عسى ان تسكن نار الانتقام

34

‎#البارت ٣٠
‎#قصة وعسى أن تسكن نار الانتقام
‎#الكاتبة مريم السعدي
‎ﺣﻴﺪﺭ - ﻣﻤﻜﻦ
‎ﻏﺎﺩﻩ - ﺑﻘﻴﺖ ﺍﺑﺎﻭﻉ ﺑﻌﻴﻨﻪ ﻟﻬﻔﺘﻪ ﻣﺸﺎﻳﻔﺘﻬﺎ ﺑﺒﺸﺮ ﺭﺟﻔﻪ ﺍﻳﺪﻩ ﻭﻋﻴﻮﻧﻪ ﺍﻟﺘﺘﻮﺳﻞ ﺑﻘﻪ ﻣﺎﺩ ﺍﻳﺪﻫﺰﻗﺮﻳﺐ ﺑﻄﻨﻲ ﻳﻨﺘﻈﺮ ﺍﻟﻤﻮﺍﻓﻘﻪ ﺭﻣﺸﺖ ﺑﻬﺪﻭﺀ ﻭﺍﻋﺘﺒﺮﻫﺎ ﺍﻱ ﻣﻨﻲ
‎ﻭﺻﻠﺖ ﻟﺒﻄﻨﻲ ﺑﺲ ﺧﻼﻫﺎ ﻻﻳﺪﻩ ﺑﻘﻪ ﻳﻨﺘﻈﺮ ﺷﻮﻱ ﺑﺎﻭﻋﻠﻲ ﻋﻴﻮﻧﻪ ﺗﺴﺎﻝ ﻭﻳﻦ ﺍﻟﺤﺮﻛﻪ
‎ﺑﻘﻴﺖ ﺍﺳﺘﺸﻌﺮ ﺑﺎﻭﻋﺖ ﻋﺎﻟﺒﻄﻞ ﺷﺮﺑﺖ ﺍﻟﻤﻲ ﻛﻠﻪ ﺍﺩﺭﻱ ﻣﻦ ﺍﺷﺮﺏ ﻣﻲ ﻳﺘﺤﺮﻙ ﺑﻘﻪ ﻳﺒﺎﻭﻉ ﻟﻠﺒﻄﻞ ﻣﻦ ﺍﺷﺮﺏ ﺫﺑﻴﺘﻪ ﻫﻤﺴﺖ ﻭﻫﺰﻳﺖ ﺭﺍﺳﻲ ﺑﺎﻟﻘﺒﻮﻝ
‎ﺍﻧﺘﻈﺮ
‎ﺧﻠﻴﺖ ﺍﻳﺪﻱ ﻋﻠﻰ ﺑﻄﻨﻲ ﻗﺮﻳﺐ ﺍﻳﺪﻩ ﻭﻫﻮ ﺑﻘﻪ ﺟﺎﻣﺪ ﻭﻋﻴﻮﻧﻪ ﻋﻠﻰ ﺑﻄﻨﻲ ﺣﺴﻴﺖ ﺑﺤﺮﻛﻪ ﻳﻢ ﺻﺮﺗﻲ ﺟﺮﻳﺖ ﺍﻳﺪﻩ ﻣﻦ ﻣﺮﻓﻘﻪ ﺑﻬﺪﻭﺀ ﺧﻠﻴﺘﻬﺎ ﻋﺎﻟﻤﻜﺎﻥ ﻭﺑﺎﻭﻋﺖ ﺑﻌﻴﻨﻪ ﺍﺑﺘﺴﻢ ﺟﺎﻥ ﻣﺮﺗﺒﻚ ﺗﻨﻔﺲ ﺳﺮﻳﻊ ﻭﺗﺤﺮﻙ ﺍﻟﻄﻔﻞ ﻭﺧﺮ ﺍﻳﺪﻩ ﺭﺍﺳﻦ ﺑﺎﻭﻉ ﺑﻌﻴﻨﻪ ﺍﺑﺘﺴﻤﺖ ﺑﻘﻪ ﻣﺼﺪﻭﻡ ﺭﺟﻊ ﺧﻼﻫﺎ ﺭﺟﻊ ﺗﺤﺮﻙ ﻏﻤﺾ ﻋﻴﻨﻪ ﺗﻠﻤﺴﻬﺎ ﻭﻳﺤﺮﻙ ﺑﻌﻴﻨﻪ ﻭﺭﺟﻌﺖ ﺻﺎﺭﺕ ﺿﺮﺑﻪ ﻟﺦ
‎ﺩﻣﻌﺖ ﻋﻴﻨﻪ ﺑﺎﻭﻋﻠﻲ ﻭﺑﻘﻪ ﻋﻴﻮﻧﻪ ﻋﻠﻴﻪ
‎ﻭﺍﺗﻲ ﺍﺗﺎﻣﻞ ﻧﻀﺮﺍﺗﻪ ﺍﺗﻤﻨﻰ ﻳﻔﻜﺮ ﺻﻮﺕ ﻋﺎﻟﻲ ﻫﻤﺲ
‎ﺍﻟﻒ ﺷﻜﺮ
‎ﻫﺎ
‎ﺑﻘﻪ ﺳﺎﻛﺖ ﺭﻛﺰﺕ ﻭﻋﺪﺕ ﻛﻠﻤﺘﻪ ﺑﺪﺍﺧﻠﻲ ﻋﺮﻓﺖ ﺷﻜﺎﻝ ﺑﻘﺖ ﻛﻠﺴﺎ ﺗﺼﻴﺮ ﺣﺮﻛﻪ ﻭﻫﻮ ﻳﻐﻤﺾ ﺍﺧﺮ ﺷﻲ
‎ﻧﺼﻪ ﻭﺑﺎﺱ ﺑﻄﻨﻲ ﺑﻬﺪﻭﺀ ﻭﻏﻤﺾ ﻗﻮﻱ ﺷﻮﻱ ﻭﻭﻛﻒ ﻃﻠﻊ ﻣﻦ ﺍﻟﻐﺮﻓﻪ ﺭﺍﺳﻦ ﻭﺍﻧﻲ ﻛﻤﺖ ﺑﻬﺪﻭﺀ ﻭﻛﻌﺪﺕ ﺑﻤﻜﺘﺒﻲ
‎ﺻﺎﻓﻨﻪ ﺑﺤﺮﻛﺎﺗﻪ ﺗﻘﺮﻳﺐ ﺍﻟﻌﺸﺮ ﺩﻗﺎﻳﻖ ﻳﻠﻪ ﺭﺟﻊ ﻣﺒﺎﻭﻋﻠﻲ ﻓﺎﺕ ﻟﻠﻐﺮﻓﻪ ﺭﺍﺳﻦ
‎ﻭﺍﻧﻲ ﺑﻌﺪ ﻣﻔﺘﺖ
‎ﻧﻮﺑﺎﺕ ﺍﺷﻔﻖ ﻋﻠﻴﻪ ﻭﻧﻮﺑﺎﺕ ﻛﻞ ﺍﻟﺴﻮﺍﻩ ﺫﻛﺮﻯ ﻭﺗﺤﻔﺮ ﺑﺠﺴﻤﻲ ﻭﻛﻠﺒﻲ ﻭﻋﻴﻮﻧﻲ ﺍﻧﻬﻲ ﺗﻔﻜﻴﺮﻱ ﺑﺎﻟﺼﺎﺭ ﺻﺎﺭ ﺑﻌﺪ ﻋﻴﺸﻲ
‎ﺍﻳﺎﻡ ﻣﻀﺖ
‎ﺭﻧﺪ ﺗﻌﻠﻤﺖ ﻋﺎﻟﺠﺎﻣﻌﻪ ﻭﻛﺎﺿﻴﺘﻬﺎ ﻣﻦ ﺍﻟﺼﺒﺢ ﻟﻠﻴﻞ ﺗﻘﺮﻩ ﺭﺟﻌﻨﺎ ﺍﻛﺜﺮ ﻣﻦ ﺍﻟﺴﺎﺫﺱ ﻋﻠﻤﻲ
‎ﻭﺳﻨﺪ ﻭﻱ ﺍﻟﺜﺎﻟﺚ ﻭﺑﺲ ﺗﺒﺤﻲ ﻭﺗﻜﻮﻝ ﻣﺎﺍﻃﻠﻊ ﻫﺎﻟﺴﻨﻪ
‎ﻭﺑﻴﺖ ﺟﺪﻫﻢ ﺍﻟﻠﻲ ﻳﻮﻣﻴﻪ ﺩﺍﺯﻳﻦ ﻋﻠﻲ ﻟﻮ ﺳﻴﺮﻭﺍﻥ ﻭﺍﺣﻨﺎ ﺍﺳﺎﺳﺎ ﺍﻟﺒﺎﺏ ﻣﻨﻔﺘﺤﻬﻬﺎ ﻻﻥ ﻣﻦ ﺷﺒﺎﻙ ﺍﻟﻬﻮﻝ ﺍﻟﻤﻀﻠﻞ ﺍﺷﻮﻑ ﺳﻴﺎﺭﺗﻬﻢ ﻭﻳﺒﻘﻮﻥ ﻳﺪﻛﻮﻥ ﺣﺪﻣﺎ ﻳﻤﻠﻮﻥ
‎ﺳﻴﻢ ﻛﺎﺭﺕ ﺑﺪﻟﺘﻪ ﺭﻧﺪ
‎ﻭﺍﺭﺗﺎﺣﺖ
‎ﻭﺍﺧﻴﺮﺍ ﺳﻨﺪ ﺗﻌﺮﻓﺖ ﻋﻠﻰ ﺻﺪﻳﻘﻪ ﻣﻘﺮﺑﻪ ﻭﻳﺎﻫﺎ ﺑﺎﻟﻤﺘﻮﺳﻄﻪ ﺍﻟﺠﺪﻳﺪﻩ
‎ﺳﺮﻯ ﻛﺎﻧﺖ ﻣﻦ ﻏﻴﺮ ﻣﻨﻄﻘﻪ ﺑﺲ ﻻﻧﻬﺎ ﻣﺪﺭﺳﻪ ﺟﻴﺪﻩ ﺟﺪﺍ ﺍﻧﺘﻘﻠﺖ ﺍﻟﻬﺎ
‎ﻭﻫﻢ ﻭﺣﻴﺪﻩ ﺍﺧﻮﺗﻬﺎ ﺗﻘﺮﺑﺖ ﻣﻨﻬﺎ ﺑﺼﻮﺭﻩ ﺳﺮﻳﻌﻪ ﻭﻛﺎﻧﺖ ﺍﻟﻴﻮﻡ ﻛﻠﻪ ﺗﺤﺠﻲ ﺑﻴﻬﺎ
‎ﺑﻨﺖ ﺧﺎﻟﻬﺎ ﻟﺴﺮﻯ ﻣﺘﺰﻭﺟﻪ ﺑﺎﻟﻤﻨﻄﻘﻪ ﻣﺎﻟﺘﻨﺎ ﻭﻣﻦ ﻳﺘﺎﺧﺮ ﺧﻄﻬﺎ ﺗﺮﻭﺡ ﻟﺒﻴﺖ ﺑﻨﺖ ﺧﺎﻟﻬﺎ
‎ﺍﺗﻄﻤﻨﺖ ﻣﻦ ﺗﻌﺮﻓﺖ ﻋﻠﻴﻬﺎ ﻭﺍﺭﺗﺎﺣﻴﺖ ﻟﺒﺮﺍﺀﺗﻬﺎ ﻛﺎﻧﺖ ﻭﺟﻬﻴﻦ ﻟﻌﻤﻠﻪ ﻭﺍﺣﺪﻩ ﻫﻲ ﻭﺳﻨﺪ
‎ﺭﻧﺪ - ﺍﻳﺎﻡ ﺗﻤﺮ ﻭﻣﺎﻣﺎ ﺑﻄﻨﻬﺎ ﺗﻜﺒﺮ ﺩﺧﻠﺖ ﺍﻟﺨﺎﻣﺲ ﻭﺍﻧﻲ ﻏﺼﺖ ﻟﺮﺍﺳﻲ ﺑﺎﻟﺪﺭﺍﺳﻪ ﻭﻻﺯﻡ ﺍﻛﻮﻥ ﺍﻟﻤﺘﻤﻴﺰﻩ ﻋﺎﻟﻘﺴﻢ ﻟﺤﺪ ﺷﻬﺮ ﺍﺭﺑﻌﻪ ﺍﻭ ﺍﻛﺜﺮ ﺣﺎﻭﻟﻮ ﻳﺘﻮﺩﺩﻭﻟﻲ ﻭﺍﻧﻲ ﺍﺟﺎﻭﺏ ﺑﺮﺳﻤﻴﻪ ﺍﻧﻲ ﺟﺎﻳﻪ ﺍﺩﺭﺱ ﺑﺴﺲ
‎ﺗﻌﺒﺖ ﺑﺲ ﺗﺴﻮﻩ ﺍﻟﺘﻌﺐ ﻫﺒﻪ ﻭﺟﻬﻴﻨﻪ ﻣﺎﻓﺎﺭﻛﻮﻧﻲ ﻭﻛﻠﻤﻦ ﻗﺴﻢ ﻭﻓﺠﺎﺀﻩ ﻭﺍﻛﻔﻪ ﺩﺍﺍﺣﺠﻲ ﻭﻱ ﺟﻬﻴﻨﻪ ﻟﻜﻮﻧﻬﺎ ﺗﺎﺧﺮﺕ ﻭﺍﺧﺮﺗﻨﺎ ﺩﺍﺍﺭﺯﻝ ﺑﻴﻬﺎ ﺻﻮﺕ ﺷﺎﺏ ﻭﺭﺍﻳﻪ
‎ﻋﻔﻮﺍ ﺑﻴﺶ ﺳﺎﻋﻪ
‎ﻭﺍﻧﻲ ﺑﺨﺒﺼﺘﻲ ﻭﻋﺼﺒﻴﺘﻲ ﺑﺎﻭﻋﺖ ﻟﻠﺴﺎﻋﻪ ﺩﺍﺭﻳﺪ ﺍﺭﺩ ﻋﻠﻴﻪ ﻭﺍﻧﻄﻲ ﺍﻟﺠﻮﺍﺏ ﺑﻤﺠﺮﺩ ﺭﻓﻌﺖ ﺍﻳﺪﻱ ﻭﻛﺸﻔﺖ ﻛﻤﻲ ﻭﻃﻠﻌﺖ ﺍﻟﺴﺎﻋﻪ ﻟﻜﻔﺘﻬﺎ ﺍﻟﺘﻔﺘﺖ ﺭﺍﺳﻦ
‎ﻭﺍﻧﺼﺪﻡ ﺑﺎﻟﺸﺨﺺ ﺍﻟﻮﺍﻛﻒ ﻛﺪﺍﻣﻲ
‎ﻫﻬﻪ ﻭﻟﻴﺪ !!!
