺳﺘﺎﺫ ﻣﺤﻤﻮﺩ ﺍﻟﻠﻲ ﺍﺑﺘﺴﻨﻠﻲ ﻻﻥ ﻳﻌﺮﻓﺘﻲ ﻛﻢ ﻣﺮﻩ ﺭﺣﺖ ﻭﻱ ﺍﻟﻤﺎﺩﺭ ﺍﺷﺪ ﺍﻟﺠﻬﺎﺯ ﻭﺍﻧﺼﺒﻪ ﺑﺎﻟﻤﺴﺘﺸﻔﻰ ﺳﻠﻢ ﻋﻠﻴﻪ ﻭﺭﺍﺡ ﺗﻮﻧﻲ ﺍﻛﻌﺪ ﻛﺎﻝ
ﺳﻔﺎﻧﻪ ﺷﻨﻮ ﻋﺪﻱ ﻣﻮﺍﻋﻴﺪ ﺑﻌﺪ
ﺍﺳﺘﺎﺫ ﺑﻘﻪ ﺑﺲ ﺍﻟﻤﻮﺿﻔﻴﻦ ﺍﻟﻠﻲ ﻋﻠﻴﻬﻢ ﻗﺮﻭﺽ ﺑﺲ ﻫﺎﻱ ﺍﻟﻤﻮﺿﻔﻪ
ﻏﺎﺩﻩ - ﻭﻛﻔﺖ ﺭﺟﻒ ﺣﺴﻤﻲ ﻭﺍﻗﻮﻱ ﺑﺮﻭﺣﻲ ﻻﺯﻣﻪ ﺟﻨﻄﺘﻲ ﺑﺎﻳﺪﻱ ﺍﻻﺛﻨﻴﻦ ﺑﺎﻭﻋﻠﻲ ﻋﺎﻛﺪ ﺣﺎﺣﺒﻪ ﻛﺎﻝ ﺑﺰﻣﺠﺮﻩ
ﻣﻮ ﺍﻟﻴﻮﻡ ﺑﺎﺟﺮ ﺗﻌﺎﻱ ﻋﺪﻱ ﻣﻮﺍﻋﻴﺪ
ﺍﻧﻲ ﺑﺎﺟﺮ ﻣﺎﺍﻛﺪﺭ ﺍﺟﻲ ﺟﺎﻭﺑﺖ ﻭﺍﺑﺎﻭﻉ ﻟﺴﻔﺎﻧﻪ ﻧﺘﺮ
ﻛﺎﻝ
ﺳﻔﺎﻧﻪ ﺣﻀﺮﻳﻠﻲ ﺍﻟﺴﻴﺎﺭﻩ ﺍﻟﺤﻤﻞ ﻭﺟﻬﺰﻭ ﺍﻻﺟﻬﺰﻩ
ﻭﺩﺍﺭ ﻭﺟﻬﻪ ﻭﻛﺎﻧﻤﺎ ﻣﺸﺎﻓﻨﻲ ﻃﻠﻊ ﻭﺍﻧﻲ ﺑﻘﻴﺖ ﻭﺍﻛﻔﻬﺘﺎﻟﻲ ﻟﻤﻠﻤﺖ ﺭﻭﺣﻲ ﻭﻃﻠﻌﺖ ﻭﺍﺗﻔﺮﺝ ﻋﺎﻟﻨﺴﻮﺍﻥ ﻭﺍﻟﺸﺒﺎﺏ ﺷﺮﻛﻪ ﺍﻧﺘﺮﺳﺖ ﻫﻮﺳﻪ ﻭﺿﺤﻚ ﺑﻌﺪﻣﺎ ﻛﺎﻧﺖ ﻣﺘﺮﻭﺳﻪ ﻛﺤﻪ ﻭﺣﺠﻲ ﺷﻴﺎﺏ ﻫﺴﻪ ﻛﻠﻪ ﻛﺒﻼﺕ ﻭﺍﺑﺘﺴﺎﻣﺎﺕ ﻭﺍﻟﺒﻨﺎﺕ ﻭﺣﺪﻩ ﺍﺿﺮﺏ ﻣﻦ ﺍﻟﻠﺦ ﻣﺎﻛﻮ ﻭﺣﺪﻩ ﻣﺤﺠﺒﻪ ﻃﻠﻌﺖ ﻭﺭﺟﻌﺖ ﻟﺒﻴﺘﻲ ﺭﻛﺒﺖ ﻭﺭﺣﺖ ﻟﻔﻮﺯ ﻟﻠﺼﺎﻟﻮﻥ ﺳﺎﻋﺪﺗﻬﺎ ﻭﺍﻡ ﺍﻟﺼﺎﻟﻮﻥ ﻛﻴﻔﺖ ﻛﺎﻟﺖ ﺍﻧﻄﻴﺞ ﺑﺎﻟﺸﻬﺮ ٢٠٠ ﺑﻘﻴﺖ ﺳﺎﻛﺘﻪ ﺣﺎﻳﺮﻩ ﺑﺎﻣﺮﻱ ﻭﺻﻠﺖ ﻟﻔﻜﺮﻩ ﺍﻧﻪ ﺍﻭﺩﻱ ﺍﻟﺠﻬﺎﻝ ﻻﻫﻠﻬﻢ ﻭﺍﺭﻭﺡ ﺑﻴﺖ ﺧﺎﻟﻲ ﻟﻌﺪ ﺷﺴﻮﻱ ﻟﻠﻀﻬﺮ ﻃﻠﻌﺖ ﻣﻦ ﺍﻟﺼﺎﻟﻮﻥ ﻭﺭﺣﺖ ﺍﻓﺘﺮ ﺍﺩﻭﺭ ﻋﻠﻰ ﺷﻐﻞ ﺑﺎﻱ ﻣﻜﺎﻥ ﻛﺎﻟﻮﻟﻲ ﻋﻠﻴﻪ ﺳﻜﺮﺗﻴﺮﻩ ﺩﻛﺘﻮﺭﻩ
ﺳﻜﺮﺗﻴﺮﻩ ﻣﺤﺎﻣﻲ
ﻣﺤﺪ ﻳﻘﺒﻞ
ﺣﺪﻣﺎ ﺭﺟﻌﺖ ﻃﺒﻴﺖ ﻟﻠﺤﻤﺎﻡ ﻃﻠﻌﺖ ﻟﻜﻴﺖ ﺳﻨﺪ ﺗﺨﻠﻲ ﻓﻠﻮﺱ ﺑﻤﺤﻔﻀﺘﻲ ﻧﺼﻴﺖ ﺭﺍﺳﻲ ﻛﺎﻟﺖ
ﻣﺎﻣﺎ ﻫﺎﻱ ﻣﺎﻝ ﻣﺤﺎﺿﺮﺍﺕ ﺍﻟﻴﻮﻡ ﻭﻫﺎﻱ ﻋﻤﻮ ﺍﺑﻮ ﻫﻴﻪ ﻃﺎﻧﻲ ﻫﺪﻳﻪ ﺳﻮﺍﺭ ﻛﺎﻝ ﻣﺎﻝ ﻧﺠﺎﺡ ﻫﺒﻪ ﻻﻥ ﻣﻘﺒﻠﺖ ﺍﺧﺬ ﻓﻠﻮﺱ ﺭﻭﺣﻲ ﺑﻴﻬﺔﻋﻲ ﻭﺗﺼﺮﻓﻲ
ﺗﺤﺠﻲ ﻭﻣﺘﺒﺎﻭﻉ ﺑﻮﺟﻬﻲ ﻭﺟﻬﻪ ﺧﺎﻟﻲ ﻣﻦ ﻣﻼﻣﺢ ﺍﻟﺤﻨﺎﻥ ﺑﺲ ﻓﻌﻠﻬﺎ ﻳﺴﻮﻟﻒ ﻗﺼﻪ ﺣﺐ ﺣﻀﻨﺘﻬﺎ ﻭﺑﺠﻴﺖ . ﻣﺤﻀﻨﺘﻨﻲ ﺗﻨﻬﺪﺕ ﺑﻤﻠﻞ ﺑﻘﺖ ﺟﺎﻣﺪﻩ ﻫﻤﺴﺖ
ﻣﺎﻣﺎ ﻋﺪﻱ ﺩﺭﺍﺳﻪ
ﻣﺎﺷﻲ ﺭﻭﺣﻲ ﻣﺎﻣﺎ ﺭﺍﺣﺖ ﻭ
ﺍﻟﺘﻔﺘﺖ ﻋﻠﻴﻪ
ﻣﺎﻣﺎ ﻋﻔﻴﻪ ﺻﻴﺮﻱ ﻗﻮﻳﻪ
