9:00صباحاً
ناضت همس عيونها متورمات من بكاء ومكسورة الخاطر إلا ان تبي توصل لحلمها ، توضت وصلت ولبست وجهزت الفطور ومشت تنوض في مراد.
همس مصبية فوق مراد بصوت واطي: مراد نوض افطر.
مراد فتح عيونه وسكرهن والتفت جيهة ل ثقةاخرة: شوية بس.
همس بعياط نتشت البطانية : تِـ نوض ياخرا ، نبي نفطر وماشية لمقابلة عملي.
مراد قمعز يحك في عيونه: يرا سكنتي هيا مصبي وتي الحليب وشاهي"وصبا".
همس طلعت من الدار : واتي غير صلي وتعال بسرعة.
غسْل مراد وفطرنا مع بعض .
مراد يلبس في سبيدرو : وين المكان العمل.
همس ماسكة الملف متاعها وتساوي في روحها ع مرايا: في شارع المكاتب محاميين.
مراد صبا يساوي في قميصة: تو نوصلك أنا وبعد تكملي اتصلي بيا.
همس طلعت : امباهي لكن شوفلي محمد ع سيارة نبيهاا ضروري بكلل را.
مراد طلع وراها: تمام اليوم تو نشيلوها لميكانيكي يشوفها.
همس : تمامم ياريت، تو كيف توصلني انتَ.
مراد سكر الباب متاع الحوش: تو يجيني صاحبي قالي نتلاقوا ع رئيسي.
همس تمشي جنب مراد : تعبتك معايا معلش.
مراد بحت فيها: ياكلبة تقوليها ليا مرة تانية نوريك.
همس ضحكت: باهي باه خلاص ، شن جو قرايتكك.
مُراد طلع تلفون من جيبة وضحكك: ماشية.
همس بجدية: رد بالك قرايتك ! وبذات انتَ شهادة السنه هذي.
مُراد تنهد ويشوف لفونه ضحك: يستر الله وخلاص.
همس هزت راسها: وراك وراك لعنند تقعد دكتور.
مراد ضحك بصدمه وحط تلفون ع وذنه: من جدك انتِ، أنا ثالثة وكان نلقى نسيبها"اشرلها انها تسكت":ايوا ها وينك سطرتني الشمس.
الشاب : اهو نشوف فيك.
مراد : سرع روحك تقول تمشي ع دحي.
الشاب : سكر فمك ياخرا اهو وصلت فيك"وسكر".
مراد فتح الباب لهمس وابتسم: تفضلي.
أنت تقرأ
خُــذلان.
Historia Corta#خُـذلان نبـذة: قصـة رومنـسية مقتبسـة من أغنيـة أنا وحيـدة للفنـانه إليسـا. كـان اشبـه بالكابـوس اُريد الاسيقاظ منه وعندمـا استيقظتُ رايتهُ واقعـي . الكاتبة: دوجـة عبداللـه.
