رواية🍀🍁
#العقرب💔🔥🔞
الحلقه::-(8)
الكاتبة:-تاج الورفلي👑
قبل مانبدى في روايه امس ضحكوني تعليقات الي تقولي دوختينا والي تقولي وضحيلنا غامضه اني اصلا قصدا دايره هكي باش نصدمكم في اخر روايه😂❤
-------------
بعد ماتمو. روحو كلهم فرحانين واريج فرحانه تكتر منهم لانهم شافتهم فرحانين❤✨
رانا:&اااااخ ظهري اني
الاء:-طبعا عمتك سيرين متخلت شي مخدتاش
سيرين:-فلوسك هما
الاء؛-تعرفي تصكريه فمك خير مانجي نكسرك
اريج:-ياير يابنات
اريج؛-خديتي يقين؟
يقين:-هزت راسها بصمت
اريج:-هي كل وحده لفراشها
الاء؛-مكلماتكش ملاك
اريج:-لا علاش
الاء:-لاشي
اريج؛-خلاص هيااااا..ومشت لدار سعيد
طقطقطق
سعيد:&مني؟؟؟
اريج:-خشت حدفت عليه لمفتاح وطلعت ركبت لدارها
الاء:-خشت لدار وطاحت تبكي مش قادره تقاوم الي سمعاته بس تحاول متبينش قدام اريج باش ماتنهارش وتمشي قوتها💔
الاء:-حاطه اديها ع وجها وتبكي بعبرتها لا يااااارببي اني مش مصدقه حسبي الله ونعم لوكيل فيها مش مسمحتها لدنيا ولاخره حتى في قبرها مش مسمحتها ياريت مكانتش امي الله لايرحمها استغفر الله حرقت
للللللي قلبي ياااربي كيف بنقاوم وبنصبر
اريج:&فتحت لباب
الاء:&نخلعت وبحركه سريعه مسحت دموعها اريج:&الاء تبكي؟؟؟
الاء:-لاعيوني يدمعو مش عارفه خيرهم
اريج:&قربت منها متكدبيش عليا واضح انك تبكي
الاء:-حضنتها وتبكي بصوت عالي
اريج_:-خلاص الاء احكي شن فيه لقمان زعلك في شي
الاء:-لا
اريج:-باهي خيرك
الاء؛-شي
اريج:-اني اختك لكبيره وسندك كيف دسي عليا
الاء:-ستاحشت امي وبوي
اريج:-خلاص ياعمري ربي يرحمهم دنيا فانيه ومفيش واحد قاعد فيها البقاء ل الله وحده بس
الاء:-وخرت ومسحت دموعها
اريج:-حاطه ايدها ع خد الاء وتمسح ف دموعها
الاء:-تبي شي
اريج:-لاجيت بنقولك وين شحني بس
الاء:-اهوا في لقجر خديته مبكري
اريج:&تو ناخده شن الاء؟؟؟
الاء:-خلاص
اريج:-معادش تبكي ع خاطري لو تحبيني
الاء:-نحبك هلبا
اريج:-باستها هي ارقدي ....حقا شن لقمان امتى بيجي يخطب
الاء:-قداش ليه بيجي بس اني نأجل
اريج؛-علاش؟؟؟
ةلاء:-نحس مش وقته
اريج:-مفيش حاجه مش وقتها
الاء؛-مه انتي كل يوم في لخدمه تانيا لبيان يبي مصاريف هوا ولفاضانيه و.....
اريج:-متكمليش مفيش حتجه تغلى عليكم بري كلميه وقوليله يجي يوم ثلات نشوفه ونتعرف عليه لو عجبني نقوله يجيب ماليه ولو معجبنيش مش ح نوافق وانتي عارفه انك مش لعبه
الاء:&اكيد
اريج:-خلاث كلميه وارقدي
الاء:-تمام
اريج:&تسبحي ع خير
الاء:&وانتي من اهله
اريج:-طلعت بوجه حسين ع اختها💔
زعمك شن السر لدساته الاء ع اريج وامها جميله شن دايره ✋✅
يقين:&راقده وتفكر امتى يجي اخر لاسبوع باش يطلعها وسام
الاء؛-حبي❤❤❤❤
لقمان:&عيونه
الاء:-اريج وافقت وتبي تشوفك
لقمان:-تكلمي رسمييي الاء:&اي
لقمان؛-واحلا خبر نسمعه اليوم
الاء:-تبي تشوفك يوم ثلات وقالت لو عجبني نقوله يوم لاربعه يتفضلو باش يخطبوك
لقمان:&يامسهل سهل❤
الاء:-اني فرحانه بنطير
لقمان:&متصدقيش قداش فرحان وقداش نستنى في ليوم هاذا
الاء:-احمدالله❤
لقمان:-خلاص الثلات نكون عندكم
لاء:&تم ياقلبي
+---------
اريج:-تلفتت للجنب تاني ودموعها موقفوش تأثرت هلبا ع الاء وفكرتها با بوها تنفست بقوه وحاولت انها ترقد
------
تاني يوم
زي كل يوم بنسبه ل الاء ورانا ورانيا وياقين للجامعه واريج للحوش
اريج:؛صباح الخير
امنه:-صباح نور
اريج:-حسيتك معطله
امنه:-لااليوم مش ماشيه ل شغل راسي يوجع فيا
اريج:-سلامتك نديرلك حاجه
امنه:&لاصحيتي بنقولك بعد غضوى دايره حفله
اريج:-اها امتى ولمنو
امنه:-مش لحد بس ستاحشت عيلتي ودايره عزومه كبيره وجايين هلبا ناس
اريج:&اها تمام شن تبيني نطيبلكم في ليوم لعزومه
