العقرب ( روايات ليبية )

حلقة 16 🔥

رواية🎁
#العقرب❌🔞🔥
الحلقه(16)
الكاتبة:-تاج الورفلي👑.
تايقر:-ايتسم ابتسامه عريضه
العقرب:-رجعتله نفس لابتسامه ...راحت ابتسامة اريج البريئه الحنونه او ولت ابتسامتها كلها خبث وانتقام
تايقر:-اشرلها باايده ع رجله تعالي قعمزي
العقرب:-قربت منه وطبست عليه رد بالك تفوت حدودك توقع اني تحيك ونجي في   مكانك نسير فيك زي مانبي
تايقر:-😉هه كان قدرتي انتي من لممنوعات لتاخدي فيهم تحت سيطرتي بالكامل
العقرب:-مش ح نقعد ديما تحت سيطرتك تايقر'&فتح لقجر ومدلها وراق سفقات وسجيلات الربح متاعهم
--------
توا اني بنحكي لقصه وكأنه اريج لتحكي فيها مش اني
--------
خديت منه الوراقي لعطي هملي وعرفت منه انه يبيني نمشي لراجل ونغريه ونخليه يوافق ع صفقه قعمزت ع  لكرسي ونشوفله وكأنه حاس انه سفقه ناجحه مني خديت لوراقي وقريتهم بس كنت شويه شويه ندوخ ونحس زي ضباب في عيوني من ال 💊🚬قريت لوراقي كانو عباره ع صفقه يعطيه ممنوعات بااغلى لاثمان ولانواع وهوا يعطيه زي لمقر او مكان في امريكيا باش يدسو في لممنوعات ويوصلوها ل ليبيا ويبيعو فيها باذبل قريت لارباح وكانت ياخدو في المخدارات من لمكسيك باارخص ثمن ويبيعو فيها في امريكيا بااغلى ثمن ويعاودو يجيبوها ل ليبيا بااغلى يعيني كانت لارباح كبيره هلبا كانو فيه سبعه من عناصرهم شرطين او مفتشين في مطار امريكيا ولمكسيك وبرضو ليبيا باش ميشدوهمش لامن مهربين الممنوعات ويسكتو قي شرطين ولمفتشين بالفلوس يعني رشوه ويفتشو فيهم ويخلوهم يمرو  قريت كل شي ولبضاعه كانت عباره ع حشيش وشراب من ارقى لانواع وجميع انواع لممنوعات قريت وفهمت طبيعت شغلهم نقرا ويستك دماغي وعيوني يوجعوني ونزيد نحاول نقرا وخلاص واخيرا كملت
قالي تايقر فهمتي قتله اي ابتسم ابتسامه معبيه خبث وشرار🔥🔥🔥ومدلي تليفون وقالي ح تلقي فيه رقم راجل خديته منه ومشيت كلمته وكنت نرقق في صوتي ونحاول انه نذوبه قالي الو  قتله اهلا قالي من معاي قتله نبي نتلاقى معاك حسيته خاف من كلمه نتلاقى معاك لانه رقمه هاذا متاع شغل بس وميعرفه حد غير ليشتغل معاهم قالي من انتي قتله جياتك ع خدمه ونبي نفهمك قالي عطيني مكانك ونبعت رجالي يجيبوك كان يحسابني غبيه😆ميحسابنيش عقرررب    😈   هه قتله اني نجيك من هني لساعه خليك في مقرك قالي تعرفي حتى اني وين سكرت عليه قالي تايقر كنت متوقع انك ذكيه هلبا ومش ح تعطيه لمكان ضحكت وقتله من بيوصلني قالي رجالي ردي بالك تلعبي باذيلك وتحاولي تهربي سكتت وقلت نتمنى انه نهرب بس انت وشي لتعطي فيه فيا وليتو مسيطرين عليا رجعت قتله هه متخافش شوفت لمسدس فوق لمكتب خديته وحطيته في حزامي ونزلت لفنيليا ومبدلتش لابسه تشيرت اسود وسروال اسود كانو لاصقين مبينين كل مفاتن جسمي  ركبت لجناحي وخديت طاقيه وفتحت شعري الطويل وسبيدرو لونه ابيض👟وساعه⌚ونظارات👓 وشنطه كان نصها دولارات💰 ونصها ممنوعات💊🚬
