أنت ملجئي الوحيد

البارت الثاني عشر

شوكَت أتحل شعرَها بحُضني
وأرتاح وأمشَطلها شرط لكَن بيديهُ
وابجيها واضحَكها لحد ما؟
ابوس ايدينها وتخجل خطيهَ 🖤

#تمرة

هاي مرت عشر ايام كاعده يم رغد مروان كل يوم يجي يطمئن علينه اذا محتاجين شي او ناقصنه شي ويروح ما يجيب ابد سيره هشام كدامي ولا يفتحون الموضوع و خطيه هو ورغد جابو الي كل اشيائي المهمه الي احتاجها رغد خطيه هي الي تاخذني وتجيبني للكليه واروح اداوم بس بالأيام المهمه متونسه كلش ويه رغد و اني ملتهية اطبخ وهي تنضف وكل يوم مطلعة النه شغله جديده مره نطبخ كيك مره نسوي سهرة نباوع فلم رعب مره اعلمها الطبخ  لو نسوي ماسكات للوجه ونصور نموت ضحك بالليل على سوالفنه ولا عبالك غريبه هي طبيبه أطفال اعرف بيها مشتاقه لمروان وهو هم بس ميسوي شي ولا يجي حته لا اتقيد

اليوم رحت للجامعه  عندي كوز مهم لازم امتحنه واطلع رغد كالت تكمل كم شغله وترجع  نطلع نتغدة بره خلصت امتحان بسرعه جان كلش سهل وجاوبت زينه فطلعت بره اروح انتضرها بمطعم يم الكليه مشيت بالممر وسمعت احد يصيح بأسمي درت  وجهي شفته فؤاد صديق هشام وكال

فؤأد :تمورة بس دقيقه احجي وياج