‎ﻣﺒﺮﻭﻙ ﺩﻛﺘﻮﺭﻩ
‎ﺗﺴﻠﻢ ﺩﻛﺘﻮﺭ ﺷﻮﻧﻚ
‎ﺯﻳﻦ ﻫﻪ ﻣﻜﺘﻴﻠﻲ ﺑﻴﺶ ﺳﺎﻋﻪ
‎ﺑﺎﻭﻋﺖ ﻟﻠﺴﺎﻋﻪ ﻭﺑﺎﻭﻋﺘﻠﻪ ﺍﺿﺤﻚ ﻋﺮﻓﺖ ﺍﻟﻠﻲ ﺩﺯ ﺍﻟﻬﺪﻳﻪ ﻫﻮ ﺭﻓﻌﺖ ﺗﻚ ﺣﺎﺟﺐ ﻫﻤﺴﺖ
‎ﺷﻜﺮﺍ ﺍﻟﻚ ﺑﺲ ﻣﺎﻛﺎﻥ ﺍﻟﻬﺎ ﺩﺍﻋﻲ
‎ﻻﺷﻮﻥ ﺍﻧﺘﻲ ﻏﺎﻟﻴﻪ ﻋﻠﻴﻨﺎ
‎ﻛﺎﻟﻬﺎ ﻭﺭﻓﻊ ﺣﺎﺟﺒﻪ ﻛﺎﻥ ﻣﺘﺒﺨﺘﺮ ﺑﺼﺪﺭﻳﺘﻪ ﻭﻛﺘﺒﻪ ﺍﻟﺒﻴﺪﻩ ﻧﻀﺎﺭﺗﻪ ﺍﻟﻔﻮﺗﻮ ﻭﺍﻧﺎﻗﻪ ﻟﺒﺴﻪ ﺻﺪﻗﺎ ﺍﻧﻌﺠﺒﺖ ﺑﻲ ﺩﺭﺕ ﻭﺟﻬﻲ ﻭﺗﺬﻛﺮﺕ ﻫﺒﻪ
‎ﻛﺎﻝ
‎ﻣﻤﻜﻦ ﺍﻋﺰﻣﺞ ﻋﻠﻰ ﺷﻲ ﺍﺗﻤﻨﻰ ﻣﺘﺮﺩﻳﻨﻲ
‎ﻛﺎﻥ ﻣﺘﺎﻣﻞ ﻟﻜﻞ ﺗﻔﺼﻴﻞ ﺻﻐﻴﺮ ﻭﺟﺒﻴﺮ ﺑﻴﻪ ﺣﺘﻰ ﺷﺎﻣﻪ ﺣﺎﺟﺒﻲ ﺭﻛﺰ ﻋﻠﻴﻬﺎ ﻣﺒﺘﺴﻢ ﻣﻀﻴﻖ ﻋﻴﻨﻪ ﺍﺑﺘﺴﻤﺖ ﻭﻧﺼﻴﺖ ﻛﻨﺖ ﻣﻤﻨﻮﻧﻪ ﺍﻟﻪ ﺣﺮﻛﺘﻪ ﺣﺒﻴﺘﻬﺎ . ﺑﺲ ﻫﺒﻪ ﻣﺴﺘﺤﻴﻞ ﺍﺧﻮﻧﻬﺎ ﺩﺍﺍﺣﺎﺟﻲ ﻫﻤﺲ ﺧﺎﻑ ﺗﺠﻲ ﻭﺍﻟﻤﺢ ﺷﺨﺺ ﺫﻭ ﻭﺟﻪ ﻣﺎﻟﻮﻑ ﺍﻟﻲ ﻭﺭﺍﻩ ﺑﺒﻌﺪ ﺍﻣﺘﺎﺭ ﺻﺎﻓﻦ ﺑﻌﺼﺒﻴﻪ ﻭﺧﻴﺒﻪ ﺭﻛﺰﺕ
‎ﺳﻴﺮﻭﺍﻥ ﻫﺬﺍ ﻛﻠﻬﺎ ﺍﻟﺘﻤﺖ ﺍﻟﻴﻮﻡ ﻣﺪﻳﺖ ﺭﺍﺳﻲ ﺍﺭﻛﺰ ﺑﻘﻪ ﻋﺎﻛﺪ ﺣﺎﺣﺒﻪ ﺗﻘﺪﻣﺖ ﺧﻄﻮﻩ ﻭﺗﺮﻛﺖ ﻭﻟﻴﺪ ﺭﻓﻊ ﺍﻳﺪﻩ ﺑﻌﻼﻣﻪ . ﺗﻮﻗﻒ ﻭﻫﺰ ﺭﺍﺳﻪ ﺑﺘﻔﻬﻢ ﻭﺩﺍﺭ ﻭﺟﻬﻪ ﻭﻣﺸﻪ ﺳﺮﻳﻊ ﺗﺠﺎﻩ ﺑﺎﺏ ﺍﻟﺠﺎﻣﻌﻪ ﻭﺍﺧﺘﻔﻰ
‎ﺍﻧﺪﺍﺭﻳﺖ ﻫﺒﻪ ﺩﺗﺠﻲ ﻭﻭﻟﻴﺪ ﻣﺴﺘﻤﺮ ﻳﺤﺠﻲ
‎ﺍﻱ ﺷﻲ ﺗﺤﺘﺎﺟﻲ . ﻣﻼﺯﻡ ﻫﺎﻱ ﻛﻠﺸﻲ ﻣﻮﺟﻮﺩ ﻟﺘﺸﺘﺮﻳﻦ ﺷﻲ ﺩﻛﺘﻮﺭ ﻋﻤﺎﺩ ﺍﺳﺎﻟﺘﻬﺎ ﻛﻠﻬﺎ ﻣﻦ ﺑﻴﻦ ﺍﻟﺴﻄﻮﺭ ﺭﻛﺰﻱ ﻋﻠﻴﻪ
‎ﻭﻛﻒ ﺗﻔﻜﻴﺮﻱ ﺑﻠﺤﻈﻪ ﺗﺮﺧﺼﺖ ﺳﺎﻋﻪ ﻭﺻﻮﻝ ﻫﺒﻪ ﺗﺒﺘﺴﻢ ﻭﺗﻘﺮﺑﺖ ﻣﻦ ﻭﻟﻴﺪ
‎ﻫﻼﻭ ﺟﻴﺖ ﻋﻠﻴﻪ
‎ﻛﺎﻝ
‎ﻫﺎ ﻻﻻ ﻣﺮﻳﺖ ﺍﺳﻠﻢ ﺧﻂ ﻣﺎﻋﺪﺝ ﺷﻨﻮ
‎ﻻ ﻋﺪﻱ ﺑﺲ ﻋﺒﺎﻟﻲ ﺑﺎﺑﺎ ﺩﺯﻙ
‎ﻻ
‎ﺗﺮﺧﺼﺖ ﻭﻋﻔﺘﻬﻢ ﺍﻧﺴﻄﺮﺕ ﺟﻬﻴﻨﻪ ﺟﺘﻲ ﺑﺼﻔﻲ ﺣﺠﻴﺘﻠﻬﺎ ﻛﻠﺸﻲ ﻭﺍﺗﻠﻔﺖ ﺍﻟﻜﻪ ﻭﻟﻴﺪ ﻳﺒﺎﻭﻋﻠﻲ ﺑﻠﻬﻔﺘﻪ ﺍﻟﻤﻌﺘﺎﺩﻩ ﺟﻬﻴﻨﻪ ﻛﺎﻟﺖ
‎ﻋﺰﺯﻩ ﻫﺴﻪ ﻋﺒﺎﻟﻪ ﻋﺪﺝ ﺷﻲ ﻭﻳﺎﻩ
‎ﻭﻳﻄﺒﻪ ﻃﻮﺏ
‎ﻻ ﻭﻟﺞ ﻋﻮﺑﻪ ﻟﻌﺪ ﺷﻮﻥ ﺗﺒﺮﺩﻳﻦ ﻛﻠﺒﺞ ﺑﻌﻤﺘﺞ ﻏﻴﺮ ﻋﻦ ﻃﺮﻳﻘﻪ
‎ﺑﻘﻴﺖ ﺳﺎﻛﺘﻪ ﺻﺪﻳﻘﺎﺗﻲ ﻣﺮﺍﻳﺘﻲ ﺯﺍﺩﺕ ﻋﺪﻫﻢ ﻭﻋﺪﻱ ﺣﺐ ﺍﻻﻧﺘﻘﺎﻡ
‎ﺭﺟﻌﺖ ﻟﻠﺒﻴﺖ ﻟﻜﻴﺖ ﺑﻴﺒﻲ ﺍﻡ ﺍﺑﻮﻳﻪ ﻛﺎﻋﺪﻩ ﻭﻋﻤﺘﻲ ﺍﻡ ﻋﻠﻲ ﺳﻨﺪ ﺩﺗﻘﺪﻡ ﻋﺼﻴﺮ ﺑﺮﺗﻘﺎﻝ ﻃﺒﻴﺖ ﺑﺜﻜﻞ
‎ﺍﻟﺴﻼﻡ ﻋﻠﻴﻜﻢ
‎ﺟﺎﻭﺑﻮ ﺑﻠﻬﻔﻪ ﻫﻠﻮ ﻣﺎﻣﺎ ﻫﻠﻮ ﺭﻧﺪ
‎ﺑﻴﺒﻲ ﻣﺸﺘﺎﻗﻴﺘﻴﻠﻲ ﻣﺘﻜﻮﻟﻴﻦ ﺑﺒﻴﺘﻲ
‎ﻣﺮﺩﻳﺖ ﻋﻠﻴﻬﺎ ﺑﻮﺳﺘﻬﻢ ﻭﻃﺒﻴﺖ ﺑﺪﻟﺖ ﻭﻃﻠﻌﺖ ﺍﻧﺘﻈﺮ ﺟﻴﻪ ﻣﺎﻣﺎ ﺍﺑﺎﻭﻉ ﻋﻤﺘﻲ ﺍﻡ ﻋﻠﻲ ﺗﺘﺎﻣﻞ ﺳﻨﺪ ﻭﻫﻲ ﺗﺤﻀﺮ ﺑﺎﻟﺰﻻﻃﻪ ﻭﺍﻟﻐﺪﻩ ﻭﺍﻟﻠﺒﻦ ﻭﺑﻴﺒﻲ ﺗﺴﻮﻟﻒ ﻭﻱ ﺑﻴﺒﻲ ﺍﻡ ﺍﻣﻲ ﻟﺰﻣﺖ ﺍﻟﻔﻮﻥ ﺩﻛﻴﺖ ﻟﻤﺎﻣﺎ ﻣﻐﻠﻖ ﺩﻛﻴﺖ ﻟﻌﻤﻮ
‎ﺍﻟﻮ ﻋﻤﻮ
‎ﻫﺎ ﻋﻤﻮ ﺷﺒﻴﺞ
‎ﻣﺎﻣﺎ ﻳﻤﻚ
‎ﻻ ﺑﺎﻟﻤﻜﺘﺐ ﺷﻜﻮ
‎ﺑﻴﺖ ﺟﺪﻭ ﺟﺎﻳﻴﻦ ﻭﺷﻜﻠﻬﻢ ﺑﺎﻗﻴﻦ ﻋﻠﻰ ﻏﺪﻩ
‎ﺍﻭﻫﻮ ﻫﺎﻱ ﺗﺮﻭﺡ ﺗﻨﻐﺚ ﻫﻲ ﻣﻨﺎ ﺍﻟﺼﺒﺢ ﺗﺨﺮﺑﻄﺖ
‎ﻣﺎﺩﺭﻱ ﻭﺍﻟﻠﻪ ﺷﺴﻮﻱ
‎ﻣﺎﺑﻴﻬﻢ ﻣﺠﺎﻝ ﻳﺮﺣﻮﻥ ﻗﺒﻞ ﺍﻝ٢
‎ﺷﻜﻠﻬﻢ ﺑﺎﻗﻴﻦ ﻟﻠﻐﺪﻩ ﻻﻥ ﻳﺮﺩﻭﻥ ﻳﺼﺎﻟﺤﻮﻧﺎ
‎ﻣﺎﺷﻲ ﻫﻠﻴﻬﺎ ﻋﻠﻴﻪ
‎ﻏﺎﺩﻩ - ﺻﺎﺭﺕ ﺏ٢ ﻓﻮﻧﻲ ﺷﺤﻨﻪ ﺧﻠﺺ ﺑﻄﺎﺭﻳﺘﻪ ﻓﺪ ﻧﻮﺏ ﺻﺎﺭﺕ ﺩﺍﺍﻟﻤﻠﻢ ﻏﺮﺍﺿﻲ ﻃﻠﻊ ﺍﻟﻤﺪﻳﺮ ﺑﺎﻭﻋﻠﻲ ﻛﺎﻝ
‎ﻏﺎﺩﻩ ﺍﻧﻲ ﺍﻭﺻﻠﺞ
‎ﻻﻟﻴﺶ ﺍﻧﻲ ﺍﺭﻭﺡ ﻣﺎﻟﻬﺎ ﺩﺍﻋﻲ . ﻛﻠﺘﻬﺎ ﻭﺍﻧﻲ ﻣﻨﺼﻴﻪ ﺍﻟﻢ ﻏﺮﺍﺿﻲ
‎ﻻﻻ ﺍﻧﻲ ﺍﻭﺻﻠﺞ ﻛﺘﻠﺞ ﻻﻥ ﻭﺟﻬﺞ ﻛﻠﺶ ﺍﺻﻔﺮ ﺧﺎﻑ ﺗﺘﺨﺮﺑﻄﻴﻦ ﺑﺎﻟﻄﺮﻳﻖ ﻭﺍﻧﺘﻲ ﺑﺎﻟﺴﻴﺎﺭﻩ ﺷﻲ ﺛﺎﻧﻲ ﺍﻣﻲ ﺗﺮﻳﺪ ﺗﺸﻮﻓﺞ ﻳﻌﻨﻲ ﺍﺫﺍ ﻣﺎﺑﻴﻬﺎ ﺍﺣﺮﺍﺝ
‎ﺳﻜﺘﺖ ﻭﻏﻤﻀﺖ ﻋﻴﻨﻲ ﺩﺭﺕ ﻭﺟﻬﻲ ﻋﻨﻪ ﻫﺰﻳﺖ ﺭﺍﺳﻲ ﻫﻠﻪ ﺑﻴﻬﺎ
‎ﻧﻮﺑﺎﺕ ﺍﺣﺲ ﻣﺨﺎﺻﺮﻧﻲ ﻣﺪﺭﻱ ﺍﻧﻲ ﻣﻨﺘﻌﻠﻤﻪ ﻋﻠﻰ ﻫﺎﻟﺪﻻﻝ ﻣﺎﺍﺩﺭﻱ ﺍﺧﺘﺘﻨﻚ ﺣﻴﻞ ﻃﻠﻌﺖ ﻭﺍﻋﺪﻝ ﺑﻬﺪﻭﻣﻲ ﻛﺪﺍﻣﻪ ﺍﻟﻤﻮﺿﻔﻴﻦ ﻫﺎﻟﻔﺘﺮﻩ ﺍﻧﺘﺒﻬﻮ ﻋﻠﻴﻨﺎ ﺑﺎﻟﺬﺍﺕ ﺍﻟﺒﻨﺎﺕ ﻣﻨﻬﻢ ﺍﻧﺘﺒﻬﻮ ﺑﻜﺜﺮﻩ ﺩﺧﻼﺗﻲ ﺍﻫﺘﻤﺎﻣﻪ ﻋﻴﻮﻧﻪ ﺍﻟﻼﺣﻜﻪ ﺟﺴﻤﻲ ﻭﺑﻄﻨﻲ ﻋﺮﻓﻮ ﺑﻴﻪ ﺣﺎﻣﻞ ﻭﻟﺤﺪ ﺍﻻﻥ ﻣﺒﻌﺮﻓﻮﻥ ﺍﻧﻪ ﻣﺘﺰﻭﺟﻨﻲ ﻭﻣﺎﺭﻳﺪ ﺍﺣﺪ ﻳﻌﺮﻑ ﺑﻴﻮﻡ ﻭﻟﻴﻠﻪ ﻳﺼﻴﺮ ﺍﻟﺰﻭﺍﺝ ﺧﺎﻑ ﻳﻔﺘﻬﻤﻮﻥ ﺍﻟﺼﺎﺭ ﻭﺍﻧﻲ ﺍﺧﺎﻑ ﺍﻧﺮﻋﺐ ﻣﻦ ﺍﻟﺤﺠﻲ
‎ﺻﻌﺪﺕ ﺑﺎﻟﺴﻴﺎﺭﻩ ﻭﻟﺰﻡ ﻓﻮﻧﻪ ﻳﺘﺼﻞ
‎ﺍﻟﻮ ﻫﺎ ﺍﻣﻲ ﺍﻱ ﺭﻭﺣﻲ ﻭﻱ ﺍﻟﺴﺎﻳﻖ ﺍﻣﻢ . ﺍﻱ ﺍﻟﺤﻤﺪ ﻟﻠﻪ
‎ﻛﺎﻟﻬﺎ ﻭﺑﺎﻭﻋﻠﻲ ﺻﻔﺢ ﻣﺒﺘﺴﻢ ﻛﺎﻝ
‎ﻗﺒﻞ ﺳﺒﻮﻋﻴﻦ ﺣﺴﻴﺖ ﺑﺤﺮﻛﺘﻪ ﺟﻮﻩ ﺍﻳﺪﻱ ﺍﻱ ﺍﻧﺸﺎﺀ ﺍﻟﻠﻪ ﺗﻌﺎﻱ ﻭﺷﻮﻓﻲ ﺍﻱ ﺍﻱ ﻛﺘﻠﻬﺎ ﺍﻟﻠﻪ ﻭﻳﺎﺝ
‎ﺳﺪﻩ ﻭﺍﺑﺘﺴﻢ
‎ﻫﻤﺲ ﻭﻋﻴﻮﻧﻪ ﻋﺎﻟﻄﺮﻳﻖ ﻳﻔﺮ ﺍﻟﺴﻴﺎﺭﻩ
‎ﺗﺮﻳﺪ ﺗﺤﺲ ﺑﺎﻟﺤﺮﻛﺎﺕ
‎ﻧﺼﻴﺖ ﺭﺍﺳﻲ ﻭﺍﻳﺪﻱ ﺑﺤﻀﻨﻲ ﻟﺤﺪ ﺍﻻﻥ ﻫﺎﺟﺲ ﺍﻻﺭﺗﺒﺎﻙ ﻳﻠﺰﻣﻨﻲ ﻣﻦ ﺍﻛﻌﺪ ﺑﺼﻔﻪ ﻭﻛﻒ ﻳﻢ ﻣﻄﻌﻢ
‎ﻫﺎﻱ ﺷﻨﻮ
‎ﺩﻗﻴﻘﻪ ﺑﺲ ﺍﺟﻴﺐ ﺍﻟﻐﺪﻩ ﻣﻮ ﻣﻮﺻﻲ ﻣﻦ ﺍﻟﺼﺒﺢ
‎ﺍﻟﻤﻦ
‎ﻣﻮ ﺍﻣﻲ ﺗﺘﻐﺪﻩ ﻋﺪﻛﻢ
‎ﺍﺩﺭﻱ ﻭﺗﺠﻴﺐ ﻏﺪﺍﻛﻢ ﻭﺗﺠﻲ ﻣﻮ ﻣﺴﻮﻳﻪ ﻓﺎﺻﻮﻟﻴﺎ ﺧﻀﺮﻩ ﻛﻠﺘﻬﺎ ﻭﻓﺎﻛﻪ ﻋﻴﻨﻲ ﺍﺑﺘﺴﻢ ﺗﻚ ﺧﺪ ﻛﺎﻝ
‎ﺷﻮﻥ ﺻﺎﻳﺮﻩ ﻫﺎﻱ ﻓﺎﺻﻮﻟﻴﺎ ﺧﻀﺮﻩ ﺍﺗﻲ ﺍﻋﺮﻑ ﻟﻮﻧﻬﺎ ﺍﺣﻤﺮ
‎ﺩﺭﺕ ﻭﺟﻬﻲ ﻭﺟﺮﻳﺖ ﻧﻔﺲ ﺩﻗﺎﻳﻖ ﻭﺍﺟﻪ ﺍﻟﻜﺮﺻﻮﻥ ﻟﻠﻜﺮ ﻭﺑﻴﺪﻩ ﺻﻴﻨﻴﻪ ﺟﺒﻴﺮﻩ ﻣﺴﻠﻔﻨﻪ
‎ﺗﻨﻬﺪﺕ ﺑﺘﻌﺐ ﺍﻋﺼﺎﺑﻲ ﺑﺪﺕ ﺗﺮﺟﻔﻒ
‎ﻟﻴﺶ ﻋﺼﺒﺘﻲ ﺳﺎﻝ ﻭﻋﻴﻮﻧﻲ ﻭﺭﺍﻩ ﻳﺮﺟﻊ ﺑﺎﻟﺴﻴﺎﺭﻩ
‎ﻻﻥ ﺍﺗﺨﺒﻞ ﻣﻦ ﺗﺼﺮﻑ ﻋﻠﻴﻪ
‎ﻳﺎﺑﻪ ﺟﺎﻳﻴﻦ ﻧﺘﻐﺪﻩ ﻋﺪﻛﻢ ﻣﻴﺼﻴﺮ
‎ﻻ ﻣﻴﺼﻴﺮ
‎ﻭﺍﺫﺍ ﻛﺘﻠﺞ ﺍﻟﻴﻮﻡ ﺍﻟﺴﻨﻪ ﻣﺎﻝ ﻓﻬﺪ
‎ﺻﻔﻨﺖ ﻗﺸﻌﺮ ﺑﺪﻧﻲ ﺑﺎﻭﻋﺘﻠﻪ ﻛﺮﻫﺖ ﻧﻔﺴﻲ ﻫﻮ ﺗﺬﻛﺮ ﻭﺍﻧﻲ ﻧﺎﺳﻴﻪ ﺑﻘﻴﺖ ﺍﺑﺎﻭﻋﻠﻪ ﻫﻮ ﻋﻴﻮﻧﻪ ﻋﺎﻟﻄﺮﻳﻖ
