8:30 صباحاً
ناضت دوشت وصلت وفطرت وقمعزت تدور في شغل غ الفيس بوك وبعد كم ساعه من ارسال والاستفسار قبلوها في مكتب وبكرى مقابلتها.
ناضت للمطبخ تبي دير غذاء والباب يدق مشت لبسة بدلة الصلاة وطلعت تفتح.
همس من وراء الباب: من!
عمتها: عمتك هناء.
همس فتحت وابتسمت: اهلين تفضلي.
عمتها بوقاحه دفتها: من جدك تقوليلي تفضلي! حوشي را نخشله بدون ماتقولي تفضلي"وخشت هيا وعيالها"
همس تنهدت وجت تبي تخش دق من جديد بصياح: من اخرى.
عمتها :جيداء افتحي.
همس ابتسمت مجاملة ومدت يدها: اهلين.
جيداء مدت يدها: كنك ياحنه متبينش!كنك ماقلتي تفضلي.
همس ضحكت بصوت عالي وخشت وسيبتها لقت هناء في المطبخ خذت ميه وكبايتها وهيتر وظرف نسكويك وخشت سكرت دارها.
جيداء سلمت ع هناءء وقمعزت:كنها قالبة وجهها، حتى تفضلي ماقلتها ليا.
هناء تسلح في العباية: متبينش نجو، تبي تحتل الحوش،عارفتها في شن تفكر.
جيدا حطت بنتها الصغيرة عمرها ثلاث شهور ع صالون: يستر الله، تعالي نديروا غداء!
هناء ترفع في شعرها: تعالي شكلها متطيبش.
جيدا غطت بنتها: تعرف اصلا، هيا قبل ديما مادا وجها هيا ولِـ فوق مع بعض ويتطمرن ميهدرزن بكل"وصبت للمطبخ"
هناء تطلع في طنجرة: كلمتي باتها! قعدتها غلط هنا.
جيداء تقطع في طماطم: كلمته قال تو نجو في العشية ونتفاهموا، أصلا امي دايرة وصيه قالي مُوسى.
هناء حطتها ع غاز وتقطع في لحم: وصية! غريبة امي قبل ديما تقول بعد نموت قسموها بالتساوي بينكم كيف غيرت رأيها!
ولد جيداء : ماما.
جيداء بحتت فيه : كنك!
ولد جيداء: البيبي تبكي.
جيداء : عطيها رضاعتها"الشيشة".
ولد جيداء : به ومشا.
هناء تطيب : أنا مرات نبات هنا.
جيداء : صاح كان قلتيلي جبت دبش للعيال.
هناء تحرك في الطنجرة: أحمد عنده عشاء برا لو طول نباتو ومرات نروحوا.
أنت تقرأ
خُــذلان.
Conto#خُـذلان نبـذة: قصـة رومنـسية مقتبسـة من أغنيـة أنا وحيـدة للفنـانه إليسـا. كـان اشبـه بالكابـوس اُريد الاسيقاظ منه وعندمـا استيقظتُ رايتهُ واقعـي . الكاتبة: دوجـة عبداللـه.