العقرب ( روايات ليبية )

حلقة 17 🔥

رواية
#العقرب🔞🔥🚬
الحلقه(17)
الكاتبة:-تاج الورفلي👑
سراج تأثر
الاء:-كنت نكلم في سراج وكان متأثر هليا سألني انو ملاك تعرف ولالا قتله اي تعرف وكل يوم تكلم فيا وتبي تطمن بس كنت نرد بامفيش خبر تتأثر وتقعد تبكي وتقولي مش مسامحه نفسي ولامسامحه اي حد أذاها في يوم  كنا نبكو مع بعض لين تم لمكالمه وهيا تبكي  قالي سراج اني مش عارف شن دير قتله اصلا معندكش شن دير لانه فاتحين محضر وشهرين مفيش اي خبر عليها
-------
سراج:-نزل الخبر عليا زي صاعقه كنت في لاردن نعالج في امي شهرين واني متقطع امين ايسار من مستشفى لعياده لعمليه لايجار ل اختي لميت حاجه نسيت حتى اني نفتح نكلم الاء ونسأل ع اريج ولواضح خلاص مشت مني💔لو كنت بنعرف انك بتبعدي ياااريت ماقتلك منبيش شغاله ياريت ماقتلكش كلمه جرحاتك يااريج مهما يختلطو عليا اشكال وانواع البنات انتي ح تكوني خاتمه قلبي ✋وزدت ضايقت لما عرفت لحقير سعيد انه لزهم وخدي يمرح بارزقهم كان خاطري نمشيله ونخنقه ونطلع روحه بس لالا ياسراج انت امك مريضه ومرات يشكي فيك من بيدير باله ع امك لاكن توا نخدم هاله سكرت من الاء واني قلبي متقطع خشيت ل امي وقتلي.ياسراج خيره وجهك مقلوب قتلها مفيش شي امي قتلي احكي احكي اني امك ونعرفك ومنغير مانحس بروحي لقيت روحي تحت رجليه ودموعي ينزلو اني سراج لعمره دموعي منزلو نزلو ليوم ع اريج ع اريج لمش عارف انهم قتلوها ولاقاعده حيه معادش عرفت شن ندير امي قتلي شن فيه رديت عليها وقتلها كنتك خطفوها ماحلاها طلعت مني كلمه كنتك يااارب مزال نبيها ومزال ناوي الحلال معاها...امي حطت ايدها ع فمها وقتلي يالطيف امتى صار هاذا كله قتلها لما سافرنا مكانش ع امي لا انه تدعيلها انه ربي يرجعها وتحط ايدها ع راسي وتقولي ربي يبرد قلبك ياوليدي طلعت من امي منهار  بس مسكتش مع انه تعب سفر وقداش ليا مرقدتش كويس بس طلعت وكلمت صحابي اواحد من صحابي شرطي وبدينا ندورو في لحياش نسأل في شوارع نعطو في اسمها وشكلها لا ليل نرقده ولانهار ضعفت نسليت واني ندور عليك يااريج في لمطر وصقع نجري من سياره لسياره نتخيل فيك واقفه وماده ايدك وتقوليلي بصوت معبي دموع سراج تعالى انقدني راني غاارقه ذنوب ومعاصي ونمشيلك نجري وفجأه تختفي وتكرر كل هاذا ايام واني نحلم انك تجيني وتقوليلي متيأسش ياسراج راني قريبه منك امس كنت دور فيا في منطقه هاديكا فيها اني ياسراج ونوض مخلووع ونقول