أنت ملجئي الوحيد

البارت السادس عشر

يـگللهآ :
حتى آلچآنن بيـچ آگرهن مـشـتآگلهن ..

گلبچ ذآگ آليـنسـى بسـرع‌‏ه
وعنآدچ چنت آلمــآ اجرعه

زيـنآتچ شـيـنآتچ گلهن مـشـتآگلهن ❤

#تمره

مرت 4 اشهر من عفت البيت و رجعت لبيت ابويه وعايشه ويه ام علي اساعدها بكل شي و كل ما تسالني شكو ما اجاوبها لهذا سكت بعد ابد ما سئلتني عرفت صاير شي بينه اني وهشام من شافني الشيخ حسين طار من الفرحه وخله حراس دائر مدائر البيت وما استقبلت اي احد من كرايبي شكد ما حاولو ما قبلت علي تزوج كلش فرحت بهل شي يستاهل كل خير اشتريت اله سياره ما صدك من الفرحه طبعا زوجته تموت بالجمال مرات اتراسل او نتصل اني ورغد كل مره احس صوتها يختنك وابقه اضحك واسئلها على غيث ابنهم جابت رغد يخبل بالجمال دائما ادز صوره الي فراحانه طايره من الفرح بيه واذا حجينه وجابت سيره هشام راسا اكلها مشغوله وما اكمل حجي واسد التليفون ما اريد اسمع شي عنه وارجع اتواصل وياه وادمر حياته خلي هو يبدي حياة بعيد عني واني بعيده عنه وايام الأمتحانات اروح لبغداد بقيت هناك كم يوم علي دبر الي بيت كعدت بيه كم يوم وخلصت الأمتحانات .. اليوم الولد طالعين واني باقيه وام علي وفاديه زوجه علي و لولوة زوجه نؤاس جنت انضف وياهم وهم ميقبلون تعاركت وياهم وسحبوني طلعوني بره بالحديقه بللوني وصاحت ام علي

ام علي:ولجن يا يا فضحتني بنت الشيخ دهر لفجن عوفنها

لولوة:يا يمه البنيه تخبلت كامت تنضف الزوالي ويانه شنسوي الها

فاديه :حجيه اشويه مايه بارده تنشطها وتعرف ياهو ابوها ومن هي