‎ﻛﺎﻝ
‎ﻋﺎﺩﻩ ﻻ ﺯ ﻣﻬﺎ ﻣﻦ ﻭﻓﺎﺗﻪ ﺑﻴﻮﻡ ﺍﻟﺴﻨﻪ ﻣﺎﻟﺘﻬﺎ ﺍﺳﻮﻱ ﻏﺪﻩ ﻋﻠﻰ ﺭﻭﺣﻪ ﺑﺎﻃﻴﺐ ﺍﻛﻠﻪ ﺟﺎﻥ ﻳﺤﺒﻬﺎ
‎ﻟﺤﻢ ﻓﺨﻢ ﻣﺸﻮﻱ ﻋﺎﻟﺘﻤﻦ ﺍﺣﻤﺮ ﻭﺍﺻﻔﺮ ﻭﻭﻳﺎﻩ ﺑﻴﺾ ﻣﺴﺎﻭﻙ ﻣﻜﻠﻪ ﻛﻠﺘﻬﺎ ﻭﺍﺑﺎﻭﻋﻠﻪ . ﺍﺑﺘﺴﻢ ﺑﺎﻟﻢ ﻭﻋﻴﻮﻧﻪ ﻋﺎﻟﻄﺮﻳﻖ ﻛﺎﻝ ﺑﺼﻮﺕ ﻧﺎﺻﻲ
‎ﺍﻣﻤﻢ ﺑﺎﻟﻀﺒﻂ ﻭﻟﺒﻦ ﻣﺪﺧﻦ ﻭﻳﺎ
‎ﺍﻱ ﺍﻱ ﺻﺢ
‎ﺭﺟﻊ ﻃﺒﻚ ﻛﺎﻝ ﺩﻗﻴﻘﻪ
‎ﻧﺰﻝ ﺷﻮﻱ ﻭﺍﺟﻪ ﺑﻴﺪﻩ ﻋﻼﻛﺘﻴﻦ ﺟﻤﺪﺕ ﺑﻤﻜﺎﻧﻲ ﻭﺭﻳﺤﻪ ﺍﻟﺴﻴﺎﺭﻩ ﺻﺎﺭﺕ ﺍﻛﻞ ﻣﺘﺖ ﺟﻮﻉ ﻃﻠﻌﻨﺎ ﻭﺍﻟﻄﺮﻳﻖ ﺍﺯﺩﺣﺎﻡ ﺭﺟﻊ ﺩﻙ ﻓﻮﻧﻪ
‎ﻫﺎ ﻋﻴﻨﻲ ﻛﺎﻟﻬﺎ ﻭﺑﺎﻭﻋﻠﻲ ﺍﻱ ﺍﻱ ﺟﻴﺖ ﻫﺴﻪ ﺧﻠﻲ ﺍﻟﺠﺎﻱ ﻋﺎﻟﻨﺎﺭ ﺍﺑﺘﺴﻢ ﻭﻫﻮ ﻳﺤﺠﻴﻬﺎ ﻛﻤﻞ ﻋﻤﻲ ﻛﻮﻟﻲ ﻟﺴﻨﺪ ﻫﺎﻱ ﻛﻠﺸﻲ ﻣﺘﻌﺮﻓﻴﻦ ﺗﺴﻮﻳﻦ ﺑﺲ ﺗﻘﺮﻳﻦ ﻫﻬﻪ ﺩﻳﻠﻪ ﻋﻤﻮ ﻫﺎﻱ ﺑﺎﻟﻄﺮﻳﻖ ﺍﻧﻲ
‎ﺳﺪﻩ ﻭﺑﺎﻭﻋﻠﻲ ﻭﺩﺍﺭ ﻭﺟﻬﻪ ﺟﺎﻧﺖ ﻧﻀﺮﺍﺗﻪ ﻫﺎﻳﻔﻪ ﻣﻦ ﺭﺩﻩ ﻓﻌﻠﻲ ﻭﺍﻧﻲ ﻟﻠﻤﺮﻩ ﺍﻻﻟﻒ ﻣﻤﺴﺘﻐﺮﺑﻪ
‎ﺭﻧﺪ ﺻﺎﺭﺕ ﻭﻳﺎﻩ ﻭﻳﺎﻩ ﻭﺍﻧﻲ ﺍﺿﻮﺝ ﻣﻦ ﻫﺎﻟﺤﺎﻟﻪ ﺍﺿﻮﺝ ﺍﺳﺘﻐﻠﻪ ﻭﺍﺿﻮﺝ ﻳﺎﺧﺬ ﻣﻴﺎﻧﻪ ﺍﻛﺜﺮ ﻳﻤﻜﻦ ﺧﺎﻳﻔﻪ ﻻ ﺍﺗﻌﻠﻖ ﺑﻲ ﻭﺍﻋﺘﻤﺪ ﻋﻠﻴﻪ ﻭﻓﺠﺎﻩ ﻣﺎﻟﻜﺎﻩ
‎ﻳﻤﻜﻦ ﻫﻴﺞ
‎ﻭﻛﻔﻨﺎ ﺑﺎﻻﺯﺩﺣﺎﻡ ﺧﺎﺑﺮﺕ ﺍﻣﻪ ﻛﺎﻟﻠﻬﺎ
‎ﺍﺯﺩﺣﺎﻡ ﻳﻤﺎﻱ
‎ﺑﻘﻴﺖ ﺳﺎﻛﺘﻪ ﺑﻄﻨﻲ ﻛﺎﻣﺖ ﺗﻘﺮﻗﺮ ﺍﻟﺘﻔﺖ ﻋﻠﻴﻪ ﻣﺘﻔﺎﺟﺎ
‎ﻋﻘﺠﺖ ﻭﺟﻬﻲ ﻭﺍﻳﺪﻱ ﻋﻠﻰ ﺑﻄﻨﻲ
‎ﺟﻮﻋﺎﻧﻪ
‎ﻫﻪ ﻫﺴﻪ ﺣﻨﻮﺻﻞ
‎ﺑﻘﻪ ﻳﺒﺎﻭﻉ ﺑﻌﻴﻨﻲ ﺣﺪﻣﺎ ﺩﻛﻮ ﻫﻮﺭﻥ ﺍﻟﻮﺭﺍﻧﻪ ﻳﻌﻠﻦ ﺍﻧﻔﺘﺎﺡ ﺍﻟﻄﺮﻳﻖ ﻭﻃﻠﻊ ﻭﺍﺧﻴﺮﺍ ﻃﺒﻴﻨﺎ ﻣﻨﻄﻘﺘﻨﺎ ﻭﻓﺮﻋﻨﺎ ﺷﻔﺖ ﺳﻴﺎﺭﻩ ﻋﺎﻟﻴﻪ ﻃﺎﺑﻜﻪ ﺑﺎﻟﺒﺎﺏ ﺑﺎﻭﻋﻠﻲ ﻛﺎﻝ
‎ﺑﻴﺖ ﺟﺪ ﺭﻧﺪ ﻫﻨﺎ
‎ﺷﻬﻜﺖ
‎ﻛﺎﻝ ﻋﻠﻜﻴﻔﻔﺞ ﺍﻫﺪﻱ
‎ﺷﻌﺪﻫﻢ ﺟﺎﻳﻴﻦ
‎ﻋﻠﻜﻴﻔﺞ ﺍﻫﺪﻱ ﻭﺗﺼﺮﻓﻲ ﺑﻠﺒﺎﻗﻪ ﺍﻣﻲ ﺟﻮﻩ ﺗﻠﻜﻴﻬﺎ ﺳﻮﺕ ﺍﻟﻼﺯﻡ
‎ﻳﺤﺠﻲ ﻭﻳﻬﺰ ﺑﺮﺍﺳﻪ ﺑﺘﻔﻬﻢ
‎ﺍﺳﺘﺎﺫ ﺍﺍﻧﻲ ﻣﺎﺭﻳﺪﻫﻢ ﻳﻔﻮﺗﻮﻥ ﺑﻴﺘﻲ ﺍﻟﻮﺵ ﻣﻜﺎﻟﺖ ﺭﻧﺪ،ﺍﻟﻮﺵ ﺧﺎﺑﺮﺗﻚ ﺍﻟﻮﺵ ﺭﺍﻛﻨﺘﻨﻲ ﻫﺬﺍ ﻣﻮﺣﺠﻲ
‎ﺗﻠﻔﻮﻧﺞ ﻣﻐﻠﻖ ﻏﺎﺩﻩ
‎ﺟﺮﻳﺖ ﻧﻔﺲ ﺑﻄﺎﺭﻳﺘﻪ ﺳﻜﻂ
‎ﻣﻴﻬﻢ ﻫﺴﻪ ﺍﻧﺰﻟﻲ ﻭﺍﺗﺼﺮﻓﻲ ﺑﻠﺒﺎﻗﻪ ﻭﺍﻧﻲ ﻭﻳﺎﺝ ﻟﺨﺎﻃﺮ ﺍﻟﺒﻨﺎﺕ ﻭﻛﺴﺮﺗﻬﻢ
‎ﺍﻭﻙ
‎ﻟﺘﺨﻠﻴﻬﻢ ﻳﻜﻮﻟﻮﻥ ﻋﺎﻳﺸﻴﻦ ﻋﻴﺸﻪ ﺻﻌﺒﻪ ﺣﻞ ﺗﻮﺻﻞ ﺻﻮﺭﻩ ﺣﻠﻮﻩ
‎ﻭﺷﺒﻴﻬﺎ ﻋﻴﺸﺘﻲ ﻭﻳﺎﻫﻢ ﺍﻧﻲ ﻓﻌﻼ ﻣﻨﻘﺼﺮﻩ
‎ﻻ ﺣﺸﺎﺝ ﻛﺎﻟﻬﺎ ﺑﺜﻘﻪ ﻭﻋﻴﻮﻧﻪ ﻣﺘﻔﻬﻤﻪ ﻛﺎﻝ ﻭﺭﻓﻊ ﺣﻮﺍﺟﺒﻪ ﻗﺪﻡ ﺭﺍﺳﻪ
‎ﻫﻤﺲ
‎ﻟﺨﺎﻃﺮ ﺭﻧﺪ ﻋﺪﻫﺎ ﻋﻨﻔﻮﺍﻥ ﻭﻏﺮﻭﺭ ﻟﺨﺎﻃﺮ ﻏﺮﻭﺭﻫﺎ ﺧﻠﻴﻬﺎ ﺗﺘﺒﺎﻫﺎ ﺑﺒﺐ
‎ﻭﺳﻜﺖ
‎ﻓﻬﻤﺖ ﺗﺘﺒﺎﻫﺎ ﺑﻴﻚ
‎ﻭﺑﻴﺞ ﻫﻢ ﻭﺍﻧﻲ ﺷﻨﻮ ﺗﺘﺒﺎﻫﺎ ﺑﻴﻪ ﺑﻌﺪ ﻛﻢ ﺳﻨﻪ ﺍﻧﻲ ﺍﺗﺒﺎﻫﺎ ﺍﺑﻨﻲ ﺍﻭ ﺑﻨﺘﻲ ﺍﺧﻮﻫﺎ ﻳﺼﻴﺮ
‎ﻫﺰﻳﺖ ﺭﺍﺳﻲ ﻣﻦ ﻻﺟﺎﺭﻩ
‎ﻧﺰﻟﺖ ﺑﻬﺪﻭﺀ ﻭﻧﺰﻝ ﻗﺘﺢ ﺑﺎﺏ ﺍﻟﺒﻴﺖ ﺛﻨﻴﻨﻬﻢ ﻭﻓﻮﺕ ﺍﻟﺴﻴﺎﺭﻩ ﻧﺰﻉ ﺳﺖ ﺗﻪ ﻛﺎﻝ ﺑﻌﺪﻭﺀ ﻭﻋﻴﻮﻧﻪ ﻋﺎﻟﺸﺒﺎﻙ ﻣﺎﻝ ﻧﻄﺒﺦ
‎ﻫﺎﺝ ﺍﻟﺴﺘﺮﻩ ﺑﻠﻪ ﺍﻣﺮ ﺩﺍﻧﺰﻝ ﺍﻟﺼﻴﻨﻴﻪ
‎ﺍﻭﻙ
‎ﻓﺘﺢ ﺍﻟﺒﺎﺏ ﺍﻟﻮﺭﻩ ﻭﺍﻧﻲ ﺍﺑﺎﻭﻉ ﻟﺘﻘﺎﺳﻴﻢ ﺿﻬﺮﻩ ﻭﺍﺗﺬﻛﺮ
‎ﺣﻀﻨﻴﻨﻲ ﺣﺘﻰ ﺍﺭﺗﺎﺡ ﻭﺍﺑﺘﻌﺪ ﻋﻨﺞ ﺑﺲ ﺣﻀﻨﻴﻨﻲ .
‎ﻏﻤﻀﺖ ﻋﻴﻨﻲ ﻭﺩﺭﺕ ﻭﺟﻬﻲ ﻧﺰﻝ ﺍﻟﺼﻴﻨﻴﻪ ﻭﺳﺪ ﺍﻟﺒﺎﺏ ﺑﺮﺟﻠﻪ ﻭﻓﺎﺕ ﻛﺪﺍﻣﻲ ﻛﺎﻝ ﺑﻠﻴﻮﻧﻪ ﺑﻜﻼﻣﻪ
‎ﻳﺎ ﺍﻟﻠﻪ ﻭﻳﻨﺞ ﻳﺎﺑﻪ ﺭﻧﺪﺩﺩ ﺳﻨﺪ ﻭﻳﻨﻜﻢ
‎ﺟﺘﻲ ﺭﻧﺪ ﺗﺮﻛﺾ ﻫﻠﻮ ﻋﻤﻮ ﻫﺎﻱ ﺷﻨﻮ ﻣﺎﻣﺎ ﻣﺴﻮﻳﻪ
‎ﻣﻴﺨﺎﻟﻒ ﻋﻤﻮ ﻫﺎﻱ ﻋﻠﻰ ﺭﻭﺡ ﺧﺎﻟﺞ
‎ﺍﻟﻴﻮﻡ ﺳﻨﻮﻳﺘﻪ ﻫﺪﻳﺘﻠﻪ ﺳﺒﺤﻪ ﻭﻗﺮﺍﻥ
‎ﻋﻔﻴﻪ ﻳﻠﻪ ﻳﻠﻪ ﺣﻀﺮﻱ ﺍﻟﺴﻔﺮﻩ ﺗﺮﻩ ﺍﻣﺞ ﺟﻮﻋﺎﻧﻪ
‎ﻏﺎﺩﻩ - ﻃﺒﻴﺖ ﻭﺭﺍﻩ ﺑﻴﺪﻱ ﺍﻟﺴﺘﺮﻩ ﻭﺍﻛﻴﺎﺱ ﺍﻟﻠﺒﻦ ﻭﺍﻟﻄﺮﺷﻲ ﻛﻠﺒﻲ ﻳﺪﻙ ﺳﺮﻳﻊ ﻟﺸﻮﻓﺘﻬﻢ ﺧﺎﻳﻔﻪ ﺗﻠﻔﺘﺖ ﺑﺲ ﺭﻧﺪ ﻭﺳﻨﺪ ﺑﺎﻟﻤﻄﺒﺦ ﺩﻳﺤﻀﺮﻭﻥ ﻭﺛﻨﻴﻨﻬﻢ ﻳﺒﺘﺴﻤﻮﻥ
‎ﺑﺎﻭﻋﻠﻲ ﻛﺎﻝ
‎ﺣﻄﺐ ﺍﻏﺴﻞ ﺍﻳﺪﻱ ﻛﻠﻬﺎ ﺣﺒﺮ
‎ﺍﻭﻙ
‎ﻛﻠﺘﻬﺎ ﻭﻧﺼﻴﺖ ﺭﻧﺪ ﺷﺎﻭﺭﺗﻨﻲ
‎ﻣﺎﻣﺎ ﻓﻮﺗﻲ ﺳﻠﻤﻲ ﻭﻱ ﻋﻤﻮ
‎ﺧﺰﺭﺗﻬﺎ ﻧﺼﺖ ﺭﺍﺳﻬﺎ ﻛﺎﻟﺖ ﻛﻴﻔﺞ
‎ﻃﺒﻴﺖ ﺑﺜﻜﻞ ﺻﺎﺭ ﺑﻮﺟﻬﻲ ﺍﻟﻤﺪﻳﺮ ﻳﻨﺸﻒ ﻭﻳﻌﺪﻝ ﺑﺸﻌﺮﻩ ﻛﺪﺍﻡ ﺍﻟﻤﺮﺍﻳﻪ ﺍﺷﺮﻟﻲ ﺑﺮﻛﺒﺘﻪ ﻋﺎﻟﺼﺎﻟﻪ ﻳﻠﻪ ﻓﻮﺗﻲ
‎ﻓﻜﻴﺖ ﺍﻟﺒﺎﺏ ﻭﻫﻮ ﻭﺭﺍﻳﻪ ﻛﻠﺖ ﺑﺮﺟﻔﻪ ﺻﻮﺗﻲ
‎ﺍﻟﺴﻼﻡ ﻋﻠﻴﻜﻢ
‎ﺑﺎﻭﻋﺖ ﻟﻠﺤﺠﻴﻪ ﻭﻛﻔﺖ ﻣﺼﺪﻭﻣﻪ ﻫﻲ ﻭﺍﻡ ﻋﻠﻲ ﺗﻘﺪﻣﺖ ﻭﻭﺭﺟﻌﺖ ﻭﻛﻔﺖ ﺍﻟﺘﻔﺘﺖ ﻋﻠﻰ ﺍﻡ ﺣﻴﺪﺭ ﺍﻟﺘﺒﺘﺴﻢ ﺭﺗﻘﺪﻣﺘﻠﻲ ﺷﺎﻳﻠﻪ ﺍﻳﺪﻫﺎ ﺣﻀﻨﺘﻨﻲ ﻭﺗﺒﻮﺱ ﺑﻴﻪ ﻭﺗﺒﺎﻭﻉ ﺑﻌﻴﻨﻲ ﻭﻧﺼﺖ ﻋﻠﻰ ﺑﻄﻨﻲ ﺑﺎﺳﺘﻬﺎ
‎ﻛﺎﻟﺖ
‎ﻟﻚ ﻳﻮﺑﺮ ﺍﻟﺒﻲ ﺍﻟﻜﺒﺮﺍﻥ ﺍﻧﺎ
‎ﺍﺑﺘﺴﻤﺖ ﻭﺗﻘﺪﻣﺖ ﺑﺜﻜﻞ ﺑﻮﺳﺖ ﺍﻟﺤﺠﻴﻪ ﻭﺍﻡ ﻋﻠﻲ ﺑﺜﻜﻞ
‎ﺷﻔﺖ ﺍﻟﺪﻳﺮ ﺑﺎﺱ ﺍﻳﺪ ﺍﻣﻪ ﻭﺭﺍﺳﻬﺎ ﻛﺎﻟﺖ
‎ﺗﻌﻴﺶ ﻭﺗﻔﺘﻜﺮ ﺣﺒﻴﺒﻲ
‎ﻳﺨﻠﻴﺞ ﻓﻮﻙ ﺭﺍﺳﻨﺎ ﺍﻣﻲ ﺑﺎﻭﻉ ﻟﻠﺨﻄﺎﺭ ﻫﻤﺲ
‎ﺍﻟﺴﻼﻡ ﻋﻠﻴﻜﻢ
‎ﺍﻟﺘﻔﺘﺖ ﻋﻠﻴﻪ ﺍﻟﻨﻔﺮﻭﺽ ﺑﻬﺎﻟﺤﺎﻟﻪ ﺍﻗﺪﻣﻪ ﺷﺮﺍﺡ ﺍﻛﻮﻝ ﺍﺣﻤﻢ
‎ﺍﻡ ﺍﺻﻴﻞ ﺑﻴﺒﻴﻪ ﺍﻟﺠﻬﺎﻝ ﻛﻠﺘﻬﺎ ﻭﺍﻧﻲ ﺍﻋﺮﻓﻪ ﻋﻠﻴﻬﺎ ﻭﺍﻡ ﻋﻠﻲ ﻋﻤﺘﻬﻢ
‎ﻛﺎﻝ
‎ﻳﺎﺍﻫﻼ ﻭﺳﻬﻼ ﻧﻮﺭﺗﻮﻧﺎ ﺧﻮﺵ ﻳﻮﻡ ﺷﺮﻓﺘﻮ
‎ﺑﺎﻭﻋﺘﻠﻲ ﺍﻟﺤﺠﻴﻪ ﻋﺮﻓﺘﻪ ﺑﺲ ﻻﺯﻡ ﺍﺭﺩ ﺍﻟﺘﻌﺎﺭﻑ ﺑﺎﻭﻋﺘﻠﻪ ﺑﺜﻜﻞ ﻫﻤﺴﺖ
‎ﺣﻴﺪﺭ ﺯﻭﺟﻲ
‎ﺍﻟﺤﺠﻴﻪ ﻛﺎﻟﺖ
‎ﺗﻌﺮﻓﻨﺎ ﻋﻠﻰ ﺍﻣﻪ ﺍﻫﻼ ﺑﻴﻚ
‎ﺟﺎﻧﺖ ﻋﻴﻮﻧﻬﺎ ﺗﺒﺎﻭﻉ ﺑﺎﻟﻢ ﻭﺣﺴﺮﻩ ﻋﻠﻰ ﺣﻴﺪﺭ ﺍﻟﻜﻒ ﺍﻳﺪﻩ ﻛﺎﻝ
‎ﺣﺮﻭﺡ ﺍﺳﺎﻋﺪ ﺍﻟﺒﻨﺎﺕ ﺍﻧﺘﻲ ﺍﺭﺗﺎﺧﻲ ﺷﻮﻱ ﻟﻴﺶ ﻭﺍﻛﻔﻪ