اما منطقه مشيت لهلبا مناطق ونكلم صاحبي واني نرعش من مدت ايدك ودموعك لينزلو ونقوله راهو حلمت بيها قتلي وقتلي ويقولي اما منطقه ياسراج حني مخلينا شي من طرابلس ل تاجوراء ل قرقارش ل زواره قاربولي قصر خيار مخليناش مكان ونتنفس بعمق ونقول شن بنرد عليها لما بتجيني في لحلم مره ثانيه ونلوح تليفون ونرقظ ونحلم بيها تبكي وتتوسل نطلعخا وتقولي اني تقززت اني ربي مش راضي عليا وع لندير فيه بس هادا كله منهم مش قادره نتحكم في روحي ونوض من لحلم لين مرضت نفسيا فات شهر ونص وفشلت مشيت لمصراته بنغازي كل لاماكن تعبت صحابي تعبت اني امي تقولي غير كول ياولدي راك بطيح من طولك بعد لفتره هاذي كلها وينك يااريج معقوله تقول لارض نشقت وبلعاتك؟؟ قعمزت حاط ايدي ع راسي وخشيت دوشت وصليت حتى صلاه فتتها من كترت اني مش فاضي نصلي استغفر الله العظيم ربي يرجعهالنا عن قريب وبعد كل هاتعب حطيت للحمل ع ربي ونشالله خير بس تفجأت في ملاك كانت تتصل وتبكي تزيد تعب فيا وتحطم في نفسيتي مش عارف شن نقوللها نخفف عليها واني بروحي نبي من يخفف عليا خلاص رجعت لخدمتي وامي بخير ومرام جامعه وكل فتره بيني وبين ملاك والاء اتصلات بالك في حد سمع علي اريج حاجه
------------
الاء:-يقين ولت كويسه هلبا وبدينا جامعه ولاسبوعين لبعدها بيبدو البنات مدرسه يقين تغيرت هلبا مع العلاج النفسي وفاتت امور الولاد ولمواضيع هاذي  نوض الفجر نلقاها تصلي وتقرأ في القرآن نرتاح ونطمن عليها بدت ماشيه في طريق ربي امنه امنه ملاك من السماء كانت تقدر تلزنا صح متقدرش لانه بينا وبينها عرق حن ودم💙مفيش حد يعرف الا اني حتى اريج متعرفش بس دعمت يقين ومخلتهاش تتحطم نفسيتها حطت خواتي في مدارس جنبنا خاصه وقبل موسم الدراسه طلعت هيا وحني دفعت في هداكه ليوم فلوس يافلوس كلنا خدينا حوايج جدد كنادر بدلات ميك اب اكسسوارات كل مانحتاجوه وكنت نراقب فيها كل مانبتسمو تضحك بعيون فرحانه وكأنه تزهر في قلبها ورده روحنا وضحكنا وشفنا لحوايج الجدد لشرتهولنا وقسناهم وصورنا ورديناهم كانت في كل لحظه فرح كنت نحزن ع اختي اريج بس نفوت ونقول هليها ع ربي بدي موسم دراسه وبدينا نقرو جامعات ومدارس وفي يامات الجمعه طلع فينا امنه وتدهور بينا وكانت تقول لو تطلعو من لحوش ممكن نهبل منكترت ماتعودت عليكم   ابتسمت وحسيت بحبها اتجاهنا كانت لحياه عاديه نروحو نلقو شغالات مطيبيلنا نتغدو ونرقدو ونوضو وامنه شرتلي سياره ع ذوقي باش.