وطلعت بكل هيبه نزلت ولحراس قلبهم يرفرف وكانت نزلتي تخلي فيهم يرعشو طلعت لقيت سياره مصفحه عاليا مظلمه واقفه فتحت لباب لقيت فيها اربعه قمت راسي لقيت تايقر يراقب فيا من روشن لمكتب قربعت الباب وركبتله فتحتله الباب قتله شن بنحرر في جبها رافع معاي هادو كلهم
قالي انتي توا حياتك بدت خطر ومش زي لاول لو تطلعي بروحك يخطفوك بدات هني كله مقرات ومزارع وكلهم💊🚬وعندنا عداوه معاهم لما بيعرفوك تابعنا ح يخطفوك ويستغلوك ضدنا قتله مفيش حد يقدر يمسني لولا لمخدر لخديته مكنتش هني وجبدت سلاح قتله يمشي معاي واحد بس
قالي لازم يمشو معاك ياعقرب رجاله يحموك قتله قصدك لكلاب قتله يوم خطفتوني تلاته قريب قتلتهم مقدروش يحمو روحهم من مرأه بيحموني نزل راسه وسكت قالي تمام بري مع واحد بس وردي بالك طلعت وخليته نزلت وفتحت باب سياره قتلهم انزلو كلهم يشبحولي بنظرات تخوف واخدين في روحهم مقلب بيحسابوني نخاف واحد جبدته من رجله طيحته وتاني ركلته برجلي طاح من لباب تاني وتالت نزل يجري زي لفار ورابع يسوق تايقر يشوفلي من فوق ومصدوم ولحراس كلهم مصدومين مراه بميت راجل💪🔥
ركبت في سياره ونراقب قي طريق كانت كلها حوايز ومزارع وسيارات مظلمات وينزلو ملتمين يعني منطقه كامله خاصه بابيع لحشيش وهكي قعدنا مسافه طويله قريب ساعه ونص غير باش نطلعو من لمنطقه نهايتها كنشيلو كبير من الحد للحد وطلعنا ع طريق لعام فتحت تليفون ولقيت فيه ارقام مكتوب تايقر ايوب معتز سفيان ووووو معرفتش لا تايقر خشيت ع صور ومكانش فيه شي واضح تليفون جديد كان مره مره يلامسني شعور لاشتياق ل خواتي فجأه يجيني الم في عظامي وفي عقلي ننسى حتى اسمي كملت طريق تامه ووصلنا لطريق تانيه وكانت فاضيه من اولها وخشينا وقعدنا لين وصلنا في حوازه تانيه كل لمناظر لشفتها كنت مصدومه تقول في بلد تانيه بجد هاذي ليبيا فيها اماكن هكي كيف مشدوهمش شرطه اي قوات تابعه لشرطه ااااه نسيت تايقر بروحه قال شرطه واكبر شخصيات في
في لبلاد ياخدو منهم يعني رشووووه لبلاد ضاايعه كنت مستقره بين خواتي وخدمتي وتعبي كنت نحساب دنيا حلوه مطلعتش برا وشفت صدمه وي لغولا ياكلوك باحوايجك  قعدت نراجع ونفكر ومصدومه لين خشينا بضبط ووصلنا
ليسوق شبحلي وبكل صوت رجولي قالي انزلي رجعت نظارات ع عيوني👓ونزلت بكل ثقه قايمه راسي فوق ومشيت كانو نفس شي كلاب 🐕شادينهم حارسين بيهم و حراس  وقفوني ومصدومين بنت خاشه للمكان هاذا وبلبس هاذا ومش خايفه سألني واحد ملتم وشاد سلاح انتي مني ومن طرف من جايه
كلمته بصوت كله ثقه جايه من منطقه ........ من طرف تايقر
