امينه امينه اميناااااااا لا ي امينه بلاش تسبيني لوحدي فتحي عنيكي انا الي لازم ادبح مش انتي ليه يارب تعاقبني اشد العقاب وتحرمني من انضف حاجه ف حياتي ......
بااااك
محمود : استغفر الله العظيم يااارب سامحني بلاش ابني كمان يدفع تمن غلطتي
صفيه : اهدا ي محمود متعملش ف نفسك كدا
محمود : انا السبب ي صفيه انا لو كنت ماشي بمايرضي الله مكنتش امينه ادبحت وابني اتيتم
صفيه : دا فات سنين ي محمود بلاش تقلب ف الماضي المهم نلحق احمد دلوقت
محمود : تفتكري احمد يكون عارف ان همسه دي بنت اخو الي قتل امه وبنت الراجل الي انا قتلته
صفيه : مصيبه لو كان يعرف احمد طول عمره مستني اليوم الي ينتقم فيه من الي قتلو امه
محمود : يااااارب انا عارف ان غلطت وتوبت من زمان فاحفظلي ابني ياااارب
- همسه واحمد من فرحتهم ببعض مش حاسين بكل الي بيجرا حواليهم ولا واخدين بالهم من كل واحد ملامحه بتتقلب لما يسمع اسم همسه بيخططوا لمستقبلهم وحياتهم الجايه
همسه : احمد اي رأيك الاوضه دي نعملها لبيبرس ابننا
احمد : يعني خلاص وافقتي نعيش ف بيت اهلي
همسه : اي حته معاك هتبقي جنه مش فارق معايا هعيش فين المهم ان ابقي جمبك
احمد : تعرفي ان اسم بيبرس دا من زمان اوي ونفسي اسميه
همسه : نعاااام لا بقولك اي مش معني ان طلعنا بنحلم ببعض والموضوع طلع بجد يبقي هنقضيها جنان
احمد : مش مصدقاني طيب انا هثبتلك هاتي الفون بتاعي وتعالي
همسه : اهو ي سيدي
احمد : امسكيه واكتبي بيبرس احمد
همسه : هههههه الحق بص كام بيبرس طلع
احمد : تمام افتحي الاكونت دا
همسه : ياااه دا اكونت من زمان غالبا من 10سنين اي دااا دي صورك انت 😳 واي دا اي الكلام الغريب دا واي يعم يوما ما سنغذوا العالم دا
احمد : عالمك انتي الي طول السنين دي بحلم اقتحمه بحلم الاقيكي وتكمل مملكتي بأميرتي عارفه ي همسه اوقات كنت اسرح مع نفسي واقول اكيد ملهاش وجود اكيد موجوده فعالم تاني او زمن غير الزمن كنت متخيل ان لسه مسيرة جنوني مش هتنتهي دلوقت وان حبي ليكي هو سبب شقائي
همسه : واهو الحمدلله المسيره خلصت ع خير ولينا شهر ونص مع بعض
احمد: والعمر كله ياعمري
يلا بقي ننزل نقعد معاهم شويه
همسه : يلا بينااا
في كباريه من الكباريهات المشهوره
- اهلاااااااا ياسر اي يعم محدش شايف وشك ليه
- حساااام اخبارك يابرنس
تمام الحمدلله اي مستني حد ولا اجي اقعد
ياسر : عارفك رزل تعالي بس في وحده هتيجي كمان شويه ملكش فيها
حسام : طول عمرك جامد وطريقك مليان بنات ومفيش وحده قدرت تعصلج معاك الا بنت عمك دي
ياسر : وحياتك هتجيلي راكعه وهعزمك ع فرحنا قريب
حسام : فرح مين يعم بنت عمك اتجوزت بقالها شهرين
ياسر : انت بتقول اي انت شارب
حسام : يعم انا عرفت من ياسين وكان فرحها غريب كدا داحتي ياسين قالي انهم مش عازمين حد خالص