امنه:-لاحبيبتي مانبيش طيبي شي وانتي من ضمن لحفله
اريج:-كيييف
امنه:-نبيك تجي للحفله بصفتك بنت صاحبتي وضيفه مش شغاله
اريج:-لاوالله مش لازم منها
امنه -علاش متبيش
اريج:-ح نجيبهالك طزل ياخالتي امنه خوله بدير اي شي باش تحرجني واني مش مستعده نحرق دمي لانه بديت لما نتعصب تنفس يهرب معادش نقدر نتنفس ف لاحسن نكون بصفتي شغاله وبعد منتم ضمان ونوتي لو لقيت شويه وقت ح نقعمز حداكم
امنه:-اريج اني زي امك ف مش لازم ترفضيلي طلب قلت بتجي بصفتك بنت صاحبتي وح تقعمزي
معانا وتلبسي قفطون حلو ولانشريلك زياده انك تجيبي خواتك
اريج؛-هاذي صعبه خواتي سته ومش شويه كلهم بنجيبهم
امنه:-ااوااي كلهم بتجيبيهم بش قتيلي ميطلعوش ومعندناش مناسبات ولاعمات ولاخالات باش تمشولهم
اريج؛-اي
امنه:-خلاص متقعديش تعاندي بتجي انتي وخواتك
اريج:-بس ياخالتي امنه راهوا خواتي ميعرفونيش شغاله لانه منبيهمش يقللو ممي ف نخاف انه خوله تعاملهم معامله مش كويسه وتقوللهم
امنه:-لا اني ح نحدرها ومستحيل تقدر ديرها
اريج:-خلاص شكرا بأذن الله نجو
امنه؛-حقا قوليلي وين عماتكم وخالاتكم
اريج؛حني معندناش عمات وعندنا خالات بس منعرفوهمش ولاعمرنا شفناهم بس حسب ماعرفت من امي انه لزوها من لحوش ع خاطر خدت لورث
امنه؛-اااااه عادي اعتبريني اني امك وخالتك وعمتك كل شي
اريج:-حكت ف داخلها مش عارفه علاش كل منقرب منك نحس براحه كبير ودفئ وطمأنينه وحنان وكل شي حللوه
امنه:-هي وين سرحتي
اريج:-ها لاشي ربي يحفظك خالتي امنه
امنه؛-ويحفظك حبيبتي
اريج:-خشت. ضم
وبااختصار فات ليوم زي كل يوم ضمت وروح بيها وسام ع خاطر ليل وحطها بعيد ع لحوش باش ميشوفهاش حد
اريج:-سلام عليكم
رانا:-وعليكم سلام
اريج:-سكرت لباب
كلهم مقعمزين ويتفرجو
اريج:-عندي ليكم خبر
الاء؛-نشالله خير
اريج؛-بعد غضوى بنرفعكم لحفله
تقوى:-خشيييييي😍
رانا:-الله وين
اريج:-ام صاحبتي دايره حفله وقتلي جيبي خواتك
الاء:-به شن لحفله كبيره ولاعاديه
اريج:-لاكبيره لحفله بنلبسو قفاطين وبنديرو تسريحات وهكي
الاء:-والله جت ف وقتها حتى نغيرو جو
اريج؛+خلاص مالا وتو روحكم
الاء:-بنمشو للمزين؟
رانا:-علاش تمشو واني نعرف نمكيج وندير تسريحه كله نديرهولكم اني
اريج؛-بضبط رانا دير كل شي
اريج؛-خي تصبحو
الاء:-متبيش تتعشي
اريج؛-لاصحتين
خشت رقدت اريج وفرحانه لانه فرحت خواتها بالحفله وفرحانه كيف امنه تفكرتها فات ليوم والي بعده
#يوم لحفله❤🌸😍
اريج:-وقتتت فيسع
رانا:-دير ف ر ج لي الاء
خلاص كملت
اريج:-خشي جيبيلي مفتاح سياره
الاء:-متاعي
اريج:-لاتانيه
الاء:-خشت تجري
رانا ورانيا؛-لبسو نفس بعض بما انهم توأم قفطان اصفر سنبل لاصق ع جسمهم وطويل ودارو كعكه ونزلو لقصه
يقين:-لبست قونه سودا وكت ع لاحمر فوق سره وستشورت شعرها
تقوى لبست قفطان منفوخ فيه ورد هيا وسيرين غير سيرين لورد متاعه ع لاصفر
الاء؛-لبست قفطان احمر طويل منفوخ ودارت شعرها فير وروج احمر
اريج:-لبست قفطةن اسود طويل مفتوح سبعه من جيهت الصدر. وقامت شعرها طويل وستشورت لقصه زي صوره ل لوطه👇👇👇👇
وطلعووو 🚕🚘
-؛-؛------
امنه وخوله واقفين يستقبلو في ناس ولحوش مزين كله وجابت زوز شغالات يساعدوها
لحوش كان زحمه من داخل وسام كيف بيطلع حاصل في داره
شويه درسو سيارتين ونزلو اريج وخواتها
يتبع.......في لحلقه9
لحلقه قصيره عارفه وتعمدت نديرها قصيره لانه حلقت غضوى طويله هلبا ومش ح تفتح لناس لعندها فيس لايت حبيت نجمعلكم كل لاحداث 🔥🔥🔥🔥غضوى
الكاتبة؛-تاج الورفلي👑
أنت تقرأ
العقرب ( روايات ليبية )
Hororرواية العقرب للكاتبة : تاج الورفلي هذه الرواية تجمع بين الغموض و الرعب والإثارة وتشويق . . . تفاعلوا 🔥
