أنت ملجئي الوحيد

البارت الثالث

لو أضل العمر كُله ادعي لأبوي
مراح اجازي ولـو بذره من تعبه "💔☹️

بس سمعت صوتها ماكدرت ابقه كاعد قلبي يلوب اريد بس أشوفها استأذنت من محيسن مشيت للبيت طلبت من ساره تسوي طريق افوت وشفت تمرة نازلة من الدرج لابسه ثوب اسود وحجاب على راسها اسود قلبي وجعني من شفتها مسكوره هل كسره وجها اصفر عيونها حمره من البجي باوعت على النسوان وضحكت فاتت للمطبخ مشيت وراها واشوفها رفعت ردانها وبدت تغسل مواعين فاتن ثنين نسوان وراها بقن يحجون وياها وهي متجاوب سئلت ام علي عليهن وكالتلي فرح ومروة وما اشوف غير فرح ضاربه تمرة على راسها وصاحت بيها

فرح:بنت الخدامه من احجي وياج جاوبي

مروة :لج شوفي صلافتها عينها بيضه حته ما تبجي

جرتها من شعرها مروة فتت مكدرت اتحمل اشوف هيج يعاملونها البنيه مصدومه ابوها مات بحضنها وهم هيج يعاملونها جريتها ودفعت مروه وصاحت بسرعه مروة وفات رجال و وياه محيسن وكالت

مروة : هذا الغريب كظني ولك ودفعني لمس حرمتك يا حمد

حمد:ياهو انت شون تكض مرتي

_مرتك جانت تضرب بتمرة طولت ايدها

حمد:ومنو انت وفايت بنص البيت وتحجي بأسم تمره

محيسن:رجلها وانا عقدت عليهم قبل وفاة الشيخ بأسبوع

محيسن صحيح سيد سكتت عيب افشله وما اكدر اكول غريب وبقو ساكتين وكع الماعون من ايد تمرة وكمزو كلهم وسحب حمد ايد مروة وطلع وحسب مكاله محيسن اني اعتبر رجلها هسه كدامهم وبنضرهم وشاورني

محيسن:اذا عرفو مالها سند راح ياكلونها افهمك بعدين ابني

وطلع سديت المي وسحبتها من ايدها وصعدنه والنسوان بقو يحجون قفلت باب الغرفه كعدتها على الجربايه ايدها ترجف تباوع يمنى يسره عينها ما خلتها عليه  سحبت الكرسي وكعدت كدامها هي هسه بحالة انكار ما تعرف شنو تصدكه شنو لا بقيت صافن عليها لزمت ايدها باوعت بوجهي لاول مره اشوف نضرتها بهل حزن والكسره وكلت

_لا تخافين محد يأذيج وتره محيسن كال هيج حته لحد يأذيج ويعرفون اكو واحد بضهرج

محجت شي غمضت عيونها والدموع تنزل شهكت خلت راسها على جتفي بقت تبجي خليت ايدي على راسها احرك بيدي ريحه عطرها تسحر هادئه كلش حركت ايدي على راسها على كيف وكلت الها

_تمره لتخافين صدكي مراح اعوفج

متتحرك رفعت راسها نايمه بعد المهدئ مراح قست نبضها ماكو شي خليتها تتمدد غطيتها ونزلت عفتها نايمه احسن الها واكدت على ام علي تنتبه محد يصعد ونزلت فتت كعدت يم محيسن واجه حمد اعتذر مني وكتله مصار شي وره ساعات اجه كبر الشيخ حسين وهو بيه قلبي نعصر تذكرت فوتت ابويه للبيت اخر مره هيج وبعد ما شفته ولا شي رجع وجع قلبي كله ...