‎ﺑﻘﻴﺖ ﺍﺑﺎﻭﻋﻠﻪ ﻭﻛﻌﺪﺕ ﻳﻢ ﺍﻣﻪ ﻭﻫﻲ ﺗﺘﻠﻤﺲ ﺑﺒﻄﻨﻲ ﻛﺎﻟﺖ ﺍﻡ ﻋﻠﻲ ﻭﻫﻲ ﺻﺎﻓﻨﻪ ﻋﻠﻰ ﺣﻴﺪﺭ ﻭﺍﻣﻪ
‎ﺷﻜﺪ ﻋﻠﻴﺞ
‎ﺩﺩﺧﻠﺖ ﺍﻟﺨﺎﻣﺲ
‎ﻣﺪﺭﻱ ﻟﻴﺶ ﺧﺠﻼﻧﻪ ﻭﻣﺴﺘﺤﻴﻪ ﻣﻦ ﺍﻟﻤﻮﻗﻒ ﺍﻟﻠﻲ ﺍﻟﻤﻔﺮﻭﺽ ﺍﻛﻮﻥ ﻣﻜﻴﻔﻪ ﻭﻣﻔﺘﺨﺮﻩ ﻭﺍﺧﺶ ﺑﻌﻴﻨﻬﻢ ﻛﻮﻧﻬﻢ ﺗﺮﻛﻮﻧﻲ ﻭﺍﻟﻠﻪ ﻣﺘﺮﻛﻨﻲ ﺑﺲ ﻳﻤﻜﻦ ﻻﻥ ﻣﺎﺍﻋﺮﻑ ﺍﻣﺜﻞ ﻭﺍﻛﺬﺏ
‎ﻛﺎﻟﻮ ﻣﻦ ﺷﺎﻓﻮﻧﻲ ﺍﺑﺎﻭﻋﻬﻢ ﺑﻌﺘﺐ
‎ﺍﻟﺤﺠﻴﻪ - ﻭﺍﻟﻠﻪ ﺍﺍﻧﻲ ﺟﻴﺖ ﻋﻠﻤﻮﺩ ﺍﻟﺒﻨﺎﺕ ﺣﻴﻞ ﻭﺍﺣﺸﻴﻨﻲ ﻭﻣﺪﻳﻘﺒﻠﻮﻥ ﻳﺮﺩﻭﻥ ﻋﻠﻰ ﺍﺗﺼﺎﻻﺗﻲ ﻛﻠﺖ ﺍﺟﻴﺞ ﺍﺩﺭﻱ ﺑﻴﺞ ﻣﺘﺮﺿﻴﻦ ﺍﻧﺤﺮﻡ ﻣﻨﻬﻢ
‎ﺟﺮﻳﺖ ﻧﻔﺲ ﻭﻧﺼﻴﺖ ﺭﺍﺳﻲ ﺟﺎﻭﺑﺖ
‎ﻭﺍﻟﻠﻪ ﺣﺠﻴﻪ ﺍﻧﻲ ﺭﺑﻴﺖ ﻭﻋﻠﻤﺖ ﻭﺍﻟﺒﺎﻗﻲ ﻋﻠﻴﻬﻢ ﻫﻤﻪ ﻛﺒﺮﻭ ﻭﻳﻌﺮﻓﻮﻥ ﺍﻟﻠﻲ ﺑﻤﺼﻠﺤﺘﻬﻢ ﻭﻳﺴﻮﻭ ﻣﺎﺭﻳﺪ ﺍﺿﻐﻂ ﻋﻠﻴﻬﻢ
‎ﺍﻡ ﻋﻠﻲ - ﻏﺎﺩﻩ ﺍﻧﺘﻲ ﺍﻡ ﻭﺗﻌﺮﻓﻴﻦ ﺍﻣﻲ ﻭﺍﻟﻠﻪ ﻣﻦ ﻳﻮﻡ ﺻﺎﺭﺕ ﺍﻟﻤﺸﻜﻠﻪ ﻣﺮﻳﻀﻪ ﺭﻭﺣﻲ ﺷﻮﻓﻲ ﺍﺻﻴﻞ ﺧﻮ ﺍﻧﺘﻲ ﺗﻌﺮﻓﻲ ﺣﻨﻴﻦ ﻭﻳﻤﻮﺕ ﻋﻠﻰ ﺑﻨﺎﺗﺞ
‎ﺷﺴﻮﻱ ﻳﻌﻨﻲ ﻫﺎﻱ ﻛﺪﺍﻣﻜﻢ ﺣﺎﺟﻮﻫﻢ ﺍﻧﻲ ﻣﺎﻟﻲ ﺩﺧﻞ ﺑﻌﺪ
‎ﺍﻡ ﻋﻠﻲ - ﻳﻌﻨﻲ ﻻﻥ ﺗﺰﻭﺟﺘﻲ ﺑﻌﺪ ﺷﻠﺘﻲ ﺍﻳﺪﺝ ﻣﻨﻬﻢ ﻟﻌﺪ ﻧﺎﻫﺬﻫﻢ ﺍﺣﻨﺎ ﻧﺮﺑﻴﻬﻢ
‎ﺧﺰﺭﺗﻬﺎ ﻭﺍﻣﻬﺎ ﻧﻐﺘﻬﺎ ﻃﺐ ﺣﻴﺪﺭ ﻫﻮ ﻭﺭﻧﺪ ﻓﺮﺷﻮ ﺍﻟﺴﻔﺮﻩ ﺑﺎﻟﺼﺎﻟﻪ ﺍﻧﻲ ﻭﺟﻬﻲ ﺯﻧﺒﺮ ﺳﻨﺪ ﻛﺎﻣﺖ ﺗﺠﻴﺐ ﻭﺗﺤﻂ ﺑﺎﻟﺼﻮﺍﻧﻲ ﻭﺣﻴﺪﺭ ﻳﺘﺸﺎﻗﻰ ﻭﻳﺎﻫﻢ ﻭﻳﻀﺤﻜﻮﻥ ﻛﻠﺴﺎ ﻭﺭﻧﺪ ﺗﺮﻳﺪ ﺍﺟﺘﻠﻜﻢ ﻭﻳﻜﻮﻟﻬﺎ ﺍﻳﺪﺝ ﻟﺘﻨﺪﻳﻬﺎ ﺑﻌﺪ ﻣﻜﺎﻳﻠﻴﻦ ﺍﺑﺪﺍ
‎ﺟﺎﻧﺖ ﺿﺤﻜﺎﺗﻬﺎ ﺑﻐﺮﻭﺭ ﻣﻦ ﻛﻠﺒﻬﺎ ﺗﻄﻠﻊ ﻋﻜﺲ ﺳﻨﺪ ﺍﻟﺨﺠﻼﻧﻪ ﺍﻟﻔﺎﺕ ﻣﻦ ﻳﻤﻬﺎ ﻛﺮﺻﻬﺎ ﻣﻦ ﺧﺪﻫﺎ ﻭﻃﻠﻌﻮ ﺟﺎﺑﻮ ﺑﻘﻴﻪ ﺍﻟﻐﺮﺍﺽ ﺑﺎﻭﻋﻠﻲ
‎ﻏﺎﺩﻩ ﻣﺘﺒﺪﻟﻴﻦ ﺷﻮﻥ ﺗﺎﻣﻠﻴﻦ ﻣﻴﻀﺎﻳﻘﺞ
‎ﻫﺴﻪ ﺣﻜﻮﻡ ﺟﺎﻭﺑﺖ ﻭﻋﻴﻮﻧﻲ ﻋﺎﻟﺴﻔﺮﻩ ﻭﻛﻠﺶ ﺟﺰﺀ ﺑﻴﻬﺎ ﻳﺬﻛﺮﻧﻲ ﺑﺎﻳﺎﻡ ﻓﻬﺪ ﻟﺤﺪ ﺍﻻﻥ ﺍﺗﺬﻛﺮ ﻣﻦ ﻳﺎﺧﺬ ﺍﻟﻄﺎﻭﻩ ﻭﻳﺪﻭﻍ ﺍﻟﺪﻫﻦ ﻓﻮﻛﺎ ﺍﻟﺘﻤﻦ ﻭﺍﻟﻠﺤﻢ ﻋﺎﻟﺴﻔﺮﻩ ﻭﺍﻟﺼﻮﺕ ﻣﺎﻝ ﺩﻫﻦ ﻳﺨﺒﻞ ﻭﻳﺒﻠﺸﻮﻥ ﺍﻛﻞ ﻛﻌﺪﻧﺎ ﻭﺍﻧﻲ ﻃﺒﻴﺖ ﺑﻌﺪﻣﺎ ﺑﺪﻟﺖ ﺟﺎﻥ ﻻﺯﻡ ﺍﻧﺰﻉ ﺣﺠﺎﺑﻪ ﺭﻓﻌﺖ ﺷﻌﺮﻱ ﻋﺎﻟﻲ ﻃﺒﺖ ﺭﻧﺪ ﺗﺮﺩﺩ
‎ﻣﺎﻣﺎ ﻟﺒﺴﻲ ﻫﺬﺍ ﺍﻟﺘﺮﺍﻙ ﺳﻮﺩ
‎ﻣﺎﻣﺎ ﺑﻄﻨﻲ
‎ﻻﻻ ﻫﺬﺍ ﻳﺼﻴﺮ ﺣﻠﻮ ﻭﻣﻴﻀﺎﻳﻖ ﺑﻄﻨﺞ ﺣﺒﺎﺑﻪ
‎ﻟﺒﺴﺘﻪ ﻭﺻﺎﻓﻨﻪ ﻋﻠﻴﻬﺎ ﺟﺎﻧﺖ ﻣﺘﻠﻬﻔﻪ ﻋﺪﻟﺖ ﺷﻌﺮﻱ ﻭﺳﻠﻤﺖ ﺭﻭﺣﻲ ﺍﻟﻬﺎ ﺭﺍﺿﻴﻪ ﺑﺎﻟﻠﻲ ﺗﺴﻮﻱ ﺑﺲ ﺧﻞ ﺗﺒﺮﺩ ﻧﺎﺭﻫﺎ ﻭﺛﺎﺭﻫﺎ ﺭﻓﻌﺖ ﺷﻌﺮﻱ ﻟﻴﻔﻮﻙ ﻭﺧﻠﺘﻠﻲ ﺣﻤﺮﻩ ﺧﻔﻴﻔﻪ ﺍﺑﺘﺴﻤﺖ ﻛﺎﻟﺖ ﻳﻠﻪ ﻳﻠﻪ
‎ﺻﺎﺡ ﺣﻴﺪﺭ
‎ﻳﻠﻪ ﻳﺎﺑﻪ ﺣﺪﻭﻍ ﺍﻟﺪﻫﻦ
‎ﻗﺸﻌﺮ ﺑﺪﻧﻲ ﻟﻬﺎﻟﻜﻠﻤﻪ ﻋﺠﻴﺐ ﺍﻣﺮ ﺍﻟﻘﺮﺏ ﺍﻟﺮﻭﺣﻲ ﺑﻴﻨﻬﻢ ﻣﺎﺧﺬ ﻛﻠﻤﺎﺗﻪ ﻧﺼﻬﻢ ﻳﻤﻜﻦ ﺯﻭﺍﺟﻲ ﺍﻟﻤﺒﻜﺮ ﺧﻼﻧﻲ ﻣﺎﺍﻋﺮﻑ ﻣﻨﻮ ﺻﺪﻗﺎﻧﻪ ﺣﺒﻴﺒﻲ ﻛﻌﺪﺕ ﺍﻣﻲ ﺑﺼﻔﻪ ﻭﺗﺒﺎﻭﻋﻠﻪ ﻧﻄﺘﻪ ﺳﻨﺪ ﺍﻟﻄﺎﻭﻩ ﺍﻟﺤﺎﺭﻩ ﻛﺎﻝ
‎ﺑﺲ ﺩﻳﺮﺑﺎﻟﻜﻢ ﻟﻴﻄﻔﺮ ﻛﻌﺪﺕ ﻛﺪﺍﻣﻪ ﺗﻔﺎﺟﺎ ﻟﺠﺒﻠﺒﺴﻲ ﻭﻛﺖ ﺍﻟﻤﻠﺖ ﻣﺮﺍﺡ ﻳﻨﺘﺒﻪ ﺩﺍﺭ ﺍﻟﺪﻫﻦ ﺑﻬﺪﻭﺀ ﻭﻋﻴﻮﻧﻪ ﻋﻠﻴﻪ ﺍﺟﺮ ﺑﺘﻴﺸﺮﺕ ﺗﺮﺍﻛﺴﻮﺩﻱ ﻭﺑﻄﻨﻲ ﺑﺮﺯﺕ ﺍﻛﺜﺮ ﻛﻌﺪﻭ ﺍﻫﻞ ﺍﺑﻮﻫﻢ ﻟﻠﺒﻨﺎﺕ ﻭﺑﺪﻩ ﻳﺼﺐ ﻭﻳﻘﺴﻢ ﻭﺭﻧﺪ ﺗﻨﻄﻨﻂ
‎ﻋﻤﻮ ﺍﺭﻳﺪ ﻫﺎﻱ ﺍﻟﺼﻔﺤﻪ
‎ﺍﻧﻲ ﻭﻳﺎﺝ ﺑﺎﻟﻨﺺ ﺭﻧﻮﺵ
‎ﻣﺘﻔﻘﻴﻦ
‎ﻛﻤﻞ ﺻﺐ ﺑﻜﺮﻡ ﻭﺍﻧﻲ ﺍﺗﺎﻣﻠﻪ ﺑﺎﻭﻋﻠﻲ ﻭﻧﺼﻪ ﺻﺒﻠﻲ ﻭﻗﺪﻡ ﺍﻟﻤﺎﻋﻮﻥ ﺗﺮﺳﻪ ﻟﺤﻢ
‎ﻛﺎﻝ
‎ﺍﻛﻠﻲ ﺍﻟﻴﻮﻡ ﺟﻮﻋﺘﻲ ﻻﺑﻨﻲ
‎ﺿﺤﻜﺖ ﺍﻣﻪ ﺑﻔﺮﺡ ﺍﺑﺘﺴﻤﺖ ﻭﺑﺪﻳﻨﺎ ﻧﺎﻛﻞ ﻭﺭﻧﺪ ﻛﻠﺴﺎ ﺗﺬﺏ ﺣﺠﺎﻳﻪ ﻭﻫﻮ ﻳﻀﺤﻚ ﻟﻮ ﻫﻮ ﻳﺘﺸﺎﻗﻪ ﻭﻱ ﺳﻨﺪ ﻭﻫﻲ ﺗﺒﺘﺴﻢ
‎ﺑﻴﺒﻴﺘﻬﻢ ﻛﺎﻧﺖ ﻣﺮﺍﻗﺒﻪ ﻛﻞ ﺣﺮﻛﺎﺗﻬﻢ ﻫﻲ ﻭﻋﻤﺘﻬﻢ ﻛﻤﻠﻨﺎ ﺍﻛﻞ ﻭﺍﻧﺸﺎﻝ ﻭﻗﺮﻳﻨﺎ ﺍﻟﻔﺎﺗﺘﺤﻪ ﻛﻌﺪﺕ ﻋﺎﻻﺛﺎﺙ ﻛﺒﺎﻟﻬﻢ ﺳﻨﺪ ﺩﺗﺴﻮﻱ ﺟﺎﻱ ﻭﺭﻧﺪ ﺗﻐﺴﻞ ﺑﺎﻟﻤﻮﺍﻋﻴﻦ ﻭﺍﺳﻤﻊ ﺿﺤﻜﻪ ﻭﻳﺎﻫﻢ ﺑﺎﻟﻤﻄﺒﺦ ﻭﺍﻧﻲ ﺑﺎﻟﺼﺎﻟﻪ ﻭﺍﻣﻪ ﻛﻠﺴﺎ ﺗﺘﻠﻤﺲ ﺑﺒﻄﻨﻲ
‎ﺍﻟﺤﺠﻴﻪ ﺿﻠﺖ ﺗﺘﻮﺳﻞ ﻭﺍﻧﻲ ﺍﺭﺩ ﺍﻛﻮﻝ
‎ﺣﺠﻴﻪ ﺍﻧﺘﻲ ﺣﺎﺟﻴﻬﻢ ﺍﻧﻲ ﻣﺎﺍﺗﺪﺧﻞ ﺑﻌﺪ ﻭﺍﻻ ﺍﺗﻤﻨﻰ ﻣﺘﻮﺻﻞ ﻻﻫﻲ ﻭﻻﺍﺧﺘﻬﺎ ﻟﻌﺪ ﺍﺩﺯﻫﺎ ﺗﻨﻀﺮﺏ ﺭﺍﺷﺪﻱ ﻟﻴﺶ ﻳﺎﺑﻪ
‎ﻛﺎﻟﺖ ﺍﻡ ﻋﻠﻲ
‎ﻃﻯﻠﺖ ﻟﺴﺎﻧﻬﺎ ﻏﺎﺩﻩ ﻭﺍﺑﻦ ﻋﻤﻬﺎ ﻣﻮﻏﺮﻳﺐ
‎ﺗﻨﻜﺴﺮ ﺍﻳﺪﻩ ﺍﻟﺘﻨﻤﺪ ﻋﻠﻰ ﺑﻨﺘﻲ ﺍﺑﻦ ﻋﻤﻬﺎ ﻳﺤﻤﻴﻬﺎ ﻣﻮ ﻳﻀﺮﺑﻬﺎ ﻭﻳﺨﺠﻠﻬﺎ ﻭﺷﻄﻮﻟﺖ ﻟﺴﺎﻧﻬﺎ ﻣﻜﺎﻟﺖ ﻏﻴﺮ ﺍﻟﺤﻖ
‎ﺍﻡ ﻋﻠﻲ - ﻟﻌﺪ ﻫﻴﺞ ﺣﻠﻮ ﻣﺘﺤﺠﻲ ﺭﻳﺎﻧﺎ ﺍﺣﺎﺟﻴﻬﺎ ﺗﺤﺎﻭﺏ ﻣﻦ ﻭﺭﻩ ﺧﺸﻤﻬﺎ ﻭﺍﻟﻐﺮﻳﺐ ﺗﻀﺤﻚ ﻭﺗﺴﻮﻟﻒ ﻣﻜﻴﻔﻪ ﺑﻲ ﻫﻮ ﻫﺎﺫ ﺗﻌﻠﻮﻣﺞ ﺗﻘﺴﻴﻬﺎ ﻋﻠﻰ ﺍﻫﻠﻬﺎ
‎ﻭﺍﻟﻠﻪ ﺍﻡ ﻋﻠﻲ ﺍﻧﻲ ﻻﻗﺴﻴﻦ ﻭﻻ ﺣﻨﻨﺖ ﺑﺲ ﺍﻟﻜﻠﺐ ﻳﻤﻴﻞ ﻟﻠﻴﻬﺘﻢ ﺑﻲ ﺍﻡ ﺣﻴﺪﺭ ﺩﺗﻜﻮﻡ ﻟﺰﻣﺘﻬﺎ ﻣﻦ ﺍﻳﺪﻫﺎ
‎ﻛﻌﺪﻱ ﺣﺠﻴﻪ ﻣﻮ ﻏﺮﻳﺒﻪ ﺍﻧﺘﻲ
‎ﺍﻱ ﻷﺍ ﻻﺯﻡ ﺗﻜﻮﻧﻮﻥ ﻟﻮﺣﺪﻛﻢ ﺍﻧﺎ ﺭﺍﻳﺤﻪ ﻟﻌﺪ ﺍﺑﻨﻲ ﻭﻫﺎﻟﺰﻋﺮﺍﻥ ﻟﺸﻮﻓﻮﻥ ﻟﻴﺶ ﻋﻢ ﻳﻀﺤﻜﻜﻮ
‎ﺑﺮﺍﺣﺘﺞ
‎ﻃﻠﻌﺖ ﺍﻟﺤﺠﻴﻪ ﻭﺍﻟﻌﻜﺎﺯﻩ ﺑﻴﺪﻫﺎ
‎ﻛﺎﻟﺖ ﺍﻡ ﻋﻠﻲ
‎ﺷﻨﻮ ﻣﻨﻴﻦ ﺷﻮ ﻣﺪﺭﻱ ﺷﻮﻥ ﺗﺤﺠﻲ
‎ﺳﻮﺭﻳﻪ ﺑﺲ ﺯﻭﺟﻬﺎ ﻋﺮﺍﻗﻲ ﺍﻟﻤﻬﻢ ﻋﻴﻨﻲ ﺍﻡ ﻋﻠﻲ ﺍﻧﻲ ﻣﺎﺍﺗﺪﺧﻞ ﺍﻧﺘﻮ ﻭﻳﺎﻫﻢ
‎ﺯﻳﻦ ﺩﺯﻳﻠﻨﺎ ﻋﻠﻴﻬﻢ
‎ﻛﻤﺖ ﻃﻠﻌﺖ ﻭﻃﺒﻮ ﺍﻟﺒﻨﺎﺕ ﻳﻤﻬﻢ ﻟﻜﻴﺖ ﺣﻴﺪﺭ ﻣﺘﻤﺪﺩ ﻋﺎﻟﻘﻨﻔﻪ ﻣﺎﻝ ﻫﻮﻝ ﻭﺍﻳﺪﻩ ﻋﻠﻰ ﻛﺼﺘﻪ ﻓﺎﺗﺢ ﺩﻛﻢ ﺍﻟﻘﻤﻴﺺ ﻧﺼﻬﺎ ﻭﺍﻣﻪ ﻛﺎﻋﺪﻩ ﻋﺎﻟﻘﻨﻔﻪ ﻳﻢ ﺍﻣﻲ ﻳﺤﺠﻮﻥ ﺑﻬﺪﻭﺀ ﻣﻦ ﻓﺘﺖ ﻛﺎﻟﺖ
‎ﺗﺎﺑﺮﻳﻨﻲ ﺷﻲ ﻏﻄﻮﻩ ﻟﺘﻐﻄﻲ ﺟﻮﺯﻙ ﺍﻟﻨﺎﻳﻢ ﻳﺒﺮﺍﺩ