ﺍﻟﻠﻪ ﻛﺮﻳﻢ ﻫﺰﻳﺖ ﺭﺍﺳﻲ ﻭﺍﻃﻔﻲ ﺍﻟﻄﺒﺎﺥ . ﺑﻌﺪ ﺳﺒﻮﻋﻴﻦ ﺭﺍﺱ ﺍﻟﺸﻬﺮ ﻭﻳﻦ ﺍﻧﻄﻲ ﻭﺣﻬﻲ ﺍﻻﺟﺎﺭ ﺷﻮﻥ ﺍﺣﺠﻲ ﻭﻱ ﺭﻭﺣﻲ
ﺑﻘﻴﺖ ﺍﺩﻭﺭ ﻳﻮﻣﻴﻪ ﻋﻠﻰ ﺷﻐﻞ ﻟﻜﻴﺖ ﻭﺍﺧﻴﺮﺍ ﻋﺎﻣﻠﻪ ﺑﺮﻭﺿﻪ ﺑﺎﻟﺨﻂ ﺍﻭﺻﻞ ﺍﻟﺠﻬﺎﻝ ﻟﺒﻴﻮﺗﻬﻢ ﻭﻱ ﺍﻟﺨﻂ ﻭﺍﺭﻛﻊ ﻭﺩﺍﻭﻣﺖ ﻳﻮﻣﻴﻦ ﺩﺍﺍﺭﺟﻊ ﻟﻠﺒﻴﺖ ﻟﻜﻴﺖ ﺭﺟﺎﻝ ﺑﺒﺎﺏ ﺑﻴﺘﻲ ﻭﻛﻔﺖ
ﺗﻔﻀﻞ ﺍﺧﻲ
ﺑﻴﺖ ﻏﺎﺩﻩ ﺗﺤﺴﻴﻦ ﻧﻌﻤﺎﻥ
ﺻﻔﻨﺖ ﻧﻔﺲ ﺍﻏﻼﻁ ﺑﺎﺝ ﻋﻤﻠﻲ ﻫﺰﻳﺖ ﺭﺍﺳﻲ ﺗﻔﻀﻞ ﻛﺎﻝ
ﻫﺎﻱ ﺗﺒﻠﻴﻎ ﺍﺳﺘﺪﻋﺎﺀ ﻟﻠﻤﺤﻜﻤﻪ ﻣﻦ ﻗﺒﻞ ﺍﺳﺘﺎﺫ
ﺣﻴﺪﺭ ﻋﻠﻲ
ﻛﻠﺶ ﺑﻴﻪ ﻓﺰﻉ ﻣﺤﻜﻤﻤﻤﻪ !!
ﺭﻓﻊ ﺭﺍﺳﻪ ﻛﺎﻝ ﺗﺠﻴﻦ ﻭﻳﻔﻬﻤﻮﺝ ﻣﺎﺍﻋﺮﻑ . ﻭﻻﻋﺪﻱ ﻋﻠﻢ
ﺍﻭﻙ ﻳﻌﻨﻲ ﺍﺭﻭﺡ ﻟﻠﻤﺤﻜﻤﻪ
ﻛﻴﻔﺞ ﻟﻤﻜﺎﻥ ﻋﻤﻠﺞ ﻟﻠﻤﺤﻜﻤﻪ ﺍﻧﻲ ﻋﻠﻴﻪ ﺍﺑﻠﻎ ﺍﻟﻤﺤﺎﻣﻲ ﺍﻟﺨﺎﺹ ﺑﻲ ﺑﻌﺜﻨﻲ ﻭﺍﻧﻲ ﻭﺻﻠﺖ ﻭﻗﻌﻲ ﻫﻨﺎ
ﺍﻭﻙ
ﻭﻗﻌﺖ ﻭﺭﺍﺡ
ﺑﻘﻴﺖ ﺻﺎﻓﻨﻪ ﻋﺎﻟﺒﻼﻍ ﻭﺣﺴﺒﻪ ﺗﺠﻴﺒﻨﻲ ﻭﻋﺸﺮﻩ ﺗﻮﺩﻳﻨﻲ ﻟﻠﺼﺒﺢ ﺑﺪﻟﺖ ﻭﺍﻫﺘﻤﻴﺖ ﺑﻠﺒﺴﻲ ﻣﺎﺭﻳﺪ ﺍﺑﻴﻦ ﺍﻧﻜﺴﺎﺭﻱ ﻫﻤﻪ ﺍﻟﻐﻠﻄﻮ ﺍﻟﻤﻦ ﻓﻜﻮ ﻗﺮﻭﺽ ﻟﻌﺪ ﻣﻜﻴﺠﺖ ﻫﺎﺩﻱﺀ ﻭﻋﺪﻟﺖ ﺣﺠﺎﺑﻲ ﺭﺍﺿﻴﻪ ﻋﻦ ﻧﻔﺴﻲ ﻭﻃﻠﻌﺖ ﻭﺻﻠﺖ ﻟﻠﺸﺮﻛﻪ ﻃﺒﻴﺖ ﻟﻠﺴﻜﺮﺗﻴﺮﻩ . ﻛﺎﻟﺖ
