بسم الله الرحمن الرحيم
.
.
كنت لي قصة شتا، قصة فصل، أجمل من مليون عام..
.
.
بسم الله الرحمن الرحيم.
مو أول مرة اكتب.
مو اول مرة أسرد قصة.
بس ك"بلوق" هذي اول مرة.
اسم القصة "قِصّة شتا" مو شرط كل الاحداث ترتبط بنفس الاسم.. بس اعجبني كأسم قصة..
قصة خيالية تتكلم عن مشاكل يعانون منها بعض الناس في الواقع..
ركزوا معاي بكلمة خيالية يعني احتاج منكم تتخيلون معاي مو صدق..
اتمنى تعجبكم..
****الأحداث والشخصيات خيالة، ولاتمس للواقع بصلة****
_________
"ضاوي قومي.. اضوى.. ضاوي وصمخ ان شاءلله قومي!"
"وع شتبين انتي من الصبح؟"
"قومي ماما منيره تبينا نفطر معها اليوم"
"قوليلها انا نايمه"
"قومي يلا عن السخافة كلهم تحت مابقى الا انتي"
"نجلا قسم بالله بعد الين ثلاث لو ماطلعتي برا بقوم لك"
"وعووه وش هالنفسية؟"
"نجلا تكفين اطلعي مانمت بدري البارح"
"اقولك مو مخليتنا ناكل الا لو كلكم نزلتوا، يلا الله يخليك ميته جوع"
"يعني الواحد مايعرف ينام بهالبيت! يلا خمس دقايق ونازلة"
رحت اغسل وجهي.. غسلته.. ناظرت المرايه اللي قدامي..
مسكرا سايحة.. شعر (منبّش).. ونايمه بنفس ملابس البارح..
" الى متى يا اضوى؟ الى متى وانتي ساجنة نفسك بهالسجن اللي قاعد يضيع عليك اشياء كثير بحياتك؟
الى متى تسهرين على ناس ناموا؟
الى متى يضيق صدرك بسبب ناس نسوك و عاشوا حياتهم؟
الى متى بتجلسين كذا!
فكري يا اضوى انا اختك قبل ماكون صديقتك!
ومابي اشوف حالتك كل مالها تسوء..
وين اضوى القديمة؟ وين اضوى اللي نعرف انها جت من صوت الضحك اخر الممر؟ وين اضوى الرايقة اللي كانت تدندن من صباح الله خير؟ حرام عليك اللي تسوينه بنفسك والله حرام! "
كلامك يا عنود كل لحظة يجي ببالي..
معقول؟
صدق الى متى بظل كذا؟
توقعت اني انسى.. بس مانسيت..
توقعت ان الايام تنسيني.. بس ماصار..
توقعت ان نفسي تعوفه.. بس ماصار..
خمس شهور.. ماقدرت تنسيني..
-قبل خمس شهور-
"اخر مره نجي هالمطعم، مرة ماعجبني اكلهم"