‎ﺻﺎﺭ ﺣﺠﻴﻪ ﻃﺒﻴﺖ ﺍﻟﻐﺮﻓﻪ ﺟﺒﺖ ﺍﻟﻐﻄﻮﻩ ﻭﻃﺒﻴﺖ ﻟﻠﻬﻮﻝ ﺧﻠﻴﺘﻬﺎ ﻳﻢ ﺭﺟﻠﻪ ﻛﺎﻟﺖ
‎ﻏﻄﻲ ﺍﺯﺍ ﺑﺘﺮﻳﺪﻱ ﻧﺎﻳﻢ ﻭﺍﻧﺎ ﻣﺎﻓﻴﻨﻲ ﺭﺟﻠﻴﻪ ﻣﺎﻋﻢ ﺗﻌﻴﻨﻨﻲ ﺑﻨﻮﺏ
‎ﺑﻘﻴﺖ ﺍﺑﺎﻭﻋﻠﻬﺎ ﻓﺘﺤﺖ ﺍﻟﻐﻄﺎ ﻭﻏﻄﻴﺘﻪ ﻓﻚ ﻋﻴﻨﻪ ﻋﺎﻛﺪ ﺍﻟﺤﺎﺟﺐ ﺑﻘﻪ ﻳﺮﻣﺶ ﻭﻳﺮﻛﺰ ﻳﺒﺎﻭﻋﻠﻲ ﻛﺎﻝ
‎ﺭﺍﺣﻮ
‎ﺟﺞ
‎ﺯﻳﻦ ﺍﻧﻲ ﺣﻨﺎﻡ ﻓﺪ ﺳﺎﻋﻪ ﻗﻔﻠﺖ ﻓﺪ ﻧﻮﺏ ﻋﺎﺩﻱ
‎ﺍﻣﻢ ﻋﻔﺘﻬﻢ ﻭﻃﻠﻌﺖ ﺍﻟﻮﺏ ﺑﺎﻟﻐﺮﻓﻪ ﺍﻧﺘﻈﺮ ﺍﻟﺒﻨﺎﺕ ﻣﺮﺕ ﺳﺎﻋﻪ ﻭﺍﺟﻮﻱ
‎ﻫﺎ ﺭﺍﺣﻮ
‎ﺍﻱ ﻃﻠﻌﻮ ﻣﻦ ﺑﺎﺏ ﺍﻟﺼﺎﻟﻪ ﺳﻠﻤﻮ ﻋﻠﻴﺞ
‎ﺍﻣﻢ ﺗﺎﻟﻲ ﺷﺼﺎﺭ
‎ﺭﻧﺪ - ﻋﻤﻮ ﻣﺮﻳﺾ ﻭﺍﻋﺪﻭﻧﻲ ﻣﺘﺘﻜﺮﺭ ﻭﺍﻧﻲ ﻫﻢ ﺧﻄﺖ ﻭﺧﺮﺑﻄﺖ ﺑﺎﻟﺤﺠﻲ ﻳﻄﺤﺖ ﺣﻀﻬﻢ
‎ﻋﻴﺐ ﻣﺎﻣﺎ
‎ﺑﻠﻪ ﺭﺟﺎﺀﺍ ﻟﺤﺪ ﻳﻜﻮﻟﻲ ﻋﻴﺐ ﺍﺛﺎﺭﻱ ﻫﻢ ﻳﺴﺘﻔﺮﺩﻭﻥ ﺑﻴﻪ ﻭﺍﻧﻀﺮﺏ ﻛﺪﺍﻣﻬﻢ ﻭﻫﻢ ﺟﺎﻳﻪ ﺗﻂ ﻃﻠﻌﻨﻲ ﻗﻠﻠﺖ ﺍﺩﺏ ﺍﻧﻌﻞ ﺍﺑﻮﻛﻢ ﻻﺑﻮ ﺍﺑﻨﻜﻢ ﻭﺍﻟﻠﻪ ﻟﺨﺎﻃﺮ ﻋﻤﻮ ﺍﺻﻴﻞ ﺑﺎﻟﻘﺮﺍﻥ ﻭﻟﻮ ﻫﻮ ﻫﻢ ﻃﻄﺒﻚ ﻭﻳﺎﻫﻢ ﺑﺲ ﻣﻴﺨﺎﻟﻒ ﻛﻠﺸﻲ . ﺑﻮﻛﺘﻪ ﺣﻠﻮ
‎ﺑﺮﺍﺣﺘﺞ ﻭﺍﻧﺘﻲ . ﺳﻨﺪ
‎ﺍﻧﻲ ﻭﻱ ﺭﻧﺪ
‎ﻣﺎﺷﻲ ﺟﺮﻳﺖ ﻧﻔﺲ ﻭﺻﺒﻴﺖ ﺟﺎﻱ ﻟﺦ ﺣﺴﻴﺖ ﺍﺣﺪ ﻭﺭﺍﻳﻪ ﺑﺎﻟﻤﻂ ﺑﺦ ﻛﺎﻝ
‎ﻧﻮﺷﺮﺑﺘﻲ ﻣﻮﺯﻳﻦ ﻫﻮﺍﻱ ﺟﺎﻱ
‎ﺑﺎﻭﻋﺘﻠﻪ ﺟﺎﻭﺑﺖ ﺍﻻﻛﻞ ﺩﻫﻴﻦ ﻭﺍﻧﺴﻄﺮﺕ
‎ﻭﻟﻮ
‎ﺍﻱ ﺟﺎﻭﺑﺖ ﻭﺗﺮﻛﺖ ﺍﻟﻤﻜﺎﻥ ﻭﺍﺳﺘﻜﺎﻧﻲ ﺑﻴﺪﻱ ﺷﻮﻱ ﻭﺭﺍﺣﻮ ﻓﺎﺗﺖ ﺍﻟﺤﺠﻴﻪ ﺳﻠﻤﺖ ﻋﻠﻴﻪ ﺑﺎﻟﻐﺮﻓﻪ ﻭﺭﺍﺣﺖ
‎ﺍﻟﻐﺮﻳﺐ ﺑﺎﻟﻤﻮﺿﻮﻉ ﻛﺎﻧﻮ ﻳﺘﺼﺮﻓﻮﻥ ﻛﺎﻧﻤﺎ ﺑﻴﺘﻬﻢ ﻣﺎﺧﺬﻳﻦ ﺭﺍﺣﺘﻬﻢ ﻫﻮ ﻭﺍﻣﻪ ﻭﺍﻧﻲ ﺳﺎﻋﻪ ﺍﻧﻄﻴﻬﻢ ﺍﻟﻌﺬﺭ ﺳﺎﻋﻪ ﺍﻛﻮﻝ ﻭﺍﻟﻠﻪ ﻭﺍﻛﻔﻪ
‎ﺭﻧﺪ - ﻣﺮﺕ ﻛﻢ ﻳﻮﻡ ﻭﺭﺟﻌﻮ ﺩﻛﻮ ﻋﻠﻴﻪ ﻋﺎﻟﺮﻗﻢ ﺍﻟﺠﺪﻳﺪ ﻻﻥ ﻧﻄﻴﺘﻬﻢ ﺍﻳﺎﻩ ﻣﻦ ﺟﻮﻱ ﻭﺿﻠﻮ ﻳﺘﻮﺳﻠﻮﻥ ﻧﺮﻭﺡ ﻭﺭﺣﻨﺎ ﻳﻮﻡ ﺟﻨﻌﻪ ﻳﻮﻡ ﺟﻤﻌﺘﻬﻢ ﺍﻟﺸﻴﻄﺎﻧﻴﻪ ﻃﺒﻴﻨﺎ ﺍﻟﻤﻐﺮﺏ ﻭﺻﻠﻨﺎ ﻋﻠﻲ ﻣﺤﺠﻪ ﻭﻻ ﺣﺠﺎﻳﻪ
‎ﻃﺒﻴﺖ ﺳﻠﻤﺖ ﺑﺜﻜﻞ ﻭﻣﺒﻮﺳﺖ ﺑﺲ ﻋﻤﻲ ﺍﺻﻴﻞ ﺍﻟﻠﻲ ﺣﻀﻨﻨﺎ ﻭﻏﻤﺾ ﺩﻗﺎﻳﻖ ﻳﻠﻪ ﻋﺎﻓﻨﺎ ﺳﻠﻤﺖ ﻋﻠﻰ ﺑﻴﺒﻲ ﻭﺍﻧﺰﻭﻳﺖ ﺍﻧﻲ ﻭﺳﻨﺪ ﺍﻟﻮﻟﺪ ﻃﺒﻮ ﺳﻠﻤﻮ ﺟﺎﻳﺒﻴﻦ ﻋﺸﺎ ﻋﻠﻲ ﻭﺍﻟﺒﻘﻴﻪ ﺍﺧﺮ ﻭﺍﺣﺪ ﺳﻠﻴﻢ
‎ﺑﺲ ﻓﺎﺕ ﺩﺭﺕ ﻭﺟﻬﻲ ﻛﺎﻝ ﺍﻟﺴﻼﻡ ﻋﻠﻴﻜﻢ
‎ﻻﺍﻧﻲ ﻭﻻﺳﻨﺪ ﺭﺩﺕ
‎ﺭﺟﻊ ﻛﺎﻟﻬﺎ ﻭﺑﺎﻭﻋﻠﻨﺎ ﺑﺎﻭﻋﺘﻠﻪ ﻣﻦ ﻓﻮﻙ ﻟﻴﺠﻮﻩ ﻭﺩﺭﺕ ﻭﺟﻬﻲ ﺭﺍﻓﻌﻪ ﺗﻚ ﺣﺎﺟﺐ ﺯﻳﻨﺐ ﻧﻄﺖ ﺑﻨﺘﺮﻩ
‎ﻣﻮﺩﻳﺴﻠﻢ ﻋﻠﻴﻜﻢ
‎ﺑﻴﺒﻲ ﺻﺎﺣﺖ
‎ﺯﻳﻴﻴﻨﺐ ﻟﺘﺘﺪﺧﻠﻴﻦ ﺳﻠﻴﻢ ﻫﺎﻫﻲ ﺭﻭﺡ
‎ﺳﻠﻴﻢ - ﻣﻼﺯﻡ ﺍﻟﻨﻮﺏ ﻫﻲ ﺯﻋﻼﻧﻪ ﻣﺠﺎﻭﺑﺘﻪ ﻟﻌﺒﺖ ﺑﺎﺿﺎﻓﺮﻱ ﺑﻌﺪﻫﻢ ﻃﺐ ﺳﻴﺮﻭﺍﻥ ﺳﻠﻢ ﻋﺎﻟﻜﻞ ﺑﻮﺱ ﺍﻣﻪ ﻭﺧﺎﻻﺗﻪ ﻭﺑﻴﺒﻲ ﻭﺳﻠﻢ ﻋﻠﻰ ﺳﻨﺪ ﺍﻟﻠﻲ ﺍﺑﺘﺴﻤﺖ ﺍﻟﻪ ﻭﺍﺳﺘﻘﺮﺕ ﻋﻴﻨﻪ ﻋﻠﻴﻪ ﺑﻌﺘﺐ ﻭﺩﺍﺭ ﻭﺟﻬﻪ ﺟﺮ ﻋﻴﻨﻪ ﺑﻘﻪ ﻛﺎﻋﺪ ﻋﺎﻟﻤﻴﺰ ﻛﺪﺍﻣﻲ
‎ﻭﻋﻤﺘﻲ ﺯﻳﻨﺐ ﺗﺤﺠﻲ ﻭﺗﺘﺒﺎﻫﻪ
‎ﻭﺍﻟﻠﻪ ﻛﺘﻠﻪ ﺍﻻ ﺑﻴﺖ ﻭﺣﺪ ﻭﻛﺎﻝ ﻳﺠﺮﺍﻟﻬﺎ
‎ﺑﺎﻭﻋﺖ ﻟﺰﻳﻨﻪ ﻋﺮﻓﺖ ﺍﻧﺨﻄﺒﺖ ﻻﻣﻪ ﺍﻟﺒﻨﺎﺕ ﻭﺗﺮﺍﻭﻳﻬﻢ ﺣﻠﻘﺘﻬﺎ ﻭﺗﺤﺠﻴﻠﻬﻢ ﻭﻻﺯﻣﻬﺮﺍﻟﻔﻮﻥ ﻭﺗﻔﺮﺝ ﺑﺎﻟﺼﻮﺭ
‎ﺣﺎﻃﻪ ﺭﺟﻞ ﻋﻠﻰ ﺭﺟﻞ ﻭﺍﺑﺎﻭﻋﻠﻬﻢ ﻭﺳﻴﺮﻭﺍﻥ ﺍﺑﺪ ﻣﺒﺎﻭﻉ ﺑﻌﺪ ﻛﺎﻝ
‎ﻳﻮﻡ ﻛﻬﻮﻩ
‎ﺍﻫﻮﻭ ﺩﻧﺴﻮﻟﻒ ﺗﻮﻙ ﺟﺎﻱ ﺍﺷﺘﻐﻠﺖ ﺍﻟﻄﻠﺒﺎﺕ ﺑﻴﺒﻲ ﻛﺎﻟﺖ
‎ﺭﻧﺪ ﻣﺘﺴﻮﻳﻠﻨﺎ ﻛﻬﻮﻩ ﺫﻳﺞ ﺍﻟﻤﺮﻩ ﺻﺎﺭﺕ ﻛﻠﺶ ﻃﻴﺒﻪ ﻭﻋﻤﺞ ﻛﺎﻝ ﺑﺲ ﺭﻧﺪ ﺍﻡ ﺍﻟﻜﻬﻮﻩ
‎ﺻﺎﺭ ﺑﻴﺒﻲ ﻛﻤﺖ ﺑﻬﺪﻭﺀ . ﺑﺎﻟﻤﻄﺒﺦ ﺍﻟﺤﺎﺭ ﻭﺯﻳﻨﺐ ﺗﺮﻃﻦ
‎ﺯﻳﻨﺐ - ﻛﺎﻝ ﻣﺘﻜﻤﻞ ﻛﻠﻴﻪ ﻣﺎﺍﺗﺤﻤﻞ ﺍﻏﺎﺭ
‎ﻛﺘﻠﻪ ﻛﻠﻴﺘﻴﺶ ﻭﺍﻟﺘﺨﺮﺟﻮ ﺷﺼﺎﺭﻭ ﻭﺑﺲ ﺍﻟﻤﻮﺯﻳﻨﺎﺕ ﻳﻜﻤﻠﻦ ﻛﻠﻴﻪ
‎ﺭﻧﺪ - ﻓﻜﻴﺖ ﺣﻠﻜﻲ ﻭﺳﻴﺮﻭﺍﻥ ﺭﺍﺳﻦ ﺑﺎﻭﻋﻠﻬﺎ ﺧﺰﺭﻫﺎ ﻭﺑﺎﻭﻋﻠﻲ ﺑﻴﺒﻲ ﻛﺎﻟﺖ
‎ﺍﻱ ﻗﺎﺑﻞ ﻫﻲ ﻃﺐ ﻫﻲ ﺳﺎﺩﺱ ﻣﻄﻠﻌﺖ ﻣﻨﻪ ﺑﻨﺘﺞ ﺩﺟﻪ ﺩﺑﻨﻚ
‎ﺯﻳﻨﺐ - ﻳﻤﻪ ﻫﻲ ﻣﻜﺎﻥ ﺍﻟﻤﺮﻩ ﺑﺎﻟﺒﻴﺖ ﻣﻮ ﺗﻔﺮﻓﺮ ﺑﺎﻟﺸﻮﺍﺭﻉ ﺑﺎﻟﺒﻨﺎﻃﻴﺮ ﻣﻜﻴﻔﻪ ﻳﺠﺒﺸﻬﺎﺩﺗﻬﺎ ﻟﻮ ﻭﻳﻦ ﻣﺘﺼﻌﺪ ﻻﺯﻣﻬﺎ ﺭﺟﺎﻝ
‎ﺭﻧﺪ - ﺍﺑﺘﺴﻤﺖ ﺑﺎﻭﻋﺖ ﺳﻴﺮﻭﺍﻥ ﻳﺒﺎﻭﻋﻠﻲ ﺑﻌﺘﺐ ﺻﺒﻴﺖ ﻓﻨﺠﺎﻳﻦ ﺍﻟﻜﻬﻮﻩ ﻭﻗﺪﻣﺖ ﻟﺒﻴﺒﻲ ﺍﻭﻝ ﺷﻲ ﻭﻟﻌﻤﺘﻲ ﺯﻳﻨﺐ ﻭﺑﻘﻴﻪ ﻋﻤﺎﺗﻲ ﻭﺟﻴﺖ ﻗﺪﻣﺘﻠﻪ ﻫﻤﺲ
‎ﻣﺸﻜﻮﺭ
‎ﺑﺎﻭﻋﺖ ﺑﻌﻴﻨﻪ ﺑﺎﻭﻋﻠﻲ ﻭﻧﺼﻪ ﺭﺣﻊ ﺭﻓﻌﻬﺎ ﺗﻔﺎﺟﻲﺀ ﻣﻦ ﺷﺎﻓﻨﻲ ﺍﺑﺎﻭﻉ ﺑﻬﺎﻟﻘﺮﺏ ﺑﻘﻪ ﻳﺒﺎﻭﻉ ﻭﺍﻧﻲ ﺍﺑﺎﻭﻋﻠﻪ ﺍﺑﺘﺴﻤﺖ ﻓﻚ ﺣﻠﻜﻪ ﻭﻳﺘﺎﻣﻞ ﻣﻼﻣﺤﻲ ﺑﻬﺪﻭﺀ
‎ﺍﻓﺘﺮﻳﺖ ﻭﺭﺟﻌﺖ ﻟﻤﻜﺎﻧﻲ ﺑﻘﻪ ﻳﺒﺎﻭﻉ ﺷﺮﺏ ﻛﻬﻮﻩ ﻭﻏﻤﺾ ﺑﻘﻮﻩ ﻳﻌﻨﻲ ﺗﺨﺒﻞ ﺍﺑﺘﺴﻤﺖ ﻭﻧﺼﻴﺖ ﺭﺍﺳﻲ ﻛﻤﻞ ﻭﻛﻌﺪ ﺭﺟﻞ ﻋﻠﻰ ﺭﺣﻞ ﻟﺰﻡ ﻓﻮﻧﻪ
‎ﻭﺻﻠﺘﻨﻲ ﺭﺳﺎﻟﻪ ﻭﺭﻩ ﺷﻮﻱ
‎ﺍﻟﻌﻴﻮﻥ ﺻﺎﺭﺕ ﻋﻠﻴﻪ ﻋﻤﻲ ﺍﺻﻴﻞ ﺍﺧﺬﻭ ﺍﻟﻮﻟﺪ ﻳﻤﻬﻢ ﻓﺘﺤﺖ ﺍﻟﺮﺳﺎﻟﻪ ﻣﻦ ﺭﻗﻢ ﻏﺮﻳﺐ
‎ﻋﺎﺷﺖ ﺍﻳﺪﺝ ﺗﺨﺒﻞ
‎ﻋﺮﻓﺘﻪ ﺳﻴﺮﻭﺍﻥ ﺍﺑﺘﺴﻤﺖ
‎ﺩﺯﻳﺘﻠﻪ ﺑﺎﻟﻌﺎﻓﻴﻪ ️❤
‎ﻋﻜﺪ ﺣﺎﺟﺒﻪ ﻭﺍﺑﺘﺴﻢ ﻭﺍﻧﻲ ﺍﺑﺎﻭﻋﻠﻪ ﺑﻄﺮﻑ ﻋﻴﻨﻲ ﻛﺘﺐ
‎ﻭﻫﺬﺍ . ﺷﻨﻮ
‎ﻏﻴﺮ ﺍﻧﺖ ﺍﺑﻦ ﻋﻤﺘﻲ
‎ﺍﻣﻢ ﻣﻤﻜﻦ ﺍﺣﺎﺟﻴﺞ
‎ﻣﻮ ﺩﻧﺤﺠﻲ
‎ﺍﻟﻌﻴﻮﻥ ﺻﺎﺭﺕ ﻋﻠﻴﻨﺎ ﺛﻨﻴﻨﺎ ﻻﺯﻣﻴﻦ ﻓﻮﻧﺎﺕ
‎ﺍﻭﻙ ﺍﻃﻠﻊ ﻭﺍﺟﻲ ﻭﺭﺍﻙ
‎ﺍﻧﺘﻀﺮﺝ ﺑﻐﺮﻓﻪ ﺑﻴﺒﻲ
‎ﺧﻮﺵ
‎ﻃﻠﻊ ﻭﺍﻣﻪ ﺗﺮﻃﻦ ﻫﻴﺞ ﺟﺎﺑﻮ ﺫﻫﺐ ﻭﻫﻠﻜﺪ ﻣﻬﺮ ﻭﻫﻴﺞ ﺟﻬﺰﻭ ﺍﻟﺒﻴﺖ ﻭﻫﻴﺞ ﻃﺎﻫﺎ ﺍﺑﻮﻫﺎ ﻭﺍﻟﻮﻟﺪ ﻃﺎﻳﺮ ﺑﻴﻬﺎ ﺣﻴﺘﺨﺒﻞ ﻋﻠﻴﻬﺎ ﻳﻜﻮﻟﻲ ﺳﻤﻴﻦ ﺍﻧﻤﻨﺎﻫﺎ
‎ﺣﺴﻴﺖ ﺍﻟﻤﻄﺒﺦ ﺍﻧﺘﺮﺱ ﻓﻴﺎﻟﻪ ﺷﻮﻱ ﻭﻛﻤﺖ
‎ﺳﻨﺪ ﻓﺰﺕ
‎ﻭﻳﻦ
‎ﻫﺴﻪ ﺍﺟﻲ ﻛﻌﺪﻱ
