عسى ان تسكن نار الانتقام

17

‎#البارت ١٦
‎#قصة وعسى أن تسكن نار الانتقام
‎#الكاتبة مريم السعدي
‎ﻏﺎﺩﻩ -
‎ﻟﻴﺶ ﺍﻧﻲ
‎ﻟﻴﻴﻴﺶ ﺍﻧﻲ . ﻋﻔﺖ ﻛﻠﺸﻲ ﺿﺤﻴﺖ ﺑﻤﻮﻧﻲ ﻣﺮﺭﻩ ﺻﻐﻴﺮﻩ ﻟﺨﺎﻃﺮ ﺑﻨﺎﺗﻲ ﻭﻣﺮﺿﻴﺖ ﺍﺭﺗﺒﻂ ﺑﻌﺪ ﻭﻻﻓﻜﺮ ﺑﺮﺟﻞ ﺗﺎﻟﻲ ﺑﻌﺪ ﻣﺎﻛﺒﺮﺕ ﻭﻛﺒﺮﻭ ﺑﻨﺎﺗﻲ ﺟﺎﻱ ﻳﺴﺎﻭﻣﻨﻲ ﺑﺸﺮﻓﻲ
‎ﻟﻴﺶ ﻳﻤﻜﻦ ﻻﻥ ﻣﻌﺘﻨﻴﻪ ﺑﻤﻀﻬﺮﻱ ﺧﻮ ﺫﻧﻨﺎ ﻳﺨﺒﻠﻦ ﺷﻌﺮ ﻣﻜﻴﺎﺝ ﻭﻟﺒﺲ ﻻﺣﻜﻨﻲ ﻋﺎﻟﻜﻮﺳﺘﻢ ﺍﻟﺼﺎﺭﻟﻲ ﺳﻨﻴﻦ ﺍﺩﻡ ﺑﻲ ﺭﺍﺭﺣﻊ ﺍﻏﺴﻠﻪ ﻭﺑﻴﺪﻱ ﻭﺍﻛﻮﻱ ﻭﺍﻟﻜﻂ ﺍﻟﻔﺘﻚ ﻭﺍﺧﻴﻂ ﺍﻟﺪﻛﻢ ﻋﻠﺸﻨﻮ ﻻﺣﻜﻨﻲ ﺍﺭﻳﺪ ﺍﻓﻬﻢ ﻋﻠﻰ ﻋﻄﻮﺭﻱ ﺍﻟﺮﺍﻗﻴﻪ ﻟﻮ ﻋﻠﻰ ﺭﻛﻀﻲ ﻟﺒﻨﺎﺗﻲ
‎ﺭﺑﻴﻴﻴﻲ ﻟﻴﻮﻳﻦ ﺍﺭﻳﺪ ﺍﻋﺮﻑ ﺍﺧﺘﺒﺎﺭﻙ ﺻﻌﺐ ﻭﺭﻭﺡ ﻓﻬﺪﺩﺩ ﻭﻏﻼﺗﻪ ﻭﺭﻭﺡ ﺍﺑﻮﻳﻪ ﺍﻟﻤﺸﺒﻌﺖ ﻣﻨﻨﻪ ﺍﺍﺥ ﺭﺑﻲ
‎ﺍﻣﻲ ﺍﻣﻲ ﺻﺎﺭﻟﻲ ﺳﻨﻪ ﻭﻧﺺ ﺍﺧﺮ ﻣﺮﻩ ﺷﻔﺘﻬﺎ ﻭﻛﻢ ﻣﺮﻩ ﺍﺗﺼﻠﺖ ﺣﺘﻰ ﻣﻴﻨﻄﻮﻧﻴﺎﻫﺎ ﻭﻣﻠﺘﻬﻴﻪ ﺍﻟﻨﻬﺎﺭ ﻛﻠﻪ ﺍﺭﻛﺾ ﻋﺎﻟﻠﻜﻤﻪ
‎ﺍﻣﺸﻲ ﻭﺍﺣﺠﻲ ﻭﻱ ﺭﻭﺣﻲ ﺑﺎﻟﺸﺎﺭﻉ ﻟﻜﻴﺖ ﺭﻭﺣﻲ ﻛﻤﻠﺖ ﻧﺺ ﺍﻟﻄﺮﻳﻖ ﻧﻐﺰﻩ ﺍﻟﺒﺴﻤﺎﺭ ﺍﻟﻞ ﺏ ﺍﻟﺤﺬﺍﺀ ﺣﺴﻴﺘﻨﻲ ﻣﺸﻴﺖ ﻫﻮﺍﻱ ﺗﺎﻟﻲ ﺻﻌﺪﺕ ﻛﻴﻪ ﻭﻛﻤﻠﺖ ﻃﺮﻳﻘﻲ ﺭﺣﺖ ﻟﻠﻤﺸﻔﻰ ﻭﻃﻠﻌﻮ ﺳﻨﺪ ﺑﺘﺠﺒﻴﺮﻩ ﺣﺒﻴﺒﺘﻲ ﻧﻀﺮﺗﻬﺎ ﺍﻟﻴﺎﺋﺴﻪ ﺩﻣﺮﺗﻨﻲ
