كل واحد بينه عنده قصه شكل
واحد يعاني من الم قصه حب مخيبه
والآخر مضايك طعم قسوه الحب بحياته ابد
والاخ مينام الليل بسبب صراخ عقله
والاخ ممكسور كلبه من الي حبهم
والاخ مغتالته الخيبه وهوه ع قيد الحب
والاخ منح جزء منه للشخص الي حبه وتعرض لخيبه ومكدر يرجع ذاك الجزء
واكو من الي قدم نفسه كتضحيه حته ينجح بعلاقته
واكو الي ترك العلاقه حته يرتاح
من الممكن انو تنجح علاقتنه او متنجح
بس الي متاكده منه انو كلنه محتاجين الوقت حته نلملم بقايه اجزائنه الي تناثرت ونعيد ترميم مشاعرنه الي انهكتهه تجربه حب.. كل العلاقات بالعالم معرضه انو تنتهي بكلمه بكلمه وحده او فعل واحد أو دقيقه وحده "حبيتك بس للاسف منكدر نصير لبعض اتمنى الك الأفضل " ويروح كل واحد لمكان وواحد ينسى ويعيش والثاني يكمل القصه وحده يكمل الحب وحده بس من طرف واحد
عجيب أمر هلحب وانتهائه عجيب!!
ثنين.. واحد يحتفظ بقلب الي كسره بكلبه والاخ يتخلى عن كلشي كانو مصار شي.. ثنين واحد ياكل وينام ويتنفس ويعشق أكثر من مره ويمارس حياته بشكل طبيعي والثاني يسهر وتغتاله الذكريات بالليله الوحده الف مره ويداهمه الحنين من كل صوب إلى أن داخله يموت.. غريب شلون تصير المشاعر من جليد والقلوب من ورق والاغرب شلون وأحد من عدنه يحتاج لدقيقه وحده حته يدخل بتجربة حب جديده واكو من يحتاج عمر كامل حته يتشافى من من تبعات تجربه حب وحده!
بوكت الفراق..
بالليلة الأولى... راح تحس انو هاي الليله مراح تعدي.. وانو هاي الحياة دتواجهك الك مخصوص وراح تحس انو الليله هاي اظلم من كل ليله والهدوء راح يكون ضجيج بالواقع وراح تحس فراشك مقبره وغطاك الجفن وكلبك يون وعقلك يصارع ودموع عيونك كانو لهب راح تستفزك الأصوات البره وراح تغضبك نكته اخوك الصغير وتضوجك ملحه امك وتحس الاكل مينبلع والمي التشربه مالح وتحس غرفتك ضيكه عليك وسكفهه منخفض والأربع حيطان متكفي لهاي الفوضى اقصد الفوضى الي بداخلك راح تحس انت وحيد ومراح تلجأ الأحد.. في الليله الأولى تحديدا مراح تلجأ الاحد وتنام من وكت هنا بده الاستسلام ومراح تكول (اني زين) لان هنا كارثه ومراح تكلب بالرسائل القديمه لان صارت قديمه ومراح تسمع اغنيه لان هذا فخ ومراح تباوع فلم لان النهايه مفبركه وذا قررت تقره كتاب حتحس واقعك اسوء ومراح تشرب الكهوه لان مرارتك اقوه ومراح تشرب دوه لان المرض مو عضوي وابد ابد مراح تتضاهر بالسعاده لان صارت الساعه ٩ لتحاول تنتقم لان العلاقات مو حروب.. وتريد تكول شي بس مراح تكدر لان صمتك راح يعبر عن كلشي
بس هليله راح تمر والحياة مو عدوتك والليل مظلم دائما بس انت مجنت منتبه قبل والهدوء هوه راحه وفراشك دافئ وكلبك يحتاج اعاده تشغيل وعقلك لازم يبقه يصارع ودموعك شكد ما جانت حاره مراح تجويك ونكته اخوك تضحك كلش وملحه امك هوه كل الحب والاكل اطيبب من كلشي والمي اصلا ماله طعم وغرفتك ساحه جبيره مو ضيكه والسقف ابعد من توقعك وكلبك راح يحب مره لخ ويحب بطريقه احلا من قبل ويختار واحد صح ويستمر ويا طول العمر فكر هيج وراح تنجو#تاكد
لان اني ناجيه من الليله الاولى
أنت تقرأ
شنو ذنبي
ChickLitيولد الإنسان كل واحد بمكان بائس بعدين يبدي ياكل بكل شراهه أطباق ممعدوده من الأمل بعدين يصير عمره بـ العشرينات خالي الوفاض ويحس بالجوع تجاه الحياة بس هوه مصاب بالغثيان نتيجة تراكم الآمال الخائبة في معدته -لرُسل