واسعلي وخلاني نخش  خشيت ودلوني ع لمكتب فتحت وخشيت  راجل قام عيونه ويشوف لجسمي قبل وجهي ويفصل فيا بصوت رزين انتي لكلمتيني مبكري قتله اي قالي تفضلي قعمزت مقبلاته وحطيت رجل ع رجل مدلي دخان كان حشيش مش دخان🚬شميته وبعدين ولعته قالي شن تبينا نضيفوك قتله عندكم قهوه قالي اكيد ونادا ع لخادمه وقالي كيف تحبيها قتله امر من عيشتك قام حاجبه واني ابتسمت ع جنب قاللها جيبي اتنين ساده☕☕
وقالي شن عرضك وقفت ونتمشى ونحرقله في دمه وهوا يستنى فيا رجعتله وقعمزت نحيت نظارات وقربت منه عيونه في عيوني كان راجل كبير حسيته في عمر 49 50 بس واضح انه شاد صحته قتله تعطينا لمقر لفي امريكيا باش نستوردو الممنوعات وندسوهم غادي ونبيعو براحتنا قالي ههه تعرفي كم بيكلفكم ضحكت وقتله بنسبه ليا مش ح يكلفني شي غير عمرك توتر من كلامي قالي لمقر مش ح نعطيكم شي لين تعطوني مزرعتكم
قتله ههههه شن لفايده قتله باهي شرايك قالي شني؟؟؟؟؟  خشت لخادمه قاطعتنا حطت لقهوه وبتطلع قتلها لو سمحتي شافتلي قعدت نتكلم معاها وهيا حسيتها مش فاهمه تلفتتله نبي تفسير قالي هاذي اجنبيه مش عربيه اووو ذكرت اني قاريه نص جامعه ونحب للغات وحافظه لانجليزي فاتكلمت معاها بكل طلاقه نترجملكم::::::
هل هناك مفتاح لهاذا الباب  قالت نعم انه بجانب سيدي التفت اليه ورأيته قلت لها شكرا لك ابتسمت وطلعت ....هوا قعد يشوفلي ويسأل علاش نسأل ع مفتاح لباب بلمح لبصر بسرعه صاروخ خديت لمفتاح وسكرت بيه لباب بهلبا طقات وحطيته في صد ... وجريت سكرت روشن ونزلت ستار هوا تلخبط وخاف قام سلاحه في وجهي ويهدد لو قربت منه ح يقتلني نفس لابتسامه البرود ع وجهي ضحكتله ضحكه مخيفه وقربت واني نتمايل دفيت كرسيه وطبست عليه وتيشرت من جيهة..صد...تعرى وهوا قعد يشوف جبدت منه لمسدس ولوحته لوطه  قتله تعرف اني نقدر نقتلك توا وانت في مكتبك وميندريش عليك حد  وقف وكان يحاول يضربني بس ههه علي العقرب وانت شيباني دفيته دفه قويه طاح ع كرسيه قعد ينادي بس للاسف كان يقوللهم لحراسه لما يجي حد  مفيش حد يقعد قريب من مكتبي يعني ماسمعه حد شفتله بعيون تتشمت فيه قتله توا عندك خيارين توقع ع لوراقي وتتنازل ع لمزرعه او لمقر او شن هوا لعندكم في امريكيا ومتاخدش لافلوس ولامخدارات ولانخليك توقع غصبا عنك وفوقها نقتلك يعني توقع وتعطيني مفاتيح ووراقي وكل شي يخص مشروعكم لفي ام.... ونخليك ومش ح نأذيك عندك خمسه ظقايق ودرتله باايدي خمسه ..خمسه تفكر بس او وخرت عليه خديت لقهوا شربتها ولعت دخاني بدي تليفون يتصل تايقر ويعاود كان بيهبل ويعرف تمت سفقه ولالا بس مبيتش نرد عليه اما العجوز الشايب لقدامي كان يدور امين ايسار ويشوف يبي يلقى حاجه يضربني يبي يدير اي حركه باش حراسه يجوه ويعرفوه في خطر بس مسكين كنت مسكرا عليه كل شي مخليتلاش شي قالي لو ماوافقتش شن بديري ضحكت😆وخديت ايده باكل حنيه حطيتها ع رجلي وحطيت سبسي فوق ايده طفيته فوق ايده حرقته🔥🚬😆