‎ﻛﻤﺖ ﺑﻬﺪﻭﺀ ﺗﺴﺤﺒﺖ ﻃﺒﻴﺖ ﺍﻟﻐﺮﻓﻪ ﻣﺎﻝ ﺑﻴﺒﻲ ﻭﺳﺪﻳﺖ ﺍﻟﺒﺎﺏ ﺗﻠﻔﺘﺖ ﻣﻠﻜﻴﺘﻪ ﻟﻤﺤﺖ ﻭﺭﻩ ﺍﻟﻜﻨﺘﻮﺭ ﺭﺟﻠﻪ ﻛﺎﻋﺪ ﻋﺎﻟﻘﻨﻔﻪ ﺍﻟﻮﺭﻩ ﺍﻟﻤﻨﺘﻮﺭ
‎ﻣﺪﻳﺖ ﺭﺍﺳﻲ ﺍﺑﺘﺴﻢ
‎ﻭﻛﻒ ﺭﺍﺳﻦ ﻭﺿﻢ ﺍﻟﻔﻮﻥ ﺑﺠﻴﺒﻪ
‎ﻫﻼﻭ
‎ﻫﻠﻮ ﺷﻨﻮ ﺭﺩﺕ ﻣﻨﻲ ﻛﻠﺘﻬﺎ ﻭﺗﺨﻮﺻﺮﺕ
‎ﻛﺎﻝ
‎ﺭﺩﺕ ﺍﻛﻮﻟﺞ ﻣﺮﻳﺖ ﻟﻠﺠﺎﻣﻌﻪ ﺍﺷﻮﻓﺞ
‎ﺍﻣﻢ ﺷﻔﺘﻚ
‎ﻭﻣﺠﻴﺘﻲ ﺳﻠﻤﺘﻲ
‎ﺍﻧﺖ ﻣﺠﻴﺖ ﺑﻌﺪﻳﻦ ﻣﻦ ﺷﻔﺘﻚ ﻃﻔﺮﺕ
‎ﺍﺑﺘﺴﻢ ﻛﺎﻝ ﺑﻌﺘﺐ
‎ﻣﻨﻮ ﺍﻟﺠﺎﻥ ﻭﺍﻛﻒ ﻳﻤﺞ
‎ﺯﻣﻴﻞ ﺩﻛﺘﻮﺭ
‎ﻫﻤﻢ ﺑﺲ ﻣﻮ ﻧﻔﺲ ﻣﺮﺣﻠﺘﺞ ﺭﺍﺑﻊ
‎ﺍﻋﺮﻑ ﻭﺍﻧﺖ ﺷﻤﺪﺭﻳﻚ ﺳﺎﻟﺖ ﻋﻠﻴﻪ
‎ﺍﻱ ﻃﺒﻌﺎ ﺍﻟﺴﻴﻔﻲ ﻣﺎﻟﺘﻪ ﻳﻤﻲ
‎ﻟﻴﺶ ﻋﻜﺪﺕ ﺣﺎﺟﺒﻲ
‎ﺟﺮ ﻧﻔﺲ ﻛﺎﻝ
‎ﻣﺘﻌﺮﻓﻴﻦ ﻟﻴﺶ؟
‎ﺍﺑﺘﺴﻤﺖ ﻧﺼﻴﺖ ﺧﺠﻠﺖ ﻣﺎﺍﻋﺮﻑ ﺷﻮﻥ ﺧﺠﻠﺖ
‎ﺭﻓﻌﺖ ﺭﺍﺳﻲ ﻛﺎﻝ
‎ﺧﺪﻭﺩﺝ ﺿﻮﻭﺕ
‎ﺭﺟﻌﺖ ﻧﺼﻴﺖ ﺿﺤﻜﺖ ﺷﺎﻝ ﺍﻳﺪﻩ ﺑﺜﻜﻞ ﻛﺮﺻﻨﻲ ﺑﻬﺪﻭﺀ ﻣﻦ ﺧﺪﻱ
‎ﺟﺴﻤﻲ ﻛﺰﺑﺮ ﻭﺍﺑﺘﻌﺪﺕ ﺧﻄﻮﻩ ﺧﺰﺭﺗﻪ
‎ﻟﺘﺘﺠﺎﻭﺯ
‎ﻣﻤﺴﻮﻱ ﺷﻲ ﻳﺎﺑﻪ
‎ﺍﻱ ﻭﻋﺮﻓﺘﻪ ﻣﻨﻮ
‎ﺍﺑﻦ ﻋﻢ ﺻﺪﻳﻘﺘﺞ ﺑﺲ ﻧﻀﺮﺍﺗﻪ
‎ﻗﺎﻃﻌﺘﻪ ﻭﺍﻧﻲ ﺷﻌﻠﻴﻪ ﻣﻨﻪ
‎ﻟﻌﺪ ﻋﻠﻴﻤﻦ ﺑﻴﺞ
‎ﺍﺑﺘﺴﻢ ﻭﻫﻮ ﻳﺤﺠﻴﻬﺎ ﻋﻴﻮﻧﻪ ﻭﻟﻬﺎﻧﻪ ﺟﺎﻭﺑﺖ ﻭﻧﺼﻴﺖ
‎ﻋﻠﻴﻪ ﺑﺎﻫﻠﻲ ﻭﺑﺲ
‎ﺟﺮ ﻧﻔﺲ ﻫﻤﺲ ﻋﺎﺩ ﺍﻧﻲ ﻣﻦ ﺍﻫﻠﺞ ﺗﺮﻩ
‎ﺑﻘﻴﺖ ﺳﺎﻛﺘﻪ ﻛﺎﻟﻬﺎ ﻋﺒﺎﻟﻚ ﺣﻴﺒﺠﻲ ﻣﻴﻞ ﺭﻛﺒﺘﻪ ﻭﺫﺑﻞ ﺟﻔﻦ ﻋﻴﻨﻪ ﺭﺍﺣﺖ ﺿﺤﻜﺘﻪ ﻫﻤﺲ
‎ﺭﻧﺪ -- ﺍﺍﻧﻲ
‎ﻣﻦ ﻳﻮﻡ ﺷﻔﺘﺞ ﻣﺪﺭﻱ ﺷﺼﺎﺭ ﺑﻴﻪ
‎ﻓﻜﻴﺖ ﻋﻴﻨﻲ ﺷﻔﺖ ﻋﻴﻮﻧﻪ ﺫﺑﻠﺖ ﻛﻤﻞ
‎ﺗﺨﺮﺑﻄﺖ ﺍﺣﺪﺍﺛﻴﺎﺗﻲ ﻛﻠﻬﺎ
‎ﺑﺎﻭﻋﺘﻠﻪ ﻭﻫﺰﻳﺖ ﺭﺍﺳﻲ ﺑﻘﺒﻮﻝ
‎ﺷﻜﺮﺍ ﻻﻥ ﺩﺍﻓﻌﺖ ﻋﻨﻲ
‎ﻧﺘﺮ
‎ﻏﻴﺮ ﻃﻴﺤﺘﻠﺞ ﺣﻀﻪ ﻛﺴﺮﺗﻪ --- ﺑﺲ ﺻﺮﺍﺣﻪ ﺍﻧﺘﻲ ﻫﻢ ﺗﺠﺎﻭﺯﺗﻲ
‎ﺭﻓﻌﺖ ﺭﺍﺳﻲ ﻓﻜﻴﺖ ﻋﻴﻨﻲ ﺣﻘﻲ ﻭﺍﻻ ﻣﻮ ﺣﻘﻲ
‎ﺣﻘﺞ ﺟﺎﻭﺏ ﺑﺪﻭﻥ ﺗﺮﺩﺩﻭﻳﻬﺰ ﺭﺍﺳﻪ ﺑﺎﻟﻘﺒﻮﻝ ﻛﻤﻞ
‎ﺣﺮﺍﻣﺎﺕ ﺗﻀﻴﻌﻴﻦ ﺗﺮﺑﻴﻪ ﺍﻣﺞ ﺑﻠﻐﻮﻩ ﻓﺎﺭﻏﻪ ﻭﻳﺎﻫﻢ ﻭ ﻫﻤﻪ ﺷﻌﻠﻴﻬﻢ
‎ﻣﻢ ﺻﺢ
‎ﺗﺪﺭﻳﻦ ﻣﻦ ﻋﻤﺮﻱ ﺍﻭﻝ ﺟﺎﻣﻌﻪ ﻃﻔﺮﺕ ﻣﻦ ﻋﻴﺸﻪ ﺍﻫﻠﻲ ﻻﻥ ﺑﺲ ﻣﺸﺎﻛﻞ ﻭﺍﺗﻤﻨﻰ ﺍﻟﺤﻴﺎﻩ ﺍﻟﻤﺴﺘﻘﺮﻩ ﺑﻬﺪﻭﺀ ﻻﻥ ﺗﻌﺒﺖ ﻣﻦ ﻫﻮﺳﺘﻬﻢ
‎ﻭﺍﻧﻲ ﺷﻌﻠﻴﻪ ﺗﻜﻮﻟﻲ ﻫﻴﺞ
‎ﻣﻢ ﺻﺢ ﻣﻌﻠﻴﺞ ﺍﻧﺘﻲ ﻳﻠﻪ ﻣﻴﻬﻢ ﺍﻻﻳﺎﻡ ﻫﻮﺍﻱ
‎ﺍﻭﻙ
‎ﺭﺍﺡ ﺍﻣﺮﻟﺞ ﻣﻦ ﺍﺧﺬ ﺭﻳﺴﺘﻲ ﺍﻧﺘﻀﺮﻳﻨﻲ
‎ﻟﻴﺶ
‎ﺷﻮﻱ ﻧﻄﻠﻊ
‎ﻣﺎﻋﺪﻱ ﻣﺠﺎﻝ
‎ﻋﻤﻲ ﺑﺲ ﺍﺣﺎﺟﻴﺞ ﺷﻮﻱ ﻭﺍﺭﻭﺡ
‎ﻣﺎﺍﻟﻬﺎ ﻣﻌﻨﻰ ﻛﻠﺘﻬﺎ ﻭﺟﺮﻳﺖ ﻋﻴﻨﻲ
‎ﻣﺎﺷﻲ ﺑﺲ ﻣﻦ ﺑﻌﻴﺪ ﺍﺷﻮﻓﺞ
‎ﻭﺿﺮﻭﺭﻱ ﺷﻠﻚ ﺧﻠﻚ
‎ﺍﻟﺞ ﻛﻞ ﺧﻠﻜﻲ ﺍﺟﺮﻩ ﻣﺎﻟﺞ ﺩﺧﻞ ﺑﻴﻪ ﺣﺘﻰ ﻟﻮ ﻣﺘﻮﺻﻠﻴﻦ ﻳﻤﻲ
‎ﺍﺑﺘﺴﻤﺖ ﻳﻠﻪ ﺣﺮﻭﺡ ﺭﺟﻌﺖ ﺧﻄﻮﺗﻴﻦ ﻛﺎﻝ
‎ﺭﻧﺪ
‎ﻧﻌﻢ ﺍﻟﺘﻔﺘﺖ ﻭﻋﺪﻟﺖ ﺷﻌﺮﻱ ﻛﺎﻝ
‎ﺣﻠﻠﻲ ﺷﻌﺮﺝ ﻟﺘﺸﻴﻠﻲ
‎ﻟﻴﺶ
‎ﻻﻥ ﺣﻠﻮ ﻛﻠﺶ ﻭﺍﺣﺐ ﺍﺗﻔﺮﺝ ﻋﻠﻴﻪ
‎ﺍﻭﻙ ﻛﻠﺘﻬﺎ ﻭﻓﻠﻴﺖ ﺷﻌﺮﻱ ﺑﺎﻭﻋﺘﻠﻪ ﻣﺎﺧﻮﺫ ﺑﻲ ﻃﺒﻴﺖ ﺍﻟﻤﻄﺒﺦ ﻋﻤﺘﻲ ﺯﻳﻨﺐ ﻛﺎﻟﺖ
‎ﻭﻳﻦ ﺟﻨﺘﻲ ﻟﻌﺪ
‎ﺑﻐﺮﻓﻪ ﺑﻴﺒﻲ ﺍﻋﺪﻝ ﺷﻌﺮﻱ ﻭﺍﺣﺠﻲ ﻭﻳﺎﻫﺎ ﻛﻌﺪﺕ ﺭﺟﻊ ﻃﺐ ﺳﻠﻴﻢ ﺑﺎﻭﻉ ﻻﻣﻪ ﻛﺎﻝ
‎ﺗﻌﺎﻱ ﺍﺑﻮﻳﻪ ﻳﺮﻳﺪﺝ ﺑﺎﻭﻋﻠﻲ ﻭﺍﻧﻲ ﺩﺍﺑﺎﻭﻉ ﻟﺒﻴﺒﻲ ﻭﺍﺣﺠﻴﻠﻬﺎ ﻋﺎﻟﺠﺎﻣﻌﻪ ﺑﻘﻪ ﻭﺍﻛﻒ ﺑﻤﻮﺍﺯﺍﺗﻲ ﺍﻳﺪﻩ ﺑﺠﻴﻮﺑﻪ ﺭﺳﻞ ﺑﺖ ﻋﻤﻪ ﻧﻬﻰ ﻛﺎﻟﺖ
‎ﻋﻔﻴﻪ ﺳﻠﻴﻢ ﻣﻤﻜﻦ ﺗﻜﻨﻜﻠﻲ
‎ﻧﺘﺮ . ﺭﻭﺣﻲ ﻟﻌﻠﻲ ﻳﻜﻨﻚ
‎ﻫﺎﻟﺤﺠﻲ ﺣﺠﺎﻩ ﻭﻋﻴﻮﻧﻪ ﻋﻠﻴﻪ ﻛﻤﻠﺖ ﻛﻼﻡ ﺑﻴﺒﻲ ﺗﺴﺘﻤﻊ ﺑﺘﺮﻛﻴﺰ ﻣﺒﺘﺴﻤﻪ ﻭﺍﻧﻲ ﺍﺣﺠﻲ ﺗﻔﺎﺻﻴﻞ ﺍﻟﻠﻲ ﻳﺤﺒﻮﻫﺎ ﻫﻤﻪ
‎ﺯﻳﻨﺐ ﺗﺴﺘﻤﻊ ﺑﺎﻣﻌﺎﻥ ﻭﻋﻴﻮﻧﻬﺎ ﺑﻐﻴﺮ ﻣﻜﺎﻥ
‎ﺑﻴﺒﻲ ﻋﺎﺩ ﻋﻤﻮ ﺍﺟﻪ ﻭﺣﺠﻪ ﻭﻱ ﺍﻟﻌﻤﻴﺪ ﻻﻥ ﻣﻌﺮﻓﺘﻪ ﻭﺧﻼﻧﻲ ﺍﻣﺘﺤﻦ ﺑﺎﻟﻤﺴﺎﺋﻲ ﻭﺧﻠﺼﺖ
‎ﺯﻳﻦ ﻣﺒﻴﻦ ﻋﻠﻲ ﺧﻮﺵ ﻭﻟﺪ
‎ﻋﻤﻮ ﺣﻴﺪﺭ ﺍﺣﻠﻰ ﺷﻲ ﺻﺎﺭ ﺑﻜﻞ ﺣﻴﺎﺗﻨﺎ
‎ﻧﻂ ﺳﻠﻴﻢ
‎ﺩﻳﺮ ﺑﺎﻟﺞ ﻟﺘﻮﻛﻌﻴﻦ ﺑﺤﺒﻪ ﺗﺮﻩ ﺭﺟﻞ ﺍﻣﺞ ﻣﻴﺠﻮﺯ
‎ﻛﻤﻠﺖ ﻛﻼﻡ ﻭﻋﻴﻮﻧﻲ ﻋﻠﻰ ﺑﻴﺒﻲ ﺳﻮﻳﺖ ﺭﻭﺣﻲ ﻣﺴﻤﻌﺘﻪ
‎ﺑﻴﺒﻲ ﻫﻲ ﻣﺎﻣﺎ ﻣﻦ ﺟﺎﻧﺖ ﺣﺎﻣﻞ ﺑﻴﻨﻪ ﺍﻧﻲ ﺳﻨﺪ ﻫﻢ ﻫﻴﺞ ﺗﺘﺪﻟﻞ ﺷﻮ ﺑﺲ ﺭﺍﺧﻴﻪ ﻭﺗﺘﺸﻬﻰ ﻭﻫﻮ ﻣﻴﺪﺭﻱ ﺷﻴﺴﻮﻱ
‎ﻻ ﺑﻴﺒﻲ ﺟﺎﻧﺖ ﻗﻮﻳﻪ ﻧﻄﺖ ﺯﻳﻨﺐ
‎ﺍﻱ ﻏﻴﺮ ﺧﺸﺖ ﺑﺎﻟﻌﻤﺮﻳﻦ ﻫﻮ ﻭﻛﺖ ﺣﺒﺎﻟﻪ ﺷﻌﻴﺎﺭﻩ ﻳﺠﻴﺒﻦ ﺍﻟﺮﺟﺎﻝ ﺑﻄﻔﻞ ﻭﺭﺍﻫﺎ ﻳﺎﻛﻠﻨﻬﺎ
‎ﻻ ﻋﻤﻪ ﻫﻮ ﺭﺍﺩ ﺫﺑﺢ ﺭﻭﺣﻪ ﻻﻥ ﻣﻴﺼﻴﺮ ﻋﺪﻩ ﺍﻃﻔﺎﻝ ﻭﺗﻌﺎﻟﺞ ﻭﻫﺴﻪ ﺣﻴﺘﺨﺒﻞ ﻭﻣﻜﺎﺑﻠﺰﻣﺎﻣﺎ ﻭﻛﺎﻋﺪ ﻫﻮ ﻭﺍﻣﻪ ﺑﻴﺒﻲ ﺳﻮﺳﻦ ﺗﺨﺒﻞ ﻓﺪﻭﻩ ﻟﻌﻴﻨﻬﺎ
‎ﻋﻤﺘﻲ ﺍﻡ ﻋﻠﻲ ﻛﺎﻟﺖ
‎ﺍﻱ ﺷﻔﺘﻬﺎ ﺷﻮﻥ ﺍﺧﻼﻕ
‎ﺳﻨﺪ ﻛﺎﻋﺪﻩ ﺑﺼﻔﻲ ﺳﺎﻛﺘﻪ ﻋﻠﻲ ﻃﺐ ﺟﺎﺏ ﺍﻟﻔﺎﻛﻬﻪ ﻭﻛﺸﺮ ﻣﻮﺯﻩ ﻗﺪﻣﻠﻬﺎ
‎ﻫﺎﺝ ﻗﺮﺩﻩ
‎ﻫﻬﻪ ﺷﻜﺮﺍ
‎ﻧﺘﺮﺕ ﺑﻲ ﺷﻨﻮ ﺗﻜﻮﻟﻠﻬﺎ ﺷﻜﺮﺍ ﻣﺎﺍﻗﺒﻞ
‎ﺍﻧﺘﻲ ﺷﻌﻠﻴﺞ ﺍﻧﻲ ﻭﻳﺎﻫﺎ ﻫﻲ ﺗﻜﻮﻟﻲ ﺯﺭﺍﻓﻪ ﻭﺍﻧﻲ ﺍﻛﻮﻟﻬﺎ ﻗﺮﺩﻩ
‎ﺭﻧﺪ - ﺳﻜﺘﺖ ﻭﺟﺮﻳﺖ ﻋﻴﻨﻲ ﻋﻤﺘﻲ ﺯﻳﻨﺐ ﺗﺒﺎﻭﻋﻠﻲ ﻣﻌﺎﺟﺒﻬﺎ ﻋﺒﺴﺖ ﺣﻠﻜﻬﺎ ﻭﺩﺍﺭﺕ ﻭﺟﻬﻪ
‎ﺳﻠﻴﻢ ﻋﻠﻰ ﻭﻛﻔﺘﻪ ﻛﺎﻝ ﻳﺴﺎﻟﻨﻲ
‎ﻋﻤﻲ ﻛﺎﻝ ﺍﺟﻴﺞ ﻟﻠﺠﺎﻣﻌﻪ ﺍﺷﻮﻓﺞ ﺧﺎﻑ ﻣﺤﺘﺎﺟﻪ ﺷﻲ
‎ﻣﺠﺎﻭﺑﺘﻪ ﻟﺰﻣﺖ ﻓﻮﻧﻲ ﺩﺯﻳﺖ ﺭﺳﺎﻟﻪ ﻟﺠﻮﺟﻮ
‎ﺷﺴﻮﻳﻠﻪ ﻟﻬﺬﺍ
‎ﻧﺘﺮ
‎ﺗﺮﻩ ﺩﺍﺣﺎﺟﻴﺞ ﻭﻛﻔﺖ ﺭﻓﻌﺖ ﺗﻚ ﺣﺎﺟﺐ
‎ﻛﻼﻡ ﻭﻳﺎﻙ ﻣﺎﻋﺪﻱ
‎ﻻ ﻭﺍﻟﻠﻪ ﻛﺎﻟﻬﺎ ﻣﻌﺎﺟﺒﻪ ﻭﻳﻀﺤﻚ ﺑﻘﻪ ﺻﺎﻓﻦ ﻋﻠﻴﻪ ﻣﻀﻴﻖ ﻋﻴﻨﻪ ﻛﺎﻝ
‎ﻣﻮ ﺍﺟﻴﺐ ﺍﻟﻴﺴﺮﻩ
‎ﻟﻴﺶ ﻳﺎﺑﻪ ﻭﺍﻧﻲ ﻣﺎﻭﺭﺍﻱ ﺍﺣﺪ
‎ﺑﺎﺑﺎ ﺍﻧﻲ ﺍﺑﻦ ﻋﻤﻤﺞ
‎ﺻﺎﺡ ﻃﺒﻮ ﻋﻤﻮﻣﺘﻲ ﻋﻠﻰ ﺻﻴﺎﺣﻪ
‎ﻧﺘﺮﺕ ﺑﻲ ﺑﻬﺪﻭﺀ
