شنو ذنبي

Part 3

بينما جانو الناس كلهه نايمه جنت كاعده وحدي افكر بالعالم السيئ الي صنعته النفسي وأوقاتي الممله الي اعيشهه وايامي الي التمر وتأخذ من عمري من دون ما اخطي خطوه وحده ليكدام
اعاتب نفسي لفطارتي الزايده وكثره محبتي للاشخاص الي مجان عليه أقترب منهم من الاساس
أعتذر الكرامتي الي تحايلت عليهه هوايه وكلت فلان يستحق
اعتذر العقلي من رفض ذيج القرارات واني اخذت قرارت گلبي بدالهه علمود قرار تافهه يحطم حياتي بدال ميعمرهه
بينما جان العالم نايم من حولي جنت اني بغير عالم

رساله من گلبي لعقلي
ماضم عليك سر انو الأمر أسوأ من ما ظنيت وانو حجم الالم يزداد كل يوم هوايه احسدك لانك كل ما عليك بس التفكير مو انت الي تشعر او تحس صعوبه انو تحس بيه.. أو ان تشعر.. ما اظن انو هذا الشي يناسبك اني بالواقع ما الومك ابد لان كل الي احنه بي مو بيدي وبيدك بس كلي من ناحيه الفظول شون كل هذا الوجع الخراب الي يصير بينه مجرد ما تباوع على عيون هذا شخص
وتعرف ياعقلي شنو الي يضووجني بالموضوع انو مسمين هذا الخراب بالحُب
وصار معروف اذا ديوجعك شي مثل كلبك عيونك صدرك عقلك اورده جسمك او حته احساسك من يوجعك يعني هذا الحب فكلي شلون كل هاي التعاسه والوجع ويسمو حب
_

__________________________________

شنو الي يخلي بنيه بعمر الصبا تفكر بالانتحار
_ الخذلان!!
_ تقصدين خذلان الحب؟
_ لا محد ينتحر بسبب خذلان الحب مهما جانت قوه الحب.. المشكلة مو بالحب لان لو جانت حياتنه حلوه مجان تعبت كلوبنه من الحب أقصد انو مفكرت انتحر لان علاقه انتهت رغما علينه ..
بس خذلان الحياه النا يخلينه نفكر ننتحر
شدتقصدين؟
اقصد انو الخذلان ميوكف ع الحب!
تحطم الأحلام يعني خذلان!
انو متكدر تتمنه شي هذا خذلان!
الأمنيات إلي ردناها نشوفها تروح من بين أيدينا خذلان هم!
انو يحاولون يحطموك همه نفسهم إلي جان لازم يصيرون مصدر طاقتك هذا خذلان!
انو تلكه من يضحك ع حزنك واكتئابك ويتهمك بالتعاسه بالوقت الي جنت تضن انو هوه اول من يساندك ويتفهم اسباب حزنك!
انو تبجي وحدك لان ماعندك صديق تسند راسك ع جتفه رغم معارفك هوايه هذا خذلان أنو يتخلا عنك الكل بوكت ما انت محتاج الي يطبطب ع ضهرك ويكلك تعدي كل هذا مو يعني خذلان!!
خذلان الحياه سبب جبير حته تفكر بالانتحار.

راح يلتئم جرحك وتنسه كل الندبات القديمه وراح تظل هيج لفتره وبعدين يجيك شخص وراح تحجيله ع كل جروحك القديمه وراح تطلب منه انو ميلزم اي جرح منهم لان راح توجعك وراح تطلب منه انو ميجرحك لان حتحس صرت مشوه ومراح تتحمل بعد وراح تمر الأيام وراح يفتحلك هذا الشخص جرح جديد وهذا الجرح حيكون يوجع اكثر لان جان ع علم انت تتاذي ومع ذلك تعمد يجرحك
_

______________________________________

احجيلي
_ع شنو!
ع ضميرك تجاه الأعذار الجذابه الي طلعتها الهم حته تبقه وياهم

جنت تعرف من البدايه انت تجذب ع نفسك بس متريد تخسرهم ومن بعدها زاد الوضع سوء وضمنوا وجودك يمهم وبعدين ركنوك ع رف من رفرفهم وظلو كل مره يجرحوك من يقتربون من هذا الرف وكل ما يقتربون عبالك راح يجون ياخذوك بس همه حته ميباوعون عليك
وانت بهالحاله راح تضل تنجرح وتبقه حزين وتبقه تصفن هوايه وعيونك راح تبقه تدمع لان انت باقي تنتظر منهم ابتسامه او نظره وانت ع الرف
اعرف ياصديقي
انو الرف ميلوكلك وانو أنت جنت بهاي العلاقه مجرد شي محد يباوع عليه وبلا قيمه متروك ع رف اعرف انو انت حتصير بغير علاقه انت الوطن
المهم عوفهم ولتبقه ع هذا الرف ابدا