كان يعيط واني نقوله مش ح يسمعك حد كله مسكر وحراسك لوطا منغير ماتعب احبالك الصوتيه وهوا كان في حاله قتله هي تم وقت لبصاره وضحك وخديت لمسدس وسحبته عليه قتله قدامك اقل من دقتين توقع لوراقي كلهم وحطيتله لوراقي والبيرو وهوا يشبحلي.  قالي مش ح تقدري تقتليني لانه بيسمعو صوت رصاصه وبيجو يهاجموك قتله مش مهم وقتها بتكون ميت واصلا لو قائد لحراس مات لحراس كلهم بيفشلو وتايقر ح يجي ياخدني منهم وممكن يبدو يخدمو معاه سكت وقعد يفكر ولواراقي قدامه فاتو دقيقتين وقتله شكلك مستعجل ع لموت وبديت نحسب 10,,,9...8وهوا وجها ولااحمر ولما عرف انه وصلنا لوقت الجد بدي يوقع واديه يرعشو📝📝.7..6...5,,,,4,,,,,3.  2,,,,,,,1 ستووووب هوا لوح لبيرو وتكا فاشل ويرعش مع بعضه شفت لوراقي كلهم موقعين جبدت البصامه وقتله ابصم حط صبعه وبصم ع لوراقي كلهم قتله شطور علاش تعبتني  نضت جمعت لوراقي وشديته من سوريته خبطته خبطه قويه لين دمه سال واغمى عليه لبست نضراتي ونزلت💪🔥واني اشعر بانصر ركبت في سياره ورجعنا مكانا ننعرفش شن صار بعدها هل ركبو لحراس يشوفوه مات نشل منعرفش كل نعرفه اني مسيطره وقدرت نديرها اي قدرت وروحنا ومجرد مرجعت قلبي غم عليا وخشينا
تايقر:-علاااااش مترديش خشيت للمكتب منغير ماحتى نعبره خش وونزلت
لوحت الشنطه💼استغرب قالي هاذي شنطه فلوس وفيها مخدارات مفروض تكون عنده توا صح الا لو موقعش لوراق ضحكت😄وعطيته لوراق يشوف فيهم وعيونه بيطلعو خلاص ويقولي وقعع؟؟؟؟قدرتي دريها خش معتز شن فيه قاله تايقر وهوا مصدوم موضوع لنجرو عليه اربعه شهور دراته العقرب في يوم قالي معتز كيف قدرتي تقنعيه قتله اني عقرب ومايقدر عليا حد تايقر قالي بس كيف مخداش منك شنطه عطاك كل شي بلا مقابل قتله بضبط جبتلك وراقك ومفاتيح  ومخصرت حتى قرش رد عليا وهوا في دهشه.خطييييييره بتسمت وطلعت
تايقر:-وااااو واااو بجد
معتز:-ديما كانت ثقتي فيك كبيره ونقول انه اي قرار تاخده ح يكون لصالحنا وهاذا واحد من قرارتك علي العقرب ونجحت ممتاز
تايقر:-لالا اليوم ضروري حفله
ايوب:-اووو شكله فيه اخبار حلوه
تايقر:-اكتر ماتتوقع
ايوب:-اذن وافق ع صفقه
تايقر:-وافق وبلا خساره ماليه
ايوب:-اوو لازم ليوم حفله كبيرررره مالا
تايقر:-قول للخدم يجيبو ويعلقو زينه ويجيبولنا بنات جدد وخليها تربخ ليله🎤
ايوب:-واحلا حفله لنصرنا🔥💪
العقرب:-خشيت لدار وحسيت روحي محتاجه جرعت من كوكايين باش نرجع نركز وخديت💔ورقدت طول من تعب نضتت في ليل علي اصوات لقويه لاغاني كأنه عرس كبير نضت خديت دوش لبست جينز ازرق وكت لفوق صره لونه رصاصي وكعب احمر واستشورت شعري لتعبني من طوله مكيجت وخديت تليفون ونزلت