‎ﺭﺟﻌﺘﻬﺎ ﻟﻠﺒﻴﺖ ﻭﺭﻧﺪ ﺑﺪﻭﻥ ﻣﻨﺤﺲ ﺑﻠﻴﻞ ﺗﺴﻮﻱ ﺍﻛﻞ ﻭﺗﻨﻈﻒ ﻭﺣﺘﻰ ﻫﺪﻭﻡ ﺳﻨﺪ ﺗﺨﻠﻴﻬﺎ ﺑﺼﻔﻬﺎ ﻭﺗﺮﻭﺡ ﺗﻨﺎﻡ
‎ﻭﺳﻨﺪ ﻣﻦ ﺗﺮﻳﺪ ﺗﺮﻭﺡ ﺍﻟﺤﻤﺎﻡ ﺗﺼﻴﺤﻨﻲ ﺍﺫﺍ ﻣﻮﺟﻮﺩﻩ ﻭﺍﺫﺍ ﻻ ﺗﻀﻞ ﺣﺎﺻﺮﺗﻬﺎ ﺣﺪﻣﺎ ﺍﺟﻲ
‎ﺍﺧﺬﺕ ﻛﻞ ﺗﻔﻜﻴﺮﻱ ﺍﻛﻘﺠﺜﺮ ﻭﻛﺖ ﺗﻌﺒﺖ ﺑﻲ ﻫﺎﻻﻳﺎﻡ ﻭﻭﻛﺖ ﻭﻓﺎﻩ ﻓﻬﺪ . ﻓﻮﺯﻳﻪ ﻛﺎﻣﺖ ﺗﺪﺍﻭﻡ ﻋﺪﻧﺎ ﻭﺍﻟﻨﺎﺱ ﻳﺠﻮﻫﺎ ﻟﺒﻴﺘﻲ ﻳﺤﻔﻮﻥ ﻭﻳﺴﻮﻭﻥ ﺷﻌﺮﻫﻢ ﻭﺗﺎﺧﺬ ﻧﺺ ﺍﺟﺮ ﻭﺗﺒﻘﻪ ﻳﻢ ﺭﻧﺪ
‎ﺑﺎﻟﻘﺮﺍﻥ ﻟﻮ ﺍﺧﺘﻲ ﺑﺖ ﺍﻧﻲ ﻭﺍﺑﺮﻳﻪ ﻣﺘﻮﻛﻔﻠﻲ ﻭﻛﻔﺘﻬﺎ
‎ﺭﻧﺪ ﻛﻀﺘﻬﺎ ﺩﺭﺍﺳﻪ ﻟﻴﻞ ﻧﻬﺎﺭ ﺑﺲ ﻣﺘﺤﺠﻲ ﺍﺑﺪ ﺣﺘﻰ ﻣﺘﻜﻌﺪ ﻭﻳﺎﻧﺎ ﻓﺪ ﺳﻔﺮﻩ ﺗﺴﻮﻱ ﻟﻔﻪ ﻭﺗﻜﻮﻡ ﺑﺲ ﺗﻘﺮﻩ
‎ﻫﺒﻪ ﻭﺟﻬﻴﻨﻪ ﺟﻮﻫﺎ ﻣﺮﺗﻴﻦ ﻭﺑﻌﺪﻫﺎ ﻣﺠﻮﻱ ﺗﺮﻛﻮﻫﺎ ﺗﺪﺭﺱ
‎ﺟﻬﻴﻨﻪ ﻫﺎﻟﺴﻨﻪ ﻫﻢ ﺳﺎﺩﺱ ﻭﻱ ﺭﻧﺪ
‎ﻭﻫﺒﻪ ﺑﻌﺪ ﺧﺎﻣﺲ ﻻﻥ ﺟﻬﻴﻨﻪ ﺍﻛﺒﺮ ﻣﻨﻬﺎ ﺑﺴﻨﻪ
‎ﻧﻮﺑﺎﺕ ﺗﺠﻲ ﻳﻤﻬﺎ ﺗﻨﻄﻴﻬﺎ ﻣﺮﺷﺤﺎﺕ ﻣﻼﺯﻡ ﺑﺲ ﺭﻧﺪ ﺗﻘﻮﻗﻌﺖ ﺧﺎﻓﺖ ﻻﺗﻜﻮﻟﻠﻬﺎ ﻗﺮﻳﻨﻲ ﺑﺲ ﻣﻜﺎﻟﺘﻬﺎ
‎ﺭﻧﺪ ﺭﻛﺰﺕ ﻋﻠﻰ ﺭﻭﺣﻬﺎ ﺑﺲ ﻓﺘﺮﻩ ﺷﻬﺮ ﻭﻣﺮﺕ ﻣﻌﻠﻤﻪ ﺳﻨﺪ ﻟﺒﻴﺘﻨﺎ ﺗﺸﻮﻓﻬﺎ ﺟﺎﻧﺖ ﺗﺒﺠﻲ ﺑﻘﻬﺮ ﻭﺗﺤﻀﻦ ﺑﻴﻬﺎ ﻭﺳﻨﺪ ﺗﺮﺑﺖ ﻋﻠﻰ ﻛﺘﻔﻬﺎ ﻭﺗﻬﻤﺲ
‎ﻣﻴﺨﺎﻟﻒ ﺳﺖ ﺳﻼﻣﺎﺕ ﻣﻔﻬﻤﺖ ﻋﻼﻗﺘﻬﻢ ﻭﻫﺎﻟﻜﺪ ﻣﺪﺭﺳﺘﻬﺎ ﻣﺘﺎﺛﺮﻩ ﺑﻴﻬﺎ
‎ﻣﻦ ﻳﻮﻣﻬﺎ ﻣﺘﺮﻛﺘﻬﺎ ﻣﻊ ﺍﻟﻌﻠﻢ ﺳﻨﺪ ﺻﺎﺭﺕ ﻣﺘﻮﺳﻄﻪ ﻭﻣﻌﻠﻤﺘﻬﺎ ﻣﺎﻝ ﺍﺑﺘﺪﺍﺋﻴﻪ ﻭﻛﺎﻣﺖ ﻳﻮﻣﻴﻪ ﺗﺠﻴﻬﺎ ﺗﺪﺭﺳﻬﺎ ﻛﻞ ﺍﻟﺪﺭﻭﺱ ﻳﻮﻡ ﺑﻴﻮﻣﻪ