ﺩﻗﺎﻳﻖ
ﻳﻤﻌﻮﺩﻩ ﻋﺪﻱ ﺷﻐﻞ
ﻻﻻ ﻣﺎﻋﺪﻩ ﺍﺟﺘﻤﺎﻉ ﺩﻗﻴﻘﻪ ﻭﺍﺑﻠﻐﻪ
ﺍﻭﻙ
ﺍﻧﺘﻀﺮﺕ ﻃﺒﺖ ﻭﻃﻠﻌﺖ ﻛﺎﻟﺖ
ﻳﻢ ﻝ ﺧﻠﻲ ﻳﺠﻲ ﺍﻟﻤﻌﺎﻭﻥ ﺍﻭﻝ
ﻣﺎﺷﻲ ﺑﻘﻴﺖ ﺍﻧﺘﻀﺮ ﺍﻧﺘﻀﺮ ﻭﻛﺎﻧﻤﺎ ﻳﺘﻠﺬﺫ ﺑﺬﻟﻲ ﻣﺪﺭﻱ ﺍﻧﻲ ﺩﺣﺲ ﺭﻭﺣﻲ ﻫﻴﺞ ﻭﺭﻩ ﻭﻳﻦ ﺍﺟﻪ ﺍﻟﻤﻌﺎﻭﻥ
ﺭﺍﺳﻦ ﺩﻳﻔﻮﺕ ﺣﺘﻰ ﻣﺴﻠﻢ ﺑﺎﻭﻋﻠﻲ ﻭﺩﺍﺭ ﻭﺟﻬﻪ ﻓﺎﺕ ﺑﺎﻭﻋﺖ ﻟﻠﺴﻜﺮﺗﻴﺮﻩ ﺍﺑﺘﺴﻤﺖ ﻛﺎﻟﺖ
ﻫﺴﻪ ﺑﺲ ﻳﺼﻴﺢ ﺗﺘﻔﻀﻠﻴﻦ
ﻣﺎﺍﺷﻲ ﻏﻤﻀﺖ ﻋﻴﻨﻲ ﺑﻤﻠﻞ ﻭﺑﺎﻟﻲ ﻋﺎﻟﺸﻐﻠﻪ ﺍﻟﺜﺎﻧﻴﻪ ﺑﺎﻟﺮﻭﺿﻪ ﻭﺑﺎﻟﻲ ﻋﻠﻰ ﺍﻻﺟﺎﺭ ﺷﻮﻥ ﺣﻴﻜﻔﻲ ﻭﻣﻨﻴﻦ ﺣﻨﻄﻲ ﻭﺷﻮﻥ ﺣﻜﻮﻟﻪ ﻣﺎﻋﺪﻱ ﻛﻮﻣﻪ ﺷﻐﻼﺕ ﻣﺘﻌﺎﺭﻛﻪ ﺑﺪﺍﺧﻠﻲ ﺻﺎﻓﻨﻪ ﻭﻓﺰﺯﻧﻲ ﺻﻮﺕ ﺍﻟﺠﻬﺎﺯ
ﺳﻔﺎﻧﻪ ﺩﺧﻠﻲ ﺍﻟﻤﻮﺿﻔﻪ
ﺻﺎﺭ ﺍﺳﺘﺎﺫ
ﺗﻔﻀﻠﻲ
ﺍﻭﻙ ﻭﻛﻔﺖ ﺟﺮﻳﺖ ﻧﻔﺲ ﻭﺩﺧﻠﺖ
