أنت ملجئي الوحيد

البارت الاول

"لم يكن لقاءنا صُدفة أبدًا، كان رحمة من الله لقلبي."🖤🌻

#تمرة

اسمي تمرة أعيش ويه بابا وخاله ام علي ألي ربتني من اني طفله ماما توفت واني عمري ١٦ سنه وبقينه  عايشين اني وبابا بهل بيت الجبير طبعا اني وحيدة حسوني اقصد بابا ألي هو شيخ عشيرة ***** معروف بابا إنسان محترم ويخاف الله عشيرتنة معروفين بالعراق وبابا كلش كلش عصبي وميخاف من احد يحجي حق الله ينطيها بالوجوه لو كدامه ملك ماعندي عمام بس اثنين عمات ونادرا ما يجون بس من يحتاجون فلوس لو شي وعاد بابا شونه ولا يكول المن لو ليش قلبه طيب رأسا ينطي فلوس ولا يحاسب. وماما يتيمه من اهل بغداد جانت تشتغل بدار عجزه ومن شافها ما كدر يشيلها من رأسه حب من اول نظرة تقدم الها وتزوجها حارب الدنيا وأعمامه وخواله كلهم علمودها حبها حب ما ينوصف وآخر شي صارت اله جابت اخويه علي اكبر مني بخمس سنوات واني بعدني اتذكر كل تفاصيل هذاك اليوم من اغتالو على بعده عمره ١٥ سنه كتلوه نزاع عشائري جان وصارت براسه من عرف بابا وكع من طوله نجلط وشهر كامل بالمستشفى وماما شكل بيها سكر رأسا تخبلت اول فرحة الها  كلشي تغير من يومها عاشت أمي بحزن ما ينوصف ولا نزعت الأسود لحد ما ماتت ٠٠٠
نرجع ألي كل الي بقالي بابا خلصت سادس معدلي ٩٥ وكعدت بالبيت طبعا سادس علمي مقبل بابا أداوم جامعه لان يخاف عليه وعين الكل عليه وحته اريح قلبه ما حجيت شي ولا اعترضت يخاف يصير بيه الي صار بعلي ودفنت أحلامي من يومها... طبعا بابا مدللني دلال ما ينوصف الكل يكولون ألأميره تمرة بنت الحسين سموني على اسم بيبي الله يرحمها هاي جانت رغبتها وهسه اني عمري عشرين سنه تقدم ألي اكثر من واحد ورافضه فكره الزواج بعد وكت احس طبعا  قبل فتره تقدم الي ابن شيخ كاظم اسمه حسن ما وافقت بيه وهو كامل مكمل من شهادة مهندس ومن سئلني بابا ليش رفضت كتله أحسه مايع مات من الضحك وكتها ..اخلص أغلبيه وقتي بغرفتي اقره كتب اتفرج مسلسلات لو اخلي ام علي تعلمني على الأكلات الصعبة وهي متونسه ويايه واني هم عدنه بنات يساعدونه بشغل البيت  و احب اسافر واطلع بس ابعد مكان رايحه اله بغداد اموت على بغداد احب عيشتي هنا بس بغداد حبها غير حياتهم بناتهم كلشي بيها حلو... اليوم بابا راح يرجع من بغداد صار اله عشر أيام هناك وهل مرة ما أخذني وياه كلي شغل مهم جنت بالمطبخ اساعد البنات بالأكل ونستي الأكل والترتيب واليوم قررت اني اسوي الأكل بيدي وما اسمع غير صوت بابا

حسين:الله يساعدكم

ركضت بره المطبخ و وكعت الجدر همزين فارغ وبقيت اضحك وحضنت بابا وبست ايده هو يضحك وبقيت مخليه راسي على صدره وهو يحرك بيده على راسي وكال

حسين: فرحتي وأميره ابوها مشتاقة الي

–اييي والله اي البيت خنكة بدونك والله عشر أيام بدونك ليش هيج اله اشتكي عليك وأخليهم يسجنوك بالبيت يمي شنو جبت الي.؟