‎ﺍﻟﺴﻨﻪ ﺍﻟﺪﺭﺍﺳﻴﻪ ﺑﺪﺕ ﻭﺍﺧﺬﺕ ﺍﺟﺎﺯﻩ ﻣﺮﺿﻴﻪ ﻟﺴﻨﺪ ﻭﻛﺪﺭﺕ ﺍﻗﺪﻡ ﻋﻠﻰ ﺍﻧﺘﺴﺎﺏ ﺍﻟﻬﺎ ﻻﻥ ﻋﺪﻫﺎ ﺿﺮﻑ ﺧﺎﺹ ﻭﺍﻟﻤﻌﻠﻤﻪ ﺳﺎﻋﺪﺗﻨﻲ ﺑﺎﻟﺘﺮﺑﻴﻪ ﺭﻛﻀﺖ ﺑﻴﻬﺎ
‎ﻭﺿﻠﺖ ﻳﻮﻣﻴﻪ ﺗﺠﻴﻨﺎ ﻭﺗﺪﺭﺳﻬﺎ
‎ﺍﻧﻔﺘﺤﻠﻲ ﻣﺠﺎﻝ ﻟﻠﻌﻤﻞ ﺏ ﻭﺟﻮﺩ ﻓﻮﺯ ﻭﻣﻌﻠﻤﻪ ﺳﻨﺪ ﻋﺪﻧﺎ
‎ﻛﻤﺖ ﺍﺩﺍﻭﻡ ﺷﻔﺖ ﺛﺎﻧﻲ ﺑﺲ ﻟﺘﺎﻟﻲ ﺍﻟﻨﻬﺎﺭ ﺍﺗﻌﺐ ﺣﻴﻞ ﻭﺍﺗﺤﺴﺐ
‎ﻓﻌﻼ ﻛﺎﻥ ﺍﻛﻮ ﻟﻮﺩ ﻋﻤﻞ ﻭﻣﺤﺘﺎﺝ ﻣﻮﺿﻔﻴﻦ ﺑﺲ ﺍﻟﺼﺪﻣﻨﻲ
‎ﺍﻧﻲ ﺍﻟﻮﺣﻴﺪﻩ ﻣﺮﺍﻩ ﻭﺍﻟﺒﺎﻗﻲ ﺯﻟﻢ ﻭﺍﻛﺒﺮ ﻣﻦ ﺍﻟﺸﺒﺎﺏ ﺍﻟﺼﻐﺎﺭ ﺑﺎﻟﺼﺒﺎﺣﻲ
‎ﺟﻨﺖ ﻣﺘﺨﻮﻓﻪ ﻟﻜﻦ ﻫﻤﻪ ﻣﺘﺠﺮﺍﻭ ﻛﺎﻥ ﺍﻟﻴﺮﺑﻄﻨﺎ ﻋﻤﻞ ﻓﻘﻂ
‎ﻛﺎﻧﺖ ﺻﻴﺎﻧﻪ ﺍﻻﺟﻬﺰﻩ ﻗﺒﻞ ﺍﻟﺘﺴﻠﻴﻢ ﻋﻤﻠﻨﺎ ﻛﺎﻥ ﺑﻤﺨﺎﺯﻥ ﺍﻟﺸﺮﻛﻪ . ﺍﻟﺤﺪﻳﺮ ﻋﻠﻰ ﺭﺍﺳﻨﺎ ﻭﺑﺲ ﻳﻨﺘﺮ ﺑﺘﻮﺗﺮ ﻭﺍﺳﺘﻌﺠﺎﻝ ﻳﻠﻪ ﻭﻳﻠﻪ ﻛﻤﻞ ﻻﺯﻡ ﻧﺴﻠﻤﻬﺎ ﻳﺨﺒﺼﻨﺎ
‎ﺟﺎﻥ ﺷﻐﻠﻲ ﻋﺎﻟﺤﺎﺳﺒﻪ ﻓﻘﻂ ﻭﻫﻤﻪ ﺍﻟﺸﺪ ﻭﺍﻟﺘﺼﻠﻴﺢ ﻭﺍﻟﻔﺘﺢ ﻭﺗﻌﺠﻐﻴﻴﺮ ﻗﻄﻊ ﻏﻴﺎﺭ ﻭﺍﻧﻲ ﺑﻌﺪﻣﺎ ﻳﻜﻤﻠﻮﻥ ﺍﻓﺤﺼﻬﺎ ﻭﺍﻟﻤﺪﻳﺮ ﻋﻠﻰ ﺭﺍﺳﻲ
‎ﺑﺲ ﺍﺑﺪ ﻣﺘﺠﺎﻭﺯ
‎ﻛﻤﻠﻨﺎ ﺗﻘﺮﻳﺐ ﺳﺒﻮﻋﻴﻦ ﻭﺧﻔﺖ ﺍﻟﻄﻠﺒﻴﺎﺕ ﻭﺑﺪﺕ ﺭﺣﻤﻪ ﺍﻟﻠﻪ ﻓﺮﻏﻠﻲ ﻛﺎﻧﻪ
‎ﻃﻠﻌﻮ ﺍﻟﻤﻮﺿﻔﻴﻦ ﺍﻟﺼﺒﺎﺣﻲ ﻭﻃﺒﻴﺖ ﻟﻠﻜﺎﻓﺘﺮﻳﺎ ﺍﺧﺬ ﻋﻠﺒﻪ ﻟﺒﻦ ﻻﻥ ﻫﺬﺍ ﻏﺪﺍﻳﻪ ﻃﻠﻌﺖ ﺻﺎﺭ ﺑﻮﺟﻬﻲ ﺍﺑﺘﺴﻢ ﻭﺑﺎﻭﻉ ﻟﻠﻌﻠﺒﻪ ﻛﺎﻝ