ﺑﺎﻭﻋﺖ ﺍﻟﻤﻌﺎﻭﻥ ﻛﺎﻋﺪ ﻋﺎﻟﻤﻴﺰ ﺍﻟﺮﺋﻴﺴﻲ ﻭﺍﻟﻤﺪﻳﺮ ﻛﺎﻋﺪ ﻋﺎﻟﻜﺮﺍﺳﻲ ﺍﻟﻤﻘﺎﺑﻴﻠﻪ ﻳﻜﻠﺐ ﺑﺎﻻﻭﺭﺍﻕ ﻭﻳﻮﻗﻊ ﺑﻌﺼﺒﻴﻪ ﻓﺘﺖ ﺭﻓﻊ ﺣﻮﺍﺟﺒﻪ ﺛﻨﻴﻨﻬﻦ ﺑﺎﻭﻋﻠﻲ ﻣﻦ ﺟﻮﻩ ﻛﺼﺘﻪ ﻭﺭﺟﻊ ﺑﺎﻭﻉ ﻟﻼﻭﺭﺍﻕ ﺍﻟﻤﻌﺎﻭﻥ ﺑﺪﻩ ﺑﺎﻟﻜﻼﻡ ﺗﻔﻀﻠﻲ ﻣﻜﺎﻟﻮﻟﻲ
ﺳﺖ ﻏﺎﺩﻩ ﺗﺤﺴﻴﻦ ﻧﻌﻤﺎﻥ ﻣﻀﺒﻮﻁ ؟
،ﺑﻠﻌﺖ ﺭﻳﻚ ﻫﺰﻳﺖ ﺭﺍﺳﻲ ﺑﻠﻪ ﺻﻮﺕ
ﻛﺎﻝ ﻭﺷﻤﺮ ﺑﺎﺟﻲ ﺍﻟﺤﺎﻥ ﺑﻴﺪﻩ ﻋﺎﻟﻤﻴﺰ
ﺷﻮﻛﺖ ﺕ ﺗﻮﻓﻴﻦ ﺍﻟﻘﺮﺽ
ﺍﺍﺳﺘﺎﺫ ﺍﺍﻧﻲ
ﺭﺍﺳﻦ ﻛﺎﻝ ﻭﻏﻤﺾ ﻋﻴﻨﻪ ﻭﺧﻠﻪ ﺍﺻﺎﺑﻌﻪ ﻋﻠﻰ ﺑﺪﺍﻳﻪ ﺍﻧﻔﻪ ﺑﺎﻃﺮﺍﻑ ﻋﻴﻨﻪ ﺑﺘﻌﺐ
ﻭﻛﺖ ﻣﺎﻋﺪﻱ ﺳﺖ ﻏﺎﺩﻩ ﺳﺎﻟﺘﺞ ﺷﻮﻥ ﺣﺘﻮﻓﻴﻦ ﺍﻟﻘﺮﺽ ﺍﻗﺴﺎﻁ ﻟﻮ ﻛﺎﻣﻞ
ﺍﺳﺘﺎﺫ ﺍﻧﻲ ﻣﺎﺍﻛﺪﺭ ﺩﺍﺍﻛﻤﻞ ﺣﺠﻲ ﻗﺎﻃﻌﻨﻲ
ﻟﻌﺪ ﻣﻦ ﺗﻌﺮﻓﻴﻦ ﺍﻧﺘﻲ ﻣﻮﻛﺪ ﻫﻴﺞ ﻣﺒﻠﻎ ﻟﻴﺶ ﺗﺎﺧﺬﻳﺖ ﻗﺮﺽ . ﻧﺘﺮ
ﻓﻜﻴﺖ ﻋﻴﻨﻲ ﺗﻨﻬﺪﺕ
ﻭﺍﻟﻠﻪ ﺍﺳﺘﺎﺫ ﺍﻧﻲ ﻣﺎﻋﺪﻱ ﻋﻠﻢ ﺍﻟﻐﻴﺐ ﺑﺎﻧﻪ ﺭﺍﺡ ﺗﺒﻄﻠﻮﻧﺎ ﺣﺘﻰ ﻣﻨﻄﻴﺘﻮﻧﺎ ﺳﺎﺑﻖ ﺍﻧﺬﺍﺭ
ﺭﻓﻊ ﺣﻮﺍﺟﺒﻪ ﻻﻥ ﺣﻤﻠﺘﻪ ﺍﻟﺬﻧﺐ ﺑﺎﻭﻉ ﻟﻠﻤﺪﻳﺮ ﺑﺠﻴﻀﺤﻚ ﺑﺴﺨﺮﻳﻪ ﺍﻟﺘﻔﺘﺖ ﻋﺎﻟﻤﺪﻳﺮ ﺍﻟﻠﻲ ﻛﺎﻋﺪ ﺗﻘﺮﻳﺒﺎ ﺑﺼﻔﻲ ﺑﺲ ﺍﻟﻄﺒﻠﻪ ﺗﻔﺼﻠﻨﻲ ﻋﻨﻪ ﺑﺎﻭﻋﻠﻲ ﻣﻦ ﻓﻮﻙ ﻟﻴﺠﻮﻩ ﻭﺫﺏ ﺍﻟﻘﻠﻢ ﻣﻦ ﺍﻳﺪﻩ ﺿﻴﻖ ﻋﻴﻨﻪ ﺍﺭﺗﺒﻜﺖ ﺑﺎﻭﻋﺖ ﻟﻠﻤﻌﺎﻭﻥ ﺍﻟﻴﺒﺎﻭﻉ ﻋﻠﻰ ﺍﻭﺭﺍﻗﻲ ﻭﻛﻤﺒﻴﺎﻻﺕ ﺍﻟﻘﺮﺽ ﺭﻛﻌﺖ ﺑﺎﻭﻋﺘﻠﻪ ﻟﻠﻤﺪﻳﺮ ﺷﻔﺘﻪ ﻳﺒﻠﻞ ﺣﺎﻓﻪ ﺷﻔﺘﻪ ﺑﻄﺮﻑ ﻟﺴﺎﻧﻪ ﻭﻣﻤﻴﻞ ﺭﺍﺳﻪ ﻳﺘﺎﻣﻞ ﺗﻘﺎﺳﻴﻢ ﺟﺴﻤﻲ ﺍﻟﺴﺘﺮﻩ ﻗﺼﻴﺮﻩ ﻭﺍﻧﻲ ﺟﺴﻤﻲ ﻣﺮﺗﺐ ﻭﺑﺎﺭﺯ ﻭﻫﺬﺍ ﻟﺒﺴﻲ ﻣﻦ ﺯﻣﺎﻥ ﺟﺮﻳﺖ ﺍﻟﺴﺘﺮﻩ ﺑﺎﺭﺗﺒﺎﻙ ﺭﻓﻊ ﻋﻴﻨﻪ ﺑﺎﻭﻋﻠﻲ ﺍﺑﺘﺴﻢ ﺑﺎﺳﺘﺼﻐﺎﺭ ﻛﻤﻞ ﺍﻟﻤﻌﺎﻭﻥ ﻛﻼﻡ
ﺗﻜﺪﺭﻳﻦ ﺗﻮﻓﻴﻦ ٢٥٠ ﺷﻬﺮﻳﺎ
ﺳﻜﺘﺖ ﺑﻠﻌﺖ ﺭﻳﻚ
ﻓﺮ ﺑﺎﻳﺪﻩ ﻭﺑﺎﻭﻉ ﻟﻠﻤﺪﻳﺮ ﻛﺎﻝ
ﺍﺩﺭﻱ ﺣﺴﻴﻦ ﻣﻠﻔﻲ ﻋﺎﻫﺎﺕ
ﻧﺘﺮﺕ
ﺍﺣﺘﺮﻡ ﻧﻔﺴﻚ ﺍﺳﺘﺎﺫ ﻣﻮ ﻣﻌﻘﻮﻝ ﺩﺍﺯ ﻋﻠﻴﻪ ﺗﻬﻴﻨﻨﻲ ﺍﻟﻘﺮﺽ ﺍﻧﺘﻮ ﻓﺘﺤﺘﻮ ﺑﺎﻱ ﺍﺳﺎﺱ ﺗﻬﻴﻨﻨﻲ ﻋﻠﻴﻪ ﺍﻧﻲ ﻟﻮ ﺍﺩﺭﻱ ﺣﺘﺒﻄﻠﻮﻧﺎ ﻓﻼ ﺍﻗﺘﺮﺽ ﻭﻻﺍﻋﺮﺽ ﺭﻭﺣﻲ ﻟﻬﺎﻟﻤﻬﺎﻧﻪ
ﻧﺘﺮﺕ ﻭﺻﻮﺗﻲ ﻳﺮﺟﻒ ﻛﻤﻠﺖ ﻛﻼﻡ ﻭﺍﻟﻤﻌﺎﻭﻥ ﻋﺎﻛﺪ ﺣﺎﺟﺒﻪ ﻓﺎﻙ ﺣﻠﻜﻪ
ﺍﺍﺫﺍ ﺗﺮﻳﺪ ﺍﻛﻤﻞ ﺩﻭﺍﻣﻲ ﻭﻭﺍﺧﺬﻭ ﻧﺺ ﺍﻟﺮﺍﺗﺐ ﺣﺪﻣﺎ ﺍﻛﻤﻞ ﺩﻳﻨﻲ