‎ﻣﻤﻌﺘﺮﻓﻪ ﺑﻴﻚ ﻭﻣﺪﺍﺷﻮﻓﻚ ﺭﺟﺎﺀﺍ ﻟﺘﺤﺎﺟﻴﻨﻲ ﻻﻥ ﺗﻠﻌﺐ ﺭﻭﺣﻲ
‎ﺧﺰﺭﻧﻲ ﺗﻮﻩ ﻳﺘﻘﺪﻡ ﻳﻀﺮﺏ ﺻﺮﺧﺖ ﺑﻴﺒﻲ
‎ﺳﻠﻴﻴﻴﻴﻴﻢ ﺻﺨﻴﻴﻴﻢ ﺍﻃﻠﻊ
‎ﺍﻣﻪ ﻧﺘﺮﺕ
‎ﺣﺠﻴﻪ ﻫﻮ ﻫﺬﺍ ﺣﺠﻲ ﻫﻤﻪ ﻫﻴﺞ ﻛﺎﻟﻮﻫﺎ ﻟﺴﺎﻧﻬﺎ ﻃﻮﻳﻞ ﻋﻴﺐ
‎ﻋﻤﻪ ﻟﻴﺤﺎﺟﻴﻨﻲ ﻟﻌﺪ
‎ﻋﻤﻪ ﻏﻴﺮ ﻭﻟﻲ ﺍﻣﺮﺝ
‎ﻣﻤﺤﺘﺎﺟﻪ ﻭﻟﻲ ﺍﻣﺮ ﻋﺪﻱ ﻟﺘﺨﻠﻮﻧﻲ ﻣﺎﺍﻃﺐ ﻟﻠﺒﻴﺖ ﺑﻌﺪ ﻫﺎ ﺑﻴﺒﻲ ﻣﻮ ﻛﺘﻴﻠﻲ ﺍﺷﻚ ﺧﻠﻚ ﺍﻟﻴﺘﺪﻛﺮ ﺑﻴﻴﻴﺞ ﺷﻮﻫﻢ ﺭﺟﻊ ﻳﺤﺠﻲ ﻭﻳﺎﻳﻪ
‎ﺳﻠﻴﻢ ﺑﻴﺒﻲ ﻋﻮﻓﻬﺎ
‎ﺑﻴﺒﻲ ﻫﺎﻳﻴﻲ ﺭﺍﺟﻌﻪ ﺍﻟﻨﺎ ﻟﺒﻴﺘﻨﺎ __ ﺭﺍﺟﻌﻪ ﺍﻱ ﺣﺠﺎﻳﻪ ﺗﻤﺴﻬﺎ ﺗﻤﺴﻨﺎ
‎ﻭﺍﻧﻲ ﻣﻤﺴﻮﻳﻪ ﺷﻲ ﻭﻣﺎﻟﻜﻢ ﺩﺧﻞ ﺑﻴﻪ
‎ﻭﻟﺒﺴﺞ ﺍﻟﻴﻔﺸﻞ
‎ﻭﺍﻧﺖ ﺷﻌﻠﻴﻚ ﻣﻨﻲ
‎ﺍﻧﺪﺍﺭﻳﺖ ﻋﻠﻰ ﻋﻤﻮ ﺍﺻﻴﻞ
‎ﻋﻤﻮ ﺷﻨﻮ ﺍﻟﺴﺎﻟﻔﻪ ﺷﻮ ﺟﻨﻪ ﺭﺟﺎﻝ ﻋﻠﻴﻪ ﺻﺎﻳﺮ
‎ﻏﺼﺐ ﻋﻨﺞ ﺭﺟﺎﻝ
‎ﺍﺑﺎﻭﻋﻠﻬﻢ ﺍﻟﻌﻴﻮﻥ ﺗﺸﺨﺼﺖ ﻋﻠﻴﻪ ﺑﺎﺗﻬﺎﻡ ﻭﺑﻴﺒﻲ ﺗﺘﻮﺳﻞ ﺑﻴﻪ ﻭﺑﻲ ﻭﻋﻤﻲ ﻳﺼﻴﺢ ﺭﻭﺡ ﺳﻠﻴﻢ ﻳﻄﻠﻊ ﻭﺍﺭﺩ ﺍﺣﺠﻲ ﻳﺮﺩ ﻳﺮﺟﻊ ﻳﺠﺎﻭﺏ ﺧﺘﻤﻬﺎ
‎ﻫﺎﻱ ﺍﺫﺍ ﻣﺮﺑﻴﺘﻬﺎ ﺍﻧﻲ ﻣﻮ ﺳﻠﻴﻢ ﻭﻣﺤﺪ ﻳﻠﻮﻣﻨﻲ ﺑﺎﻟﻘﺮﺍﻥ ﺍﻻ ﺍﺧﻠﻴﻬﺎ ﺣﻠﻜﻬﺎ ﻣﺘﻔﻜﻪ ﻓﺎﻟﺖ ﻭﻳﻠﻬﺎ ﺗﺮﺑﻴﻪ ﺳﺰ
‎ﺻﺮﺧﺖ ﺍﺣﺴﻦ ﻣﻦ ﺗﺮﺑﻴﺘﻜﻢ ﻣﺘﺮﺑﺎﻳﻪ ﻫﺪﺍﻭ ﻛﻠﻬﻢ ﻭﺻﺎﺭﺕ ﺻﻨﻄﻪ ﺭﺟﻔﺖ ﺑﺎﻭﻋﺖ ﻟﺒﺒﻴﺒﻲ
‎ﻣﻮﻛﺘﻠﺞ ﻣﺎﺍﺟﻲ ﻛﺘﻠﺞ ﻣﺎﺍﻓﻮﺕ ﻟﻴﺶ ﺗﻠﺤﻴﻦ
‎ﺑﻴﺒﻲ ﻫﺴﻪ ﻫﻮ ﺷﺤﺠﻰ ﻣﻜﺎﻝ ﺷﻲ ﻟﻴﺶ ﺗﻌﺼﺒﻴﻦ
‎ﻣﺎﺭﻳﺪ ﻳﺤﺎﺟﻴﻨﻲ ﺣﺠﺎﻳﻪ ﻭﺣﺪﻩ
‎ﺍﺻﻴﻞ - ﻫﺎﻫﻲ ﻋﻤﻮ ﺍﻫﺪﻱ ﻛﻌﺪﻱ ﻫﻨﺎ ﻳﻤﻲ
‎ﻛﻌﺪﺕ ﻣﺰﻧﺒﺮﻩ ﺑﺎﻭﻋﺖ ﻟﺰﻳﻨﺐ ﻫﺰﺕ ﺍﻳﺪﻫﺎ ﻭﺩﺭﺩﻣﺖ ﻛﺒﺮﻥ ﻭﻛﺎﻣﻮ ﻳﺠﺎﻭﺑﻦ ﺍﻻﻛﺒﺮ ﻣﻨﻬﻦ ﻫﻲ ﻫﺎﻱ ﺗﺮﺑﺎﻳﺘﻬﺎ ﺣﺎﻳﺮﻩ ﺗﺪﻭﺭ ﺯﻟﻢ . ﺍﺑﺘﺴﻤﺖ ﺑﺎﻭﻋﺘﻠﻬﺎ
‎ﻭﺍﻟﻠﻪ ﻋﻤﻪ ﻣﻠﻜﺖ ﺯﻟﻢ ﻋﺪﻛﻢ ﺩﻭﺭﺕ ﺑﺮﻩ ﺑﺸﺸﺮﻑ ﻭﻛﻌﺪﺕ ﻋﻤﻲ ﻫﻤﺲ
‎ﻋﻤﻮ ﻻﺯﻡ ﺗﺤﺘﺮﻣﻴﻦ
‎ﻫﻮﻭﺍﻧﻲ ﻫﻴﺞ ﻟﻴﺶ ﺩﺯﻳﺘﻮ ﻋﻠﻴﻪ
‎ﻻﻥ ﺑﻨﺘﻨﺎ ﻭﺭﺍﺟﻌﻪ ﺍﻟﻨﺎ
‎ﺍﻧﻲ ﺑﻨﺖ ﺍﻣﻲ
‎ﻭﺍﻣﺞ ﺗﺮﺿﻰ ﺑﻬﺬﺍ ﻛﻼﻣﺞ ﺑﻘﻴﺖ ﺳﺎﻣﺘﻪ ﻭﺟﻬﻲ ﺻﺎﺭ ﻧﺎﺭ ﻫﻤﺲ ﻣﺎﺍﺗﺼﻮﺭ ﻭﺍﻟﻠﻪ ﺗﺮﺿﺎﻫﺎ
‎ﻋﻤﻮ ﻟﺘﻀﻠﻤﻨﻲ
‎ﻣﻀﺎﻟﻤﺞ ﻋﻤﻮ ﺑﺲ ﻻﺯﻡ ﺗﺤﺘﺮﻣﻴﻦ ﺍﻟﺴﻮﺍﻩ ﺍﺑﻮﺝ ﺍﺣﻨﺎ ﻣﺎﻟﻨﺎ ﺫﺗﺐ ﺑﻲ
‎ﺳﻠﻴﻢ ﻟﻴﺶ ﻳﺼﺮﺏ ﻭﺍﻧﺖ ﻣﺪﺍﻓﻌﺘﻠﻲ ﻣﺪﺍﻓﻊ ﻏﻴﺮ ﺳﻴﺮﻭﺍﻥ
‎ﻋﻤﻮ ﺳﻠﻴﻢ ﻳﻮﻣﻴﻦ ﻃﺎﺭﺩﻩ ﻣﻦ ﺍﻟﺒﻴﺖ ﺍﻧﻲ ﺑﻴﺖ ﺟﺪﻩ ﻣﻴﻔﻮﺕ ﻻﻥ ﻣﺪ ﺍﻳﺪﻩ ﻋﻠﻴﺞ
‎ﺳﻜﺘﺖ ﻫﺪﺍﺕ ﺍﻋﺼﺎﺑﻲ
‎ﻛﻤﻞ
‎ﺗﺮﺿﻴﻦ ﺍﻭ ﻣﺘﺮﺿﻴﻦ ﻫﺬﺍ ﺍﺑﻮﺝ ﻭﺍﺑﻨﻨﺎ ﻻﺯﻡ ﺗﺤﺘﺮﻣﻴﻦ ﻣﻦ ﺗﺠﻴﻦ ﻫﻨﺎ ﻣﺘﺤﺠﻴﻦ ﻋﻠﻴﻪ ﺍﺣﺠﻲ ﺑﻴﻨﻲ ﻭﺑﻴﻨﺞ ﻃﻠﻌﻲ ﻗﻬﺮﺝ ﺑﺲ ﻻﻛﺪﺍﻡ ﻧﺴﻮﺍﻥ ﻋﻤﺞ ﻋﻤﻮ ﺣﺒﻴﺒﺘﻲ
‎ﺍﻭﻙ ﻫﺰﻳﺖ ﺭﺍﺳﻲ ﺑﺮﺿﻰ ﺟﺮﻧﻲ ﺣﻀﻨﻨﻲ ﻭﺑﺎﺱ ﺭﺍﺳﻲ ﻛﺎﻝ
‎ﺍﻟﺴﻴﺎﺭﻩ ﻣﻮ ﻣﻦ ﺍﺑﻮﺝ ﻣﻦ ﺍﻟﻤﻌﻤﻞ ﻓﻠﻮﺳﻬﺎ ﻭﻭﺍﺭﺩ ﺣﺼﻪ ﺍﺑﻮﺝ ﺍﻟﻜﻢ ﺭﻓﻀﺖ ﺍﺩﺯﻟﻪ ﺷﻲ ﻛﺘﻠﻪ ﺑﻨﺎﺗﻚ ﺍﻭﻟﻰ
‎ﻣﺎﺭﻳﺪﻫﺎ ﻛﻠﺘﻬﺎ ﻭﺩﺭﺕ ﻭﺟﻬﻲ ﺯﻳﻨﺐ ﻛﺎﻋﺪﻩ ﻭﺗﺪﺭﺩﻡ ﺑﻴﻦ ﺍﻟﺨﻮﺍﺕ ﺍﻟﻀﺎﻟﻴﻦ ﺻﺎﻓﻨﻴﻦ ﻋﻠﻰ ﻋﻤﻮ ﺍﺻﻴﻞ ﻭﻫﻮ ﻳﺮﺍﺿﻴﻨﻲ
‎ﻛﺎﻝ
‎ﺯﻳﻦ ﺍﻣﺸﻴﻠﻜﻢ ﺭﺍﺗﺐ ﻣﻦ ﻋﺪﻱ
‎ﻋﻤﻮ ﻣﻤﺤﺘﺎﺟﻪ ﻭﺭﻭﺡ ﺧﺎﻟﻮ ﺍﻧﻄﻴﻬﺎ ﻟﺰﻳﻨﺐ ﺧﻄﺒﻪ
‎ﻋﻤﻮ ﻋﻴﺐ ﺍﺳﻤﻬﺎ ﻋﻤﺘﺞ
‎ﺟﺮﻳﺖ ﻧﻔﺲ ﺑﺘﻌﺐ ﻋﻤﻮ ﺍﺭﻳﺪ ﺍﺭﻭﺡ
‎ﺳﻨﺪ - ﻋﻤﻮ ﺧﻞ ﺍﺭﻭﺡ ﺳﺮﻯ ﺻﺪﻳﻘﺘﻲ ﺟﺘﻲ ﻋﻠﻴﻪ ﻟﻠﺒﻴﺖ
‎ﻣﺎﺷﻲ ﻋﻤﻮ ﺭﻧﺪ ﻳﺎﺑﻪ ﺍﺑﻦ ﻋﻤﺞ ﻣﺴﻮﻭﻝ ﻋﻨﺞ
‎ﻋﻤﻮ ﻣﺎﺭﻳﺪ
‎ﻏﺼﺐ ﻋﻨﺞ ﻋﻤﻮ ﺣﺒﻴﺒﺘﻲ ﺍﻟﻨﺎﺱ ﻻﺯﻡ ﺗﻌﺮﻑ ﻭﺭﺍﺝ ﺭﻳﺎﺟﺒﻞ
‎ﻟﻴﻮﺻﻞ ﻳﻤﻲ
‎ﻣﻴﺤﺎﺟﻴﺞ ﺑﺲ ﻳﺸﻮﻑ ﺍﻣﻮﺭﺝ ﻳﺘﺎﺑﻌﺞ ﻭﺧﻠﺺ
‎ﻟﻴﺤﺠﻲ ﻭﻳﺎﻳﻪ ﻋﻤﻮ ﺍﻓﻬﻤﻨﻲ
‎ﻋﻤﻮ ﻓﻬﻤﺖ ﻫﺬﺍ ﻫﻮ
‎ﻳﻠﻪ ﻣﻊ ﺍﻟﺴﻼﻣﻪ
‎ﺩﺧﻲ ﺭﺍﺗﺒﺞ ﻋﻤﻮ ﺣﺒﻴﺒﺘﻲ ﻟﺨﺎﻃﺮﻱ ﺍﻧﻲ
‎ﻣﻦ ﺍﺣﺘﺎﺝ ﺍﺟﻲ ﺍﺧﺬ ﺍﺭﻳﺪ ﺍﺭﻭﺡ ﻋﺪﻱ ﺩﺭﺍﺳﻪ
‎ﺗﺠﻴﻦ ﻋﻤﻮ ﻣﻮ
‎ﺍﻱ ﺍﺟﻲ ﻭﺍﻟﻠﻪ ﻳﻠﻪ ﺑﺎﻱ ﺑﺴﺘﻪ ﻣﻦ ﺭﺍﺳﻪ ﻭﺍﻓﺘﺮﻳﺖ ﻋﻠﻰ ﺑﻴﺒﻲ ﺑﺴﺘﻬﺎ ﻭﻃﻠﻌﺖ ﻣﻦ ﺍﻟﻤﻄﺒﺦ ﻭﺍﻧﻲ ﺍﻛﻮﻝ ﺑﺎﻱ
‎ﺳﻨﺪ - ﻃﻠﻌﻨﺎ ﻭﺍﻧﻲ ﺍﺗﻮﺳﻞ ﻋﻔﻴﻪ ﻣﺎﺭﻳﺪ ﺍﺟﻲ
‎ﻳﻤﻌﻮﺩﻩ ﺣﻴﺼﻴﺮﻭﻥ ﻫﺴﻪ ﺣﻤﺎﻩ ﺍﻟﻮﻃﻦ ﻃﻠﻌﻨﺎ ﻭﻱ ﻋﻠﻲ ﻭﺻﻠﻨﺎ ﻭﻧﺰﻟﺖ
‎ﺍﻳﺎﻡ ﻣﺮﺕ ﻭﺍﻧﻲ ﻣﻦ ﺗﻔﺮﻕ ﺍﻟﻰ ﺗﻔﻮﻕ ﻭﻟﻴﺪ ﻋﻠﻰ ﻃﻮﻝ ﺍﺷﻮﻓﻪ ﻭﻛﻠﻤﺎ
‎ﻻﺯﻡ ﻳﺠﻲ ﻳﺴﻠﻢ ﻳﻮﻛﻒ ﺷﻮﻱ ﻳﻤﻲ ﻭﺍﻧﻲ ﺍﺗﺮﺧﺺ
‎ﻫﺒﻪ ﺯﺍﺩ ﺗﻌﻠﻘﻬﺎ ﺑﻲ ﻭﺑﺲ ﺗﺤﺠﻲ ﺑﻲ ﻭﻛﺎﻣﺎ ﺍﻃﻠﻊ ﺍﻟﻜﺎﻫﺎ ﻭﺍﻛﻔﻪ ﻳﻤﻪ ﻭﻫﻮ ﻻﺑﺴﻬﺎ
‎ﺟﻬﻴﻨﻪ ﻭﻳﺎﻳﻪ ﺑﺲ ﻏﻴﺮ ﻗﺴﻢ ﺍﻣﻲ ﺻﺎﺭﺕ ﺗﻨﻄﻴﻨﻲ ﻳﻮﻣﻴﻪ . ﺍﺷﺘﺮﻱ ﺑﻴﻬﺎ ﺷﻲ ﺑﺴﻴﻂ ﺑﺎﻟﻜﺎﻓﺘﺮﻳﺎ ﻭﻧﻮﺑﺎﺕ ﺟﻬﻴﻨﻪ ﺗﺠﻴﺐ ﻭﻳﺎﻫﺎ ﻻﻥ ﺧﺎﻟﺘﻬﺎ ﺍﻟﻤﻄﻠﻘﻪ ﺗﺴﻮﻱ
‎ﻭﻟﺤﺪ ﺍﻻﻥ ﺗﺪﻭﺭ ﻋﻠﻰ ﺷﻐﻞ ﺟﺎﻧﺖ ﺗﺨﺒﻞ ﻣﻦ ﺍﻟﺠﻤﺎﻝ ﺑﻜﺪ ﻣﺎﻣﺎ ﻭﺣﻠﻮﻩ ﻭﻣﻬﺘﻤﻪ ﺑﺮﻭﺣﻬﺎ ﻭﻣﺘﻄﻠﻊ ﻣﻦ ﺍﻟﺒﻴﺖ ﺭﻏﻢ ﺍﻧﻬﺎ ﺟﺪﺍ ﻭﺍﻋﻴﻪ ﻭﻓﺎﻫﻤﻪ
‎ﺳﻨﺪ - ﻛﻢ ﺷﻬﺮ ﻣﺮ ﺁﺻﻒ ﻗﻄﻌﺖ ﻋﻼﻗﺘﻲ ﺑﻲ ﻭﻣﺠﻨﺖ ﻣﻬﺘﻤﻪ ﺑﺲ ﻋﻠﻰ ﻃﻮﻝ ﺑﺒﺎﻟﻲ ﻣﺮﻩ ﻣﻦ ﺍﻟﻤﺮﺍﺕ ﺍﺟﻪ ﻋﻤﻮ ﺣﻴﺪﺭ ﻋﺪﻧﺎ ﻛﺎﻥ ﻋﺪﻧﺎ ﻋﻄﻞ ﺑﺎﻟﻤﻨﻀﻮﻣﻪ ﻣﺎﻝ ﻣﻲ ﺍﻟﻤﻌﻘﻢ ﺍﻟﺸﺪﻫﺎ ﻣﻦ ﻣﺎﻣﺎ ﺣﻤﻠﺖ
‎ﻭﺍﻟﻤﻨﻀﻮﻣﻪ ﻛﺎﻡ ﻳﺘﺠﻤﻊ ﺑﻴﻬﺎ ﺍﻟﻤﻲ ﻭﻣﻌﺮﻓﻨﺎﻟﻬﺎ ﺧﺎﺑﺮﺕ ﻣﺎﻣﺎ ﻟﻠﺸﻐﻞ
‎ﺍﻟﻮ ﻣﺎﻣﺎ
‎ﻫﺎ ﺳﻨﺪ
‎ﻣﺎﻣﺎ ﻫﺎﻱ ﺍﻟﻤﻨﻀﻮﻣﻪ ﻣﺪﺗﻄﻠﻊ ﻣﻲ
‎ﻟﻴﺶ
‎ﻣﺎﺩﺭﻱ ﻭﺍﻛﻒ
‎ﻣﺎﺍﻋﺮﻓﻠﻬﺎ ﺗﺎﻟﻲ
‎ﺷﺘﺎﻟﻲ ﻣﺘﺖ ﻋﻄﺶ ﺷﻮﻥ ﺷﺴﻮﻱ
‎ﺩﻗﻴﻘﻪ ﻭﺍﺭﺟﻊ ﺍﺧﺎﺑﺮﺝ