‎ﺑﺎﻟﻌﺎﻓﻴﻪ
‎ﻣﺮﺩﻳﺖ ﻋﻠﻴﻪ ﺭﺟﻌﺖ ﻟﻐﺮﻓﺘﻲ
‎ﻛﺎﻧﺖ ﻓﺎﺭﻏﻪ ﻭﺣﺪﻱ ﺑﻴﻬﺎ ﺑﺎﻟﺸﻔﺖ ﺍﻟﻤﺴﺎﺋﻲ ﻛﻤﻠﺖ ﺍﻛﻞ ﻭﺭﺟﻌﺖ ﻟﻌﻤﻠﻲ ﺍﺭﺗﺐ ﻓﺎﻳﻼﺕ ﺑﺎﻟﺤﺎﺳﺒﻪ ﺍﻟﻤﺮﻛﺰﻳﻪ ﻣﺎﻝ ﺷﺮﻛﻪ . ﻭﺩﺧﻞ
‎ﺍﻟﺘﻔﺘﺖ ﻣﺘﻔﺎﺟﺎﻩ ﻭﻭﻛﻔﺖ
‎ﻧﻌﻢ ﺍﺳﺘﺎﺫ
‎ﺍﺑﺘﺴﻢ ﻭﺑﺎﻭﻉ ﻻﻧﺤﺎﺀ ﺍﻟﻐﺮﻓﻪ ﻭﺳﺪ ﺍﻟﺒﺎﺏ ﺑﻬﺪﻭﺀ ﻗﺮﺑﺖ ﺍﻳﺪﻱ ﻟﻠﻤﻴﺰ ﻟﺰﻣﺖ ﺍﻟﻤﺎﻙ
‎ﻛﻮﺏ ﻣﻴﺴﻢ ﺍﻟﺤﺒﻴﺮ ﺗﺸﺮﺏ ﺑﻲ ﺍﻟﺼﺒﺢ ﺟﺎﻱ
‎ﺗﻘﺮﺏ ﻭﺻﻞ ﻟﻤﻴﺰﻱ ﻣﻨﺼﻲ ﻋﻠﻰ ﺍﻳﺪﻱ ﺍﻟﻘﺎﺑﻀﻪ ﻋﻠﻰ ﻳﺪﻩ ﺍﻟﻜﻮﺏ ﻛﺎﻝ
‎ﻣﺮﺗﺎﺣﻪ ﺑﻌﻤﻠﺞ
‎ﻫﺰﻳﺖ ﺭﺍﺳﻲ ﺑﻠﻪ ﺻﻮﺕ ---- ﺍﻟﺪﺍﺧﻠﻲ ﻣﻮﺧﻮﻑ ﻻ
‎ﻗﺮﺭﺭﻑ ﻭﺍﺷﻤﺌﺰﺍﺯ ﻭﻏﻀﺐ ﻭﺍﺣﺲ ﺭﻭﺣﻲ ﺍﺫﺍ ﻟﻤﺴﻨﻲ ﺍﻫﻄﺮﻩ ﺑﺎﻟﻜﻮﺏ
‎ﺍﺑﺘﺴﻢ ﻭﻋﻴﻮﻧﻪ ﻋﺎﻟﻜﻮﺏ ﻛﺎﻝ
‎ﺣﻴﻄﻚ ﺑﻴﺪﺝ
‎ﺑﻠﻌﺖ ﺭﻳﻚ ﻣﻘﻠﺼﻪ ﺍﺑﺎﻭﻉ ﻟﻨﺼﻴﻪ ﺭﺍﺳﻪ ﻋﻠﻰ ﺍﻳﺪﻱ ﺟﺮ ﻧﻔﺲ ﺍﻓﺘﺮ ﺑﺎﻟﻐﺮﻓﻪ ﻣﺘﻜﺘﻒ ﻭﺭﺟﻊ ﻭﻛﻒ ﺧﻠﻪ ﺍﻳﺪﻩ ﺑﺠﻴﻮﺑﻪ ﻭﺑﺎﻭﻋﻠﻲ ﻳﻀﺤﻚ ﺑﻨﻀﺮﻩ ﺍﺳﺘﺤﻘﺎﺭ . ﻫﻤﺲ
‎ﺷﻮﻥ ﻭﻳﺎﺝ ﻏﺎﺩﻩ
‎ﻣﺮﺩﻳﺖ ﻛﻠﺖ ﻫﺬﺍ ﺣﻴﻐﻨﻲ ﻋﻔﺘﻪ ﺍﻟﺒﺎﺏ ﺑﺼﻔﻲ ﻓﻜﻴﺘﻬﺎ ﻭﻃﻠﻌﺖ ﻣﻦ ﺍﻟﻐﺮﻓﻪ ﺍﺑﺎﻭﻉ ﺍﻟﺸﺮﻛﻪ ﻓﺎﺭﻏﻪ
‎ﻋﺰﻩ ﺑﻌﻴﻨﻲ ﻣﺎﻛﻮ ﺍﻱ ﺍﺣﺪ
‎ﺑﺎﻭﻋﺖ ﻋﺎﻟﺴﺎﻋﻪ ﺏ٦ ﻛﻤﺖ ﺍﺗﻠﻔﺖ ﺍﻟﻨﻮﺑﻪ ﺟﻨﻄﺘﻲ ﺑﻘﺖ ﺑﺎﻟﻐﺮﻓﻪ ﺍﻗﻠﻬﺎ ﺟﺎﻥ ﻃﻠﻌﺖ ﻟﻠﺒﻴﺖ ﻃﻠﻌﺖ ﻟﻠﻜﺎﻓﺘﺮﻳﺎ ﻣﻌﺰﻟﻪ ﻭﻣﻘﻔﻠﻪ