نوصل خواتي ونوصل فيهم ونرجع لجامعتي عشنا احلا ايامنا عند امنه مكانش ناقصنا شي غير اريج وبابا الله يرحمه💔 وفات لوقت وشهور وجت في يوم امنه جمعتنا كلنا في صالون وقالت
امنه:-يارانا ورانيا في ليوم لجابتكم اريج لحفله لدرتها شافتكم صاحبتي وقريب هبلت فيكم وقالت نبيهم زوز لولادي وهيا نفسها لسلمتو عليها امس ولما عرفتكم انكم هني وسامحوني قررت نحكيلها شن صاير وشن جابكم هني قتلي كلميهم لو يبو نخطبهم لولادي واني منقدرش ندير شي الا بموافقتكم
رانا:-به كم اعمارهم وشن يخدمو
امنه:-واحد اسمه زيد وتاني زياد زيد عمره 28سنه يخدم دكتور  وزياد 25 مهندس وبانين فوق امهم وحالتهم لماديه كويسه وزي الغزلان
رانيه:-شافت ل الاء وقالت اريج مهناش وحني كيف بنتزوجو
الاء:-دموعي خانوني ونزلت دمعتي بس قعدت في حرب ذاخلي ونقول خلاص اريج راحت منه ادعمي خواتك وزوجيهم وتهني عليهم حتى لما ترجع اريج تكون متنهيه ع خواتك وبعد كل تفكير تكلمت وقلت يارانا ويارنيه لحياه فيها حياه وموت منعرفوش شن صاير في اريج مرات حتى ميته ولما قلت لكلمه هاذي كلهم بدو يبكو ومن بينهم امنه مسحت دموعي وقلت معليناش غير دعاء ونكون اقوياء بس متعرفوش مرات مترجعش متحرموش روحكم من فرحه العمر وكملو حياتكم
امنه:-ونعم بالله وهاذا نفس شي لنبي نقوله يارانيه متفهموش انه اني منبيكمش راهو مش مثقلين عليا في شي وفرحانه بيكم وهاذي سنه الحياه معندناش من وين بنهربو من الواقع
الاء:-كلام ابله امنه صح
رانيا شافت لرنا 
رانا:-اوك معندناش مشكله لمهم يكونو ولاد حلال وتشوفوهم قبل
امنه:-يعني موافقين؟؟
رانيه:-نشوفوهم قبل
امنه:-خدت تليفونها وتصلت
صفيه:-اهلا امونه
امنه :-لبنات وافقو بس قالو نشوفوهم قبل
----------------+-
الاء:-وفيسع ماحسيت بشي امنه كلمت صحبتها وجو زياد وزيد جايبين شكولاته وعصير وورد وبكلاوه ورانا ورانيا لبسو عبايات ودارو مكياج خفيف امنه رحبت بيهم في لمربوعه وشويه خشت رانا بسفره القهوى ووراها رانيه باسفره الحلويات واول ماخشو عيونهم قلوب قلوب طلعت امنه وقعدو هما و💙قريب نص ساعه وكل وحده طلعت وجها تضحك رانا تقول ياحليلي ع لجمال ورزانه والهيبه وشخصيه ونفس شي رانيه قريب ماتو فيهم وعطو موافقتهم التامه ل امنه واني فرحانه ونصفق امنه نسمع فيها تكلم في صفيه وتقوللها لبنات وافقو امتا بتجي تخطبي قلتلها لخميس الجاي فاضين قلتلها اي قلتلها لخميس نكونو عندكم ردت امنه ع بركه الله نشالله وسكرت .شويه جتني رانا وجهها حزين قتلها خيرك رنا قتلي بوي وامي ميتين ومعندناش عمام وخوالي منعرفهمش بااهي من مني بيخطبونا سمعتها امنه وجت حضنتها وقتلها اني امك وبوك وخالتك وعمتك ولي تبيه وح يجو يخطبوك مني سألتها اني قتلها ابله امنه مني جينا خواتك مشفناهمش قتلب خواتي يسكنو بعيد عليا ويجو لما ندير حفله ولا لمه بس ويروحو قتلها يعرفو انك معشيه بنات غريبات معاك في لحوش مقالولكش شي قتلي انتو اولا مش غريبات وخواتي اريج ... ............. شويه وامنه سكتت كانت بتغلط وبتقولها بتقوول سر لكاتماته سنين الي لو عرفاته اريج ح تنهار ..