الاخير 👏
جنون الحب
همسه : انا امي ماتت ابعدي عني انتي الي زيك خساره تكون ام انتي وحده مخادعه فضلتي تخدعيني طول الفتره دي وترسميلي ف صور جميله لابويا
خوديني ي ياسين لوسمحت وابعد الست دي عني
كارن : معلش ي طنط متزعليش سبيها شويه
ياسين : يلا طيب ي همسه تعالي
وصلو البيت وهمسه دخلت اوضتها وقفلت ع نفسها وهي ف شرود تاام .....
يااااااه بقي هو دا ابويا الرجل الفاضل الي كانت دايما امي بتحكيلنا عنه وهي دي امي ست كذابه مخادعه
وهو دا الحب الي فضلت سنين ادور عليه ازاي هونت عليه بالسهوله دي ازاي حتي مجاش ف باله ان مظلومه زيه بقي كل الوعود كانت كدابه مع اول اختبار ايده سابت ايدي هو دا الي ادينا هتفضل متبته ف بعض وعمرنا ما هنفترق حتي لو الدنيا كلها وقفت قصادنا بزرار واحد رجعنا للماضي وكل حواديته اتفتحت وف لحظه وحده اتحول لانسان معرفوش ولا عمري اتخيلته ياريتني ما قبلتك ياريتك فضلت بالنسبالي حلم اعيش ع امل تحقيقه خلاص ي احمد من النهردا مش هيبقالك مكان ف حياتي حتي نوم مش هنام انا كرهت اشوفك حتي ف احلامي .......
********
دكتور طمني احمد عامل اي دلوقت
- للاسف هو دخل ف غيبوبه نتيجة صدمه عصبيه عقله رافض ان هو يرجع للواقع تاني كانه كره الدنيا وما فيها وقرر يغادرها من دلوقت ....
يوسف : ازاي ي دكتور انا مش فاهم انا ممكن اسفره بره لو دا هيفيده
- صدقني السفر ملوش نتيجه هي مجرد حاله نفسيه ومسألة اراده وعقله هيستجيب ويفوق ادعوله يعدي المرحله دي ع خير
********
كارن : ي همسه حرام عليكي ايه الجبروت دا سامحي امك ذنبها اي
همسه : ذنبها ان كدبت وزورت ف حقيقة عبدالرحمن السيوفي
كارن : طب ماهي كدبت عشان متكرهيش ابوكي ومتحسيش انك اقل من حد
همسه : كله كدب وكله خداع
كارن : طب انتي بقالك اسبوع نفس القعده دي طب حتي نامي شويه
همسه : وانام ليه عشان احلم بواحد واتجنن بحبه وف الاخر يطلع وهم ويتخلي عني مع اول حاجه تحصل دا مفكرش يسأل عليا ولا يعاتبني حتي كأنه ماصدق يخلص مني ......
********
فات شهر واحمد ف غيبوبة رافض الواقع تماما ورافض يرجع للحياه وهمسه كرهت كل حاجه ف حياتها وبقت شايفه كل الناس كدابه وخاينه
سهير : ياسين الحقني يابني الحق اختك هات الدكتور بسرعه
ياسين : ايدك معايا نحطها ع السرير طيب
وصل الدكتور وكشف عليها
عندها هبوط حاد نتيجة التوتر وقلة النوم والاكل ودا غلط جدا ع صحتها وصحة الي ف بطنها
ياسين : ايي هي حامل
ايوه ف الشهر الاول وانا اديتها منوم وعلقتلها محاليل وهتبقي بخير
*******
احمد انت ليه محبوس هنا ومين ربطك كدا
انتي ي همسه انتي الي سبتيني وبعدتي عني سبتيني للدنيا كلها ومشيتي كل واحد بيشد فيا من ناحيه كل الدنيا وجعي منها كوم ووجعك انتي كوم تاني ليه اتخليتي عني بالسهوله دي ليه سبتيهم يفرقونا
انت ي احمد الي سبتني وخدتني بذنب غيري حتي مجتش تعاتبني ولا تسأل عني
اسأل ازاي وانا متكتف اهو زي م انتي شايفه همسه انا محتاجلك اووي تعالي نبعد عن كل الناس دي وننسي اللي فااات تعالي نبني البيت النوبي الي نفسنا فيه بس نبنيه ف الصحرا بعيد عن كل البشر
انا موافقه ي احمد يلا نبعد وننسي الي فات .....
*****
همسه صحيت من نومها وجريت ع الدولاب وغيرت هدومها
ياسين : همسه في اي راحه فين
همسه : رايحه الحق الي باقي من عمري ي ياسين انا واحمد دفعنا تمن غلطة ناس تاني ودمرنا حياتنا بدون ذنب انا لازم الحقه واكمل الي فاضلي جمبه
ياسين : وماما ي همسه ذنبها اي تدفع التمن وحدها ذنبها اي عشان تعامليها بالقسوه دي
همسه : عندك حق ي احمد انا عذبتها بما فيه الكفايه
ماما ي ماما انا اسفه سامحيني انا كنت ندله معاكي اوي
سهير بعياط : بنتي حبيبتي اخيرا خدتك ف حضني تاني
انا اسفه اوي ي بنتي بس والله انا مليش ذنب ولما شفتك متعلقه اوي ب احمد قولت دي ارادة ربنا وربنا اكيد له حكمه
همسه :: فعلا ي ماما اكيد ف حكمه وعشان كدا لازم الحق احمد سلام بقي
نزلت تجري ع بيت محمود بيه
همسه : ازيك ي ندي وحشتيني اومال فين احمد انا طلعت اوضتنا ملقتهوش
ندي : احمد من يوم الي حصل وهو ف غيبوبه ف المستشفي ويوسف وعمي معاه
همسه : ايييي ازاي دا حصل وازي محدش قالي اسم المستشفي اي
اخدت اسم المستشفي ونزلت تجري بأقصي سرعه
******
يااااارب جمعني بأحمد تاني انا خلاص عرفت قيمته عمري ماهسيبه ولا اصدق عنه اي حاجه
مش قادره اسامح نفسي ازاي ي همسه جالك قلب تبعدي عنه شهر بحاله شهر وهو مابين الحياة والموت مفكرتيش تسألي عنه كبريائك خدك لسكه غلط سكه هتضيع ملاكك منك انا السبب سامحني ي احمد ......