‎ﻓﻌﻼ ﺧﻔﺖ ﻭﻛﻔﺖ ﺗﻮﺟﻬﺖ ﻟﻠﺒﺎﺏ ﺍﻟﺮﺋﻴﺴﻲ ﻛﻠﺖ ﺍﻋﻮﻑ ﺍﻟﺠﻨﻄﻪ ﻭﺍﺧﺬ ﺗﻜﺴﻲ ﺍﻭﺻﻞ ﻟﻠﺒﺎﺏ ﻭﺍﻧﻄﻲ ﻓﻠﻮﺱ ﻣﻦ ﻓﻮﺯ ﺩﺍﺍﻓﺘﺢ ﺍﻟﺒﺎﺏ ﻟﻜﻴﺘﻬﺎ ﻣﻘﻔﻮﻟﻪ
‎ﺍﻟﺸﺮﻛﻪ ﻭﺣﺸﻪ ﺣﻴﻞ ﺷﻮﻛﺖ ﺭﺍﺣﻮ ﺷﻴﺮﻳﺪ ﻳﺴﻮﻱ ﻫﺬﺍ ﺍﻟﺠﻠﺐ ﺍﻟﺘﻔﺘﺖ ﺷﻔﺖ ﻭﺍﻛﻒ ﺻﺎﻓﻦ ﻋﻠﻴﻪ ﻭﺑﻴﺪﻩ ﺟﻜﻜﺎﺭﻩ ﻣﻦ ﻫﺎﻱ ﺍﻟﻤﺘﻴﻨﻪ
‎ﻣﻀﻴﻖ ﻋﻴﻨﻪ ﻳﺴﺤﺐ ﻧﻔﺲ ﻭﻣﺮﺗﺠﻲ ﻋﺎﻟﺤﺎﻳﻂ ﻭﻳﺒﺎﻭﻋﻠﻲ ﻧﺘﺮﺕ ﺍﻓﺘﺤﻬﺎﺍﺍ
‎ﻣﺪ ﺷﻔﺘﻪ ﻛﺎﻝ
‎ﻣﺎﺭﻳﺪ
‎ﺷﺘﺮﻳﺪ ﻣﻨﻴﻴﻲ
‎ﺟﺎﻭﺏ ﺑﺒﺮﻭﺩ ﻭﻧﺼﻪ ﻋﻠﻰ ﺍﻟﻜﺎﺭﺑﺖ ﺍﻟﻤﻔﺮﻭﺵ ﺑﺎﻟﻜﻊ ﻋﺪﻟﻪ ﺑﺮﺟﻠﻪ ﻻﻥ ﺍﻧﻄﺒﻚ ﻭﺍﺧﺬ ﻭﺿﻊ ﻋﺪﻟﻪ ﺑﺮﺟﻠﻪ ﺭﻓﻊ ﺭﺍﺳﻪ ﺑﺎﻭﻋﻠﻲ
‎ﺷﺘﺮﺭﺭﻳﺪ ﺍﻓﺘﺤﻬﺎ ﺍﺫﺍ ﺗﻘﺮﺑﺖ ﺍﻛﻠﺒﻠﻚ ﺍﻟﺪﻧﻴﺎ ﻛﻠﺐ ﺍﻗﺘﺘﺘﻠﻚ ﻋﺪﻱ ﺍﺳﺘﻌﺪﺍﺩ ﺍﻗﺘﻠﻠﻠﻠﻚ
‎ﺟﺮ ﻧﻔﺲ ﻭﻫﺰ ﺭﺍﺳﻪ ﺑﺮﻓﺾ ﻣﻤﺘﻘﺮﺏ ﺷﻔﺘﻴﻨﻲ . ﺗﻘﺮﺑﺖ ﻣﻨﺞ ﺍﻧﻲ
‎ﻟﻌﺪ ﺷﺮﺍﻳﺪ
‎ﻫﻴﺞ ﺑﺲ ﺍﺣﺲ ﺑﺎﺣﺴﺎﺱ ﺍﻧﻪ ﺛﻨﻴﻨﺎ ﻓﺪ ﻣﻜﺎﻥ ﻭﺍﺣﺒﺴﺞ
‎ﺍﻧﺘﺘﺖ ﻣﺨﺒﻞ
‎ﻫﻬﻬﻬﻬﻬﻬﻬﻬﻬﺎﻱ . ﺷﺒﻴﺞ ﺑﺎﺑﺎ . ﺳﻮﻳﺘﻠﺞ ﺷﻲ ﺍﻋﺘﺒﺮﻱ ﺭﻭﺣﺞ ﺩﺗﺸﺘﻐﻠﻴﻦ ﻋﺎﺩﻱ ﻭﺍﻟﺒﺎﺏ ﻣﻔﻜﻮﻛﻪ ﻭﺍﻟﻤﻮﺿﻔﻴﻦ ﻣﻮﺟﻮﺩﻳﻦ ﻟﻤﻦ ﺍﻛﻴﺴﺞ ﻋﻮﺩ ﺻﻴﺤﻲ ﻭﻓﺮﻱ ﺻﻮﺗﺞ ﺷﻮﻱ
‎ﺍﻧﺖ ﻣﻮﺻﺎﺣﻲ ﻭﺍﻟﻘﺮﺍﻥ ﻻﻛﻒ
‎ﺗﻐﻴﺮﺕ ﻣﻼﻣﺤﻪ ﻭﺗﻨﻬﺪ ﻭﻏﻤﺾ ﻋﺎﻓﻨﻲ ﻭﺭﺍﺡ ﻟﻐﺮﻓﺘﻪ ﻟﺤﻜﺘﻪ ﺗﻮﻩ ﺩﻳﺴﺪ ﺍﻟﺒﺎﺏ ﺩﻓﻌﺘﻪ ﺑﻘﻮﺗﻲ ﺗﺨﺒﻠﺖ
‎ﺍﻓﺘﺤﻬﺎﺍﺍ ﺍﻟﺒﺎﺏ
‎ﺍﻟﺘﻔﺖ ﻣﻌﺎﺟﺒﻪ ﺟﺎﻭﺏ ﺑﺒﺮﻭﺩ ﻭﻛﻤﻞ ﻣﺸﻴﺘﻪ ﻟﻤﻴﺰﻩ
‎ﻣﻦ ﻳﻜﻤﻞ ﺍﻟﺪﻭﺍﻡ ﻋﻮﺩ -- ﺭﻭﺣﻲ ﻛﻤﻠﻲ ﻋﻤﻠﺞ
‎ﻣﺎﺍﺍﻛﻤﻞ ﺣﺎﻟﻲ ﺣﺎﻝ ﺍﻟﻤﻮﺿﻔﻴﻦ ﻣﻮ ﻃﻠﻌﻮﺍ ﺧﻞ ﺍﻃﻠﻊ ﺍﻧﻲ ﻫﻤﻢ
‎ﻫﻤﻪ ﻛﻤﻠﻮ ﻋﻤﻠﻬﻢ ﻭﺍﻧﺘﻲ ﺑﻌﺪﺝ ﻳﺨﻠﺺ ﻭﻛﺖ ﺩﻭﺍﻣﺞ ﻭﺭﻭﺣﻲ
‎ﻭﺍﻛﻔﻪ ﻭﺭﻩ ﺍﻟﻤﻴﺰ ﻭﺍﺗﻘﺮﺏ ﻭﺍﺻﻴﺢ ﻭﺍﺩﻙ ﻋﺎﻟﻤﻴﺰ ﻭﻫﻮ ﻳﺒﺎﻭﻉ ﻋﻠﻰ ﻃﻮﻟﻲ ﺑﺒﺮﻭﺩ ﻭﻳﺪﺧﻦ ﺍﻧﻲ ﺻﺮﺕ ﻧﺎﺭ
‎ﺷﺘﺮﻳﺪﻟﺨﺎﻃﺮ ﺍﻟﻠﻠﻠﻠﻪ
‎ﻣﺮﺍﻳﺪ ﺷﻲ ﻫﻤﺲ ﻭﻧﺼﻪ ﻳﺬﺏ ﺍﻟﺘﺘﻦ ﻣﺎﻝ ﺟﻜﺎﺭﻩ ﺭﻭﺣﻲ ﻟﻌﻤﻠﺞ ﻣﺎﻛﻮ ﺩﺍﻋﻲ ﻋﺼﺒﻴﺘﺞ
‎ﺍﺭﻳﺪ ﺍﺭﻭﺡ ﻟﺒﻴﺘﻲ ﺻﺮﺧﺖ
‎ﺍﻫﺪﻱ ﻏﺎﺩﻩ ﻭﻛﻒ ﻭﺍﻓﺘﺮ ﻭﺭﻩ ﺍﻟﻤﻴﺰ ﺫﺏ ﺳﺘﺮﺗﻪ ﺧﻼﻫﺎ ﺑﺘﺮﺗﻴﺐ ﻋﺎﻟﻀﻬﺮﺭﻣﺎﻝ ﻛﺮﺳﻲ ﺍﻫﺪﻱ ﺷﺒﻴﺞ ﻣﻤﺴﻮﻳﻠﺞ ﺷﻲ
‎ﺷﺤﺪﻙ ﺗﻔﻜﺮ ﺗﺴﻮﻱ ﺷﻴﻴﻲ ﺷﺤﺪﻙ ﺗﺘﺠﺮﺍ
‎ﺍﺑﺘﺴﻢ ﺑﺒﺮﻭﺩ ﻫﺰ ﺭﺍﺳﻪ ﻣﻴﻬﻢ ﺭﻭﺣﻲ ﻟﻌﻤﻠﺞ
‎ﻻﻭﻝ ﻣﺮﻩ ﺣﺎﻧﺖ ﻧﻀﺮﺍﺗﻪ ﺧﺎﻟﻴﻪ ﻣﻦ ﺍﻟﺸﻤﺎﺗﻪ ﻭﺍﻻﺳﺘﺤﻘﺎﺭ ﺟﺎﻥ ﺑﺎﺭﺩ ﻭﺧﺒﻴﺚ ﻟﺪﺭﺟﻪ ﻓﻘﺪﺕ ﺍﻋﺼﺎﺑﻲ ﻫﺠﻤﺖ ﻋﻠﻴﻪ ﺟﺮﻳﺘﻪ ﻣﻦ ﻳﺎﺧﺘﻪ . ﻭﺍﻋﺖ ﺑﻲ ﺍﻧﻲ ﻗﺼﻴﺮﻩ ﻭﻫﻮ ﻃﻮﻳﻞ . ﺻﺮﺧﺘﺖ ﺍﻓﺘﺤﻬﺎﺍﺍﺍ
‎ﺩﻓﻌﻨﻲ ﻋﻜﺪ ﺣﺎﺟﺒﻪ ﻭﺧﺰﺭﻧﻲ
‎ﺷﺒﻴﻴﺞ ﻣﺨﺒﻠﻪ ﺍﻧﺘﺘﻲ ﺩﺍﻛﻮﻟﺞ ﻣﺎﺍﻓﺘﺤﻬﺎ ﺑﻌﺪﻳﻦ ﺍﻟﺤﺎﺭﺱ ﻣﺎﺧﺬ ﺍﺟﺎﺯﻩ ﺧﺎﻑ ﻳﻔﻮﺗﻮﻟﻨﺎ ﻋﺼﺎﺑﻪ -- ﺣﺮﺍﻣﻴﻪ
‎ﺍﺭﻳﺪ ﺍﺭﻭﺡ ﻟﻠﺒﻴﺖ ﻫﺴﻪ ﺗﻔﺘﺤﻬﺎ