ﺑﺎﻭﻋﻠﻲ ﻣﻦ ﻓﻮﻙ ﻟﻴﺠﻮﻩ ﻛﺎﻝ
ﻏﻴﺮﻧﺎ ﺍﻟﻜﺎﺩﺭ ﻛﻠﻪ ﻣﺜﻞ ﻣﺪﺗﺸﻮﻓﻴﻦ ﺍﻋﺘﻘﺪ . ﻛﻠﻬﻢ ﺷﺒﺎﺏ
ﺍﺳﺘﺎﺫ ﺍﺍﻧﻲ ﻣﻮ ﺟﺒﻴﺮﻩ ﺑﺎﻟﻌﻤﺮ ﻳﻌﻨﻲ ﻭﻭﺟﻨﺖ ﺟﺪﺍ ﻛﻔﺆ ﺑﻌﻤﻠﻲ ﺍﺫﺍ ﺭﺩﺕ ﺍﺳﺎﻝ ﺍﺳﺘﺎﺫ ﻣﺤﻤﻮﺩ ﻧﻂ ﺍﻟﻤﺪﻳﺮ
ﻣﺤﻤﻮﺩ ﺍﺑﻮ ﺗﻘﻨﻴﺎﺕ ﻣﺴﺘﺸﻔﻰ ﺍﻝ --
ﺍﻟﺘﻔﺘﺖ ﻋﻠﻴﻪ ﺑﻌﺪﻩ ﻣﻀﻴﻖ ﻋﻴﻨﻪ ﻭﻳﺒﺼﺒﺺ ﺑﻨﻀﺮﺍﺕ ﻟﻌﺐ ﻧﻔﺴﻲ ﻋﺮﺍﻧﻲ ﺑﻌﻴﻮﻧﻪ ﺭﺟﻔﺖ ﻭﺍﻫﺰ ﺭﺍﺳﻲ ﺍﻱ ﻫﻮ
ﻫﺰ ﺭﺍﺳﻪ ﻣﻮﺍﻓﻖ ﺍﺷﺮ ﻟﻠﻤﻌﺎﻭﻥ ﺑﺮﺍﺳﻪ ﺍﻟﻤﻌﺎﻭﻥ ﺍﺭﺗﺠﻰ ﻭﺟﺮ ﻧﻔﺲ ﻛﺎﻝ
ﻃﻴﺐ
ﻫﺬﺍ ﺑﺎﺟﺞ ﻭﻣﻦ ﺑﺎﺟﺮ ﺗﺪﺍﻭﻣﻴﻦ ﻭﻳﻜﻮﻥ ﺑﻌﻠﻤﺞ ﺍﻱ ﺍﺟﺎﻳﺰ ﻣﺎﻛﻮ ﺍﻱ ﻏﻴﺎﺏ ﻳﻨﺨﺼﻢ ﻣﻦ ﺍﻟﻤﺮﺗﺐ
ﺑﻠﻌﺖ ﺭﻳﻚ ﺑﺎﻭﻋﺘﻠﻪ ﻟﻠﻤﺪﻳﺮ ﻭﺑﺎﻭﻋﺖ ﻟﻠﻤﻌﺎﻭﻥ
ﻳﻴﻌﻨﻲ ﺷﻨﻮ ﻳﻌﻨﻲ ﻧﻔﺲ ﻋﻤﻠﻲ ﺍﺷﺘﻐﻞ
ﺗﻔﻀﻠﻲ ﻻﺳﺘﺎﺫ ﺍﻭﺱ ﺍﺑﻮ ﺍﻟﺘﻮﺯﻳﻊ ﻫﻮ ﻳﻘﺎﺭﻥ ﺷﻬﺎﺩﺗﺞ ﻭﻳﺨﻠﻴﺞ ﺑﻤﻜﺎﻥ ﻋﻤﻠﺞ
ﺍﻭﻙ ﻫﺰﻳﺖ ﺭﺍﺳﻲ ﺍﺑﺘﺴﻢ ﻣﺪﺍﺻﺪﻙ ﻛﺎﻝ
ﺑﺲ ﻧﺺ ﺍﻟﺮﺍﺗﺐ ﻳﻄﻴﺮ