‎ﻏﺎﺩﻩ - ﺑﻴﻮﻣﻬﺎ ﺟﺎﻧﻮ ﺟﺎﻳﻴﻦ ﺩﻛﺘﻮﺭﺍﺕ ﺟﻨﺖ ﺑﻴﻮﻣﻬﺎ ﺩﺍﺧﻠﻪ ﺑﺎﻟﺴﺎﺩﺱ ﻭﻗﺒﻞ ﺑﻴﻮﻡ ﻣﺘﻮﺳﻞ ﺑﻴﻪ ﺍﺭﻭﺡ ﺩﻛﺘﻮﺭﻩ ﺍﺳﻴﺎ ﻭﺭﻓﻀﺖ ﺟﺎﻥ ﻳﺮﻳﺪ ﻳﻌﺮﻑ ﺟﻨﻲ ﺍﻟﻄﻔﻞ ﻭﺍﻧﻲ ﻣﻤﻬﺘﻤﻪ ﻭﺿﺠﺖ ﻣﻦ ﻣﻠﺤﺘﻪ ﺗﺮﻛﺘﻨﻲ ﺑﺮﺍﺣﺘﻲ
‎ﻭﺍﺗﻔﺎﺟﺎ ﺑﺠﻤﺎﻝ ﺍﻟﻤﻮﺿﻔﺎﺕ ﺍﻟﻄﺎﺑﻴﻠﻪ
‎ﺍﻟﺘﻨﻮﺭﻩ ﻛﺼﻴﺮﻩ ﻛﻠﺶ ﻭﺍﻟﺸﻌﺮ ﻭﻣﺒﻴﻨﺎﺕ ﻭﺍﺻﻼﺕ ﺫﺟﻄﺒﻮ ﻛﺎﻟﻮ
‎ﺍﺳﺘﺎﺫ ﺣﻴﺪﺭ ﻣﻮﺟﻮﺩ
‎ﺍﺣﻢ ﺍﻱ ﻧﻌﻢ ﺗﻔﻀﻠﻲ
‎ﻃﺒﺖ ﻭﺣﺪﻩ ﻣﻨﻬﻢ ﻭﺍﻟﺒﺎﻗﻴﺎﺕ ﺭﺍﺣﻮ ﻟﻤﺴﺘﻮﺩﻉ ﺍﻻﺟﻬﺰﻩ ﺑﺲ ﺍﻟﺪﺧﻠﺖ ﻛﺎﻧﺖ ﺭﺋﻴﺴﻪ ﺍﻟﻔﺮﻳﻖ ﻭﺍﺟﻤﻠﻬﻢ ﺩﺧﻠﺖ ﻭﺍﺳﻤﻊ ﺿﺤﻜﻬﺎ ﻭﺍﻟﺒﺎﺏ ﻣﺴﺪﻭﺩﻩ
‎ﻣﺪﺭﻱ ﺷﺼﺎﺭ ﺑﻴﻪ
‎ﻳﻤﻜﻦ ﺧﻔﺖ ﻻﺍﻓﻘﺪ ﺍﻫﺘﻤﺎﻣﻪ ﺧﻔﺖ ﻻ ﻳﺼﻴﺮ ﺷﻲ ﺑﻴﻨﻬﻢ
‎ﺍﻧﻲ ﺷﺪﺍﻓﻜﺮ ﻭﻳﻦ ﻭﺻﻠﺖ ﻣﻮ ﺟﻨﺘﻲ ﺗﺘﺨﺒﻠﻴﻦ ﻻﻻ ﻣﺠﺮﺩ ﻫﻮﺍﺟﺲ . ﻭﺩﻛﺖ ﺳﻨﺪ ﻭﻟﻜﻴﺘﻬﺎ ﺣﺠﻪ ﺍﻧﺴﺒﻪ ﺍﻟﻲ ﺩﻛﻴﺖ ﺑﺎﺏ ﺍﻟﻐﺮﻓﻪ ﻛﺎﻝ
‎ﺗﻔﻀﻠﻞ
‎ﻃﺒﻴﺖ ﻛﺎﻥ ﻣﺒﺘﺴﻢ ﺑﺎﻭﻋﻠﻲ ﻛﺎﻝ
‎ﻫﺎ . ﻏﺎﺩﻩ
‎ﺍﺍ ﺍﺳﺘﺎﺫ ﻫﺎﻱ ﺍﻟﺮﺟﻮﺻﻯﻼﺕ ﻣﺎﻝ ﻓﺮﻳﻖ ﺍﻟﻤﺸﺘﺮﻱ ﻣﻦ ﻋﺪﻧﺎ ﺍﻻﺟﻬﺰﻩ
‎ﻫﺎ ﺟﻴﺒﻲ ﺍﻭﻗﻌﻪ ﻭﻭﺩﻱ ﻟﻤﺤﻤﺪ ﻳﻨﺴﺦ ﺍﻟﻌﻘﻮﺩ ﻣﺎﺷﻲ
‎ﺍﻭﻙ
‎ﻭﻛﻔﺖ ﻭﻫﻮ ﻳﻮﻗﻊ ﻭﻳﻜﻠﺐ ﺍﻟﻮﺻﻞ ﺍﻟﻮﺭﺍﻩ ﻛﺎﻟﺖ
‎ﺑﺲ ﻣﺘﻮﻗﻌﺘﻚ ﻫﺎﻟﻌﻤﺮ ﺑﻌﺪﻙ ﺻﻐﻴﺮ ﺍﻧﻲ ﺑﺎﺑﺎ ﻣﻦ ﻛﺎﻝ ﺗﻮﻗﻌﺖ ﻋﻤﺮﻙ ﺑﺎﻟﺴﺘﻴﻦ ﻣﺘﻮﻗﻌﺘﻚ ﺑﺸﺒﺎﺑﻚ
‎ﺟﺎﻭﺑﻬﺎ ﻭﺑﺎﻭﻋﻠﻲ
‎ﻫﻪ ﻳﺎﺷﺒﺎﺏ ﻣﻌﻮﺩﻩ ﻃﺒﻴﻨﺎ ﻧﺺ ﺍﻻﺭﺑﻌﻴﻦ
‎ﺑﻘﻴﺖ ﺍﺑﺎﻭﻋﻠﻬﺎ ﻭﺍﺑﺎﻭﻉ ﻟﺴﻴﻘﺎﻧﻬﺎ ﺍﻟﻤﻜﺸﻮﻓﻪ ﺑﻠﻌﺖ ﺭﻳﻚ ﻭﺍﻧﻲ ﺍﺗﻔﺤﺺ ﺟﻤﺎﻝ ﺟﺴﻤﻬﺎ ﻭﺿﻌﻔﻬﺎ ﻛﻤﻠﺖ
‎ﺷﻌﺠﺐ ﻣﻤﺘﺰﻭﺝ؟
‎ﺟﺎﻭﺏ ﺑﺒﺪﻳﻬﻴﻪ ﻭﻣﻦ ﻛﺎﻝ ﻣﻤﺘﺰﻭﺝ
‎ﺑﺎﻭﻋﻠﻲ ﺻﻔﺢ ﻣﺮﺗﺒﻚ ﻫﻤﺲ
‎ﺍﻗﺪﻣﻠﺞ ﺯﻭﺟﺘﻲ
‎ﺑﻠﺤﻀﺘﻬﺎ ﺑﺎﻭﻋﺘﻠﻪ ﻭﻣﻲ ﺑﺎﺭﺩ ﻧﺰﻝ ﻋﻠﻰ ﻛﻠﺒﻲ ﺑﻘﻪ ﻳﺒﺎﻭﻉ ﺑﻌﻴﻨﻲ ﻭﺍﻟﻘﻠﻢ ﺑﻴﺪﻩ ﻭﻣﻮﻛﻒ ﺗﻮﻗﻴﻊ ﻧﺴﻴﺖ ﻋﻴﻮﻧﻲ ﺑﻮﺟﻬﻪ
‎ﺷﻨﻮ ﺣﺲ ﺑﻴﻪ ﺿﺠﺖ ﺧﺲ ﺑﻴﻪ ﻣﻦ ﺩﺍﺍﺑﺎﻭﻉ ﻟﻴﺶ ﻛﺎﻟﻠﻬﺎ ﻣﺘﺰﻭﺟﻨﻲ ﻣﻜﺎﻥ ﺍﻟﻪ ﺩﺍﻋﻲ ﺑﺲ ﺭﻓﻌﻨﻲ ﺣﻴﻞ
‎ﺟﺎﻭﺑﺖ ﻻ ﺻﺪﺩﻭﻙ ﻫﺎﻱ ﺯﻭﺟﺘﻚ ﻫﻪ ﻭﺣﺎﻣﻞ ﻳﺎﻋﻴﻨﻲ
‎ﻛﺎﻝ ﻭﻧﺼﻪ
‎ﺷﺘﺴﻮﻱ ﻣﺘﻘﺒﻞ ﺗﻜﻌﺪ ﺑﺎﻟﺒﻴﺖ ﺗﻀﻮﺝ ﻧﺸﻴﻄﻪ ﻭﺍﺑﻨﻲ ﺣﻴﻄﻠﻊ ﻣﺜﻠﻬﺎ
‎ﺧﺘﻤﺘﻬﺎ ﺍﺳﻔﻪ ﺍﻋﺘﺬﺭ ﻣﻨﺞ ﺑﺲ ﻻﻥ ﻣﺸﻔﺖ ﺍﻟﺤﻠﻘﻪ ﺗﻮﻗﻌﺘﻪ ﻣﻤﺘﺰﻭﺝ
‎ﻛﺎﻝ
‎ﻻ ﻧﺴﻴﺘﻬﺎ ﺑﺎﻟﺒﻴﺖ
‎ﻛﺎﻟﺖ
‎ﺣﺘﻰ ﺍﻧﺘﻲ ﻣﻼﺑﺴﻪ
‎ﺟﺎﻭﺏ ﺑﻀﻴﻘﻪ ﺻﺒﺮ
‎ﻣﻮ ﺟﻨﺞ ﻃﻠﻌﺘﻲ ﻣﻦ ﻣﻮﺿﻮﻉ ﻣﺴﺘﺸﻔﺎﻛﻢ ﺍﻟﺤﺪﻳﺪ ﻭﺣﺘﺸﺘﻐﻠﻴﻦ ﺧﻄﺎﺑﻪ
‎ﻛﻤﻞ ﺗﻮﻗﻴﻊ ﻭﺍﺧﺬﺕ ﺍﻻﻭﺭﺍﻕ ﻃﻠﻌﺖ ﻭﺍﻧﻲ ﻛﻠﻤﻪ ﻣﻨﻄﻘﺖ ﻛﻔﻪ ﻭﺭﻓﻪ ﺩﻗﺎﻳﻖ ﻭﻧﺴﺨﺘﻬﺎ ﻭﺭﺟﻌﺖ ﺑﻘﻴﺖ ﺑﻤﻜﺎﻧﻲ ﺍﺳﺘﺬﻛﺮ ﻛﻠﻤﻪ ﻛﻠﻤﻪ ﻣﻨﻪ ﻭﻛﻠﺒﻲ ﻳﺪﻙ ﺳﺮﻳﻊ ﺷﻨﻮ ﻗﺼﺪﻩ ﺑﻬﺎﻟﻤﻮﻗﻒ
‎ﺷﻮﻱ ﻭﻃﻠﻌﻮ ﺳﻠﻤﺖ ﻋﻠﻴﻪ ﻣﺼﺎﻓﺤﺘﻨﻲ ﺗﺒﺘﺴﻢ
‎ﺗﻜﻮﻣﻴﻦ ﺑﺎﻟﺴﻼﻣﻪ ﻭﻻﺯﻡ ﺗﺠﺮﺑﻴﻦ ﻣﺴﺘﺸﻔﺎﻧﺎ ﻋﺪﻧﺎ ﻗﺴﻢ ﻭﻻﺩﺍﺕ ﻭﻟﺘﺨﺎﻓﻴﻦ ﺭﺍﺡ ﻧﻘﻮﻡ ﺑﺎﻟﻼﺯﻡ ﻻﻧﺞ ﺯﻭﺟﻪ ﺍﺳﺘﺎﺫ ﺣﻴﺪﺭ
‎ﺍﻟﻠﻠﻪ ﻳﺴﻬﻞ ﺟﺎﻭﺑﺖ ﻭﺑﺎﻭﻋﺘﻠﻪ ﺍﺑﺘﺴﻢ ﻭﻭﺻﻠﻬﺎ ﻟﻠﺒﺎﺏ ﻭﺭﺟﻊ ﻣﺒﺎﻭﻋﻠﻲ ﻧﺼﻪ ﻭﻣﺸﻪ ﺳﺮﻳﻊ ﻟﻤﻜﺘﺒﻪ ﻫﻤﺴﺖ
‎ﺍﺳﺘﺎﺫ
‎ﻭﻛﻒ ﻭﺍﻟﺘﻔﺖ ﺑﻬﺪﻭﺀ ﻭﺗﺮﺩﺩﺑﺎﻭﻋﻠﻲ ﻭﻫﻮ ﻓﺎﺗﺢ ﺑﺎﺏ ﻣﻜﺘﺒﻪ ﻧﺼﻪ
‎ﻧﻌﻢ ﻏﺎﺩﻩ
‎ﺍﺍ ﺍﻟﻤﻨﻀﻮﻣﻪ ﺍﻟﺠﺒﺘﻬﺎ ﻣﻤﺪﺗﻄﻠﻊ ﻣﻲ ﻛﻠﺘﻬﺎ . ﺍﺣﺲ ﺭﻭﺣﻲ ﻋﺮﻛﺖ ﻣﻦ ﺍﻻﺭﺗﺒﺎﻙ ﻛﺎﻝ ﻋﺎﻛﺪ ﺣﺎﺣﺒﻪ
‎ﺷﺒﻴﻬﺎ
‎ﻣﺎﺩﺭﻱ ﺳﻨﺪ ﻛﺎﻟﺖ ﻭﺍﻛﻒ ﺍﻟﻤﻲ ﺑﻴﻬﺎ
‎ﺍﻭﻭ ﻻﺯﻡ ﺗﺘﺒﺪﻝ ﺍﻟﺴﻔﻨﺠﺎﺕ ﺑﻴﻬﺎ ﻣﺠﺎﻝ ﺍﺟﻴﻜﻢ ﺍﺑﺪﻟﻬﺎ ﻣﺎﻃﻮﻝ ﺳﺎﻋﻪ
‎ﺑﻠﻌﺖ ﺭﻳﻚ ﻧﺼﻴﺖ
‎ﺍﺫﺍ ﺗﺮﺩﻳﻦ ﺍﺩﺯ ﻋﺎﻣﻞ
‎ﻻﻻ ﺷﻄﺒﺐ ﻏﺮﺑﻪ ﻭﺑﻨﺎﺗﻲ
‎ﺍﻱ ﻟﻴﺶ ﺩﺍﺍﻛﻮﻟﺞ ﺍﻟﻴﻮﻡ ﻭﺭﻩ ﺍﻟﺪﻭﺍﻡ ﻫﺴﻪ ﺿﺎﻟﻴﻦ ﺑﻠﻪ ﻣﻲ
‎ﺍﻣﻢ
‎ﻟﻌﺪ ﺍﻣﺸﻲ ﻣﺎﺗﻮ ﻋﻄﺶ ﺗﻠﻜﻴﻬﻢ ﺧﻠﺼﻨﺎ ﺷﻐﻞ ﺍﻟﻴﻮﻡ ﺍﻣﺸﻲ ﺍﻭﺻﻠﺞ ﻭﺍﺷﻮﻓﻬﺎ
‎ﻣﺎﺷﻲ ﻟﻤﻴﺖ ﻏﺮﺍﺿﻲ ﻓﺎﺕ ﺟﺎﺏ ﻓﻮﻧﻪ ﻭﻃﻠﻌﻨﺎ ﻧﻀﺮﺍﺕ ﺍﻟﻤﺮﺿﻔﻴﻦ ﺑﻜﻞ ﻣﺮﻩ ﺍﺭﻭﺡ ﻭﻳﺎﻩ ﺗﻘﺮﺍﻧﻲ ﻭﺻﻠﺖ ﻟﻠﺒﺎﺏ ﺍﺳﺘﺎﺫ ﻋﻤﺮ ﻛﺎﻝ
‎ﻭﻳﻦ ﺭﺍﻳﺤﻴﻦ ﺍﻟﻌﺼﺎﻓﻴﺮ
‎ﺍﻟﻤﻮﺿﻔﻴﻦ ﻛﻠﻬﺎ ﻋﻴﻮﻧﻬﺎ ﺗﺸﺨﺼﺖ ﻋﻠﻴﻪ ﻭﺍﻟﺮﻳﺴﺒﺸﻦ ﻛﺎﻥ ﻣﻠﻴﺎﻥ ﺟﺎﻭﺏ ﺍﻟﻤﺪﻳﺮ
‎ﻋﻤﺮ ﻋﺪﻱ ﺷﻐﻠﻪ ﺑﺎﻟﺒﻴﺖ ﻓﺪﻭﻩ ﺳﺎﻋﻪ ﻳﻠﻪ ﺗﺮﻭﺡ ﻟﻠﻤﺴﺘﺸﻔﻰ
‎ﺍﻱ ﺍﻱ ﺭﻭﺡ ﺧﻮ ﻣﺎﻛﻮ ﺷﻲ ﻫﺎ ﻏﺎﺩﻩ ﺧﻮﻣﺒﻴﺞ ﺷﻲ
‎ﺩﺍﺟﺎﻭﺏ ﻛﺎﻝ
‎ﻻ ﺩﺍﺍﺧﺬﻫﺎ ﺗﺮﺗﺎﺡ ﻛﺎﻟﻬﺎ ﺻﻮﺕ ﻋﺎﻟﻲ ﻭﻛﻤﻞ ﻛﻼﻡ ﺷﻬﻮﺭ ﺣﻤﻠﻬﺎ ﺍﻻﺧﻴﺮﻩ ﻭﻫﻲ ﻋﻨﺎﺩﻳﻪ ﺍﺧﺬﻫﺎ ﻻﻣﻲ ﺗﺘﺼﺮﻑ ﻫﺎﻱ ﺳﻮﺍﻟﻒ ﺍﻟﺠﻨﻪ ﻭﺍﻟﻌﻤﻪ ﻣﺎﺩﺑﺮﻫﺎ
‎ﻋﻤﺮ ﺿﺤﻚ ﻣﻦ ﻛﻠﺒﻬﺎ ﻭﻛﺎﻝ
‎ﺍﻛﻮﻟﻬﺎ ﻣﻮ ﺟﻨﺖ ﺗﻀﺤﻚ ﻋﻠﻴﻪ ﺩﻛﻠﻬﺎ ﻋﺰﻳﺰﻱ
‎ﺍﻟﻤﻮﺿﻔﻴﻦ ﺑﻘﻮ ﺻﺎﻓﻨﻴﻦ ﻭﻻﺫﻧﻲ ﻭﺻﻠﺖ
‎ﺷﻨﻮ ﺯﻭﺟﻬﺎ ﻭﺍﻟﻠﺢ ﺗﻜﻮﻟﻬﺎ ﻣﻮﻛﺘﻠﺞ ﺑﻴﻨﻬﻢ ﺷﻲ ﻣﺼﺪﻛﺘﻲ ﻭﺍﻟﻠﺦ ﺗﻜﻮﻟﻪ ﺟﻨﺖ ﺷﺎﻛﻪ
‎ﻃﻠﻌﻨﺎ ﻭﺍﻧﻲ ﺍﻋﺼﺎﺑﻲ ﺗﺮﺟﻒ ﻃﺒﻴﺖ ﺍﻟﺴﻴﺎﺭﻩ ﺻﻌﺪﺕ ﻭﺫﺏ ﺳﺘﺮ ﺗﻪ ﻟﻴﻮﺭﻩ ﻛﻌﺪ ﻭﺷﻐﻞ
‎ﻃﻠﻊ ﺑﺎﻭﻋﻠﻲ ﻛﺎﻝ
‎ﺟﺮﻱ ﻧﻔﺲ ﻻﺗﻄﻤﻴﻦ
‎ﻟﻴﺶ ﺣﺠﻴﺖ ﺷﺒﻴﻚ ﺍﻟﻴﻮﻡ
‎ﺻﺎﺭ ﺍﻟﻮﻛﺖ ﻣﺒﻘﻰ ﺷﻲ ﻟﻮﻻﺩﺗﺞ ﻏﺎﺩﻩ ﻻﺯﻡ ﺍﻟﻜﻞ ﻳﻌﺮﻑ ﺍﻧﺘﻲ ﺭﺍﺟﻌﻪ ﺍﻟﻲ ﻭﻟﺠﺎﻟﻠﻲ ﺑﺒﻄﻨﺞ ﺍﺑﻨﻲ
‎ﻭﻣﻦ ﻛﺎﻟﻚ ﺍﻟﻚ ﺭﺍﺟﻌﻪ ﻧﺘﺮﺕ ﺑﻌﺼﺒﻴﻪ ﻭﻣﻦ . ﺳﻤﺤﻠﻚ ﺗﻔﻤﺮ ﻭﺗﺘﺼﺮﻑ ﻋﻨﻨﻲ
‎ﻋﻠﻰ ﻛﻴﻔﺞ ﺍﻫﺪﻱ
‎ﻣﺎﺍﻫﺪﻩ
‎ﻏﺎﺩﻩ ﻻﺯﻡ ﻳﺼﻴﺮ ﻫﻴﺞ ﺣﺘﻰ ﻣﺘﺠﻴﺞ ﺣﺠﺎﻳﻪ ﺍﻓﻬﻤﻴﻴﻴﻲ ﻧﻀﺮﺍﺗﻬﻢ ﺍﺧﺘﺮﻗﺘﺞ ﻭﺍﻧﺘﻲ ﻣﻤﻼﺣﻈﻪ
‎ﻣﻼﺣﻈﻪ ﻭﻣﻐﻠﺴﻪ ﻭﻣﻦ ﺳﺎﻟﻮﻧﻲ ﺣﺎﻣﻞ ﻛﺘﻠﻬﻢ ﺍﻱ ﻭﺳﻤﺘﻮ ﻻﻥ ﻣﺎﻋﺪﻱ ﻋﻼﻗﻪ ﺑﻴﻬﻢ ﻣﻴﺘﺠﺎﻭﺯﻭﻥ ﻣﺠﺎﻥ ﺍﻟﻪ ﺩﺍﻋﻲ ﻛﻼﻣﻚ