‎ﻋﺪﻱ ﻋﻘﻮﺩ ﻻﺯﻡ ﺗﺘﺴﻠﻢ ﺑﻌﺪﺷﻮﻱ ﻳﺠﻮﻥ ﺍﺻﺤﺎﺑﻬﺎ
‎ﺍﻧﻲ ﻣﻌﻠﻴﻪ
‎ﻣﻠﺰﻣﻪ ﺗﺒﻘﻴﻦ ﻻﻧﺞ ﻣﻤﻜﻤﻠﻪ ﻋﻤﻞ
‎ﺷﻠﺖ ﺍﻟﻐﺮﺍﺽ ﻋﻠﻰ ﻣﻴﺰﻩ ﺷﻤﺮﺗﻬﺎ ﺑﺎﻟﻜﻊ ﺗﻘﺮﺏ ﻣﻨﻲ ﻋﺼﺮ ﺗﻚ . ﺯﻧﺪﻱ ﺑﻘﻮﻩ ﻭﺩﻓﻌﻨﻲ ﺑﺮﻩ ﺭﺣﻌﺖ ﻋﻠﻴﻪ ﻣﺜﻞ ﺍﻟﻤﺨﺒﻠﻪ ﻭﺿﺮﺑﺘﻪ ﺭﺍﺷﺪﻱ ﻛﻞ ﻗﻮﺗﻲ ﻏﻤﺾ ﻋﻴﻨﻪ ﻭﺑﻘﻪ ﻣﻨﺼﻲ ﻋﻠﻰ ﺍﻟﺘﻔﺎﺗﺘﻪ ﻭﺟﻬﻪ ﻭﻳﺘﻨﻔﺲ ﺑﻐﻀﺐ ﻭﻣﻐﻤﺾ ﺍﺑﺎﻭﻉ ﺍﻳﺪﻩ ﻗﺒﻀﻬﺎ ﺑﻘﻮﻩ ﻋﺮﻭﻛﻬﺎ ﺑﻴﻨﺖ ﻟﻠﺤﻀﻪ ﺧﻔﺖ ﺍﻧﻲ ﺷﺴﻮﻳﺖ ﺭﺟﻌﺖ ﻟﻴﻮﺭﻩ ﺧﺎﻳﻔﻪ ﺍﻧﻀﺮﺑﺖ ﺑﺎﻟﻄﺒﻠﻪ ﺭﺍﺩﺕ ﺗﻮﻛﻊ ﻟﺰﻣﺘﻬﺎ ﻭﺍﺑﺎﻭﻋﻠﻪ ﻋﻠﻰ ﻭﺿﻌﻴﺘﻪ ﻣﻨﺼﻴﻪ ﻭﻣﻐﻤﺾ ﻭﺩﺍﻳﺮ ﻭﺟﻬﻪ ﻟﻮﺿﻊ ﺍﻟﻀﺮﺑﻪ ﺍﻟﻀﺮﺑﺘﻬﺎ ﺧﺪﻩ ﺍﻧﺼﺒﻎ ﺭﻏﻢ ﺻﻐﺮ ﻛﻒ ﺍﻳﺪﻱ ﺑﺲ ﺿﺮﺑﺘﻪ ﺑﻜﻞ ﻗﻮﺗﻲ ﺍﻧﻬﺰﻣﺖ ﺭﻛﺾ ﻭﻃﺒﻴﺖ ﻟﻐﺮﻓﺘﻲ ﻭﻗﻔﻠﺖ ﺍﻟﺒﺎﺏ ﻋﻠﻴﻪ ﻭﺍﺭﺟﻒ ﻟﺰﻣﺖ ﺍﻟﻔﻮﻥ ﺍﻛﻮﻭﺷﺒﻜﻪ ﺍﻱ ﺷﻲ ﻳﺼﻴﺮ ﺍﺧﺎﺑﺮ ﺍﻟﻤﻦ ﺍﺧﺎﺑﺮ ﺍﻟﻤﻦ ﺍﻱ ﺍﺧﺎﺑﺮ ﻣﺤﻤﺪ ﺍﺑﻮ ﺍﻟﺘﺴﻮﻳﻖ
‎ﺷﺴﻮﻳﺖ ﺍﻧﻲ ﻋﺰﻩ ﺑﻌﻴﻨﻪ ﺻﺪﻙ ﺿﺮﺑﺘﻪ ﻳﻤﻪ ﻋﺰﻩ ﻫﺴﻪ ﻳﺒﻄﻠﻨﻲ ﻳﺒﻮ ﻋﻠﻴﻪ
‎ﺍﺭﺟﻒ ﻭﺍﻟﺮﺣﻔﻪ ﺍﺧﺬﺕ ﻣﻦ ﻋﺎﻓﻴﺘﻲ ﺳﺎﻋﻪ ﻣﺮﺕ ﻭﺻﺎﺭ ﻧﺪﺍﺀ ﺑﺎﻟﺴﻤﺎﻋﺎﺕ ﻣﺎﻝ ﺷﺮﻛﻪ
‎ﻛﺎﻝ ﺑﻴﻬﺎ
‎ﺍﻧﺘﻬﺎﺀ ﻭﻗﺖ ﺍﻟﺪﻭﺍﻡ ﻭﺗﺴﻠﻴﻢ ﺍﻟﻌﻤﻞ ﻏﺪﺍ ﻟﻤﻮﺿﻒ ﺍﻟﺘﺴﻮﻳﻖ
