شنو ذنبي

Part 6

ليش تبجين؟
_افتقد فد شي.
حبيبج؟
_لا
زين فقدتي شغلج؟
_لا اني افتقد اكثر من ذني كل يوم اكعد اكول بيني وبين نفسي شوكت راح يخلص هليوم واكعد. افكر بأشياء تخلي هلوكت يمر (الروايات _الاغاني _افلام _لو شغلي ودراستي) كلهه مكادره تواجه هلفراغ ومو كادره حته ترجع الشغف الي بداخلي والي يضوجني انو بداخلي طاقه ماعرف مصدرهه اريد افتر واركض واغني واركص مع ذلك مداكدر اسوي كل هذا بدون سبب اندار اباوع كل الي يمي ممل وبارد ومكرر كلشي يدهش الكل إله اني ميدهشني كلشي ميعجبني حته النوم مو كافي اني ابجي لان حاسه بعجز بهاي الحياه يعني مثل الطير الي كصو جناحه وبعد ميكدر يبعد عن الأرض ويلجأ للسماء الايام نفسها ونفس الأحداث نفس المواقف ونفس الآراء حته مواقع التواصل الاجتماعي صارت أماكن ترويج شي معتاد وسخيف ابجي لان اكو ثكل براسي لان هالعالم محلو بنضري لان هلشعور ميصير وحده تحسه بعمري
___________________________________
عوف..

كل واحد حطم فد شي حلو بكلبك
كل واحد طفه ذاك الطموح إلي جان متوهج بيك بيوم من الايام
كل واحد سجن احلامك داخل نفسك ومخلاها تشوف النور
كل واحد حطم مجداف السعي الي جان املك الوحيد
كل واحد بنص الطريق عافك وخذلك
كل واحد عاف ايدك بعد ماجنت ماسكهه بقوه
كل واحد هدم الي بداخلك بكلمه او فعل
كل واحد وثقت بي وعافك وحيد
كل واحد ظنيت بي هوه العوض ومجان هيج
كل واحد تعبت عليه لفتره ومقدر لحضه من ذيج اللحضات
كل واحد حلفلك يبقه ومبقه
كل واحد عاف بكلبك ندبه تذكره بيهه
كل واحد ردته ومرادك
عوفهم كلهم ولم باقي شتات نفسك القديمه وروح بعيد عنهم لمكان تحس بي بالاطمئنان وباوع لمستقبلك وعوف الماضي

اما بعد الان اوصيك انو تكون شهم بالخصومه ولتهاجم عدو او حبيب بسهام عيوبه الي نكشفت الك ولتحجي سره لان راح يهتك حُرمة قلبه ولتطعنه بكلماتك المسمومة خليك ع علم انو هاي الحرب راح تنتهي بينكم ومراح يبقه حته شعور الزعل هذا راح تبقه الجروح راح تبقه توجع وتنزف ندم لذلك عاتب بلين ومن تعوفه عوف بينك وبينه باب موده يوصلكم ثنينكم والسلام عليك وعلى معشر المتألمين باللكماتِ مِن الكلِمات

تأليف رُســـل رَســول