همسه جريت زي المجنونه ف الشوارع مش عارفه نفسها رايحه فين بتجري ف كل الطرق وف اي اتجاه ياخدها شرودها ليه احساسها صورلها ان حبيبها موجود هنا وانه هيحس بيها وترجع معاه مملكتهم الصغيره فرحانه ان جواها حته منه وان ابنهم دا الامل الي هيخلي احمد يتمسك بالدنيا ويفوق من الغيبوبه فضلت تجري لحد ما قربت ع المستشفي حست ان دي مش سرعه كفايه عشان تنهي فراقها لحبيبها قررت ف اللحظه دي انها تجري بكل قوتها بكل طاقه جواها تجري ع كد كل ذرة حب جواها
--حاسبيييييييييييي 🚌🚌🚌🚌
فجأة خبطتها عربيه والشارع كله اتلم عليها
- يامدام يامدام ردي الله يخليكي حركي اي حاجه ف جسمك او فتحي عنيكي
- الاسعااااف بسرعه
انقلوها ع اقرب مستشفي
وصلو المستشفي بأقصي سرعه
- لازم تدخل اوضة العمليات بسرعه جهزوا العمليات
ولازم حد من اهلها يمضي الاقرار
- ف رقم مسجل باسم ياسين بيرن اهو يمكن جوزها
الووو حضرتك تعرف صاحبة الفون
ياسين بخوف : ايوه
- هي عملت حادثة ولازم حد من اهلها يجي بسرعه
***** ياسين نزل بسرعه وجري ع المستشفي
لكن للاسف كان فات الاوان 📈📈📈
-للاسف الحاله كانت متأخره ومقدرناش نعمل حاجه البقاء لله ربنا يصبركم
ياسين : لأ لا مستحيل همسه اختي كويسه وهتصحي معايا دلوقت همسه همسه اصحي ي حبيبتي انا عارف ان هذارك رخم بس بلاش والنبي المرادي اصحي بقولك اصحي همساااااااااااة
******
ياسين مقدرش يتحمل فراق اخته فضل يصرخ لحد ما وقع ف الارض ....
********
يوسف : دكتور طمني احمد عامل اي دلوقت
- مفيش اي تقدم غايب عن الوعي تماما ورافض يفوق كأن داخل ف الغيبوبه عشان يهرب من حاجه مش بيستجيب لأي ادويه ولا حتي عنده رغبه ف الحياه
*******
همسه ياااااه اخيرا شوفتك وحشتيني اوي حلو اوي الفستان الابيض دا و بصي احنا مش هنبعد عن بعض لحظه خلاص احنا هنسيب كل البشر ونبعد زي ماكنتي عاوزه هنروح نعيش ف الصحرا عشان تبقي دنيتنا وخلاص هنبعد عن كككككل البشر مش هنسيبهم يدمروا حياتنا تاني
-ايوه ي احمد خلاص هنبعد عن البشر ونسيبلهم الدنيا بحالها ونعيش انا وانت وابننا
-ابننا !
- ايوه ي احمد بيبرس انا حامل وخلاص احنا مستنينك فوق انا وابنك هنا عالم تاني كله حب وصدق من غير مشاكل ومن غير مانشيل ذنب غيرنا هنا حب بدون فراق من غير خوف ولا كره ولا شر
تعالي ي احمد الدنيا عندك وحشه اوي ومرعبه انت مش كنت بتقولي نفسي اقتحم عالمك اهو انا بقولك هات ايدك ي احمد .......
دكتووووور المريض فاق وحرك ايده
فين دا
اهو ي دكتور بيمد اديه
- في حاجه غريبه بتحصل
الحق ي دكتور النبض بيعلي بصوره مش طبيعيه وبيوطي بسرعه
💹💹💹
صدمااات بسرعه بسرعه كهرباااااا ......... ♒♒
************************:**
مش كل الاحلام بتكون جميله اوقات بيبقي الاجمل ان احلامنا تفضل مجرد خيال
الحب ممكن نفضل نحلم بيه سنين وندور عليه عمرنا كله ولما نلاقيه بنفرح اووي ونحس ان خلاص الدنيا ضحكتلنا وخلاص مش محتاجين منها حاجه تاني لكن مش كل دروب الحب نهايتها جميله اوقات جنون الحب بياخدنا لدوامه نتوه فيها مش من جماله ولذته لعذابه وقسوة الدنيا معانا
بلاش تجهدو نفسكم طول الوقت ف حاجه مجرد خيال ومجرد حلم الحب اصلا مش موجود ف الواقع الا بنسب محدوده بلاش تبالغو ف حبكم للاشخاص او حبكم للحلم نفسه
اسفه لو كانت النهاية قاسية بس عالم السعاده موجود ف الكتب وبس قصص الحب الي نهايتها سعيده دي مجرد روايات لكن الدنيا مليانه بالمشاكل والصراعات الي بوجودها الحب بيفقد قيمته بشكل تدريجي لحد مايختفي ....