تايقر:-قرب وعيونه🔥واضح انه يبي شي مني وذايب في جسمي وفيا مديت ايدي✋ وبعدته  لو تبي جنازتك تطلع ليوم حاول تقرب مني قالي شن تحسابني نخاف منك وربي ندفنك في ارضك غير محتاجك ولواضح بتسهلي عليا شغلي هلبا ومن وراك كل سفقات ح نربحها قتله ايوا شطور خليك ذكي وفكر انه لو درت حاجه ح تخسر كل شي بعدين سكت وقتله شن اصوات لاغاني وصوت رجاله قالي نحتفلو بربحنا لصفقه قتله تحتفلو منغير لربحتكم قالي اهو نزلتي ومخلتيش شي فايتك دفيته دفه بسيطه ونزلت قعدت ندور ع لمكان لهما فيه نزل تايقر وخش ونزلت وراه خشيت وكانت قااااعه كبيره اكبر من صالات طاوله مستطيله طوييييييييله ميتمش طولها حاطين فيها كل ماتتخايليه من ماكله فواكه نواشف مشرويات ويسكي ومقعمزين معتز وايوب وجماعه واضحين انو هاذو هما لشادين لمكان كله ولباقي كانو فيه بنات يرقصو لابسين بدلت رقص ويرقصو ولي يدخن ولي سكران ولي يلوح عليهم في لفلوس ولي مقعمزه ع حجره ولي عيونها دموع ومتبيش لحال هاذا بس مجبوره باش متموتش خشيت بكل هيبه وقعمزت في طاوله طويله لمقعمزين فيها وكأنهم روئساء او شادين مناصب في دوله قعمزت في اخر طاوله في نص مقابله تايقر اما كل واحد يشوفلي ومصدوم نسمع فيهم يسألو كيف هاذي مش مع لخادمات ورقصات وبنات ليل كيف مقعمزه معانا في طاولتنا وكأني نقصت منهم ناض تايقر احم نسيت نعرفكم شريكتنا الجديد اسمها اريج وملقبينها بالعقرب اني لما سمعت اسم اريج كأنه حد خدي موس وطعني في نص قلبي رجعت بيا ذاكره لخواتي وحيات اريج لبسيطه لخادمه لاكن ياناس ياااعالم مش مذكره زعمك شن اسم خواااتي حي عليا حتى اسم خواتي مش مدكراته امي وبوي وين مش مذكره شي نحاول نتفكر تجي قدامي صورت وحده من خواتي ولما نحاول نركز باش نذكر ملامحهم راسي يصدع وتغيب صوره عليا كأني فاقده ذاكره  نسيت كل لاسماء لوجوه نذكر انه واحد اسمه وسام اغتصبني بس منهوا مش عارفه سمعت تايقر يقول اول شهرين وانتي تاخدي في لحبوب ح تنسي حتى اسمك بس بعد ماتتعودي ح تتفكري كل شي بتفاصيله امتى يتمو شهرين هادو نبي نذكر شكل خواتي استحشتهم استحشتهم شن ندير خلاص بعد كل تفكير ولجهد رجعت للوقت لحالي
تايقر:-اي هيا سبب حصولنا  ع سفقه هاذي قلبي بدي يستجوب معاهم. تشوف في واحد يغمزلي او واحد يحاول يقرب بس تايقر مناعهم لانه خايف عليهم مني واني نديرلهم شي وينهو شراكه لبينهم  خديت دخان وقعمزت وفي ايدي طاسه ويسكي🚬🍻 بعدت علي طاوله ومشيت قعمزت جنب بنات ال🔞 كنت نسمع في اصواتهم وهما يقولو هاذي كيف مش حاطيتها معانا كيف تشرب ودخن في لحشيش ومفيش حد مسها شويه جت قعمزت جنبي وحده واني مش معبرا حد نشوف وخلاص قتلي وهيا عيونها يدمعو انتي جديده صح اكيده خطفوك واغتصبوك واعتدو عليك وبيخدموك تحتهم زي ماصاير فينا شوفتلها وقمت حاجبه وبصوت عالي نعم؟؟؟؟؟؟؟؟