أيلول: محمد أنا نكرهك أنا مليت أنتَ ديما تشك وديما حاس بالنقص انا معش ينفعني هكِ را "وصكرت وطلعت شفرتها وكسرتها"وهك تريحت منك ونلعبو على الثاني "بضحكة شر" وبشن هيا أحسن مني.
همس بضحكة: محمد بلاش باردة هيا عطيني نسوق.
محمد يضحك: كنك أنتِ، أنا ندير في كل حاجة مش أمي فادية توقف تسوق نعطيك أنتِ، هبل بابا ملا.
همس بعصبية: محمد عاد أنتِ مش ديما فاضي، وجديدة معش تقدر تسوق كبرت وأنا جامعه وبنطلع لسوق، مش ديما نلقاك وأنتَ أكيد حتتزوج مش ح نلقاك ديما، وأنتَ عارف عمو نطلبش منه وبابا "نزلت دمعتها" مش حنلقاه مش معبرني بكل تقول مش بنته شاقي بعياله ومراته "مسحت دمعتها "هو اصلاً قالي تعلمي فعطيني وريني كيف نسوق أحسن.
محمد بحتت فيها شويا وبرم وجهه لجيهه لاخر: تؤتؤ قلبك مليان، بعدين مافيش شي أسمه مش حنلقاك "بحت فيها" أنتِ أختي ياهبلة كيف أيلول، أمتي ماتبي تلقيني وبعدين كان تزوجت يعني مش موضوع نقدر نشيلك ومعايا مرتي،وباتك خليه على جانب أنتِ طول عمرك مش مالية يديك منه، وباتي مايشيلش حتِ في أيلول، بعدين كان أنا مش فاضي رائد قاعد، ماتصكريش راسك قصة سواقة هذي مش خاشه راسي بكل ماتعانديش، ولما نتعب من توصيلك"ضحك" حنقولك راني مليت منك ونديرلك سواقة.
همس ضحكت: يعني حت كان مليت مني تبيش ديري سيارة وديري سواقة "بهدوء" مهو يامحمد لازم مرات نبـ "قص عليها"
محمد: تبي حاجة قوليلي نجيبها لك وتم كلام.
همس بحتت فيها بعدم رضى: على راحتك وبعدين ح تتعب مني وتعلمني وحدك كيف نسوق.
محمد: لعند نتعب منك ساهل، بعدين امتى تكمل قراية أنتِ كم سمستر مزالك؟
همس :خلاص أخر سمستر وأخر مادتين، صقع عليك"رقصة حواجبها" ونتخرج ونقعد محاميه همس، نعنجد الفخامة"ضحكت"
محمد ضحك: أنتِ الثقه الي عندك تسد قارة.
همس بضحكة استفزاز: معش تعاودها باهي؟
محمد رن نقاله: شويا بس "صبي طلع".
همس خشت لحوش.
همس تضبح: جديدة ياجديدة ،امي وينك.
فادية: تعالي ياأمي هنا في دار.
همس خشت : سلام.
فادية متغطية : عليكم السلام.
همس لمست راس جدتها : كنك جديدة مريضة، حي ساخنه .
فادية تكحح : عادي برد.
أنت تقرأ
خُــذلان.
القصة القصيرة#خُـذلان نبـذة: قصـة رومنـسية مقتبسـة من أغنيـة أنا وحيـدة للفنـانه إليسـا. كـان اشبـه بالكابـوس اُريد الاسيقاظ منه وعندمـا استيقظتُ رايتهُ واقعـي . الكاتبة: دوجـة عبداللـه.
