لتستعجل القدر بالانتقام منهم...
انتظر الزمان حتى يدور وشوف انقلابات الحياه وإبداع القدر بتصفية الحساب والمواقف
تأكد من رد الألم الي صرخ گلبك منه وهمه مسمعوا
ورد حساب كرامتك الي نكسرت كدامك وهمه محسوا بيك
ورد دموعك من جان ماعندك غير خيار الصمت.
راح تدور الدنيا وكلشي راح يرد الك يجوز تختلف المواقف بس حجم الألم مثل ما انت حسيت اذا مو اكثر كل واحد بيهم راح ينصاب
كل شامت.. ظالم.. مسيء.. مؤذي...
تأكد انو القدر حينتقم احسن منك
___________________________________
بعد منتصف الحب
بعد منتصف الحب بلحضه يصير ماكو شي ياثر ع حب حته احنه يصير كلشي نسوي خارج اطار العقل والزمن والمنطق والمعقول والمألوف.. يصير الابتعاد والعداء والجفاء وقله الكلام والزعل والعصبية مجرد إنفعالات تنتهي بلحضه.. او بكلمه او ابتسامه او مكالمه او حته نضره عين
بعد منتصف الحب بلحضه يصير ماكو تراجع عن الحب مهما يصير
يصير الحب مثل المناصفه من القلب للروح للعمر الى النفس بحيث اذا ردنه نرجع كلمن جسد مراح نكدر
بعد منتصف الحب اكو رجل واحد وفصال واحد وستار واحد بعد منتصف الحب تصير العلاقه احلا واحلا من قبل
___________________________________
تظن الامر سهل!..
انو يتغيرون عليك فجأه وانت تخلق الأعذار الهم
ويستبدلوك بغيرك ومن يرجعون تحضنهم شوق
انو تشوف بعينك اهمالهم الك وتلوم نفسك بدال متعاتبهم انو تشوف برود ولا مبالاة لمشاعرك وتصر انو متفلت ايدهم
بالنسبه الي الأمر مو سهل ابداً
هوه بمثابة احتراق القلب من جوه ومحد يحس بي غيري
___________________________________
اني ماغار ولا احس بالغيره ابد
بس احس بغصه بكلبي من اشوفك تحجي ويه غيري ومن يكون احد قريب عليك مسافه أقرب مني الك ومن تتشابه أفكارك ويه أفكار احد غيري ومن يطلع اسمك من فم غيري ومن تلتفت لنظره عابره من احد يفور دمي من تبتسم لاحد ومو اني السبب بضحكتك ومن احد غيري يحصل انباهك ولو لكم دقيقه ينهار كبريائي من اسمع انت راح تلتقي باحد وتسلم عليه بوجهك البشوش وأبتسامتك الساحره أو اذا اقترن اسمك بإسم غيري وإذا انجذب فؤادك غير فؤادي وذا تعده طيفك حدود مخيلتي
اياك انو تعتقد اني اغار عليك إياك
أني ماغار ابد..
___________________________________
ياريت اكدر ارجع بالزمن حته اغير اليوم الي تغير بي كل شي
ياريت اكدر ارجع سنوات ضيعتها بنفسي
ياريت أكدر اجبر بكلبي الموجوع كلبي الي جبر كلوب الكل ومكدر يجبر نفسه
ياريت لو وكفت بهذاك اليوم ضد كلبي حته لتنجرح كرامتي
ياريت لو اكدر اوكف الزمن عند اللحضه الي خلتني بهذا الحال
ياريت متعودت.. او دعيت... او تمنين وحلمت... او مريت بطريق الوهم
ياريت جنت اشبههم
ياريت مجنت اني
بعدك تظن انو اذا رجعت كتبت الي اني راح ارجع اقره واندهش مثل اول مره بذاك النبض الأول بعدك تظن انو اذا سجلت رساله صوت يعني راح اسمعها بنفس اللهفه الأولى وبذاك الارتباك الاول
بعدك تظن اذا راح تكلي أسف اني راح اسامحك واكلك لتعتذر اني احبك!