كلهم تلفت لي ويشوفولي اما لبنت تخزرطت وخافت وقعدت تشوفلي قتلي اسفه اسفه وناضت تجري ربي حرم الشرب لانه يذهب لعقل او لفكر صح بس ال مخدارات ذهبولي الضمير لانسانيه التسامح وطيبه كنت متوحشه هلبا منحسش بحد حتى الي يبكو ويشوفولي كنت مستمتعه بابكاهم المخدارات مش مجرد سهوى او ينسوك ماضيك ويرفعوك للاحلام لمخادرات يقتلو كل شي حلو فيك يخلوك تنسي روحك  وبعد كل لكلام الخفي لنسمع فيه رجعت تعشيت وركبت رقدت خليتهم يسكرو والي يدخل في البنت ولارقاصه لدار نوم🔞وكل واحد شن يدير خشيت في نوم عميييييق هلبااااااا
________،،،،،،،،،،،،،،__________،،،،،،،_____
الاء:-كانو ايامات عاديات كل يوم تتصل امنه بشرطه ويقولولها مفيش اي اثر ليها يقين كانت لاتشرب لاتاكل لاتغسل لاتطلع لاتتفرج لاتتكلم واني كنت مخليتها ولامعبرتها كنت نحسابها دايره هكي بلعاني باش تستعطفني لين زاد الوضع ع حده ومشيت ل ابله امنه وقتلها اني نعتبر فيك زي امي ونبيك تساعديني قتلي قوليلي وكنت نحكي ونبكي ونقوللها اختي فقدت عذريتها من راجل امي حطت ايدها ع فمها ونزلو دموعها وسرحت معرفتش علاش دموعها نزلو وسرحت بعدين استاقضت كنت متوقعه تتقزز منه ولاتقولي ولاتسبني ولاتقول فااسدات توقعت جتى انها تلزنا وتقولنا درتو لعار بس تفاجأت لما قتلي....البنت صغيره ومتعرفش ويامه ناس غلطو وهيا في سن لمراهقه صح  مستقبلها ضاع بس اني نعتبر فيها زي بنتي واني ح نوقف معاها وندخلها دورات ونخليها تاخد شهاده كبيره تعتمد ع روحها وتنحي كلمه ذكر من راسها كنت متفاجأه من اسلوبها وتفاهمها لكنت مكنتش حاسه انها دايره فينا جميل لانه هاذا واجبها اي واجبها لانكم مزال متعرفوش امنه من هيا بعدين قتلها راهو لاتاكل لاتشرب لاتتحرك ضعفت قريب تموت كشخت غليا وقتلي كيف تخليها هكي وكيف ماتقوليليش وقتلي بسرعه بري البسي اني طلعت لبست عبايتي ونوضت يقين قعدت دف فيا ومتبيش تكلمني ولاتبي دير شي باتكشيخ والعياط لبستها عبايتها وماطلعتها لا لما طلعت روحي  قتلي امنه قبل ناتطلعي خودي شنطه صفيره حطي فيها خوايج يقين ومستلزماتها رجعت وحطيت حوايجها وملابسها داهليه وصنتها ومزيلها ومشطتها وكش شي ونزلت وركبنا في سياره وكنت نسأل في ابله امنه وين ماشين وقتلي لمصحه نبيها تتعالج قتلها دكتور نفسي قتلي اي ةمشينا وخشينا لدكتور وكانت قي صداقه بينه وبين ابله امنه وسلمت عليه وحكتله انها لاتاكل لاتشرب لادير في شي قعمز قدام يقين وخدي ايدها قعد يضغط عليها ويشوف لعيونها تلفت وقال كيف ياامنه تجيبوها توا لبنت خاشه في حاله اكتأب وفي اواخر لاكتأب ومريضه نفسيه قلبي عصرني ع اختي قالتله شن لحل قابلها لحل انو تقعد عندي هني في لمصحه ونعالجها وحتولي احسن من لاول  قتله امنه عندي ثقه كبيره في قدراتك ابتسم وقتلي ياالاء حطي شنطتها حطيتها وطلعنا وهيا تشوفلنا مادلرتش اي رده فعل طلعت وقلبي وعقلي عندها روحت واني نقول كيف نخليها مع راجل بعدين نستعود من شيطان ونقول هاذا دكتور نفسي مش ح يضرها امنه خلصت لمصحه مقدما كلمت لقمان وحكيتله وقعدت نبكي طبعا مقتلاش اختي غلطت مع راجل امي ....