قتلها اريج شني؟؟؟قتلي وهيا وجها احمر بمعنى اريج اختكم كانت كويسه وخدمتني واني مستحيل نفرط فيكم تانيا خوتي وخواتي معمرهم دخلو فيااااا بكل ولاح يدخلو وطلعو لافكار السلبيه هادي من دماغكم وتوا يلا نطلعو مزال يومين ع لخميس شويه ضحكت رنا ضحكه من القلب وطلعت تجري قلت ل امنه به صفيه صاحبتك متقولش كيف ناخد بنات معندهمش لا عمام ولاخوال ولامعروفين مني تنهدت وسكتت واني كنت عارفه لايجابه صحيحه ومتأكده صفيه تعرف سرنا بس مجاوبتنيش امنه وبعد دقايق قتلي صاحبتي مش من نوع لدقق تحب لبنت لهاديه لخجوله وشافت شي هاذا في خواتك وتبيهم وربي يكمل ع خير وقبل ماتكلم كلامها لقيت لعرايس زوز لابسين😂😂😂😂تفضلو
امنه قالت مه بنطلعو نشرو مفيش وقت وطلعو هما وامنه وروحو بالمحلات كلهم😅شرو بدلات زوز نفس بعض زوز تواكم فضه اااااه نسيت نقوللكم كانت خطوبه وتلبيسه مع بعض لانه مستعجلين لمهم حلويات بكلاوى يعني كل حاجه نحتاجوها في تلبيسه وهما فرحانات وخدو قلبي بفرحهم💙 تاني يوم جت صفيه خدت مقاس صوابع خواتي لذبله وروحت  وبدت امنه وشغالات يضمو وينكتو وتو لحجات ومرو اليومين ومن صبح جت ملاك وام سراج وزوز من خوات امنه وبعد تقديم وكل شي جت صفيه وبناتها التلاته واختها وامها لهيا حناهم وعمتهم جو ورحبنا بيهم وكلمه مني هني وكلمه من غادي وامنه تبخر وحني نلبسو نزلنا وخشت رانيا ورنا وكنت نبخر فيهم ونقرا في القرأن عليهم وكأنهم بناتي مش خواتي خديت مكان اريج.💔  وخشو وصفيه عيونها قلوب قلوب علي خواتي توا حني مش غرور لاكن الله يبارك ع جمالنا بيوضه وعيون كبار وشعرنا طويل هلبا لتحت ركبه يعني في قمه لجمال طالعين لبابا الله يرحمه خشو وبدو يهدرزو وفرقنا عصير فرش وشكلاته�
وبعدها سفره كبيره نصها قهوه ونصها شاهي وبكلاوى وحلويات☕🍵🍧🍰وناضو يوغرطو ويصفقو ويصورو ولبستهم صفيه الذبلات💍💍 وقصو تورته🎂 ويصورو ويهدرزو وتعرفو ع ملاك  ولطفيه ومع لهدرزه تزيد صفيه تنعجب بخواتي واسلوبهم وخجلهم وهما ياريتك حايطه بيهم لسانهم اطول من ايدي .😂✋ وخلاص بعد دوه الكثيره حطينا العشي🍗🍛🍲🍢 وفواكه🍒🍊🍏وحطينا العشي ل سراج وزيد وزياد وقمنا لبوهم ولباقيت رجاله لبرى شويه نصدمت قالت صفيه ياامنه ولادي بيسافرو وحني مستعجلين خلي الشهر الجاي العرس خواتي كلهم نصدمو نضت بما اني اختهم لكبيره قتلها اني معنديش مانع بس شهر شويه امتى لفضانيه وامتى بنلقحو ناخدو حجات ونحجزو ونباتاتو والله شويه لوقت وزوز بنات راهو مش وحده صفيه قتلي يابنتي الفضانيه سبوع لجاي والبتات ماهو صعب في يومين تشري كل شي قعدت نشوف مشي قتلي امنه خلاص يابنتي متعكليهاش ويسدنا لوقت توكلت ع الله وسكتت  وفات يوم متعب علياا جدااااااااا وفي كل لحظه نشوف في اريج مقعمزه بيناتنا وفرحانه ااخ يااختي💔 رانيا ورانا نفخولي راسي ويتجكترو ويصورو بذبله دارو العار عاد فرحانين بطروف لحصلوهم😂💍
