ضلمني لكن احببته

البارت السابع

♡♡♡♡♡♡♡♡♡♡♡♡♡♡♡♡♡♡
دارن عليه ثنين عمري وزماني#
                          #واحد كضيته بساع واحد كضاني
  ♡♡♡♡♡♡♡♡♡♡♡♡♡♡♡♡♡♡
بقلمي حنين الحلاويه
♡♡♡♡♡♡♡♡♡♡♡♡♡♡♡♡♡♡

وحظرت جنطتي وغيرت ملابسي بس هم اسواد
ونمت على جربايته اهلي من ماتو لحد لسه اني
انام بغرفتهم احس اني نايمه يمهم
نمت وكعدت الساعه ب 5 كمت اسبحت وحظرت ريوك

وهايه شيماء يمكن نايمه حطيت تلفون وكمت العب بي
الحد ماصارت الساعه ب7 كعدت شيماء

طلعت من الغرفه تفرك بعيونها شافتني وباوعت بستغراب بس ماحجت راحت للمطبخ

ورجعت باوعتلي بستغراب وكالت شكو اليوم كاعده
من وقت ومحظره ريوك منج من بليس

سكتت ماحجيت باوعتلي صفح وكالت خيرج شو
كاشخه وين موليه

كتلها وانتي شكو خلصي ريوكج وتوكلي

باوعتلي بخزره وكالت اني اعلمج
ابتسمت وكتلها تعلميني نكليزي لو عربي

كالت لا اعلمج لأداب  كتلها علمي روحج بالاول
كالت بسيطه لارا

باوعتلها وبتسمت بستفزاز وهزيت ايدي وكتلها
والله يا الله ومشيت للغرفه

الحد الساعه ب 8 يله طلعت لكيتها ماهيه يمكن
راحت شويه ودك الفون باوعتله عموايسر

رديت وكتله الو  كال الو شلونج بنيتي
كتله الحمدلله بابا انته شلونك

كال الحمدلله يله اني بدايت الفرع راح اوصل لبيتكم
يله طلعي
كتله اوك
كال بنيتي جبت وياي الحجيه كل مره اسولفلها
عليج وتكول اخذني اريد اشوفها

كتله هله بيها والله اني هم دائما اريد اشوفها
بس استحي اكولك

كال يله وصلت لبيتكم اطلعي
سديته وطلعت لكيت عمو ايسر هو ليسوق
ويمه مره عمرها تقريباً 50او 49
وجه ابيض كلها وقاره وحلوه عيونها سود
بس وين شايفتها

كلت السلام عليكم
كالو وعليكم السلام
كلت شلونج خاله
كالت الحمدلله يمه انتي شلونج
كتلها تمام الحمدلله
كال عمو يله صعدي
صعدت وعمو حرك السياره
طبعاً اندمجنه اني وخاله نسولف
كالت عدها 3ولد وماعدها بنات
الجبير  اسمه اكرام عمره 35  سنه متزوج وعنده ثنين
ولد اسمه يوسف وبنيه اسمها اسينات
وثاني اسمه ادهم عمره 29 سنه يشتغل نقيب
والثالث اسمه علي عمره 19 سنه طالب سادس علمي
طبعاً راسب سنه

نص الطريق وكتلها خاله اني مدري وين شايفتج
كالت والله اني هم مدري وين شايفتج
صفنت شويه وكالت يااا
كال عمو ياستار شكو
كالت ماكو بس تذكرت وين شايفتج
كتلها وين
كالت اليوم جنتي انتي وابوج  الي دعمتوني بسياره
اني صفنت اريد اتذكر
نوب كالت العمو ايسر  تذكر اليوم كتلك الى شويه
صار حادث وشفت ابنيه حلوه  هيه هاي  لارا
نفسها 
كتلها يا تذكرت
كال عمو ها يعني تعرفيها
كالت اي شفتها هيه والمرحوم
اني هنا كمت اذكر شلون جان بابا يوديني للمدرسه
وشلون يكولي اريد اشوفج دكتوره
نزلن ادموعي بحدهن ادنيت على جهت الباب اسياره
وضليت اباوع ودموعي تنزل الحد بعد مادري بشي