أنس : تعبان من الصبح بدري نايض تو بنرقد.
همس بهدوء:تمام، تصبح ع خير.
أنس :وانتِ من اهلي ، حتى انتِ متعطلش.
همس : تمام ، باي.
سكرت من التلفون ومشت للمطبخ فتحت التلاجة خذت عصير وسكرتها ودارت توست بالشكلاطة وقمعزت ع طاولة تاكل وتفكر قاطع تفكيرها صوت بنت عمها
ايلول ماسكة التلفون: من امتى هنا.
همس شافتلها:من ربع ساعة.
ايلول قعمزت : نبي نحكيلك حاجة.
همس شربت من العصير:احكي.
ايلول حطت الفون ع طاولة : تعرفيه محمد لي معاكم في الدفعة.
همس حطت يدها تحت خدها:اي محمد!
أيلول رفعت من جمتها"القصة": لي يكلم في نور.
همس بتفكير: اها عرفته، بااارد.
أيلول : خلاص خشلي ع الفيس ان هوا معجب ويبيني وجو هذا.
همس حولت مسكتها ورفعت شعرها تلف فيه: شن قلتيله باه.
أيلول ابتسمت: هوا انا الحق معجبه بيه "وبتكمل قطعت عليها همس"
همس فتحت عيونها بصدمه :من جدك!
أيلول دارت رجل ع رجل: وعادي شن اول وحدة تكلم ولاشنو، ماحتى انتِ تكلمي.
همس تنهدت وقالت بهزوة: اوكي انا نكلم لكن مش من واحد مرتبط واخرى صاحبتنا البنت.
أيلول رفعت جمتها "القصة": اناا مش شوري هوا لي جا حكاه مش انا.
همس رفعت طاستها للحوض: انتِ كبيرة وعارفه مصلحتك، لكن متجيش وتقولي ياريت ماكلمته اناا نبهتك "وطلعت من المطبخ "
أيلول تحكي بروحها "نفخت"شن ندير مش انا لي كلمته هوا لي جا خلي نعطي روحي فرصة.
" همـس عمرها 22 عايشة في حوش جدها امها وباتها منفصلين امها متزوجة وباتها متزوج طويلة وملامحها حلوه رموش كثيفة شعرها طويل بني ".
خشت للدار قمعزت ع سرير وتكيت ع مخدة رفعت التلفون تصفحت شوي ورقدت.
_______________________
8:15 صباحاً
ناضت همس ع صوت المنبه لبست وطلعت لقت جدتها نايضة
أنت تقرأ
خُــذلان.
Kurzgeschichten#خُـذلان نبـذة: قصـة رومنـسية مقتبسـة من أغنيـة أنا وحيـدة للفنـانه إليسـا. كـان اشبـه بالكابـوس اُريد الاسيقاظ منه وعندمـا استيقظتُ رايتهُ واقعـي . الكاتبة: دوجـة عبداللـه.