رقدت تعبانه بنموت وصبح لقيت الشغلات يضمو ويسيقو نضت درت لفطور اني وقعمزت وجت امنه وفطرنا  وقعمزنا مع خواتي عاد دوتنا متمش هديكه شن لابسه هديكه شن جايبه هديكه تشوفلي بسم كانو يتكلمو ونشوف في يقين كسرة الخاطر في عيونها وكأنها تقولي اني اني معمريش ح نكون عروسه💔معمريش ح نجرب الذبله في ايدي ونتجكتر بيها ع صحباتي معمريش ح نلبس لابيض ونجرب شعور لعروسه وهيا فرحانه وهيا متوتره وهيا ترعش من ليله دخولها ..قلبي تقسم نصين ومالقيت مندير غير انه نقولو حسبي الله ونعم لوكيل فيك ياسعيد ربي ياخد لحق وعاد فطرنا من هني وطلعنا من هني ومانشوف غير امنه طلع من لخزنه في ربطات الفلوس الله يبارك نشالله كلنا يغنينا ربي لفلوس لكانو عندها يبنو قصور في ليبيا طلعنا وشرينا وروحنا وطلعنا اسبوع تام معنديش حتى وقت نحك راسي وجي يوم لفضانيه واني من صبح نبكي ونغرد وتقولي امنه خيرك ياالاء نقوللها به تلبسه انتو لسترتونا باهي هاذي فضانيه رجاله من بيمشي ابتسمت وقالت وخوتي لولاد وين وخوالي قتلها خايفه تصيرلك مشكله ويقولولك حني شن دخلنا فيهم منعرفوهمش تلفتت وقتلي لفلوس يخلو كل شي تحتك وكانت نضرتها نضرت حزن وعرفت انه في موضوع بدينا نطيبو ونوتو وجو رجاله من طرف امنه وقلنالهم اول شرط رانيا ورنا ميبطلوش قرايه مزاللهم سنه ويتخرجو حرام يضيعوها وبدو يجو رجاله للمربوعه والواضح انه صفيه حكيه لرجالتهم انه حني يتامه لانه مسمعتهمش قالو وين بوهم ولاخوالهم وكانو يتناقشو مع خوت امنه كأنهم خوالنا ولاعمامنا ولاخوتنا وبدي لحذيث يعلا وضيافه تخس وسراج كل مره يبعتلي يقولي متفقوش خيرهم صاعبين خوت امنه ويبدى قلبي يضرب منبيش تنتهى فرحت خواتي وبعد قريب تلاته ساعات من لكلام ولمناقشه وصلتني رساله من سراج وقال الف مبروك ليهم الرجاله فضو ولعرس سبوع الجاي طلعو سوابيت من هني رجاله ورز وكله وبدو يزغرطو العيله الي مش عيلتنا ويجاملو في امنه ع فلوسها وبدو يدربكو واني شادتني العبرا اسفه ياخواتي لاامكم ولااختكم ولاخلاتكم في اليوم هاذا ونفس شي مشي ليوم متعب للغايه ورانا ورانيه مشو تبظطو امنه وحسيت في عيونها فرحه وتاني يوم من صبح طلعنا حجزنا وشرينا وقعدنا هكي منرتاحوش بكل لين جي يوم زفه💍💙 طبعا مدرناش لانجمه لاخيمه لاشي قبل ماتنقرا لفاتحه لبسو لبودري ومشو للحمام وحنو ونقرت لفاتحه وبعدها بيومين كانت الحفله
كلنا في لمزين واني نشوفلهم حبايب قلبي كبرو واولو عرايس الله يبارك ع جمالهم الله يبارك عليهم وامنه دور في لمزين وتبخر  ويمكيجو فيهم اما اني وامنه والبنات من صبح تامين وقعدنا مع لعرايس امنه قالت هي وقت اني بنمشي لصاله باش نستقبل ناسي وانتي اقعدي مع خواتك لين يجو زيد وزياد وطلعت هيا وباقي خواتي واني نستنى فيهم يتمو ومع ساعه تمانيه المغرب
يتبع.......في الحلقه(18)
بنات حسيتو انه اني نجري في لاحذاث وانتو مافهمتو شي ولاماشيه صح؟؟ياريت تجاوبوني ياش نعرف
الكاتبة:-تاج الورفلي👑