‎ﺧﻔﺖ ﺍﻓﺘﺢ ﺍﻟﺒﺎﺏ ﺑﺲ ﻻﺯﻡ ﺍﻃﻠﻊ ﺍﺧﺬﺕ ﺟﻨﻄﺘﻲ ﻭﻃﻠﻌﺖ ﺭﻛﺾ ﻣﺠﺎﻥ ﺍﻛﻮ ﺍﺣﺪ ﺑﺲ ﻣﻔﺘﺎﺡ ﺍﻻﺩﺍﺭﻩ ﺑﺎﻟﺒﺎﺏ ﻳﻌﻨﻲ ﻣﻮﺟﻮﺩ ﻃﻠﻌﺖ ﺍﺭﻛﺾ ﺑﺎﻟﺸﺎﺭﻉ ﻭﻛﻔﺖ ﺗﻜﺴﻲ ﺑﻮﻛﺖ ﻣﻴﻬﻠﻲ ﺍﺫﺏ ٧٠٠٠ ﻭﺍﺑﻘﻰ ﻣﻦ ﻛﻴﻪ ﻟﻜﻴﻪ ﻋﺒﺮﻳﻪ ﺣﺪﻣﺎ ﺍﻭﺻﻞ ﺑﺲ ﺍﻟﺨﻮﻑ ﺧﻼﻧﻲ ﺍﻧﻔﺬ ﺑﺠﻠﺪﻱ ﺟﻨﺖ ﺧﺎﻳﻔﻪ ﺷﻮﻥ ﺣﺪﺍﻭﻡ ﺑﺎﺟﺮ
‎ﻭﺍﻟﻠﻴﻞ ﻣﻨﻤﺘﻪ ﺣﺠﻴﺖ ﻟﻔﻮﺯ ﺑﻠﻴﻞ ﺑﻘﺖ ﺻﺎﻓﻨﻪ ﺑﻮﺟﻬﻲ ﻛﺎﻟﺖ
‎ﻻﺯﻡ ﺗﺤﺬﺭﻳﻦ ﻣﻨﻪ ﺍﺑﺪ ﻟﺘﺒﻘﻴﻦ ﻭﺣﺪﺝ ﻭﻳﺎﻩ ﻟﻮ . ﺗﻌﺮﻓﻴﻦ ﺗﻘﻔﻠﻴﻦ ﺍﻟﺒﺎﺏ ﻋﻠﻴﺞ
‎ﺍﻭﻙ
‎ﻛﻌﺪﺕ ﺍﻟﺼﺒﺢ ﻭﻣﺮﺣﺖ ﻣﻦ ﻭﻛﺖ ﺍﻟﻴﻮﻡ ﺣﺘﻰ ﻳﻜﻮﻧﻮﻥ ﻛﻠﻬﻢ ﻣﻮﺟﻮﺩﻳﻦ . ﻳﻠﻪ ﺍﺭﻭﺡ ﻃﺒﻴﺖ ﻟﻜﻴﺖ ﺍﻟﻤﻌﺎﻭﻥ ﻳﻮﺯﻉ ﺍﻟﻜﺎﺭﺗﺎﺕ ﻣﺎﻝ ﺩﻋﺎﻳﻪ ﺍﻟﺘﺴﻮﻳﻖ ﻋﺎﻟﻤﻨﺪﻭﺑﻴﻦ
‎ﺑﺎﻭﻋﻠﻲ ﻛﺎﻝ ﺑﺼﻮﺭﻩ ﻋﺎﺩﻳﻪ
‎ﺳﺖ ﻏﺎﺩﻩ ﻋﺪﻧﺎ ﻋﻤﻞ ﺍﻟﻴﻮﻡ ﻫﻮﺍﻱ
‎ﻫﺰﻳﺖ ﺭﺍﺳﻲ ﺑﻠﻬﻔﻪ ﻛﻤﻞ ﻛﻼﻣﻪ ﻛﺎﻝ
‎ﻻﻥ ﺍﻟﻤﺪﻳﺮ ﺳﺒﻮﻉ ﺍﺟﺎﺯﻩ ﻭﻣﻮﺿﻔﺘﻴﻦ ﺑﻄﻠﻮﺍ ﻓﺎﻧﻲ ﻭﺍﻟﻔﺮﻳﻖ ﻣﻨﻜﻔﻲ ﻋﺪﻧﺎ ﻧﻘﺺ ﻭﺍﻧﺘﻲ ﻋﻤﻠﺞ ﻣﻜﻤﻠﺘﻪ
‎ﺍﻱ ﺍﻱ ﺍﻟﺒﺎﺭﺣﻪ ﺳﻠﻤﺘﻪ
‎ﻟﻌﺪ ﺗﻔﻀﻠﻲ ﻭﻳﺎﻧﺎ ﻟﻠﺪﺍﺭﻩ
‎ﻣﻐﺼﺘﻨﻲ ﺑﻄﻨﻲ ﻣﻦ ﺟﺎﺏ ﺳﻴﺮﻩ ﺍﻻﺩﺍﺭﻩ ﻣﺸﻴﺖ ﻭﺭﺍﻩ ﺑﺨﻮﻑ ﻭﺍﺗﻠﻔﺖ ﺑﺎﻟﻮﺟﻮﻩ ﻣﺎﻫﻮ ﻣﺎﻛﻮ ﻳﻜﻮﻝ ﻣﺴﺎﻓﺮ ﻭﻃﺒﻴﻨﺎ ﻭﺑﺪﻳﻨﺎ ﻧﺸﺘﻐﻞ ﻭﺍﻧﻲ ﻧﻮﻋﺎ ﻣﺎ ﺑﺮﺩﺕ ﺍﻋﺼﺎﺑﻲ ﻭﻫﺪﺍﺕ ﻟﻠﺴﺒﻌﻪ ﻳﻠﻪ ﻛﻤﻠﻨﺎ ﺗﻨﻀﻴﻢ ﻭﺑﺮﻣﺠﻪ ﺍﻻﺟﻬﺰﻩ ﻭﻃﻠﻌﺖ
----
‎ﻳﺘﺒﻊ

‎ﻣﺘﺎﺑﻌﻪ ﻣﻤﺘﻌﻪ
‎ﻣﺮﻳﻢ ﺍﻟﺴﻌﺪﻱ