ياسر : انت متأكد من كلامك
حسام : طب هنروح بعيد ليه مانت ممكن تروح بيت عمك واسألهم
ياسر : مانت عارف مرات عمي ولا حتي ياسين مش بيقبلوني
بس ملحوقه انا عاوزك تجيبلي كل المعلومات عنها وعن جوزها
حسام : وعولم وسينفذ ياسو بس فرفش كدا
فات اسبوع كمان وياسر ع نار مستني يعرف كل حاجه عن همسه وازاي همسه تتجوز حد غيره وترفضه هو ازاي هو الي كل ليليه بتترمي قدامه بنات الليل يبقي عاوز همسه وميطولهاش جبروته نساه ان دي بنت عمه الي المفروض يحميها ويحافظ عليها مبقاش جواه غير انتقام ووحشية العالم كله اتجمعت فيه
حسام : ايوه ي ياسر جبتلك كل المعلومات الي كنت طالبها عن بنت عمك
ياسر : تمام انا جايلك حالا
حسام : تمام هستناك عندي ف البيت
ياسر انا اهو دقايق وابقي عندك
وصل بيت حسام وهو كله لهفه للمعلومات الي هتوصله لهمسه لكن لما شاف صورة جوزها وابوه وقف مزهول مش مصدق ازاي القدر جمع العيلتين دول بالشكل دا ازاي الي كان بينهم بحور دم بسهوله دي بقي يربطهم نسب وخلاص بقو عيله وحده
ياسر : اسمع ي حسام انا عوزك تركز معايا عاوزك تراقب كل خطوات همسه وتبلغني بيها اول بأول
حسام : تمام
همسه : كااااارن وحشاني اوووي اي مش سائله عني ولا حتي باتصال
كارن : مانا قولت بقي اتنين مجانين وبقو مع بعض بلاش ابقي عزول بقي
همسه : عزول اي بس دانتي وحده مننا
كارن : اي ي ندله دانتي مسألتيش عليا من ساعة ما لقيتي عفريتك دا
همسه : خلاص ملحوقه اي رأيك نخرج مع بعض بكره ونقضي اليوم كله
كارن : ياريت ي همسه انا عاوزه اشتري لبس كتير ونتغدا سوا
همسه : تمام ي ست هانم من النجمه هكون عندك .....
ياسر : اي ي حسام مفيش جديد
حسام : كل يوم بتخرج مع جوزها
ياسر : طيب لما تلاقيها وحدها بلغني
حسام : اوك سلام
كارن : همساااا اخيرا شفت وشك واي دا احلويتي اوووي
همسه : بس ي بكاشه يلا بقي نخرج لحسن انتي وحشتيني موووت
كارن : يلا بينا بصي انا نفسي اغير لون شعري وقصته تعالي اول حاجه نعملها نروح الكوافير
همسه : اشطااا ...
كارن : هاا اي رأيك
همسه : طول عمرك قمر ي حبيبتي عارفه القصه دي نروح نجيب فستان سهره كدا جميل واعزمك انا واحمد. ع العشا
كارن : ههههههه ايوه انا نفسي اتعشا وانا عزول
همسه : طب يلا بينا ع المول ....
كارن : بصي ي همسه الفستان دا
همسه : لا ي كارن مش هيبقي حلو عليكي جربي دا كدا
كارن : واااو تحفه اوي ي همسه هدخل اقيسه
همسه : اشطا البسي وانا هبصلك ع حاجه تاني. ...
كارن : همسه جميل اوي استني اطلعلك همسه همسه انتي فين
لوسمحت في وحده كانت واقفه هنا معايا مشفتهاش
- انا كنت ف الحمام وسبتكم انتو الاتنين تعالي نشوفها بره
همسه ي همسه ينهاااار اسود راحت فين همسااااااا .........
#الجزءالسادس
#جنون الحب