بعدك تظن انو الي بيناتنه مشكله بسيطه او مسأله غيرة وينحل كلشي
بعدك تظن انو ثقتي بيك نفس ما عرفتك اول مره! هم بعدك تظن انو اني احبك وانو كلبي اذا سمع مجرد اسم يشبه اسمك راح يدك مره لخ ويلهف عليك! بعدك تظن انو اني كل يوم اكلب بالصور وادقق بيهم مثل اول ايامنه!
بعدك تظن انو كلبي ينتظرك!
برايي ماكو داعي تتعب نفسك اني مو نفسها ذيج الغبيه الي جانت متكدر تباوع بعينك وتكلك لتعوفني لان حموت بغيابك
تاكد انو صرت احب اشوفك كل مره تتعذب بيها أكثر من قبل
ديعجبني الي دتمر بي واتمنالك جحيم سعيد
___________________________________
لتصدك اني منهزمت بحياتي.. شكد بجيت وعانيت من مراره الهزيمه ومن الخذلان لتصدك التجاوز بسيط بالنسبه لبنيه تتعلق بساع بالناس ومتتحمل لحضات الوداع الاخيره وهيه تحفظ وتلاحظ أدق التفاصيل اياك انو تظن اني اختاريت العزله بإرادتي دائما جنت احب رفقه الأصدقاء وضحكاتهم ومحادثاتنه المستمرة طول اليوم وشعور انو هناك احد يهتم الامرك وتهتم الأمره بس اكلك شي بغايه الأهمية.. احنه منعوف احد الا بعد ما تستهلك كل طاقتنه بالتشبت بالناس احنه منوكف عن الركض الا بعد ما تتعب اقدامنه نتضاهر انو احنه ثابتين بعد ما نفهم انو محد يكدر ينقذنه من هشاشتنه وضعفنه وتكرار الخذلان والفقد يعلمك متصدك بأحد بساع
___________________________________
اكو لحضه تختلف ع اللحضات إلي تمر بيهه اللحضه يعرف بيهه الانسان شكد جان غبي بقراراته واختياراته شكد جان مندفع ومغفل وكت ما قرر يصدك الكلمات شكد جان ع خطاء من خله الأخطاء تتكرر وشكد جان ع حق من قرر ينسحب علمود سلامته شكد ما جان هذا الشي صعب عليه راح يقرر فجأه انو ينهي كل مشاعره السيئة الي يمر بيهه لان واخيرا عرف انو محد بهذا الكون راح يساعده غير نفسه
___________________________________
حتلو فترقنه الف عام راح تتذكرني بتاريخ مهم جان بيناتنه بمقطوعه تعودنه نسمعهه لو فلم جنه نشوفه سوه راح تتذكرني بوقت معين تعودنه نحجي بي لو بكلمه تعودت تسمعهه مني كلشي راح يذكرك بيه المقاعد الفارغه لو ريحه القهوة لو امواج الشلالات حته لحضه الغروب راح تتذكرني بنجوم الليل أو ليله بارده تخليك تحس بالوحده حتتتذكرني بدون قصد منك لأكثر من سبب وبأكثر من طريقة
___________________________________جان المفترض تفهم انو حده كلامي وقسوتي مجانت تجي من فراغ
جانت من ليالي هوايه اشوف اليزعجني واكتمه بداخلي احس بكلشي وماكدر اصرخ جنت دائما اميل للكتمان لان الكلمات الي بداخلي تنفجر من شده الاذى
وبتعدت عنك لان انت خليتني أسوي هيج خليتني اسوي اشياء مجنت مصوره بيوم حسويهها خليتني اروح واني احبك اروح واني اريد ابقه وجنت اتظاهر انو تركتك واني ممهتمه بينما جنت رايده سبب حته ابقه وياك
أنت تقرأ
شنو ذنبي
ChickLitيولد الإنسان كل واحد بمكان بائس بعدين يبدي ياكل بكل شراهه أطباق ممعدوده من الأمل بعدين يصير عمره بـ العشرينات خالي الوفاض ويحس بالجوع تجاه الحياة بس هوه مصاب بالغثيان نتيجة تراكم الآمال الخائبة في معدته -لرُسل