ﺑﻠﻌﺖ ﺭﻳﻚ ﺍﻱ ﻭﺑﺎﻭﻋﺖ ﻟﻠﻤﺪﻳﺮ ﺍﺑﺘﺴﻢ ﺟﺎﻥ ﻣﺪﻳﺒﺎﻭﻋﻠﻲ ﻳﻤﻠﺐ ﺑﺎﻻﻭﺭﺍﻕ ﻭﻛﺎﻧﻤﺎ ﻣﻤﻮﺟﻮﺩﻩ
ﺭﺟﻊ ﻛﺎﻝ
ﻳﻌﻨﻲ ﺗﺴﺘﻠﻤﻴﻦ ﺑﺶ٤٠٠
ﻟﻴﺶ ﺻﺎﺭ ٨٠٠ ﻫﻪ ﺍﻭﻙ ﺍﻭﻙ ﺷﻜﺮﺍ
ﺍﻱ ﻣﺨﺎﺑﻒ
ﻧﺎﺧﺎﻟﻒ ﻗﺎﻃﻌﺘﻪ ﻣﺎﺧﺎﻟﻒ ﻭﺍﻟﻠﻪ ﺍﺳﺎﻝ ﻋﻠﻴﻪ ﺍﺳﺘﺎﺫ ﻳﺤﻴﻲ
ﻣﺎﻣﻮ ﺑﻌﺪ ﺍﺳﺘﺎﺫ ﻳﺤﻴﻲ ﻭﻻ ﻏﻴﺮﻩ ﺍﻧﻲ ﺍﻟﻤﻌﺎﻭﻥ ﻭﺍﻭﺱ ﺭﺋﻴﺲ ﻣﻮﺿﻔﻴﻦ ﻭﺍﻱ ﺍﺷﻜﺎﻝ ﻣﺎﺭﺣﻤﺞ ﺗﺮﻩ ﻛﺎﻟﻬﺎ ﻭﺭﻓﻊ ﺣﻮﺍﺟﺒﻪ ﺛﻨﻴﻨﻬﻢ
ﺍﻭﻙ ﻫﺰﻳﺖ ﺭﺍﺳﻲ ﻭﻃﻠﻌﺖ ﺭﺍﺳﻦ ﻭﺻﻠﺖ ﻟﻠﺒﺎﺏ ﺻﺎﺡ ﺍﻟﻤﺪﻳﺮ ﻭﻫﻮ ﻣﻨﺼﻲ ﻋﺎﻻﻭﺭﺍﻕ
ﺑﺎﺟﺞ ﻣﺘﺎﺧﺬﻱ
ﻫﺎ ﺍﻟﻌﻔﻮ ﻧﺴﻴﺘﻪ
ﺭﺟﻌﺖ ﻋﻠﻴﻪ ﺍﺧﺬﺗﻪ ﺭﻓﻊ ﻋﻴﻨﻪ ﺗﺎﻣﻞ ﻧﺺ ﺟﺴﻤﻲ ﺑﺤﻴﺚ ﻣﻜﺪﺭﺕ ﺍﻣﺸﻲ ﻣﻦ ﻋﻴﻮﻧﻪ ﻃﻠﻌﺖ ﻭﺍﻫﻒ ﻣﻤﺼﺪﻛﻪ ﺭﻏﻢ ﻧﻀﺮﺍﺗﻪ ﺍﻟﻮﺻﺨﻪ ﺑﺲ ﻗﺎﺑﻞ ﺣﺸﺘﻐﻞ ﻛﺒﺎﻟﻪ ﺟﻨﺖ ﻛﻠﺶ ﻣﻜﻴﻔﻪ ﺣﺘﻰ ﺍﻟﺮﺍﺗﺐ ﺯﺍﺩ ﺑﺲ ﺧﻠﻴﺖ ﺑﺒﺎﻟﻲ ﻫﺎﻟﻠﺒﺲ ﻣﺎﻟﺒﺴﻪ ﺑﻌﺪﺍﻟﺒﺲ ﺗﻨﻮﺭﻩ ﺍﻋﺮﺽ ﻳﻤﻜﻦ ﺍﻧﻲ ﺳﻤﻨﺎﻧﻪ ﻫﺎﻟﻔﺘﺮﻩ ﻟﻮ ﻫﻮ ﻋﻴﻮﻧﻪ ﻧﻜﺴﻪ ﺷﻌﻠﻴﻪ ﺑﻌﺪ ﺍﻟﻤﻬﻢ ﺭﺟﻌﺖ
ﻳﺘﺒﻊ
ﻣﺮﻳﻢ ﺍﻟﺴﻌﺪﻱ
