لاااا مش هتجوزوا يا يااااسين ولاحتي هقعد معاااه حتي لو هتموتني انت وماما
هتجوزيه ي همسه عشان الجنان الي في دماغك دا مش هيحصل مش هتفضلي موقفه حياتك كلها عشان مجرد حلم
جريت ع بيت كارن وهي منهاره من العياط
كارن : همسه ي حبيبتي ياسين وطنط عندهم حق انتي اتقدملك عرسان كتير وبترفضي بدون سبب
همسه : ي كارن افهميني والله هيطلع بجد انا حاسه بروحه حوليا حاسه بحبه ليا في حاجه جوايا بتقولي استنيه لو بعد مليون سنه جاي
كارن : انتي عاوزه تفهميني ان ف حد بيحب حد عشان حلم بيه وهو اصلا ميعرفهوش ولا عمره شافه انتي اكيد مجنونه
همسه: والله حاولت بس مش قادره كل ما اقرر ان اتخطب بحس برعب جوايا الف حاجه تمنعني
كارن : انتي سنك بقي 28سنه وخلاص القطر هيفوتك ع رأي طنط ••••
الكلمه كانت جارحه اوي لهمسه اخدت شنطتها وجريت ع اكتر مكان بتحبه وهو كافيه هااادي وطلبت مشروبها المفضل الي هو قهوه
يااااااه بقي كل الي حوليا شايفيني مجنونه ليه القدر بيخلينا نستنا حاجه محدش مصدقها وازاي انا مستنيه واحد يدوب بيجيلي ف الحلم ومعرفش عنه اي حاجه يااااه لو انا ف زمن المعجزات كنت هطلب بس ان اشوفه واثبت للدنيا كلها ان الي بحبه موجود وان كنت مجنونه فعلا بس مجنونه بالحب الي محدش عرفه ولا حسه غيري ياااااارب حققلي معجزتي دي ومطلعش فعلا بجري ورا سراب ………
فاقت من شرودها وشربت قهوتها وراحت ع بيت كارن
كارن : خيير مش لسه متخانقين ي بنتي
همسه : انا هبات عندك النهردا
كارن : بالحضن ي صحبييي هنسهر طول الليل
همسه :تمام بس اكلم ماما اقولها ان عندك
كارن : اشطا وانا هعمل اكل لحد ماتغيري هدومك
همسه :تمام
غيرت هدومها واكلو ودخلو اوضه كارن
كارن : همسه انا اسفه متزعليش مني انا بس عاوزه افرح بيكي
همسه : انا عمري م ازعل منك ي قلبي
كارن : هااا بقي احكيلي بقي ع المجنون بتاعك قصدي العفريت
همسه : مش عارفه هيفضل معذبني لحد امتا بس اكيد ربنا عنده حكمه مش معقول احلم كل يوم بحد معرفوش كدا بدون سبب
كارن : ياااارب هتموتني قريب البت دي
همسه : طب نامي ي زفته عندنا شغل الصبح
كارن : يلا تصبحي ع خير
نامت همسه وهي فرحانه اوي اليوم خلص والنوم بالنسبالها ملاقة الحبيب ......
ياااااه انت فين ياعم انا مستنيه الليل يجي عشان اشوفك
(دي اول محاوله ليا ياريت رأيكم ولو عجبتكم هنزل الجزء التاني )