نحس انه لقمان هوا ليحبني هوا لمساندني وغياب اختي كسرلي ظهري مش عارفه كيف ندير  مشت لايام عاديه وفاتو خمسه واربعين يوم وقررت نقول ل امنه ترفعني نزور اختي وقالت باهي لبست ومشيت اني وياها نسمع في صوت ضحكتها من لممر اي هاذي ضحكت يقين البريئه يقين صغيره لدخلت امها راجل غريب وهيا حازنه ع بوها لتحبه هلبا امها لتسب وتضرب فيها وكأنها مش بنتها خشينه ونصدمت في يقين كان وجهها منور ضحكتهت طالعه من القلب سامنه هلبا مفيش ارهاق تحت عيونها مفيش شي اول ماشفتني قلبت عليا وجها معرفتش سبب بس ممكن لانه عاملتها مش كويس في لوقت لمحتاجه ليا خشينا قعمزنا ودكتور قاللها تقدري تطلعي يقين ابتسمت امنه وقتله شن سبب ضحكه هاذي قاللها لبنت لو كنتو تأهرتو عليها شويه كانت ح تنتحر قال انها كانت حالتها متأزمه بس كنت نعطي فيها في دوا ضد لاكتأب ونرفع فيها في صبح للبحر تعيك تخبط تتحسب قي امها وراجل امها طلع في كل التاقه سلبيه وتروح  درتلها نظام غدائي وجدول يومي ترسم وتغني وتتفرج قاللها اني مش من حقي نطلع مريضه عندي بس لانها من طرفك ياامنه قتله شكرا دكتور مقصرتش بس امتى نقدرو نطلعوها قال حتى مت توا بس هيا حسيتها مزال تبي تقعد العشره لايام لجايه اسجلوها خروج فرحت بالكلمه هاذي وستأذنا وطلعنا ولقيناها مقعمزه في جردينه لخاصه بالمصحه وتضحك وتنكت وفيها بنات معاها غريب يقين كانت انطوائيه متكلمش في حد لا بسيف كانت طفله ولاكأنها كبيره طلعنا ورجعنا للحوش وقلت للقمان وفرح معاااي هلبا امنه مقصرتش دفعت عليها فلوس يافلوس باش رجعت يقين لطبيعتها ومرو لايام وروحنا بيقين في لاول مكانتش تبي تكلمني بعدين جت حضنتني وقعدت تبكي امنه شرتلها تليفون وشفره وكل شي جديد وتغيرت حاله يقين هلبا بس جرح انها معادش بتتزوج قاعد في قلبها💔واخيراااااا واخيراااااااااا كلمني سراج اي متنصدموش سراج قتله انت ويييييين ليك وقت مسكر تليفونك قالي ليا شهر ومعاها قريب شهرين واني في لاردن امي مريضه  وكنت نديرلها في عمليه واخيرا واخيرا رجعنا بيها بسلام قتله سراج انت مش عارف شن فيه قالي لا شن فيه سامحيني تليفوناتي وكل شي مقفل  وملهيتش بشي غير امي قتله اريج من شهرين خطفوها ومعادش نندرو عليها بكل نصدم وسكت وقعد يكلم فيا بكلام مش مفهوم اريج خطفوها لدرجه اهيا كنت حاصل مع امي مش جايب لدنيا من خبار وين وكيف ولازم ندورو عليها ونفتحو محضر قتله مش لازم كلنا درناه ومفيش اي خبر عليها نستنو في رحمه ربي بس ......
يتبع.........في الحلقه(17)
متنصدموش كيف سراج تأثر حب سبعه سنين مش ح يمشي في شهرين💔
رأيكم بالحلقه؟؟؟؟؟
استغفر الله العظيم واتوب اليه
#استغفرو😍
الكاتبة:-تاج الورفلي👑