أنت ملجئي الوحيد

البارت الثامن

كلش يهمني من احس روحي اهمك
وحيل اتشجع انه بخوفك عَليه
نظرة عيونك امان يحيط بيه 🖤🌻

  #تمرة

هاي مر اسبوع علينه شويه رجعنه احسن من قبل و سويه بالبيت دائما اشوف نورة اذا ما اجتي بالليل تجي بالصبح تصبح بوجهي لازكه بدين هشام بكل فرصه تجيها تكعد بصفه تلزم بيه تضحك تتموع وأحس نار بقلبي تشتعل انوب لبسها بحيث إذا أدنك يطلع لباسها مو بس صدرها  هو صح ما ينطيها مجال بس اضوج اضوج منها ما اطيقها مو بيدي اليوم راح يجتمعون وكال الي ما اسوي اي شي لان راح نطلع بره ناكل فأندك الباب فتحته وجان هشام

هشام:نسيت مفتاحي وين..عيونج حمرة باجيه ؟

_لا لا ما باجيه

هشام:تجذبين عليه هذا هو راح اتصل بيهم ما اطلع وياهم ولا اخليهم يجون بعد اعرف تضايقتي منهم لان

_مات

هشام:ها ..منو مات

_مات البطل بالفلم بالنهايه

سد الباب ورفع راسي مسيطرت على دموعي منا مخنوكه ومنا شفت فلم
(me befor you )
(الي مشايف هل فلم ضروري يشوفه يعني والله يمكن عشرين مره شفته واله روايه بنفس الاسم هم قاربتها كلش حلوة وتختلف عن الفلم هواي )

حضني بسرعه بقه يحرك ايده على راسي خليت راسي على صدره دافي حضنته دخل ايده بشعري يم ركبتي يعرف بهل حركه تهديني تنهد وكال

هشام:وموتتهم ان شاء الله بس لا تذبلين عيونج الحلوات

لزمت بقميصه من ضهرة دك تليفونه لازمه بيده وجاوب جان تطلع نورة ابتعدت بسرعه منه ما اريد اكون سبب تعاستهم فتت للمطبخ غسلت وجهي بسرعه شربت مي بالكوة لزمت نفسي وأعصابي فات للمطبخ وكال وهو يفوت

هشام:راح نتعشى بره الجماعه يلاكونه هناك

_قصدك نورة ؟

هشام:اي ليش ؟

_احسن تروح وحدك ما يعجبني اروح

هشام:رغد ومروان مسوين هل عزيمه علمودي لان استلمت شهادة الدكتوراه جيد جدا بس حبيت اكول الج

_شنو ..مبروك والله مجنت مجنت اعرف كلش كلش فرحت بالقران

من صدك ابتسمت فرحت اله من كل قلبي لان دائما اشوفه تعبان وسهران يستاهل هل شي ابتسم وانطاني ملف وكلت اله واني افتح الملف